Ayurveda and smoking: ಧೂಮಪಾನದ ಚಟವನ್ನು ಬಿಡಲು ಆಯುರ್ವೇದ ತಜ್ಞರ ಸಲಹೆ ಪಾಲಿಸಿ!
ಮಾದಕ ವ್ಯಸನವು ಭಾರತವೂ ಸೇರಿದಂತೆ ವಿಶ್ವದಲ್ಲಿ ಒಂದು ದೊಡ್ಡ ಸಮಸ್ಯೆಯಾಗಿದೆ. ಅನೇಕ ವಿಭಿನ್ನ ರೀತಿಯ ಔಷಧಿಗಳು ವ್ಯಸನಕಾರಿಯಾಗಿರಬಹುದು. ಅವುಗಳಲ್ಲಿ ಧೂಮಪಾನವೂ ಒಂದು. ಧೂಮಪಾನವು ತುಂಬಾ ಕೆಟ್ಟ ವಿಷಯ ಎಂದು ಅನೇಕ ಬಾರಿ ಕೇಳಿರಬಹುದು. ಸಿಗರೇಟಿನ ಪ್ರತಿಯೊಂದು ಪ್ಯಾಕೆಟ್ ನಲ್ಲಿಯೂ ಸಹ ಧೂಮಪಾನವು ಆರೋಗ್ಯಕ್ಕೆ ಹಾನಿಕಾರಕ ಎಂದು ಎಚ್ಚರಿಸಲಾಗುತ್ತದೆ. ಆದರೆ ಅದನ್ನು ಬಳಕೆ ಮಾಡುವ ಜನರ ಸಂಖ್ಯೆ ಮಾತ್ರ ಕಡಿಮೆಯಾಗಿಲ್ಲ. ಇದು ಹೃದಯಾಘಾತ, ರಕ್ತದೊತ್ತಡ, ಪಾರ್ಶ್ವವಾಯು ಮತ್ತು ಕ್ಯಾನ್ಸರ್ ಗೆ ಕಾರಣವಾಗುತ್ತದೆ.
)
Followಪ್ರತಿ ರಾಷ್ಟ್ರೀಯ ಬಜೆಟ್ ನಡೆಸುವ ಸಂದರ್ಭದಲ್ಲಿ, ನಿಕೋಟಿನ್-ಆಧಾರಿತ ವಸ್ತುಗಳ ಬೆಲೆಗಳನ್ನು ಹೆಚ್ಚಿಸಲಾಗುತ್ತದೆ, ಆದರೂ ಜನರು ಧೂಮಪಾನ ತ್ಯಜಿಸಲು ಮನಸು ಮಾಡೋದಿಲ್ಲ, ಏಕೆಂದರೆ ಅವರು ನಿಕೋಟಿನ್ ಗೆ(Nicotin) ವ್ಯಸನಿಗಳಾಗಿದ್ದಾರೆ. ಮತ್ತು ಅದರ ವ್ಯಸನವನ್ನು ಬಿಡಲು ಬಂದಾಗ, ಜನರು ಅದನ್ನು ಸುಲಭವಾಗಿ ತ್ಯಜಿಸುವುದಿಲ್ಲ.
)
ಧೂಮಪಾನಕ್ಕೆ ವ್ಯಸನಿಗಳಾಗುವ ಮುಖ್ಯ ಕಾರಣ ಏನು ಗೊತ್ತಾ? ಮೂರು ದೋಷಗಳಲ್ಲಿ ಯಾವುದಾದರೂ ಒಂದರಿಂದ ಅಂದರೆ ವಾತ, ಪಿತ್ತ ಮತ್ತು ಕಫದಿಂದ ಉಂಟಾಗುವ ಮಾನಸಿಕ ಒತ್ತಡವು ಧೂಮಪಾನಕ್ಕೆ ಮುಖ್ಯ ಕಾರಣವಾಗಿದೆ ಎಂದು ಆಯುರ್ವೇದ(Ayurveda) ಹೇಳುತ್ತದೆ. ಇದನ್ನು ಆಯುರ್ವೇದ ವಿಧಾನದ ಮೂಲಕ ದೂರ ಮಾಡಬಹುದು.
