ವಿಶ್ವದ ಅತಿ ದೊಡ್ಡ ನಿವಾಸದ ಯಜಮಾನಿ ರಾಧಿಕಾ; ಇಲ್ಲ, ಆ್ಯಂಟಿಲಿಯಾ ಬಗ್ಗೆ ಹೇಳ್ತಿಲ್ಲ...
ಭಾರತದ ಅತಿ ದೊಡ್ಡ ಮನೆ ಎಂದ ಕೂಡಲೇ ಮುಖೇಶ್ ಅಂಬಾನಿಯ ಆ್ಯಂಟಿಲಿಯಾ ಎಂದುಕೊಳ್ಳುತ್ತಾರೆ ಹಲವರು. ಆದರೆ, ಇದಕ್ಕಿಂತ ಬೃಹತ್ತಾದ ಮನೆಯೊಂದಿದೆ. ಇದು ಬಕಿಂಗ್ಹ್ಯಾಮ್ ಪ್ಯಾಲೇಸಿಗಿಂತಲೂ ದೊಡ್ಡದಿದೆ. ಅದರಲ್ಲಿದ್ದಾರೆ ರಾಧಿಕಾ ರಾಜೆ.
ಇಲ್ಲಿ ಕಾಣುತ್ತಿರುವ ಚೆಲುವೆ ಇರುವುದು ವಿಶ್ವದ ಅತಿ ದೊಡ್ಡ ಖಾಸಗಿ ನಿವಾಸದಲ್ಲಿ.. ಇದರ ಮುಂದೆ ನೀತಾ ಅಂಬಾನಿಯ ಆ್ಯಂಟಿಲಿಯಾ ಹೋಗಲಿ, ಬಕಿಂಗ್ ಹ್ಯಾಂ ಪ್ಯಾಲೇಸ್ ಕೂಡಾ ಚಿಕ್ಕದು.
ಹೌದು, ಬರೋಡಾದ ಗಾಯಕ್ವಾಡ್ ಕುಟುಂಬದ ಒಡೆತನದ ಗುಜರಾತ್ನಲ್ಲಿರುವ ಲಕ್ಷ್ಮಿ ವಿಲಾಸ್ ಅರಮನೆಯು ವಿಶ್ವದ ಅತಿದೊಡ್ಡ ಖಾಸಗಿ ನಿವಾಸವೆಂದು ಹೆಸರುವಾಸಿಯಾಗಿದೆ.
ಬರೋಡಾದ ಮಾಜಿ ಆಡಳಿತಗಾರರಾದ ಗಾಯಕ್ವಾಡ್ಗಳು ಇಂದಿಗೂ ಸ್ಥಳೀಯ ಜನರಲ್ಲಿ ಗೌರವದ ಸ್ಥಾನವನ್ನು ಹೊಂದಿದ್ದಾರೆ. ಪ್ರಸ್ತುತ ಕುಟುಂಬವನ್ನು HRH ಸಮರ್ಜಿತ್ ಸಿಂಗ್ ಗಾಯಕ್ವಾಡ್ ಮತ್ತು ಅವರ ಪತ್ನಿ ರಾಧಿಕರಾಜೆ ಗಾಯಕ್ವಾಡ್ ಮುನ್ನಡೆಸುತ್ತಿದ್ದಾರೆ.
ಜುಲೈ 19, 1978 ರಂದು ಜನಿಸಿದ ರಾಧಿಕರಾಜೆ ಗಾಯಕ್ವಾಡ್ ಅವರು ಗುಜರಾತ್ನ ವಾಂಕನೇರ್ ರಾಜ್ಯದವರು. ಆಕೆಯ ತಂದೆ ಡಾ ಎಂಕೆ ರಂಜಿತ್ಸಿನ್ಹ್ ಝಾಲಾ ಅವರು ಐಎಎಸ್ ಅಧಿಕಾರಿಯಾಗಿ ಸೇವೆ ಸಲ್ಲಿಸಲು ತಮ್ಮ ರಾಜ ಪದವಿಯನ್ನು ತ್ಯಜಿಸಿದರು.
