ಏಷ್ಯಾದ ಅತಿ ಎತ್ತರದ ಈ ಶಿವ ಮಂದಿರದ ಕಲ್ಲುಗಳಲ್ಲಿ ಕೇಳಿ ಬರುತ್ತೆ ಡಮರು ನಾದ

ಭಾರತದಲ್ಲಿ ಅನೇಕ ಪ್ರಾಚೀನ ಮತ್ತು ವಿಶ್ವಪ್ರಸಿದ್ಧ ಶಿವ ದೇವಾಲಯಗಳಿವೆ (Shiv Temple), ಅಲ್ಲಿ ಪ್ರತಿದಿನ ಲಕ್ಷಾಂತರ ಭಕ್ತರು ದರ್ಶನಕ್ಕಾಗಿ ಆಗಮಿಸುತ್ತಾರೆ. ಲಕ್ಷಾಂತರ ದೇವಾಲಯಗಳಲ್ಲಿ, ಕೆಲವು ಶಿವ ದೇವಾಲಯಗಳು ಇನ್ನೂ ಅನೇಕ ನಿಗೂಢ ಕಥೆಗಳಿಗೆ ಪ್ರಸಿದ್ಧವಾಗಿವೆ.
 

ಭಾರತದಲ್ಲಿ ಒಂದು ಶಿವ ದೇವಾಲಯವೂ ಇದೆ, ಈ ದೇಗುಲವು ತನ್ನ ವಿಶೇಷತೆಯಿಂದ ಎಲ್ಲೆಡೆ ಪ್ರಸಿದ್ಧವಾಗಿದೆ. ಈ ದೇಗುಲದ ವಿಶೇಷತೆ ಏನೆಂದರೆ, ಇಲ್ಲಿನ ಕಲ್ಲುಗಳನ್ನು ಮುಟ್ಟಿದರೆ ಅದು ಡಮರುವಿನಂತೆ ಸದ್ದು ಮಾಡುತ್ತಂತೆ. ಬನ್ನಿ ಹಾಗಿದ್ರೆ ಅಂತಹ ಸುಂದರ ತಾಣಗಳ ಬಗ್ಗೆ ತಿಳಿಯೋಣ. 
 

ಈ ನಿಗೂಢ ದೇವಾಲಯ ಎಲ್ಲಿದೆ?
ಈ ನಿಗೂಢ ದೇವಾಲಯವು ಹಿಮಾಚಲ ಪ್ರದೇಶದ ಹಸಿರು ಕಣಿವೆಗಳಲ್ಲಿದೆ. ಇದು ಹಿಮಾಚಲ ಪ್ರದೇಶದ ಸೋಲನ್ ಜಿಲ್ಲೆಯಲ್ಲಿದೆ. ಈ ಪವಾಡ ಸದೃಶ ದೇವಾಲಯದ ಹೆಸರು ಜತೋಲಿ ಶಿವ ದೇವಾಲಯ'. ದಕ್ಷಿಣ ದ್ರಾವಿಡ ಶೈಲಿಯಲ್ಲಿ ನಿರ್ಮಿಸಲಾಗಿರುವ ಈ ದೇವಾಲಯವು ಸ್ವತಃ ಒಂದು ಪವಾಡಕ್ಕಿಂತ ಕಡಿಮೆಯಿಲ್ಲ

ಜತೋಲಿ ದೇವಾಲಯ ನಿರ್ಮಿಸಲು ನಿಜವಾಗಿಯೂ 39 ವರ್ಷಗಳು ಬೇಕಾಯಿತು
ಸೋಲನ್ ನಲ್ಲಿರುವ ಜತೋಲಿ ಶಿವ ದೇವಾಲಯವನ್ನು ಏಷ್ಯಾದ ಅತಿ ಎತ್ತರದ ಶಿವ ದೇವಾಲಯಗಳಲ್ಲಿ (Asias biggest Shiva Temple) ಒಂದೆಂದು ಪರಿಗಣಿಸಲಾಗಿದೆ. ಪರ್ವತದಲ್ಲಿರುವ ಈ ದೇವಾಲಯದ ಎತ್ತರವು ಸುಮಾರು 111 ಅಡಿಗಳು. ಈ ಅದ್ಭುತ ದೇವಾಲಯವನ್ನು ನಿರ್ಮಿಸಲು 5-10 ವರ್ಷಗಳಲ್ಲ, ಆದರೆ ಸಂಪೂರ್ಣ 39 ವರ್ಷಗಳು ಬೇಕಾಯಿತು ಎಂದು ಅನೇಕ ಜನರು ನಂಬುತ್ತಾರೆ.

