ಮಕ್ಕಳು ಮಗುವಾಗಿರುವಾಗಲೇ ನರಸಂಬಂಧಿ ಅಸ್ವಸ್ಥತೆಯನ್ನು ಗುರುತಿಸುವುದು ಹೇಗೆ?
ನವಜಾತ ಶಿಶುಗಳಲ್ಲಿ ಕಂಡುಬರುವ ನರಸಂಬಂಧಿ ಸಮಸ್ಯೆಗಳ ಆರಂಭಿಕ ಲಕ್ಷಣಗಳನ್ನು ಗುರುತಿಸುವುದು ಹೇಗೆ ಎಂಬ ಬಗ್ಗೆ ಇಲ್ಲಿದೆ ಮಾಹಿತಿ.
ನರಸಂಬಂಧಿ ಸಮಸ್ಯೆಯ ಲಕ್ಷಣಗಳು
ಮಕ್ಕಳಲ್ಲಿನ ನರಸಂಬಂಧಿ ಸಮಸ್ಯೆಗಳನ್ನು ಅವರು ನವಜಾತ ಶಿಶುಗಳಾಗಿದ್ದಾಗಲೇ ಗುರುತಿಸುವುದು ಬಹಳ ಅಗತ್ಯ, ನರಸಂಬಂಧಿ ಸಮಸ್ಯೆಗಳು ಕೆಲವೊಮ್ಮೆ ಸೂಕ್ಷ್ಮವಾಗಿ ಕಂಡು ಬರಬಹುದು. ಆದರೆ ಇದಕ್ಕೂ ವೈದ್ಯಕೀಯ ಆರೈಕೆಯೆ ಅಗತ್ಯವಿದೆ. ಹಾಗಿದ್ದರೆ ಮಗು ಬೆಳವಣಿಗೆಯ ಸಮಯದಲ್ಲಿಯೇ ಪೋಷಕರು ಇದನ್ನು ಗುರುತಿಸುವುದು ಹೇಗೆ ಎಂದು ನೋಡೋಣ.
ಸ್ನಾಯುಗಳ ಟೋನ್
ಸ್ನಾಯುಗಳ ಟೋನ್ ಎಂದರೆ ಸ್ನಾಯುಗಳಲ್ಲಿನ ಒತ್ತಡದ ಪ್ರಮಾಣವಾಗಿದೆ. ನಾವು ಕುಳಿತಾಗ ಮತ್ತು ನಿಂತಾಗ ನಮ್ಮ ದೇಹವನ್ನು ನೇರವಾಗಿ ಹಿಡಿದಿಡಲು ನಮ್ಮ ಸ್ನಾಯುಗಳ ಟೋನ್ ಸಹಾಯ ಮಾಡುತ್ತದೆ. ಆದರೆ ಚಪ್ಪಟೆಯಾದ ಕೈಕಾಲುಗಳು ಗಟ್ಟಿಯಾದ ಸ್ನಾಯುಗಳು ನಿಧಾನ ಬೆಳವಣಿಗೆಯ ನರ ಸಂಕೇತಗಳನ್ನು ಸೂಚಕವಾಗಿರಬಹುದು.
ಸಹಜವಲ್ಲದ ವರ್ತನೆಗಳು
ಮಕ್ಕಳ ಸಹಜವಲ್ಲದ ವರ್ತನೆಗಳು, ಜರ್ಕಿಂಗ್‌ಗಳು ಅಥವಾ ಕಣ್ಣುಗಳನ್ನು ಅತ್ತಿತ್ತ ತಿರುಗಿಸುವ ರೀತಿ ಕೂಡ ಕೆಲವೊಮ್ಮೆ ಅಪಸ್ಮಾರದ ಲಕ್ಷಣವಾಗಿರಬಹುದು.
ಆಹಾರ ಸೇವನೆಗೆ ಕಷ್ಟಪಡುವುದು
ಆಹಾರವನ್ನು ಸೇವಿಸುವಾಗ ಅಥವಾ ನುಂಗುವಾಗ ಕಷ್ಟಪಡುವುದು ನರಸಂಬಂಧಿ ಸಮಸ್ಯೆಗಳ ಸೂಚಕವಾಗಿರಬಹುದು. 2ರಿಂದ 3 ತಿಂಗಳ ನಂತರ ಮಕ್ಕಳ ಚಲನವಲನದಲ್ಲಿನ ಬದಲಾವಣೆ, ಅಥವಾ ಯಾವುದಕ್ಕೂ ಅವರು ಪ್ರತಿಕ್ರಿಯಿಸುವ ರೀತಿ ಕಡಿಮೆಯಾಗಿರುವುದು ಕೂಡ ನರಸಂಬಂಧಿ ಸಮಸ್ಯೆಗಳ ಲಕ್ಷಣವಾಗಿರಬಹುದು.
ಕಣ್ಣುಗಳ ನೇರ ಸಂಪರ್ಕ ಇಲ್ಲದಿರುವುದು
ಎರಡು ತಿಂಗಳಾದರೂ ಮುಖ ಪರಿಚಯ ಅಥವಾ ಯಾವುದೇ ವಸ್ತುಗಳ ಬಗ್ಗೆ ಗಮನಹರಿಸದಿರುವುದು ನೋಡದಿರುವುದು ಕೂಡ ನರ ಸಮಸ್ಯೆಯ ಒಂದು ಲಕ್ಷಣವಾಗಿರಬಹುದು
ಚಟುವಟಿಕೆಗಳಲ್ಲಿ ವಿಳಂಬ
ಮಗುವಿನ ಮೊದ ಮೊದಲ ಚಟುವಟಿಕೆಗಳಾದ ಅಂಬೆಗಾಲಿಕ್ಕಿ ನಡೆಯುವುದು, ಹರಿದಾಡಿಕೊಂಡು ಹೋಗಲು ಶುರು ಮಾಡುವುದು, ಸ್ವಂತವಾಗಿ ಎದ್ದು ನಿಲ್ಲಲು ಪ್ರಯತ್ನಿಸುವುದು ಇದೆಲ್ಲವೂ ನರಸಂಬಂಧಿ ಸಮಸ್ಯೆಗಳ ಕಾರಣದಿಂದಿರಬಹುದು.
ಯಾವುದೇ ಆರೋಗ್ಯ ಸಮಸ್ಯೆ ಇಲ್ಲದೆಯೂ ಸಮಾಧಾನ ಮಾಡಿದರೂ ಕೇಳದಷ್ಟು ನಿರಂತರ ಅಳುವುದು ಕೂಡ ನರಸಂಬಂಧಿ ಸಮಸ್ಯೆಗಳ ಕಾರಣದಿಂದಿರಬಹುದು.
ಆರೋಗ್ಯ, ಸೌಂದರ್ಯ, ಫಿಟ್‌ನೆಸ್, ಕಿಚನ್ ಟಿಪ್ಸ್‌, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್‌ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್‌ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್‌ಲೋಡ್ ಮಾಡಿ ಹಾಗು ಎಲ್ಲಾ ಅಪ್‌ಡೇಟ್ ಗಳನ್ನು ಪಡೆಯಿರಿ.
