ಕಾಲು ಒರೆಸುವ ಮ್ಯಾಟನ್ನು ಸುಲಭವಾಗಿ ಸ್ವಚ್ಛಗೊಳಿಸುವುದು ಹೇಗೆ

ನಾವೆಲ್ಲರೂ ಅಡುಗೆ ಮನೆಯಿಂದ ಹಿಡಿದು ಮನೆಯ ಎಲ್ಲಾ ವಸ್ತುಗಳನ್ನು ಆಗಾಗ್ಗೆ ಸ್ವಚ್ಛಗೊಳಿಸುತ್ತೇವೆ. . ಆದರೆ ಮನೆಯಲ್ಲಿರುವ ಬಾಗಿಲ ಮ್ಯಾಟನ್ನು ನಮ್ಮಲ್ಲಿ ಹಲವರು ಸ್ವಚ್ಛಗೊಳಿಸುವುದೇ ಇಲ್ಲ. ಎರಡು ಮೂರು ತಿಂಗಳು ಆದರೂ ಸರಿ ಅದನ್ನು ಗೋಡೆಗೆ ಧೂಳು ಹೊಡೆದು  ಮತ್ತೆ ಬಳಸುವವರು ಹಲವರು. ಇನ್ನು ಕೆಲವರು ವರ್ಷಕ್ಕೊಮ್ಮೆ ಎಂಬ ಲೆಕ್ಕದಲ್ಲಿ ಪ್ರತಿ ವರ್ಷ ಹಳೆಯದನ್ನು ತೆಗೆದು ಹಾಕಿ, ಹೊಸ ಬಾಗಿಲ ಮ್ಯಾಟ್ ಖರೀದಿಸಿ ಬಳಸುತ್ತಾರೆ.ನಾವು ನಮ್ಮ ಮನೆಯನ್ನು ಎಷ್ಟೇ ಸ್ವಚ್ಛವಾಗಿಟ್ಟುಕೊಂಡರೂ ಬಾಗಿಲ ಮ್ಯಾಟನ್ನು ಸ್ವಚ್ಛವಾಗಿಟ್ಟುಕೊಳ್ಳದಿದ್ದರೆ ಎಲ್ಲವೂ ವ್ಯರ್ಥ.

ಅದೇ ರೀತಿ ಕೆಲವರು ಬಾಗಿಲ ಮ್ಯಾಟನ್ನು ಬ್ರಷ್ ಹಾಕಿ ತುಂಬಾ ಕಷ್ಟಪಟ್ಟು ತೊಳೆಯುತ್ತಾರೆ. ಆದರೆ ಇನ್ಮೇಲೆ ಯಾವುದೇ ಕಷ್ಟವಿಲ್ಲದೆ 10 ನಿಮಿಷಗಳಲ್ಲಿ ನಿಮ್ಮ ಮನೆಯಲ್ಲಿರುವ ಬಾಗಿಲ ಮ್ಯಾಟನ್ನು ತುಂಬಾ ಸುಲಭವಾಗಿ ತೊಳೆಯಬಹುದು ಗೊತ್ತಾ? ಅದೂ ಯಾವುದೇ ಕೊಳೆ ಕಲೆಗಳಿಲ್ಲದೆ. ಹಾಗಾದರೆ, ಈಗ ನಿಮ್ಮ ಮನೆಯಲ್ಲಿರುವ ಬಾಗಿಲ ಮ್ಯಾಟನ್ನು ತುಂಬಾ ಸುಲಭವಾಗಿ ಸ್ವಚ್ಛಗೊಳಿಸುವುದು ಹೇಗೆ ಎಂದು ಈ ಪೋಸ್ಟ್‌ನಲ್ಲಿ ನೋಡೋಣ.

ಬಾಗಿಲ ಮ್ಯಾಟ್ ಸುಲಭವಾಗಿ ಸ್ವಚ್ಛಗೊಳಿಸಲು ಸಲಹೆಗಳು:

