ಮೂಳೆ ಸೇರಿ Bigg Boss ಎದುರು 3 ವಿಚಿತ್ರ ಬೇಡಿಕೆ ಇಟ್ಟ ಗಿಲ್ಲಿ ನಟ: ಇದ್ಯಾಕೆ ಹೀಗೆ ಮಾಡಿದೆ ಕೇಳ್ತಿರೋ ಫ್ಯಾನ್ಸ್​!

ಬಿಗ್‌ಬಾಸ್‌ ಮನೆಯಲ್ಲಿ 'ಗಿಲ್ಲಿ ನಟ'ನ ಹವಾ ಜೋರಾಗಿದ್ದು, ಅವರೇ ವಿನ್ನರ್ ಎನ್ನಲಾಗುತ್ತಿದೆ. ಈ ನಡುವೆ, ಬಿಗ್‌ಬಾಸ್‌ ನೀಡಿದ ಮೂರು ಕೋರಿಕೆಗಳ ಅವಕಾಶದಲ್ಲಿ, ಗಿಲ್ಲಿ ನಟ ಸಿನಿಮಾ ನೋಡುವ, ಆನೆಯ ಮೇಲೆ ಕೂರುವ ಮತ್ತು ನಲ್ಲಿ ಮೂಳೆ ತಿನ್ನುವಂತಹ ವಿಚಿತ್ರ ಆಸೆಗಳನ್ನು ವ್ಯಕ್ತಪಡಿಸಿದ್ದಾರೆ.

Image Credit : Colors Kannada Instagram

ಗಿಲ್ಲಿ ನಟನ ಹವಾ

ಸದ್ಯ ಗಿಲ್ಲಿ ನಟನ ಹವಾ ಅಂತೂ ಮುಗಿಯುವ ಹಾಗೆಯೇ ಕಾಣಿಸ್ತಿಲ್ಲ. ಎಲ್ಲಿ ನೋಡಿದರೂ ಗಿಲ್ಲಿ- ಗೆಲ್ಲಿ ಎನ್ನುವ ಮಾತುಗಳೇ. ಅವರ ಅಭಿಮಾನಿಗಳಿಂದ ಹಿಡಿದು, ಬಿಗ್​ಬಾಸ್​ನಿಂದ ಹೊರಕ್ಕೆ ಬಂದಿರುವ ಸ್ಪರ್ಧಿಗಳ ಬಾಯಲ್ಲಿಯೂ ಇವರದ್ದೇ ಹೆಸರು.

Image Credit : Asianet News

ಇವರೇ ಆಗೋದು

ತಮಗೆ ಇವರು ವಿನ್​ ಆಗೋದು ಇಷ್ಟವಿಲ್ಲ ಎಂದು ಕೆಲವು ಸ್ಪರ್ಧಿಗಳು ಇದಾಗಲೇ ಓಪನ್​ ಆಗಿಯೇ ಹೇಳಿಕೊಂಡದ್ದೂ ಆಗಿದೆ, ಇದರ ಹೊರತಾಗಿಯೂ ಇವರೇ ವಿನ್​ ಆಗೋದು ಎಂದೂ ಹೇಳಿದ್ದಾರೆ. ಆ ರೀತಿಯಲ್ಲಿ ಗಿಲ್ಲಿಯ ಹವಾ ಸೃಷ್ಟಿಯಾಗಿದೆ.