ಅನೇಕ ಜನರು ನೈಸರ್ಗಿಕ ವಿಧಾನಗಳಿಗಿಂತ ತಾತ್ಕಾಲಿಕ ವಿಧಾನಗಳ ಮೂಲಕ ಧೂಮಪಾನವನ್ನು(Smoking) ತ್ಯಜಿಸಲು ಪ್ರಯತ್ನಿಸಿದರೂ, ಅವು ಯಶಸ್ವಿಯಾಗೋದಿಲ್ಲ. ಆಯುರ್ವೇದ ತಜ್ಞರು ಧೂಮಪಾನ ವ್ಯಸನವನ್ನು ತ್ಯಜಿಸಲು ಕೆಲವು ಸುಲಭ ಮಾರ್ಗಗಳನ್ನು ತಿಳಿಸಿದ್ದಾರೆ. ಈ ಎಲ್ಲಾ ವಿಧಾನಗಳು ಈ ಅಭ್ಯಾಸವನ್ನು ನಿಯಂತ್ರಿಸಲು ನಿಮಗೆ ಸಹಾಯ ಮಾಡುತ್ತದೆ.
ಧೂಮಪಾನವನ್ನು ತೊಡೆದುಹಾಕಲು ಇಲ್ಲಿದೆ ಆಯುರ್ವೇದ ಸಲಹೆಗಳು
ನೇತಿ ಕ್ರಿಯೆಯನ್ನು ಮಾಡಿ ಇದು ತಲೆಯೊಳಗಿನ ವಾಯು ಮಾರ್ಗವನ್ನು ತೆರವುಗೊಳಿಸುವ ಕ್ರಿಯೆಯಾಗಿದೆ. ಸಿಗರೇಟು(Cigarette) ಸೇದುವ ಅಭ್ಯಾಸವನ್ನು ತ್ಯಜಿಸಲು ಲವಣಯುಕ್ತ ನೀರು ತುಂಬಾ ಪರಿಣಾಮಕಾರಿ ಎಂದು ಸಾಬೀತಾಗಿದೆ. ಲವಣಯುಕ್ತ ನೀರನ್ನು ಅಂದರೆ ಉಪ್ಪಿನ ನೀರನ್ನು ಒಂದು ಮೂಗಿನ ಹೊಳ್ಳೆಯಿಂದ ಒಳಕ್ಕೆ ಸುರಿಯಿರಿ ಮತ್ತು ಇನ್ನೊಂದು ಮೂಗಿನ ಹೊಳ್ಳೆಯಿಂದ ಬಿಡುಗಡೆ ಮಾಡಿ.
ತಾಮ್ರದ ಪಾತ್ರೆಯಲ್ಲಿ ನೀರು ಕುಡಿಯಿರಿ ಸಾಕಷ್ಟು ನೀರನ್ನು ಕುಡಿಯಿರಿ, ವಿಶೇಷವಾಗಿ ತಾಮ್ರದ ಪಾತ್ರೆಗಳಿಂದ ಎಂದು ಹೇಳುತ್ತಾರೆ. ಇದು ತಂಬಾಕು ಚಟವನ್ನು ಕಡಿಮೆ ಮಾಡಲು ಮತ್ತು ದೇಹದಿಂದ ವಿಷವನ್ನು ಹೊರಹಾಕಲು ಸಹಾಯ ಮಾಡುತ್ತದೆ. ತಾಮ್ರದ ಜಗ್(Jug) , ಬಾಟಲ್, ಲೋಟವನ್ನು ಸಾಧ್ಯವಾದಷ್ಟು ಬಳಸಿ. ಇದು ಉತ್ತಮ ಆರೋಗ್ಯಕ್ಕೆ ಸಹಕಾರಿಯಾಗಿದೆ.