Housing.com ಪ್ರಕಾರ, ಲಕ್ಷ್ಮಿ ವಿಲಾಸ್ ಅರಮನೆಯು ಬೆರಗುಗೊಳಿಸುವ 3,04,92,000 ಚದರ ಅಡಿಗಳನ್ನು ಒಳಗೊಂಡಿದೆ, ಇದು ಬಕಿಂಗ್ಹ್ಯಾಮ್ ಅರಮನೆಯ 8,28,821 ಚದರ ಅಡಿಗಳನ್ನು ಕುಬ್ಜವೆನಿಸುವಂತೆ ಮಾಡುತ್ತದೆ.
ಮುಖೇಶ್ ಅಂಬಾನಿಯವರ ಆಂಟಿಲಿಯಾ, 15,000 ಕೋಟಿ ಮೌಲ್ಯದ ವಿಶ್ವದ ಅತ್ಯಂತ ದುಬಾರಿ ನಿವಾಸವಾಗಿದ್ದರೂ 48,780 ಚದರ ಅಡಿಗಳನ್ನು ವ್ಯಾಪಿಸಿದೆ. ಆದರೆ, ಲಕ್ಷ್ಮಿ ವಿಲಾಸದ ಬೃಹದಾಕಾರದ ಮುಂದೆ ಇದು ಏನೇನಿಲ್ಲ..
ಐಷಾರಾಮಿ ಲಕ್ಷ್ಮಿ ವಿಲಾಸ್ ಅರಮನೆಯು 170 ಕೊಠಡಿಗಳನ್ನು ಒಳಗೊಂಡಿದೆ, ಇದನ್ನು ಮಹಾರಾಜ ಸಯಾಜಿರಾವ್ ಗಾಯಕ್ವಾಡ್ III 1890 ರಲ್ಲಿ ನಿರ್ಮಿಸಿದರು.
ಆ ಸಮಯದಲ್ಲಿ ಸುಮಾರು GBP 180,000 ವೆಚ್ಚ ಈ ಅರಮನೆ ನಿರ್ಮಾಣಕ್ಕಾಗಿತ್ತು.. ಅರಮನೆಯು ಗಾಲ್ಫ್ ಕೋರ್ಸ್ ಅನ್ನು ಸಹ ಒಳಗೊಂಡಿದೆ.
ಅತ್ಯಾಸಕ್ತಿಯ ಓದುಗ ಮತ್ತು ಬರಹಗಾರರಾದ ರಾಧಿಕರಾಜೆ ಗಾಯಕ್ವಾಡ್ ಅವರು ದೆಹಲಿ ವಿಶ್ವವಿದ್ಯಾಲಯದ ಲೇಡಿ ಶ್ರೀ ರಾಮ್ ಕಾಲೇಜಿನಿಂದ ಭಾರತೀಯ ಇತಿಹಾಸದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೆದರು.
2002ರಲ್ಲಿ ಮಹಾರಾಜ ಸಮರ್ಜಿತ್ ಸಿಂಗ್ ಗಾಯಕ್ವಾಡ್ ಅವರನ್ನು ಮದುವೆಯಾಗುವ ಮೊದಲು ಅವರು ಪತ್ರಕರ್ತೆಯಾಗಿಯೂ ಕೆಲಸ ಮಾಡಿದರು.
2012 ರಲ್ಲಿ ಲಕ್ಷ್ಮಿ ವಿಲಾಸ್ ಅರಮನೆಯಲ್ಲಿ ನಡೆದ ಸಾಂಪ್ರದಾಯಿಕ ಸಮಾರಂಭದಲ್ಲಿ ಸಮರ್ಜಿತ್ ಸಿಂಗ್ ಗಾಯಕ್ವಾಡ್ ಅವರು ಬರೋಡಾದ ಮಹಾರಾಜ ಪಟ್ಟವನ್ನು ಅಲಂಕರಿಸಿದರು.