ಅಮಿತಾಬ್ ಬಚ್ಚನ್ ಮೊಮ್ಮಗನೊಂದಿಗೆ ಶಾರುಖ್ ಖಾನ್ ಪುತ್ರಿ ಸುಹಾನಾ ಡೇಟಿಂಗ್!
ಶಾರುಖ್ ಖಾನ್ (Shah Rukh Khan) ಪುತ್ರಿ ಸುಹಾನಾ ಖಾನ್ (Suhana Khan) ಅಮಿತಾಬ್ ಬಚ್ಚನ್ (Amitabh Bachchan) ಮೊಮ್ಮಗ ಅಗಸ್ತ್ಯ ನಂದಾ (Agastya Nanda) ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ವರದಿ ಹೇಳುತ್ತಿವೆ. ಈ ಸುದ್ದಿ ಇಂಟರ್ನೆಟ್ನಲ್ಲಿ ಸದ್ಯಕ್ಕೆ ಸಖತ್ ಸದ್ದು ಮಾಡುತ್ತಿದೆ. ಅಗಸ್ತ್ಯ ನಂದಾ ಅವರು ಸುಹಾನಾ ಖಾನ್ ಅವರನ್ನು ತಮ್ಮ ಕುಟುಂಬ ಸದಸ್ಯರಿಗೆ ಪರಿಚಯಿಸಿದ್ದಾರೆ ಎಂದೂ ಹೇಳಲಾಗಿದೆ. ಅಗಸ್ತ್ಯ ರಣಬೀರ್ ಕಪೂರ್ ಅವರ ಚಿಕ್ಕಮ್ಮ ರಿತು ನಂದಾ ಅವರ ಮೊಮ್ಮಗ. ಇತ್ತೀಚೆಗಷ್ಟೇ ಕಪೂರ್ ಫ್ಯಾಮಿಲಿ ನ್ಯೂ ಇಯರ್ ಪಾರ್ಟಿ ನಡೆಸಿದಾಗ ಅಗಸ್ತ್ಯ ಕೂಡ ಪಾರ್ಟಿಗೆ ಹಾಜರಾಗಿದ್ದಕ್ಕೆ ಇದೇ ಕಾರಣ. ಅಲ್ಲಿ ಅವನು ಸುಹಾನಾರನ್ನು ಇಡೀ ಕುಟುಂಬಕ್ಕೆ ಪರಿಚಯಿಸಿದರು ಮತ್ತು ಅವಳನ್ನು ತನ್ನ ಸಂಗಾತಿ ಎಂದು ಕರೆದರು ಎಂಬೊಂದು ಸುದ್ದಿ ಹರಿದಾಡುತ್ತಿದೆ.
ವರದಿಗಳ ಪ್ರಕಾರ, ಅಗಸ್ತ್ಯ ನಂದಾ ಮತ್ತು ಸುಹಾನಾ ಖಾನ್ ಅವರ ಪ್ರೇಮಕಥೆಯು 'ದಿ ಆರ್ಚೀಸ್' ಚಿತ್ರದ ಸೆಟ್ನಲ್ಲಿ ಪ್ರಾರಂಭವಾಯಿತು. ಸುಹಾನಾ ಖಾನ್ ಮತ್ತು ಅಗಸ್ತ್ಯ ನಂದಾ ಚಿತ್ರದ ಸೆಟ್ಗಳಲ್ಲಿ ಪರಸ್ಪರ ಹೆಚ್ಚು ಸಮಯ ಕಳೆಯುತ್ತಿದ್ದರು ಎಂದು ಸುದ್ದಿಯಲ್ಲಿ ಹೇಳಲಾಗುತ್ತಿದೆ.