ಇದಕ್ಕಾಗಿ ಮೊದಲು ಅಗಲವಾದ ಬಕೆಟ್‌ನಲ್ಲಿ ಬಿಸಿ ನೀರನ್ನು ಸುರಿಯಿರಿ. ನಂತರ ಅದರಲ್ಲಿ ನಿಮ್ಮ ಮನೆಯಲ್ಲಿರುವ ಎಲ್ಲಾ ಬಾಗಿಲ ಮ್ಯಾಟ್‌ಗಳನ್ನು ಹಾಕಿ, ನೀರಿನಲ್ಲಿ ಮುಳುಗುವಂತೆ ಇರಿಸಿ. ಸುಮಾರು ಅರ್ಧ ಗಂಟೆ ಬಾಗಿಲ ಮ್ಯಾಟ್ ಅನ್ನು ಬಿಸಿ ನೀರಿನಲ್ಲಿ ನೆನೆಯಲು ಬಿಡಿ. ನಂತರ ನೀರಿನಿಂದ ಹೊರಗೆ ತೆಗೆದು ಸಾಮಾನ್ಯ ನೀರಿನಲ್ಲಿ ಚೆನ್ನಾಗಿ ತೊಳೆಯಿರಿ. ಹೀಗೆ ಮಾಡುವುದರಿಂದ ಬಾಗಿಲ ಮ್ಯಾಟ್‌ನಲ್ಲಿರುವ ಅರ್ಧದಷ್ಟು ಕೊಳೆ ನಿವಾರಣೆಯಾಗುತ್ತದೆ.

ಇದೇ ಪ್ರಕ್ರಿಯೆಯನ್ನು ಮುಂದುವರೆಸಿ ಅದೇ ಬಕೆಟ್‌ನಲ್ಲಿ ಮತ್ತೆ ಬೆಚ್ಚಗಿನ ನೀರನ್ನು ಸುರಿಯಿರಿ, ನಂತರ ಅದರಲ್ಲಿ 2 ಚಮಚ ಡಿಟರ್ಜೆಂಟ್ ಪೌಡರ್, ವಿನೆಗರ್ ಅಥವಾ ಬೇಕಿಂಗ್ ಸೋಡಾವನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ನೀರು ಬಿಸಿಯಾಗಿರುವುದರಿಂದ ಕೈಗಳನ್ನು ಬಳಸಬೇಡಿ. ದೊಡ್ಡ ಕೋಲು ಬಳಸಿ. ನಂತರ ಅದರಲ್ಲಿ ಮೂರು ಮುಚ್ಚಳ ಡೆಟಾಲ್ ಸುರಿಯಿರಿ.

ಡೆಟಾಲ್ ಒಂದು ಸೋಂಕುನಿವಾರಕವಾಗಿರುವುದರಿಂದ ಬಾಗಿಲ ಮ್ಯಾಟ್‌ನಲ್ಲಿರುವ ಸೂಕ್ಷ್ಮಜೀವಿಗಳನ್ನು ತುಂಬಾ ಸುಲಭವಾಗಿ ನಿವಾರಿಸುತ್ತದೆ. ಅದರ ನಂತರ ಬಾಗಿಲ ಮ್ಯಾಟ್ ಅನ್ನು ಅದರಲ್ಲಿ ಸುಮಾರು ಒಂದು ಗಂಟೆ ನೆನೆಯಲು ಬಿಡಿ. ಒಂದು ಗಂಟೆ ಕಳೆದ ನಂತರ ಪ್ರತಿ ಬಾಗಿಲ ಮ್ಯಾಟನ್ನು ಸಾಮಾನ್ಯ ನೀರಿನಲ್ಲಿ ಚೆನ್ನಾಗಿ ತೊಳೆದು ಬಿಸಿಲಿನಲ್ಲಿ ಒಣಗಿಸಿ ಬಳಸಿ.

ಈ ವಿಧಾನವನ್ನು ಅನುಸರಿಸುವ ಮೂಲಕ ನಿಮ್ಮ ಬಾಗಿಲ ಮ್ಯಾಟ್ ಅನ್ನು ಕೈ ನೋವು ಇಲ್ಲದೆ ಸುಲಭವಾಗಿ ತೊಳೆಯಬಹುದು. ಈ ಸಲಹೆ ನಿಮಗೆ ಇಷ್ಟವಾದಲ್ಲಿ ನೀವೂ ನಿಮ್ಮ ಮನೆಯಲ್ಲಿರುವ ಬಾಗಿಲ ಮ್ಯಾಟ್ ಅನ್ನು ಒಮ್ಮೆ ಹೀಗೆ ತೊಳೆದು ನೋಡಿ! 

ಗಮನಿಸಿ: ನಿಮ್ಮ ಮನೆಯವರ ಆರೋಗ್ಯವನ್ನು ಗಮನದಲ್ಲಿಟ್ಟುಕೊಂಡು ವಾರಕ್ಕೊಮ್ಮೆಯಾದರೂ ನಿಮ್ಮ ಮನೆಯಲ್ಲಿರುವ ಬಾಗಿಲ ಮ್ಯಾಟ್ ಅನ್ನು ತೊಳೆಯಿರಿ.