ತುಳಸಿ ಎಲೆಗಳನ್ನು(Tulasi) ಅಗಿಯಿರಿ ಪ್ರತಿದಿನ ಬೆಳಿಗ್ಗೆ 2-3 ತುಳಸಿ ಎಲೆಗಳನ್ನು ಅಗಿಯಲು ಪ್ರಯತ್ನಿಸಿ. ಇದು ನಿಮ್ಮ ದೇಹದಲ್ಲಿ ಧೂಮಪಾನದ ಅಡ್ಡಪರಿಣಾಮಗಳನ್ನು ಕಡಿಮೆ ಮಾಡುತ್ತದೆ ಮತ್ತು ತಂಬಾಕು ವ್ಯಸನದ ಪರಿಣಾಮವೂ ಕ್ರಮೇಣ ಕಡಿಮೆಯಾಗುತ್ತದೆ. ಇದನ್ನು ನೀವು ಪ್ರತಿದಿನ ಮಾಡುವುದು ಉತ್ತಮ.
ತ್ರಿಫಲಾ ಸೇವಿಸಿ:
ರಾತ್ರಿ ಮಲಗುವ ಮೊದಲು ಒಂದು ಟೀಸ್ಪೂನ್ ತ್ರಿಫಲಾವನ್ನು ಸೇವಿಸಬೇಕು. ಇದು ನಿಮ್ಮ ದೇಹದಲ್ಲಿ ಶೇಖರಣೆಯಾದ ನಿಕೋಟಿನ್ ಟಾರ್ ಅನ್ನು ತೆಗೆದುಹಾಕುತ್ತದೆ. ತ್ರಿಫಲಾವು ಧೂಮಪಾನಿಯ ಶ್ವಾಸಕೋಶಗಳಿಗೆ(Lungs) ಅತ್ಯುತ್ತಮ ಆಯುರ್ವೇದ ಔಷಧವಾಗಿದೆ. ಶ್ವಾಸಕೋಶವನ್ನು ಸ್ವಚ್ಛಗೊಳಿಸಲು ಸಹಕಾರಿಯಾಗಿದೆ.
ಅಜ್ವಾಯಿನ್(Ajwain) ಸೇವಿಸಿ:
ವೈದ್ಯರ ಪ್ರಕಾರ, ಧೂಮಪಾನದ ಚಟವನ್ನು ತೊಡೆದುಹಾಕಲು ಒಂದು ಟೀಸ್ಪೂನ್ ಅಜ್ವಯನ್ ಅನ್ನು ಸೇವಿಸಿ. ಆಯುರ್ವೇದದ ಪ್ರಕಾರ, ಇದು ಧೂಮಪಾನದ ಬಯಕೆಯನ್ನು ಕಡಿಮೆ ಮಾಡುತ್ತದೆ. ಇದು ನಿಕೋಟಿನ್ ಸೇವಿಸುವ ಅಭ್ಯಾಸವನ್ನು ಸಹ ಬಿಡುತ್ತದೆ. ದೇಹವನ್ನು ಆರೋಗ್ಯವಾಗಿಡಲು ಇದು ಸಹಕಾರಿಯಾಗಿದೆ.
ಆಯುರ್ವೇದದಲ್ಲಿ ಫ್ಯೂಮಿಗೇಶನ್ ಎಂಬ ಪ್ರಕ್ರಿಯೆ ಇದೆ, ಇದರಲ್ಲಿ ಗಿಡಮೂಲಿಕೆಗಳ ಹೊಗೆಯನ್ನು ತೆಗೆದುಕೊಳ್ಳಲು ಸಲಹೆ ನೀಡಲಾಗುತ್ತದೆ. ಆದರೆ ಈ ಕಾರ್ಯವಿಧಾನವನ್ನು ಆಯುರ್ವೇದ ವೈದ್ಯರ ಮೇಲ್ವಿಚಾರಣೆಯಲ್ಲಿ ಮಾತ್ರ ಮಾಡಬೇಕು. ಇದರಿಂದ ಧೂಮಪಾನ ಚಟವನ್ನು ಸುಲಭವಾಗಿ ನಿಯಂತ್ರಿಸಬಹುದು ಎಂದು ತಿಳಿದು ಬಂದಿದೆ.