ಅವರ ಸಂಬಂಧದ ಬಗ್ಗೆ 'ದಿ ಆರ್ಚೀಸ್' ಪ್ರೊಡಕ್ಷನ್ ಹೌಸ್ಗೆ ಸಂಬಂಧಿಸಿದ ಎಲ್ಲರಿಗೂ ತಿಳಿದಿದೆ. ಅಗಸ್ತ್ಯ ಅವರ ತಾಯಿ ಶ್ವೇತಾ ಬಚ್ಚನ್ ನಂದಾ ಅವರು ಶಾರುಖ್ ಖಾನ್ ಅವರ ಮಗಳು ಸುಹಾನಾ ಅವರನ್ನು ತುಂಬಾ ಪ್ರೀತಿಸುತ್ತಿದ್ದಾರೆ.
ಶ್ವೇತಾ ಬಚ್ಚನ್ ನಂದಾ ಅವರು ತಮ್ಮ ಮಗನ ಸಂಬಂಧಕ್ಕೆ ಗ್ರೀನ್ ಸಿಗ್ನಲ್ ನೀಡಿದ್ದಾರೆ ಎಂದು ಸುದ್ದಿಯಲ್ಲಿ ಹೇಳಲಾಗುತ್ತಿದೆ .ಆದರೆ, ಈ ಬಗ್ಗೆ ಯಾವುದೇ ಅಧಿಕೃತ ದೃಢೀಕರಣವಿಲ್ಲ.
'ದಿ ಆರ್ಚೀಸ್' ಚಿತ್ರದಲ್ಲಿ ಅಗಸ್ತ್ಯ ನಂದಾ ಮತ್ತು ಸುಹಾನಾ ಖಾನ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಮತ್ತು ಈ ಮೂಲಕ ಇಬ್ಬರೂ ಬಾಲಿವುಡ್ಗೆ ಡೆಬ್ಯೂ ಮಾಡುತ್ತಿದ್ದಾರೆ.
ಜೋಯಾ ಅಖ್ತರ್ ನಿರ್ದೇಶನದ 'ದಿ ಆರ್ಚೀಸ್' ಚಿತ್ರವು ಶ್ರೀದೇವಿಯವರ ಮಗಳು ಖುಷಿ ಕಪೂರ್ ಅವರಿಗೂ ಬಾಲಿವುಡ್ ಚೊಚ್ಚಲ ಚಿತ್ರವಾಗಿದೆ.
ಸುಹಾನಾ ಮತ್ತು ಅಗಸ್ತ್ಯ ಅವರಿಗಿಂತ ಮೊದಲು ಶ್ವೇತಾ ಬಚ್ಚನ್ ಪುತ್ರಿ ನವ್ಯಾ ನವೇಲಿ ನಂದಾ ಮತ್ತು ಶಾರುಖ್ ಖಾನ್ ಪುತ್ರ ಆರ್ಯನ್ ಖಾನ್ ಅವರ ಅಫೇರ್ ಬಗ್ಗೆಯೂ ಮಾಧ್ಯಮಗಳಲ್ಲಿ ಸುದ್ದಿ ಸಖತ್ ಸದ್ದು ಮಾಡಿತ್ತು. ಆಗ ಇಬ್ಬರೂ ಒಂದೇ ಶಾಲೆಯಲ್ಲಿ ಓದುತ್ತಿದ್ದರು.
ಎಂಎಂಎಸ್ ಕ್ಲಿಪ್ ಕೂಡ ಅಂತರ್ಜಾಲದಲ್ಲಿ ವೈರಲ್ ಆಗಿದ್ದು, ಅದನ್ನು ವೀಕ್ಷಿಸಿದ ನಂತರ ಅದರಲ್ಲಿ ಕಾಣಿಸಿಕೊಂಡಿರುವ ಜೋಡಿ ಆರ್ಯನ್ ಖಾನ್ ಮತ್ತು ನವ್ಯಾ ನಂದಾ ಎಂದು ಹೇಳಲಾಗುತ್ತಿದೆ. ಆದಾಗ್ಯೂ, ನಂತರ ಈ MMS ಕ್ಲಿಪ್ ನಕಲಿ ಎಂದು ಘೋಷಿಸಲಾಯಿತು.