Raj Kapoorರನ್ನು ಹುಚ್ಚರಂತೆ ಪ್ರೀತಿಸುತ್ತಿದ್ದ Nargis ಸುನಿಲ್ ದತ್‌ ಮದುವೆಯಾಗಿದ್ದು ಹೇಗೆ?

ನಟ ಸಂಜಯ್‌ ದತ್‌ (Sanjay Dutt) ಅವರ ತಾಯಿ ಬಾಲಿವುಡ್‌ನ ಪ್ರಸಿದ್ಧ ನಟಿ ನರ್ಗೀಸ್ ದತ್   (Nargis Dutt) ಅವರು 3 ಮೇ 1981 ರಂದು ನಿಧನರಾದರು.  ಅವರ ಪುಣ್ಯತಿಥಿಯಂದು ಸಂಜಯ್ ದತ್ ತನ್ನ ತಾಯಿಯನ್ನು ತುಂಬಾ ನೆನಪಿಸಿಕೊಳ್ಳುತ್ತಾರೆ. ಅವರು ತನ್ನ ತಾಯಿ ನರ್ಗೀಸ್‌ಗೆ ತುಂಬಾ ಹತ್ತಿರವಾಗಿದ್ದರು. ಚಿಕ್ಕ ವಯಸ್ಸಿನಲ್ಲೇ ಬಾಲಿವುಡ್ ಗೆ ಕಾಲಿಡುವ ಮೂಲಕ ವಿಭಿನ್ನ ಐಡೆಂಟಿಟಿಯನ್ನು ಮೂಡಿಸಿಕೊಂಡಿದ್ದ ನರ್ಗೀಸ್ 'ಮದರ್ ಇಂಡಿಯಾ' ಚಿತ್ರದಲ್ಲಿನ ಅವರ ಅಭಿನಯ ದೇಶ ಮಾತ್ರವಲ್ಲದೆ ವಿದೇಶಗಳಲ್ಲೂ ಗಮನಸೆಳೆಯಿತು.  ನರ್ಗೀಸ್, ಚಿಕ್ಕ ವಯಸ್ಸಿನಲ್ಲೇ ಕ್ಯಾನ್ಸರ್‌ನಿಂದ ಬಳಲುತ್ತಿದ್ದರು. ಅವರ ಪುಣ್ಯತಿಥಿಯಂದು ಅವರ ಜೀವನಕ್ಕೆ ಸಂಬಂಧಿಸಿದ ಕೆಲವು  ಕುತೂಹಲಕಾರಿ ವಿಷಯಗಳನ್ನು ತಿಳಿಯೋಣ.

ಮದರ್‌ ಇಂಡಿಯಾ ಸಿನಿಮಾದ ಹೆಸರು ಕೇಳಿದಾಗ ಮೊದಲು ನೆನಪಾಗುವುದು ನರ್ಗೀಸ್ ದತ್ ಅವರ ಮುಖ. ಈ ಚಿತ್ರ ಆಸ್ಕರ್ ಪ್ರಶಸ್ತಿಯನ್ನು ತಲುಪಿತು. ಬಾಲಿವುಡ್‌ಗೆ ಬರುವ ಮೊದಲು ಈ ನಟಿಗೆ ಎರಡು ಹೆಸರುಗಳನ್ನು ಇಡಲಾಗಿತ್ತು. ಅವರ ಮುಸ್ಲಿಂ ತಾಯಿ ಅವರನ್ನು ಫಾತಿಮಾ ರಶೀದ್ ಎಂದು ಕರೆಯುತ್ತಿದ್ದರು. ಅದೇ ಸಮಯದಲ್ಲಿ, ಅವರ ಹಿಂದೂ ತಂದೆ ಅವರಿಗೆ ತೇಜಶ್ವಿರ್ ಉತ್ತಮ್ ಚಂದ್ ಮೋಹನ್ ಚಂದ್ ಎಂದು ಹೆಸರಿಸಿದರು. 

ನರ್ಗೀಸ್ ಅವರ ತಾಯಿ ಜಡ್ಡನ್ಬಾಯಿ ಅವರು ಆ ಸಮಯದಲ್ಲಿ ಹಿಂದಿ ಚಿತ್ರರಂಗದಲ್ಲಿ  ಪ್ರಸಿದ್ಧರಾಗಿದ್ದರು. ಅವರು ಚಲನಚಿತ್ರಗಳನ್ನು ನಿರ್ಮಿಸುತ್ತಿದ್ದರು, ನಟಿಸುತ್ತಿದ್ದರು ಮತ್ತು  ಅವರು ಗಾಯಕಿಯೂ ಆಗಿದ್ದರು. ಸಿನಿಮಾ ನಿರ್ದೇಶನವನ್ನೂ ಮಾಡುತ್ತಿದ್ದರು. 

