ಕರೋನಾ(Corona) ಸಾಂಕ್ರಾಮಿಕ ರೋಗವು ಪ್ರಪಂಚದಾದ್ಯಂತ ಅನೇಕ ಬದಲಾವಣೆಗಳನ್ನು ತಂದಿದೆ. 2019 ರಲ್ಲಿ ಕಾಣಿಸಿಕೊಂಡ ಈ ಮಾರಣಾಂತಿಕ ವೈರಸ್ ಪ್ರಪಂಚದಾದ್ಯಂತ ಕೋಲಾಹಲವನ್ನು ಉಂಟುಮಾಡಿದವು. ಈ ಸೋಂಕಿನಿಂದಾಗಿ ಅನೇಕ ಜನರು ಪ್ರಾಣ ಕಳೆದುಕೊಳ್ಳಬೇಕಾಯಿತು. ವೈರಸ್ ಇನ್ನೂ ಸಂಪೂರ್ಣವಾಗಿ ಹೋಗಿಲ್ಲ. ಜನರು ತಮ್ಮ ಸುರಕ್ಷತೆಗಾಗಿ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಲು ಇನ್ನೂ ಸಲಹೆ ನೀಡಲು ಇದು ಕಾರಣವಾಗಿದೆ. ಈ ಸಾಂಕ್ರಾಮಿಕ ರೋಗದಿಂದ ಬಳಲುತ್ತಿರುವ ಕೆಲವು ಜನರು ಚೇತರಿಸಿಕೊಂಡ ನಂತರವೂ ಇನ್ನೂ ಅನೇಕ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಈ ನಿಟ್ಟಿನಲ್ಲಿ ಹೊಸ ಅಧ್ಯಯನ ಹೊರಬಂದಿದೆ.

ಭಾರತದ ಆರೋಗ್ಯ ಸಂಶೋಧನಾ ಸಂಸ್ಥೆ ಐಸಿಎಂಆರ್ ನಡೆಸಿದ ಅಧ್ಯಯನವು ಹೃದಯಾಘಾತ ಮತ್ತು ಕೋವಿಡ್ ಚೇತರಿಕೆಯ ನಡುವಿನ ಸಂಬಂಧದ ಬಗ್ಗೆ ತಿಳಿಸಿದೆ. ಕೋವಿಡ್-19 ಮತ್ತು ಹೃದಯಾಘಾತದ ಹೆಚ್ಚಳದ ನಡುವೆ ನೇರ ಸಂಬಂಧವಿದೆ ಎಂದು ಹಲವಾರು ಇಂಟರ್ನ್ಯಾಷನಲ್ ಸ್ಟಡಿ ತೋರಿಸಿವೆ. ಆದ್ದರಿಂದ ಸೌಮ್ಯ ಕರೋನಾ ಸೋಂಕು ತಗುಲಿದ್ದರೂ ಸಹ, ಜನರು ಹೃದಯ ಸಂಬಂಧಿತ ಕಾಯಿಲೆಗಳಿಗೆ(Heart problems) ಒಳಗಾಗುವ ಸಾಧ್ಯತೆಗಳನ್ನು ಹೆಚ್ಚಿಸಿವೆ.

ಇಂಟರ್ನ್ಯಾಷನಲ್ ಸ್ಟಡಿ ಏನು ಹೇಳುತ್ತೆ?
ಇಟಲಿಯಲ್ಲಿ ನಡೆಸಿದ ಅಧ್ಯಯನವು ಕೋವಿಡ್ನಿಂದ ಚೇತರಿಸಿಕೊಂಡ ನಂತರ ಹೃದಯಾಘಾತದ ಅಪಾಯದ ಬಗ್ಗೆ ರಿಸರ್ಚ್ ನಡೆಸಿತು. ಆಗ, ಸಾಮಾನ್ಯ ಜನಸಂಖ್ಯೆಗೆ ಹೋಲಿಸಿದರೆ ಕೋವಿಡ್ -19 ನಿಂದ(Covid 19) ಚೇತರಿಸಿಕೊಂಡ ಜನರಲ್ಲಿ ಮಯೋಕಾರ್ಡಿಯಲ್ ಸಾವಿನ ಅಪಾಯವು 93% ಹೆಚ್ಚಾಗಿದೆ ಎಂದು ಅಧ್ಯಯನದಲ್ಲಿ ತಿಳಿದುಬಂದಿದೆ. ಇದಲ್ಲದೆ, ಕರೋನದ ಸೌಮ್ಯ ಸೋಂಕನ್ನು ಹೊಂದಿದ್ದರೆ, ಸೋಂಕಿನ ಒಂದು ವರ್ಷದ ನಂತರ ಹೃದಯರಕ್ತನಾಳದ ಸಮಸ್ಯೆಗಳ ಅಪಾಯ ಹೆಚ್ಚು ಎಂದು ಅಧ್ಯಯನವು ಬಹಿರಂಗಪಡಿಸಿದೆ. ಈ ಅಧ್ಯಯನವನ್ನು ಫೆಬ್ರವರಿಯಲ್ಲಿ ನೇಚರ್ ಮೆಡಿಸಿನ್ ನಲ್ಲಿ ಪ್ರಕಟಿಸಲಾಗಿದೆ.

