Indo-Westren ಮೆಹಂದಿ ಲುಕ್; ಹೀಗೆ ಮಾಡಿದ್ರೆ ಬ್ರೈಟ್‌ ಕಲರ್‌ ಬರುತ್ತೆ!
ಹಬ್ಬ, ಮದುವೆ, ಸೀಮಂತ ಯಾವುದೇ ಶುಭ ಸಮಾರಂಭವಿರಲಿ ಹೆಣ್ಣು ಮಕ್ಕಳ ಕೈಯಲ್ಲಿ ಮದರಂಗಿ ನೋಡೋದೇ ಒಂದು ಖುಷಿ. ಪ್ರಾಚೀನ ಕಾಲದಲ್ಲಿ ದೇಹ ತಂಪಾಗಿಡಲು ಬಳಸುತ್ತಿದ್ದ ಮದರಂಗಿ ಈಗ ಫ್ಯಾಷನ್‌ ಟ್ರೆಂಡ್‌ ಕ್ರಿಯೇಟ್‌ ಮಾಡುವಷ್ಟು ವಿಭಿನ್ನ ಡಿಸೈನ್‌ಗಳನ್ನು ಸೃಷ್ಟಿಸಿದೆ. ಗಡಿಬಿಡಿಯಲ್ಲಿ ಮೆಹಂದಿ ಹಾಕಿ ಕೊಳ್ಳುತ್ತಿದ್ದೀರಾ? ಮಾರ್ಡನ್ ಡ್ರೆಸ್‌ಗೂ ಸೂಟ್‌ ಆಗ್ಬೇಕಾ? ಹಾಗಾದ್ರೆ ಇದನ್ನು ಟ್ರೈ ಮಾಡಿ...
ಮದರಂಗಿಯನ್ನು ಮೆಹಂದಿ ಅಥವಾ ಗೋರಂಟಿ ಎಂದು ಕರೆಯಲಾಗುತ್ತದೆ.
ಹಿಂದು ಹಾಗೂ ಮುಸ್ಲಿಂ ಸಂಪ್ರದಾಯದಲ್ಲಿ ಹೆಣ್ಣು ಮಕ್ಕಳು ಮದುವೆಗೆ ಮೆಹಂದಿ ಹಾಕಿಕೊಳ್ಳುತ್ತಾರೆ.
ರಾಜಸ್ಥಾನದಲ್ಲಿ ಮಧು ಮಗನಿಗೂ ಮೆಹಂದಿ ಹಾಕುವ ಸಂಪ್ರದಾಯವಿದೆ.
ಮದರಂಗಿಯ ಬಣ್ಣ ಹೆಚ್ಚಿಸಲು ಸಕ್ಕರೆ ಪಾಕ ಅಥವಾ ನೀಲಗಿರಿ ತೈಲ ಹಚ್ಚಿಕೊಳ್ಳಬೇಕು.
ಮೆಹಂದಿ ಎಲೆಗಳನ್ನು ನೀರಲ್ಲಿ ನೆನೆಸಿ ಆನಂತರ ರುಬ್ಬಿಕೊಂಡು ಕೈ-ಕಾಲಿಗೆ ಹಚಿದೆ ಆರೋಗ್ಯಕ್ಕೂ ಒಳ್ಳೆಯದು.
ವಿದೇಶದಲ್ಲಿ ನ್ಯಾಚುಲರ್‌ ಫೇಸ್‌ಲುಕ್‌ ನೀಡಲು ಮುಖಕ್ಕೂ ಹಚ್ಚಿಕೊಳ್ಳುತ್ತಾರೆ.
ಬೇಸಿಗೆ ಸಮಯದಲ್ಲಿ ತಂಪಾಗಿಡಲು ಪೇಸ್ಟ್‌ ರೀತಿಯಲ್ಲಿ ಮಾಡಿಕೊಂಡು ತಲೆಗೆ ಹಚ್ಚಿಕೊಂಡರೆ, ಕೂದಲ ಆರೋಗ್ಯಕ್ಕೆ ಒಳಿತು.
ಇನ್ನು ಬಿಳಿ ಕೊದಲು ಸಮಸ್ಯೆ ದೂರ ಮಾಡಲೂ ಮೆಹಂದಿ ರಾಮಬಾಣ.
ಮದರಂಗಿ ಬಣ್ಣ ಕೆಂಪಾಗಿ ಬರಲು ಬೀಟ್‌ರೂಟ್‌ ಹಾಗೂ ಕಾಫಿ ಡಿಕಾಕ್ಷನ್‌ ಬಳಸಬಹುದು.
ಮಾರುಕಟ್ಟೆಯಲ್ಲಿ ಪೌಡರ್‌ ರೀತಿಯಲ್ಲಿ ಲಭ್ಯವಿರುವ ಮದರಂಗಿಯನ್ನು ಒಂದು ರಾತ್ರಿ ನೆನಸಿಟ್ಟು, ಮಾರನೇ ದಿನ ಬಳಸಬೇಕು.
