Aishwarya Rai ಬಗ್ಗೆ ಅಸಭ್ಯ ಕಾಮೆಂಟ್‌ ಮಾಡಿ ಸಿಕ್ಕಿಬಿದ್ದ Emraan Hashmi!

ಬಾಲಿವುಡ್‌ನ ಕಿಸ್ಸರ್ ಕಿಂಗ್ ಎಂದೇ ಖ್ಯಾತರಾಗಿರುವ ಇಮ್ರಾನ್ ಹಶ್ಮಿ (Emraan Hashmi) ಅವರಿಗೆ 43 ವರ್ಷ. ಮಾರ್ಚ್ 24, 1979 ರಂದು ಮುಂಬೈನಲ್ಲಿ ಜನಿಸಿದ ಇಮ್ರಾನ್ 19 ವರ್ಷಗಳ ಕಾಲ ತಮ್ಮ ವೃತ್ತಿಜೀವನದಲ್ಲಿ ಅನೇಕ ಹಿಟ್ ಚಿತ್ರಗಳಲ್ಲಿ ನಟಿಸಿದ್ದಾರೆ. ಆದರೆ ಅವರು ಚಲನಚಿತ್ರಗಳಿಗಿಂತ ಹೆಚ್ಚಾಗಿ ಕಿಸಸ್ಇಂಗ್‌ ಸೀನ್‌ಗಳಿಗೆ ಹೆಸರುವಾಸಿಯಾಗಿದ್ದಾರೆ. ಬಹಳ ದಿನಗಳಿಂದ ಸಿನಿಮಾಗಳಿಂದ ದೂರ ಉಳಿದಿರುವ ಇಮ್ರಾನ್ ಶೀಘ್ರದಲ್ಲೇ ಅಕ್ಷಯ್ ಕುಮಾರ್ (Akshay Kumar) ಜೊತೆಗಿನ ಸೆಲ್ಫಿ ಚಿತ್ರದ ಶೂಟಿಂಗ್ ಆರಂಭಿಸಲಿದ್ದಾರೆ. ಇದಲ್ಲದೆ, ಅವರು ಸಲ್ಮಾನ್ ಖಾನ್ (Salman Khan) ಜೊತೆ ಟೈಗರ್ 3 ಚಿತ್ರದಲ್ಲೂ ಕಾಣಿಸಿಕೊಳ್ಳಲಿದ್ದಾರೆ. ಅಂದಹಾಗೆ, ಇಮ್ರಾನ್ ತಮ್ಮ ವೈಯಕ್ತಿಕ ಮತ್ತು ವೃತ್ತಿಪರ ಜೀವನದ ಕಾರಣದಿದಂದ  ಮುಖ್ಯಾಂಶಗಳಲ್ಲಿ ಉಳಿದಿದ್ದಾರೆ. ಆದರೆ, ಒಮ್ಮೆ ಅವರು ಐಶ್ವರ್ಯಾ ರೈ ಬಚ್ಚನ್ (Aishwarya Rai Bachchan) ಬಗ್ಗೆ  ಕಾಮೆಂಟ್‌ಗಳನ್ನು ಮಾಡಿದ್ದರು. ಅಷ್ಟಕ್ಕೂ ಇಮ್ರಾನ್ ಹಶ್ಮಿ ಬಚ್ಚನ್‌ ಫ್ಯಾಮಿಲಿ ಸೊಸೆ  ಬಗ್ಗೆ ಹೇಳಿದ್ದೇನು? 

ಇಮ್ರಾನ್ ಹಶ್ಮಿ 2003 ರ  ಫುಟ್‌ಪಾತ್‌ ಚಲನಚಿತ್ರದ ಮೂಲಕ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಆದರೆ, ಮರ್ಡರ್ ಸಿನಿಮಾವೂ ಅವರಿಗೆ ಹೆಸರು ತಂದು ಕೊಟ್ಟಿತು. ಇಮ್ರಾನ್ ನಿರ್ದೇಶಕ ಮಹೇಶ್ ಭಟ್ ಅವರ ಸೋದರಳಿಯ ಎಂದು ಬಹುಶಃ ಹೆಚ್ಚಿನವರಿಗೆ ತಿಳಿದಿಲ್ಲ.