ಯಾರಿಗೆ ಹೆಚ್ಚಿನ ಅಪಾಯ?
ತಮ್ಮ ಸಂಶೋಧನೆಯ ಸಮಯದಲ್ಲಿ, ಸಂಶೋಧಕರು ಮೈಲ್ಡ್ ಕೋವಿಡ್ ಸೋಂಕಿನ ಜನರನ್ನು ನೋಡಿದಾಗ, ಅಂತಹ ಜನರು ಇತರ ಜನರಿಗಿಂತ 39% ಹೃದಯ(Heart) ಸಮಸ್ಯೆಗಳು ಉಂಟಾಗುವ ಅಪಾಯವನ್ನು ಹೊಂದಿದ್ದಾರೆ ಎಂದು ಕಂಡುಕೊಂಡರು. ಹ್ಯೂಸ್ಟನ್ನ ಡೆಬೆಕಿ ಹಾರ್ಟ್ ಮತ್ತು ವ್ಯಾಸ್ಕುಲರ್ ಸೆಂಟರ್ ನಡೆಸಿದ ಅಧ್ಯಯನವು ಕರೋನಾ ನಮ್ಮ ಹೃದಯದ ಮೇಲೆ ದೀರ್ಘಕಾಲೀನ ಪರಿಣಾಮ ಬೀರುತ್ತದೆ ಎಂದು ಬಹಿರಂಗಪಡಿಸಿದೆ.

ಅಧ್ಯಯನ(Study) ಏನು ಹೇಳುತ್ತೆ?
ತೈವಾನ್ನಲ್ಲಿ ನಡೆಸಿದ ಅಧ್ಯಯನವು ಕೋವಿಡ್ -19 ಸೋಂಕಿಗೆ ಒಳಗಾದ ಜನರು ಹೃದಯರಕ್ತನಾಳದ ತೊಂದರೆಗಳ ಹೆಚ್ಚಿನ ಅಪಾಯದಲ್ಲಿದ್ದಾರೆ ಎಂದು ಹೇಳಿದೆ. ಹೃದಯಕ್ಕೆ ಸಂಬಂಧಿಸಿದ ಈ ಸಮಸ್ಯೆಗಳಲ್ಲಿ ಹೃದಯ ಸಂಬಂಧಿತ ಕಾಯಿಲೆಗಳು, ಅರಿಥ್ಮಿಯಾ, ಉರಿಯೂತ ಅಥವಾ ಥ್ರೋಂಬೊಎಂಬೋಲಿಕ್ ಕಾಯಿಲೆಗಳು ಸೇರಿವೆ. 

ವ್ಯಾಕ್ಸಿನೇಷನ್ಗೆ(Vaccination) ಮೊದಲು ಯುಕೆ ಬಯೋಬ್ಯಾಂಕ್ ಆಧಾರಿತ ಅಧ್ಯಯನವು ಕೋವಿಡ್ ನಂತರ ಹೃದ್ರೋಗಗಳಿಗೆ ಸಂಬಂಧಿಸಿದ ಅಪಾಯ ಹೆಚ್ಚಾಗಿದೆ ಎಂದು ಬಹಿರಂಗಪಡಿಸಿದೆ. ಈ ಅಪಾಯಗಳು ಕೋವಿಡ್ ನಿಂದ ಕಡಿಮೆ ಪರಿಣಾಮ ಬೀರಿದವರಿಗೂ ಅನ್ವಯಿಸುತ್ತೆ.

ಭಾರತದ(India) ಪರಿಸ್ಥಿತಿ ಚಿಂತಾಜನಕ
ಭಾರತದಲ್ಲಿನ ಪರಿಸ್ಥಿತಿಯೂ ಭಯ ಹುಟ್ಟಿಸುತ್ತಿದೆ. ಈ ಮೊದಲು, ತೀವ್ರ ಕೋವಿಡ್ ಸೋಂಕಿನ ಜನರು ಮಾತ್ರ ಕರೋನಾ ಸೋಂಕಿನ ಆರಂಭಿಕ ಅಪಾಯವನ್ನು ಹೊಂದಿದ್ದರು. ಆದರೆ, ಈಗ ಪರಿಸ್ಥಿತಿ ವಿಭಿನ್ನವಾಗಿದೆ. ಸೌಮ್ಯ ರೋಗಲಕ್ಷಣಗಳನ್ನು ಹೊಂದಿರುವ ಕರೋನಾ ರೋಗಿಗಳು ದೀರ್ಘಕಾಲೀನ ಕೋವಿಡ್-19 ರೋಗಲಕ್ಷಣಗಳನ್ನು ಸಹ ತೋರಿಸಬಹುದು. ಅಲ್ಲದೆ, ಕರೋನಾ ಸಾಂಕ್ರಾಮಿಕ ರೋಗಕ್ಕೆ ಮೊದಲು, ಪಾಶ್ಚಿಮಾತ್ಯ ದೇಶಗಳಿಗಿಂತ ಭಾರತದಲ್ಲಿ ಹೃದ್ರೋಗದ ಪ್ರಕರಣಗಳು ಸ್ವಲ್ಪ ಹೆಚ್ಚಾಗಿದ್ದವು, ಆದರೆ ಈಗ ಪರಿಸ್ಥಿತಿ ಹದಗೆಡುತ್ತಿದೆ, ಯಾಕಂದ್ರೆ ದೇಶದಲ್ಲಿ 20 ರಿಂದ 40 ವರ್ಷ ವಯಸ್ಸಿನ ಹೃದ್ರೋಗಿಗಳ ಸಂಖ್ಯೆ ಸ್ವಲ್ಪ ಸಮಯದಿಂದ ತುಂಬಾ ಹೆಚ್ಚುತ್ತಿದೆ.