ನರ್ಗೀಸ್ ತನ್ನ ಐದನೇ ವಯಸ್ಸಿನಿಂದಲೇ ಚಿತ್ರರಂಗದಲ್ಲಿ ಕೆಲಸ ಮಾಡಲು ಪ್ರಾರಂಭಿಸಿದರು. ‘ತಲಾಶ್-ಎ-ಹಕ್’ ಚಿತ್ರದಲ್ಲಿ ಬಾಲ ಕಲಾವಿದನಾಗಿ ಕೆಲಸ ಮಾಡಿದ್ದರು. ಈ ಚಿತ್ರದ ನಂತರ ಅವರು ಬೇಬಿ ನರ್ಗೀಸ್ ಎಂದು ಪ್ರಸಿದ್ಧರಾದರು. 14 ನೇ ವಯಸ್ಸಿನಲ್ಲಿ, ಅವರು ಮೆಹಬೂಬ್ ಖಾನ್ ಅವರ ತಕ್ದೀರ್ ಚಿತ್ರದ ಮೂಲಕ ನಟಿಯಾಗಿ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು.

ನರ್ಗೀಸ್ ಮತ್ತು ರಾಜ್ ಕಪೂರ್ ಜೋಡಿಯು ಬಾಲಿವುಡ್‌ಗೆ ಅನೇಕ ಉತ್ತಮ ಚಿತ್ರಗಳನ್ನು ನೀಡಿತು. ಆವಾರಾ, ಶ್ರೀ 420, ಚೋರಿ-ಚೋರಿ, ಆಹ್, ಬರ್ಸಾತ್, ಬೇವಾಫಾ, ಜಾನ್ ಪೆಹಚಾನ್ ಮುಂತಾದ ಚಿತ್ರಗಳನ್ನು ನೀಡುವ ಮೂಲಕ ಅವರು ಪ್ರಸಿದ್ಧರಾದರು. ಇವರಿಬ್ಬರ ಜೋಡಿ 10 ವರ್ಷಗಳ ಕಾಲ ಬೆಳ್ಳಿತೆರೆಯಲ್ಲಿ ಪ್ರಾಬಲ್ಯ ಮೆರೆದಿದೆ. ಅವರು 16 ಚಿತ್ರಗಳಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದಾರೆ. ಇಬ್ಬರ ಪ್ರೇಮಕಥೆಯ ಚರ್ಚೆಗಳು ಇನ್ನೂ ಜನರ ಬಾಯಲ್ಲಿವೆ.

ಇದಲ್ಲದೇ ನರ್ಗೀಸ್ ಅನೇಕ ನಟರ ಜೊತೆ ಸ್ಮರಣೀಯ ಚಿತ್ರಗಳನ್ನು ನೀಡಿದ್ದರು. ಮದರ್ ಇಂಡಿಯಾ, ಅಂದಾಜ್, ದೀದರ್, ಮೇಳ ಇವರಲ್ಲಿ ಸೇರಿದ್ದಾರೆ. ಅವರು ಅತ್ಯುತ್ತಮ ನಟಿಯಿಂದ ಹಿಡಿದು ಅನೇಕ ಪ್ರಶಸ್ತಿಗಳನ್ನು ಪಡೆದರು. ನರ್ಗೀಸ್ ಅವರಿಗೆ ಪದ್ಮಶ್ರೀ ಪ್ರಶಸ್ತಿ ನೀಡಲಾಯಿತು.ಈ ಗೌರವಕ್ಕೆ ಪಾತ್ರರಾದ ಮೊದಲ ನಟಿ ಅವರು.

19 ನೇ ವಯಸ್ಸಿನಲ್ಲಿ, ರಾಜ್ ಕಪೂರ್‌ಗಾಗಿ ನರ್ಗೀಸ್ ಹೃದಯ ನೀಡಿದರು. ಆ ಸಮಯದಲ್ಲಿ ರಾಜ್ ಕಪೂರ್ ಮದುವೆಯಾಗಿ ಮಕ್ಕಳಿದ್ದರು. ಆದರೆ ನಟಿ ನೀಲಿ ಕಣ್ಣಿನ ರಾಜ್ ಕಪೂರ್‌ಗೆ ಮನ ಸೋತಿದ್ದರು ಮತ್ತು ರಾಜ್ ಕಪೂರ್ ಜೊತೆ 10 ವರ್ಷಗಳ ಕಾಲ ಸಂಬಂಧದಲ್ಲಿದ್ದರು. ಆದರೆ ನಂತರ ಅವರು ರಾಜ್ ಕಪೂರ್  ಮದುವೆ ಗೆ ಒಪ್ಪದ ಕಾರಣ ಈ ಸಂಬಂಧವು ಮುಂದುವರಿಯುವುದಿಲ್ಲ ಎಂದು ಅವರು ಭಾವಿಸಲು ಪ್ರಾರಂಭಿಸಿದರು. 