ಇಮ್ರಾನ್ ಹಶ್ಮಿ ಮತ್ತು ಐಶ್ವರ್ಯಾ ರೈ ನಡುವಿನ ವೈಷಮ್ಯವು ಚಲನಚಿತ್ರ ನಿರ್ಮಾಪಕ ಕರಣ್ ಜೋಹರ್ ಅವರ ಕಾಫಿ ವಿಥ್ ಕರಣ್ ಕಾರ್ಯಕ್ರಮದಿಂದ ಪ್ರಾರಂಭವಾಯಿತು. ಈ ಕಾರ್ಯಕ್ರಮದ ರಾಪಿಡ್ ಫೈರ್ ರೌಂಡ್ ನಲ್ಲಿ ಇಮ್ರಾನ್ ಐಶ್ವರ್ಯಾ ರೈ ಬಗ್ಗೆ ಅಸಭ್ಯವಾಗಿ ಕಾಮೆಂಟ್ ಮಾಡಿದ್ದರು.

ವಾಸ್ತವವಾಗಿ, ಕರಣ್ ಜೋಹರ್ ಕಾರ್ಯಕ್ರಮದ ರಾಪಿಡ್‌ ಫೈರ್ ರೌಂಡ್‌ನಲ್ಲಿ ಒಂದೊಂದಾಗಿ ಹೆಸರು ಕೇಳಿದ ತಕ್ಷಣ ಮನಸ್ಸಿಗೆ ಬರುವ ಮೊದಲ ಪದವನ್ನು ಹೇಳಬೇಕಾಗಿತ್ತು. ಕರಣ್‌ ಜೋಹರ್‌ ಅವರು ಐಶ್ವರ್ಯಾ ರೈ ಅವರ ಹೆಸರು ಹೇಳಿದಾಗ ಇಮ್ರಾನ್ ಅವರನ್ನು ಪ್ಲಾಸ್ಟಿಕ್ ಎಂದು ಕರೆದರು.

ಇಮ್ರಾನ್ ಹಶ್ಮಿ ಅವರು ಐಶ್ವರ್ಯಾ ರೈ ಮೇಲೆ ಮಾಡಿದ ಈ ಅಸಭ್ಯ ಕಾಮೆಂಟ್ ಆ ಸಮಯದಲ್ಲಿ ತುಂಬಾ ವೈರಲ್ ಆಗಿತ್ತು. ಈ ವಿಷಯ ಐಶ್ವರ್ಯಾ ಕಿವಿಗೆ ಬಿದ್ದಾಗ ಅವರು ತುಂಬಾ ಕೋಪಗೊಂಡಿದ್ದರು. ವರದಿಗಳ ಪ್ರಕಾರ, ಆ ಸಮಯದಲ್ಲಿ ಬಚ್ಚನ್ ಸೊಸೆಗೆ ಬಾದ್‌ಶಾಹೋ ಚಲನಚಿತ್ರವನ್ನು ಆಫರ್ ಮಾಡಲಾಯಿತು ಆದರೆ ಇಮ್ರಾನ್ ಚಿತ್ರದಲ್ಲಿದ್ದ ಕಾರಣ, ಅವರು ಕೆಲಸ ಮಾಡಲು ನಿರಾಕರಿಸಿದರು.

