ಇಲ್ಲಿ ಒಂದೇ ರಾತ್ರಿಗಾಗಿ ಮದ್ವೆ ನಡೆಯುತ್ತೆ… ಮರುದಿನ ಪತಿ -ಪತ್ನಿ ಬೇರೆಯಾಗ್ತಾರೆ

ಜಾತಿ, ಧರ್ಮ ಅಥವಾ ಸಮಾಜವೇ ಆಗಿರಲಿ, ಮದುವೆಗೆ ಎಲ್ಲಾ ಧರ್ಮಗಳಲ್ಲೂ ವಿಶಿಷ್ಟವಾದ ಸ್ಥಾನವನ್ನು ನೀಡಲಾಗಿದೆ. ಅದು ಜೀವನದ ಒಂದು ಭಾಗವಾಗಿದೆ ಮತ್ತು ಭಾರತದಲ್ಲಿ ಅದನ್ನು ಏಳು ಜನ್ಮಗಳ ಅನುಬಂಧ ಎಂದು ಸಹ ಕರೆಯಲಾಗುತ್ತದೆ. ಇಲ್ಲಿ ಏಳು ಸುತ್ತುಗಳನ್ನು ತೆಗೆದುಕೊಂಡ ನಂತರ, ಅಂದರೆ ಸಪ್ತಪದಿ ತುಳಿದ ನಂತರ ವಧು ಮತ್ತು ವರರು ಏಳು ಜನ್ಮಗಳ ಕಾಲ ಪರಸ್ಪರ ಒಟ್ಟಿಗೆ ಇರುವುದಾಗಿ ವಚನ ನೀಡುತ್ತಾರೆ. ಆದ್ರೆ ಎಲ್ಲಾ ದೇಶದಲ್ಲಿ ಇದೇ ಸಂಪ್ರದಾಯ ಇರಬೇಕು ಎನ್ನಲಾಗೋದಿಲ್ಲ.

ಭಾರತದ ನೆರೆಯ ದೇಶವಾದ ಚೀನಾದಲ್ಲಿ ಮದುವೆಯ ವಿಚಿತ್ರ ಸಂಪ್ರದಾಯವಿದೆ (weird tradition). ಇಲ್ಲಿ ವಧು-ವರರು ಕೇವಲ ಒಂದು ರಾತ್ರಿಗಾಗಿ ಮಾತ್ರ ಮದುವೆಯಾಗುವ ಸ್ಥಳವಿದೆ ಎಂದು ತಿಳಿದರೆ ನಿಮಗೆ ಆಶ್ಚರ್ಯವಾಗಬಹುದು. ಈ ಅದ್ಭುತ ಸಂಪ್ರದಾಯದ ಬಗ್ಗೆ ಇಂದು ನಿಮಗೆ ಮಾಹಿತಿ ತಿಳಿಸುತ್ತೇವೆ ನೋಡೋಣ.

ಇಲ್ಲಿ ವಿವಾಹವು ಕೇವಲ 1 ದಿನಕ್ಕೆ ಮಾತ್ರ ಸೀಮಿತವಾಗಿವೆ 
ಚೀನಾದ ಶಿಲ್ಲಿಂಗ್ ಕಣಿವೆಯಲ್ಲಿ ವಾಸಿಸುವ ಜನರು ಮದುವೆಯ ಈ ವಿಶಿಷ್ಟ ಸಂಪ್ರದಾಯವನ್ನು ಅನುಸರಿಸುತ್ತಾರೆ. ಅಲ್ಲಿ ವಧು ಮತ್ತು ವರರು ಒಂದು ರಾತ್ರಿ ಗಂಡ ಮತ್ತು ಹೆಂಡತಿಯಾಗುತ್ತಾರೆ. ಇಷ್ಟೇ ಅಲ್ಲ ಇಲ್ಲಿ ಮದುವೆಯಾಗುವ ರೀತಿ ಅಂದರೆ ವರನ ಅನ್ವೇಷಣೆ ಮಾಡುವ ರೀತಿ ಕೂಡ ವಿಶಿಷ್ಟವಾಗಿದೆ.
 