Image Credit : colors kannada

ಮೂರು ಕೋರಿಕೆ

ಇದೀಗ ಗಿಲ್ಲಿ ನಟನಿಗೆ ಬಿಗ್​ಬಾಸ್​ನಿಂದ ಮೂರು ವಿಷ್​ ಕೇಳಲಾಗಿದೆ. ಮೂರು ಕೋರಿಕೆಗಳನ್ನು ಇಡುವಂತೆ ಹೇಳಲಾಗಿದೆ. ಗಿಲ್ಲಿ ನಟನ ಅಭಿಮಾನಿಗಳು ತಾವೇ ಬಿಗ್​ಬಾಸ್​ ವಿನ್​ ಆಗಬೇಕು ಎನ್ನುವ ಕೋರಿಕೆಯನ್ನು ಇಡುತ್ತಾರೆಯೋ ಎಂದು ಆಸೆಯಿಂದ ಕಾದಿದ್ದರು. ಆದರೆ ಹಾಗೆ ಆಗಲಿಲ್ಲ. ಅಷ್ಟಕ್ಕೂ ಅಂಥ ಕೋರಿಕೆಯನ್ನು ಇಡುವ ಹಾಗೆಯೂ ಇಲ್ಲ ಎನ್ನಿ. ಇದಕ್ಕಾಗಿಯೇ ಗಿಲ್ಲಿ ನಟ ಮೂರು ವಿಚಿತ್ರ ಎನ್ನುವಂಥ ಆಸೆಯನ್ನು ಇಟ್ಟಿದ್ದಾರೆ.

Image Credit : instagram

ಮೊದಲ ಆಸೆ ಏನು?

ಅದರಲ್ಲಿ ಮೊದಲನೆಯದಾಗಿ, ಬಿಗ್‌ಬಾಸ್‌ ಮನೆಯಲ್ಲಿರುವ ಟಿವಿಯಲ್ಲಿ ಒಂದು ಒಳ್ಳೆಯ ಸಿನಿಮಾ ನೋಡಬೇಕು ಎನ್ನುವ ಕೋರಿಕೆಯನ್ನು ಬರೆದು ಬಿಗ್​ಬಾಸ್​​ ಕ್ಯಾಮೆರಾ ಮುಂದೆ ತೋರಿಸಿದ್ದಾರೆ ಗಿಲ್ಲಿ ನಟ.

Image Credit : colors kannada

ಎರಡನೆಯ ಆಸೆ ಏನು?

ಇವರ ಎರಡನೆಯ ಆಸೆ, ಬಿಗ್​ಬಾಸ್​ ಮನೆಯಲ್ಲಿ ಇರುವ ಆನೆಯ ಮೇಲೆ ಕುಳಿತುಕೊಳ್ಳುವುದಂತೆ! ಅಬ್ಬಬ್ಬಾ ಇದೆಂಥ ಆಸೆನಪ್ಪಾ ಎನ್ನುತ್ತಿದ್ದಾರೆ ಗಿಲ್ಲಿ ಫ್ಯಾನ್ಸ್​.

Image Credit : YOutube

ನಲ್ಲಿ ಮೂಳೆ ಆಸೆ

ಇನ್ನು 3ನೆಯ ಆಸೆ ನಲ್ಲಿ ಮೂಳೆಯನ್ನು ತಿನ್ನಬೇಕು ಎನ್ನುವುದಾಗಿ ಹೇಳಿದ್ದಾರೆ. ಮಧ್ಯಾಹ್ನದ ಟೈಮ್​ನಲ್ಲಿ ಬರೀ ನಲ್ಲಿ ಮೂಳೆಯನ್ನೇ ಡೈನಿಂಗ್‌ ಟೇಬಲ್‌ ಮೇಲೆ ಕುಳಿತುಕೊಂಡು ಚೆನ್ನಾಗಿ ತಿನ್ನಬೇಕು. ಬೆಳಿಗ್ಗೆ ಒಂದು ಗಂಟೆ ಹೆಚ್ಚಿಗೆ ನಿದ್ದೆ ಮಾಡಬೇಕು. ಈ ಸಮಯದಲ್ಲಿ ನನಗೆ ನಾಯಿ ಬೊಗಳುವ ಸೌಂಡ್‌ ಬರಬಾರದು ಎಂದಿದ್ದಾರೆ ಗಿಲ್ಲಿ. ಅಷ್ಟಕ್ಕೂ ಗಿಲ್ಲಿ ನಟ ಫೇಮಸ್​ ಆಗಿದ್ದೇ ನಲ್ಲಿ ಮೂಳೆ ಎನ್ನುವ ಅವರ ಯುಟ್ಯೂಬ್​ ವಿಡಿಯೋದಿಂದ. ಇದೊಂದೇ ವಿಡಿಯೋ 20 ಮಿಲಿಯನ್​ಗಟ್ಟಲೆ ವ್ಯೂವ್ಸ್​ ತಂದುಕೊಟ್ಟಿತ್ತು.