ಬಳಿಕ ಇರ್ಮಾನ್ ಹಶ್ಮಿ ತಮ್ಮ ಹೇಳಿಕೆಗೆ ಕ್ಷಮೆ ಯಾಚಿಸಿದ್ದು ಬೇರೆ ವಿಚಾರ. ಹ್ಯಾಂಪರ್ ಗೆಲ್ಲಬೇಕು ಎಂದು ತರಾತುರಿಯಲ್ಲಿ ಐಶ್ವರ್ಯಾ ರೈ ಹೆಸರನ್ನು  ತೆಗೆದುಕೊಂಡೆ ಎಂದು ಅವರು ಹೇಳಿದರು. ಇಮ್ರಾನ್ ಹಶ್ಮಿ ಕ್ಷಮೆ ಯಾಚಿಸಿದ ನಂತರವೂ ಐಶ್ವರ್ಯಾ ರೈ ಕೋಪ ಕಡಿಮೆಯಾಗಲಿಲ್ಲ. 

ಮ್ಯಾಗಜೀನ್‌ಗೆ ನೀಡಿದ ಸಂದರ್ಶನದಲ್ಲಿ, ಐಶ್ವರ್ಯಾ ರೈ ಅವರೊಂದಿಗೆ ರಾಪಿಡ್ ರೌಂಡ್ ಆಡಿದಾಗ, ಅವರು ತಮ್ಮ ಜೀವನದ ಅತ್ಯಂತ ಕೆಟ್ಟ ಕಾಮೆಂಟ್ ನಕಲಿ ಮತ್ತು ಪ್ಲಾಸ್ಟಿಕ್ ಎಂದು ಹೇಳಿದರು.

ಇಮ್ರಾನ್ ಹಶ್ಮಿ ಅವರು ಸೀರಿಯಲ್ ಕಿಸ್ಸರ್ ಎಂದು ಕರೆಸಿಕೊಳ್ಳು ಇಷ್ಟಪಡುವುದಿಲ್ಲ. ಅವರು ಈ ರೀತಿಯಾಗಿ ತಮ್ಮ ಇಮೇಜ್‌ ಬಯಸಲಿಲ್ಲ. ಅವರ ಹೆಂಡತಿ ಸಹ ಅವರು ಕಿಸ್ಸಿಂಗ್‌ ಸೀನ್‌ ಮಾಡುವುದು ಇಷ್ಟಪಡುವುದಿಲ್ಲ.

ಇಮ್ರಾನ್ ಹಶ್ಮಿ ತನ್ನ ಗೆಳತಿ ಪರ್ವೀನ್ ಸಹಾನಿಯನ್ನು 2006 ರಲ್ಲಿ ವಿವಾಹವಾದರು.ದಂಪತಿಗೆ ಅಯಾನ್ ಎಂಬ ಮಗನಿದ್ದಾನೆ. ಆದರೆ ಚಿಕ್ಕ ವಯಸ್ಸಿನಲ್ಲಿಯೇ ಅಯಾನ್ ಕ್ಯಾನ್ಸರ್‌ಗೆ ಗುರಿಯಾಗಿದ್ದ ಮತ್ತು ಈಗ ಆರೋಗ್ಯವಾಗಿದ್ದಾನೆ.

ಮರ್ಡರ್ ಗ್ಯಾಂಗ್‌ಸ್ಟರ್, ಒನ್ಸ್ ಅಪಾನ್ ಎ ಟೈಮ್ ಇನ್ ಮುಂಬೈ, ತುಮ್ಸೆ ನಹಿ ದೇಖಾ, ಜೆಹೆರ್, ಆಶಿಕ್ ಬನಾಯಾ ಆಪ್ನೆ, ಕಲಿಯುಗ್, ಅಕ್ಸರ್, ಅವರಪಾನ್, ಜನ್ನತ್, ರಾಜ್, ಏಕ್ ಥಿ ದಯಾನ್, ರಾಜಾ ನಟವರ್‌ಲಾಲ್, ಫಿಂಗರ್, ಮುಂಬೈ ಸಾಗಾ, ಚೆಹ್ರೆ  ಮುಂತಾದ ಸಿನಿಮಾಗಳಲ್ಲಿ ಕೆಲಸ ಮಾಡಿದ್ದಾರೆ.