ವರ ಅನ್ವೇಷಣೆಯ ಸಂಪ್ರದಾಯದ ಬಗ್ಗೆ ಹೇಳೋದಾದ್ರೆ ಹುಡುಗಿ ತನ್ನ ಸಂಗಾತಿಯಾಗಿ ಇಲ್ಲಿ ಯಾವುದೇ ಪರಿಚಿತ ವ್ಯಕ್ತಿಯನ್ನು ಆಯ್ಕೆ ಮಾಡುವುದಿಲ್ಲ, ಬದಲಾಗಿ ಇಲ್ಲಿಗೆ ಭೇಟಿ ನೀಡಲು ಬರುವ ಪ್ರವಾಸಿಗರಲ್ಲಿ ಒಬ್ಬರನ್ನು ತನ್ನ ಸಂಗಾತಿಯಾಗಿ ಆಯ್ಕೆ ಮಾಡುತ್ತಾಳೆ. ಇಬ್ಬರೂ ಸಂಪೂರ್ಣ ಆಡಂಬರ ಮತ್ತು ಸಂಪ್ರದಾಯದೊಂದಿಗೆ ಮದುವೆಯಾಗುತ್ತಾರೆ ಮತ್ತು 1 ರಾತ್ರಿ ಒಟ್ಟಿಗೆ ಉಳಿದ ನಂತರ, ಮರುದಿನ ಇಬ್ಬರೂ ಪರಸ್ಪರ ಬಿಡುತ್ತಾರೆ.

ಹುಡುಗಿಯೊಬ್ಬಳು ತನ್ನ ವರನನ್ನು ಈ ರೀತಿಯಾಗಿ ಆಯ್ಕೆ ಮಾಡುತ್ತಾಳೆ. 
ಶಿಲ್ಲಿಂಗ್ ಕಣಿವೆಗೆ (shilling valley) ಭೇಟಿ ನೀಡಲು ಬರುವ ಜನರನ್ನು ಆಕರ್ಷಿಸಲು ಇಲ್ಲಿನ ಹುಡುಗಿಯರು ಛತ್ರಿಗಳೊಂದಿಗೆ ನಿಲ್ಲುತ್ತಾರೆ ಎಂದು ಹೇಳಲಾಗುತ್ತದೆ. ಪ್ರವಾಸಿಗರ ಹಿಂಡು ಇಲ್ಲಿಗೆ ಬಂದಾಗ, ಅವಳು ಅವರನ್ನು ತನ್ನ ಮನೆಗೆ ಕರೆದೊಯ್ಯುತ್ತಾಳೆ. ಮನೆಯಲ್ಲಿರುವ ಜನರು ಸಹ ಪ್ರವಾಸಿಗರನ್ನು ಚೆನ್ನಾಗಿ ಸ್ವಾಗತಿಸುತ್ತಾರೆ. 

ಇದರ ನಂತರ, ಸಂಪ್ರದಾಯಗಳು ಮತ್ತು ಆಚರಣೆಗಳು ಪ್ರಾರಂಭವಾಗುತ್ತವೆ. ವಧುವಿನ ಕೈಯಲ್ಲಿ ಕೆಂಪು ಬಟ್ಟೆಯನ್ನು ನೀಡಲಾಗುತ್ತದೆ ಮತ್ತು ಅವಳು ಈ ಬಟ್ಟೆಯನ್ನು ಪ್ರವಾಸಿಗರ ಮೇಲೆ ಎಸೆಯುತ್ತಾಳೆ, ಈ ಬಟ್ಟೆ ಯಾರ ಮೇಲೆ ಬೀಳುತ್ತದೆಯೋ ಅವರನ್ನು ವರನನ್ನಾಗಿ ಆಯ್ಕೆ ಮಾಡಲಾಗುತ್ತದೆ ಮತ್ತು ಅವರಿಬ್ಬರೂ ಆಡಂಬರದಿಂದ ಮದುವೆಯಾಗುತ್ತಾರೆ.

ಇದು ಕೇವಲ 1-ದಿನದ ಮದುವೆ ಏಕೆ? 
ವಧು ಮತ್ತು ವರರು ಶಿಲ್ಲಿಂಗ್ ಕಣಿವೆಯಲ್ಲಿ ಕೇವಲ 1 ದಿನ ಒಟ್ಟಿಗೆ ಇರುತ್ತಾರೆ. ನಂತರ ಇಬ್ಬರೂ ಬೇರ್ಪಡುತ್ತಾರೆ. ವಾಸ್ತವವಾಗಿ, ಇಲ್ಲಿನ ಶಿಲ್ಲಿಂಗ್ ಕಣಿವೆಯ ಬುಡಕಟ್ಟು ಸಂಸ್ಕೃತಿಯನ್ನು (trible culture) ಅರ್ಥಮಾಡಿಕೊಳ್ಳಲು ಮತ್ತು ಅದನ್ನು ಇತರರಿಗೆ ವಿವರಿಸಲು ಹುಡುಗರು ಮತ್ತು ಹುಡುಗಿಯರು ಈ ರೀತಿಯಲ್ಲಿ ಮದುವೆಯಾಗುತ್ತಾರೆ.