ಭಾರತಕ್ಕೆ ಬರೋ ಕನಸು ನನಸಾದ ದಿನ ನೆನಪಿಸಿಕೊಂಡ ಹಾಲಿವುಡ್ ನಟ ವಿನ್ ಡೀಸೆಲ್!

ಹೆಸರಾಂತ ಹಾಲಿವುಡ್ ನಟ ವಿನ್ ಡೀಸೆಲ್  2017 ರಲ್ಲಿ ಭಾರತಕ್ಕೆ ಭೇಟಿ ನೀಡಿದ ಸಮಯದಲ್ಲಿನ  ದೀಪಿಕಾ ಪಡುಕೋಣೆ ಅವರೊಂದಿಗಿನ ಥ್ರೋಬ್ಯಾಕ್ ಫೋಟೋವನ್ನು ಇತ್ತೀಚೆಗೆ Instagramನಲ್ಲಿ ಹಂಚಿಕೊಂಡಿದ್ದಾರೆ.

ಜೋಡಿಯು ವರ್ಣರಂಜಿತ ಆಟೋ-ರಿಕ್ಷಾದಲ್ಲಿ ಪೋಸ್ ನೀಡುತ್ತಿರುವುದನ್ನು ಕಾಣಬಹುದು. ಡೀಸೆಲ್ ಬಿಳಿ ವೆಸ್ಟ್ ಮತ್ತು ಕಪ್ಪು ಪ್ಯಾಂಟ್ ಧರಿಸಿದರೆ, ಪಡುಕೋಣೆ ಕಲರ್ ಫುಲ್ ಡ್ರೆಸ್ ನಲ್ಲಿ ಡ್ರೈವರ್ ಸೀಟಿನಲ್ಲಿ ನಟನ ಪಕ್ಕದಲ್ಲಿ ಕುಳಿತಿದ್ದಾರೆ.

ಫೋಟೋ ಹಂಚಿಕೊಂಡು ಭಾರತದಂತಹ ವಿವಿಧ ದೇಶಗಳಿಗೆ ಪ್ರಯಾಣಿಸಲು ಅವಕಾಶ ಸಿಕ್ಕಿದ್ದಕ್ಕಾಗಿ ಧನ್ಯವಾದಗಳನ್ನು ವ್ಯಕ್ತಪಡಿಸಿದ ಡೀಸೆಲ್, ವೈವಿಧ್ಯಮಯ ಸಂಸ್ಕೃತಿಗಳನ್ನು ಅನುಭವಿಸುವ ಅವಕಾಶ ಸಿಕ್ಕಿದ್ದಕ್ಕೆ ಖುಷಿಯಾಗಿದೆ ಎಂದರು.

ಆರು ವರ್ಷಗಳ ಹಿಂದೆ, ಡೀಸೆಲ್‌ ಅವರು ಪಡುಕೋಣೆ 'xXx: ರಿಟರ್ನ್ ಆಫ್ ಕ್ಸಾಂಡರ್ ಕೇಜ್' ಅವರ ಚಲನಚಿತ್ರವನ್ನು ಪ್ರಚಾರ ಮಾಡಲು ಭಾರತದಲ್ಲಿದ್ದರು, ಇದು ದೀಪಿಕಾರ  ಹಾಲಿವುಡ್ ಚೊಚ್ಚಲ ಸಿನಿಮಾವಾಗಿದೆ.

ಹಿಂದೆ ಜೂನ್‌ನಲ್ಲಿ, ಹಾಲಿವುಡ್ ತಾರೆ 2017 ರ 'xXx: ರಿಟರ್ನ್ ಆಫ್ ಕ್ಸಾಂಡರ್ ಕೇಜ್'ಚಲನಚಿತ್ರದ ಸೆಟ್‌ಗಳಿಂದ ದೀಪಿಕಾರ ಜೊತೆಗಿರುವ  ಈ ಫೋಟೋವನ್ನು ಹಂಚಿಕೊಂಡಿದ್ದರು. 

ದೀಪಿಕಾ  ಪಡುಕೋಣೆಯನ್ನು ತಮ್ಮ 'ಕೆಲಸ ಮಾಡುವ ನೆಚ್ಚಿನ ವ್ಯಕ್ತಿಗಳಲ್ಲಿ ಒಬ್ಬರು' ಎಂದರು  ಮತ್ತು ಭಾರತಕ್ಕೆ ಕರೆತಂದುದ್ದಕ್ಕಾಗಿ ನಟಿಗೆ ಧನ್ಯವಾದ ಹೇಳಿ ಭಾರತಕ್ಕೆ ಮರಳಲು ಎದುರು ನೋಡುತ್ತಿದ್ದೇನೆ ಎಂದೂ ಅವರು ಹೇಳಿದ್ದಾರೆ.

 'ರಿಟರ್ನ್ ಆಫ್ ಕ್ಸಾಂಡರ್ ಕೇಜ್' ನಲ್ಲಿ ಸೆರೆನಾ ಉಂಗರ್ ಅವರ ಶೀರ್ಷಿಕೆಯ ಪಾತ್ರವನ್ನು ನಿರ್ವಹಿಸಿದ ಪಡುಕೋಣೆ ಅವರು ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಹೃದಯ ಎಮೋಜಿಗಳೊಂದಿಗೆ  ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ. 

2017 ರಲ್ಲಿ,  ಅವರ ಭೇಟಿಯ ಸಮಯದಲ್ಲಿ, ಡೀಸೆಲ್ ಚಿತ್ರದ ಪ್ರಥಮ ಪ್ರದರ್ಶನದ ಮೊದಲು ವಿಶೇಷ ಸಂಗೀತ ಕಾರ್ಯಕ್ರಮದಲ್ಲಿ ಅಭಿಮಾನಿಗಳೊಂದಿಗೆ ಸಂವಾದ ನಡೆಸಿದರು ಮತ್ತು 'ಚೆನ್ನೈ ಎಕ್ಸ್‌ಪ್ರೆಸ್' ನ ಹಿಟ್ ಟ್ರ್ಯಾಕ್ 'ಲುಂಗಿ ಡ್ಯಾನ್ಸ್' ಗೆ ದೀಪಿಕಾರ ಜೊತೆ ಹೆಜ್ಜೆ ಹಾಕಿದ್ದರು.