ಜತೋಲಿ ದೇವಾಲಯದ ಐತಿಹ್ಯ
ಜತೋಲಿ ದೇವಾಲಯದ (Jatoli Shiva Temple) ದಂತಕಥೆಯ ಬಗ್ಗೆ ಹೇಳುವುದಾದರೆ, ಶಿವನು ಪೌರಾಣಿಕ ಕಾಲದಲ್ಲಿ ಇಲ್ಲಿಗೆ ಬಂದು ಸ್ವಲ್ಪ ಸಮಯ ವಿಶ್ರಾಂತಿ ಪಡೆದಿದ್ದನಂತೆ. ನಂತರ, ಸ್ವಾಮಿ ಕೃಷ್ಣಾನಂದ ಪರಮಹಂಸ ಎಂಬ ಬಾಬಾ ಇಲ್ಲಿಗೆ ಬಂದರು ಮತ್ತು ಅವರ ಮಾರ್ಗದರ್ಶನದಲ್ಲಿ ಈ ದೇವಾಲಯದ ನಿರ್ಮಾಣವನ್ನು ಪ್ರಾರಂಭಿಸಲಾಯಿತು.

ಕಲ್ಲುಗಳಿಗೆ ತಟ್ಟಿದ್ರೆ ಡಮರು ಶಬ್ಧ ಬರುತ್ತೆ
ದೇವಾಲಯದಲ್ಲಿರುವ ಕಲ್ಲುಗಳನ್ನು ತಟ್ಟುವುದರಿಂದ ಡಮರು ಶಬ್ದ ಹೊರಬರುತ್ತದೆ. ಕಲ್ಲುಗಳನ್ನು ಸ್ಪರ್ಶಿಸುವುದರಿಂದ ಡಮರು ಶಬ್ದವೂ ಹೊರಬರುತ್ತದೆ. ಡಮರುವಿನ ಧ್ವನಿಯನ್ನು ಕೇಳಲು ಮತ್ತು ಭೇಟಿ ನೀಡಲು ಪ್ರತಿದಿನ ಸಾವಿರಾರು ಭಕ್ತರು ಆಗಮಿಸುತ್ತಾರೆ. ವಿಶೇಷವಾಗಿ ಶ್ರಾವಣ ಮಾಸದಲ್ಲಿ ಲಕ್ಷಾಂತರ ಭಕ್ತರು ಪ್ರತಿದಿನ ಇಲ್ಲಿಗೆ ಆಗಮಿಸುತ್ತಾರೆ.

ಜತೋಲಿ ದೇವಸ್ಥಾನವನ್ನು ತಲುಪುವುದು ಹೇಗೆ?
ಜತೋಲಿ ದೇವಸ್ಥಾನವನ್ನು ತಲುಪುವುದು ಬಹಳ ಸುಲಭ. ದೆಹಲಿ, ಪಂಜಾಬ್ ಮತ್ತು ಹರಿಯಾಣದಂತಹ ರಾಜ್ಯಗಳಿಂದಲೂ ಬಸ್ಸುಗಳು ಸೋಲನ್ ಗೆ ಚಲಿಸುತ್ತವೆ. ಹಿಮಾಚಲ ರಸ್ತೆ ಸಾರಿಗೆ ಬಸ್ಸುಗಳು ದೆಹಲಿ ಕಾಶ್ಮೀರಿ ಗೇಟ್ ನಿಂದ ಚಲಿಸುತ್ತವೆ. 

ಶಿಮ್ಲಾ ವಿಮಾನ ನಿಲ್ದಾಣವು (Airport) ಹತ್ತಿರದ ವಿಮಾನ ನಿಲ್ದಾಣವಾಗಿದೆ. ಇಲ್ಲಿಂದ, ನೀವು ಕ್ಯಾಬ್ ಅಥವಾ ಟ್ಯಾಕ್ಸಿ ಮೂಲಕ ಸೋಲನ್ ಅನ್ನು ಸುಲಭವಾಗಿ ತಲುಪಬಹುದು. ಕಲ್ಕಾ-ಶಿಮ್ಲಾ ರೈಲಿನ ಮೂಲಕ ಶಿಮ್ಲಾವನ್ನು ತಲುಪುವ ಮೂಲಕ ನೀವು ಜಲೋಲಿ ದೇವಸ್ಥಾನವನ್ನು ತಲುಪಬಹುದು.