ಮೆಹಬೂಬ್ ಖಾನ್ ಅವರ ಮದರ್ ಇಂಡಿಯಾ ಚಿತ್ರಕ್ಕೆ ಸಹಿ ಹಾಕಿದರು. ಈ ಚಿತ್ರದಲ್ಲಿ ಸುನೀಲ್ ದತ್ ಇದ್ದರು. ಸಿನಿಮಾದ ಒಂದು ದೃಶ್ಯದಲ್ಲಿ  ಸಿಜವಾಗಲೂ ಬೆಂಕಿ ಹತ್ತಿಕೊಂಡು ನರ್ಗೀಸ್  ಅವರನ್ನು ರಕ್ಷಿಸುವ ಧೈರ್ಯ ಯಾರಿಗೂ ಇರಲಿಲ್ಲ. ಆದರೆ ಸುನೀಲ್ ದತ್ ಬೆಂಕಿಗೆ ಹಾರಿ ಅವರನ್ನು ಹೊರಗೆ ತರುತ್ತಾರೆ. ಈ ವೇಳೆ ಅವರೂ ಸುಟ್ಟು ಕರಕಲಾದರು. ಇದಾದ ನಂತರ ನರ್ಗೀಸ್‌ಗೆ ತನಗೆ ಬೆಲೆ ಕೊಡುವವರು ಇದ್ದಾರೆ ಎಂದು ಅನಿಸಿತು. ನಂತರ, ಅವರು ರಾಜ್ ಕಪೂರ್ ಜೊತೆಗಿನ ಸಂಬಂಧವನ್ನು ಮುರಿದು ಸುನೀಲ್ ದತ್‌ಗೆ ಜೊತೆಯಾದರು. 

ಆಕೆ ನನ್ನ ಜೊತೆ ಬರುತ್ತಿದ್ದಾಗ ಚಪ್ಪಲಿ ಹಾಕುತ್ತಿರಲಿಲ್ಲ. ಏಕೆಂದರೆ ನಾವು ಎತ್ತರದಲ್ಲಿ ಸಮಾನರಾಗಿದ್ದೇವೆ. ಒಮ್ಮೆ ಅವಳು ನನ್ನನ್ನು ಭೇಟಿಯಾಗಲು ಬಂದಾಗ, ಅವಳು ಹೈ ಹೀಲ್ಸ್ ಧರಿಸಿದ್ದಳು. ನಾನು 20 ನಿಮಿಷಗಳ ಕಾಲ ಚಪ್ಪಲಿಯನ್ನು ನೋಡಿದೆ ಎಂದು ಹೇಳಿದರು ರಾಜ್ ಕಪೂರ್.  ಒಮ್ಮೆ ಅವಳು ಗುಜರಾತ್‌ನಲ್ಲಿ ಮದರ್ ಇಂಡಿಯಾ ಚಿತ್ರೀಕರಣದಲ್ಲಿದ್ದಾಗ, ಅವಳ ಡ್ರೈವರ್ ನನ್ನ ಬಳಿಗೆ ಬಂದು ಮೇಡಂ ಹೈ ಹೀಲ್ಸ್ ಮತ್ತು ಹಾರ್ಮೋನಿಯಂ ಕೇಳಿದ್ದಾರೆ ಎಂದು ಹೇಳಿದಾಗ ಅವಳ ಜೀವನದಲ್ಲಿ ಎತ್ತರದ ಯಾರೋ ಒಬ್ಬರು ಬಂದಿದ್ದಾರೆಂದು ನನಗೆ ಅರ್ಥವಾಯಿತು ಎಂದು ರಾಜ್‌ಕುಮಾರ್‌ ಹೇಳಿದ್ದರು. ಸುನಿಲ್ ದತ್ ಆರು ಅಡಿ ಇದ್ದರು.

ಹೀಗೆ ನರ್ಗೀಸ್ ಮತ್ತು ರಾಜ್ ಕಪೂರ್ ಅವರ ಪ್ರೀತಿ ಕೊನೆಗೊಂಡಿತು ಮತ್ತು ಸುನೀಲ್ ದತ್ ಮತ್ತು ನರ್ಗೀಸ್ ನಡುವೆ ಸಂಬಂಧವು ಪ್ರಾರಂಭವಾಯಿತು. 11 ಮಾರ್ಚ್ 1958 ರಂದು ಸುನೀಲ್ ದತ್ ಮತ್ತು ನರ್ಗೀಸ್ ಆರ್ಯಸಮಾಜದ ವಿಧಿವಿಧಾನಗಳ ಪ್ರಕಾರ ವಿವಾಹವಾದರು. ಆ ಸಮಯದಲ್ಲಿ ನರ್ಗೀಸ್ ಟಾಪ್ ನಟಿಯಾಗಿದ್ದು, ಸುನೀಲ್ ದತ್ ಕಷ್ಟಪಡುತ್ತಿದ್ದರು. ಆದರೆ ಮದುವೆಯ ನಂತರ, ನಟಿ ತನ್ನ ಐಷಾರಾಮಿ ಬಿಟ್ಟು ಸುನೀಲ್ ದತ್ ಜೊತೆ ವಾಸಿಸಲು ಪ್ರಾರಂಭಿಸಿದರು. ಅವರು ತುಂಬಾ ಸಂತೋಷವಾಗಿದ್ದರು

ನರ್ಗೀಸ್ ಮತ್ತು ಸುನೀಲ್ ದತ್ ಅವರಿಗೆ ಸಂಜಯ್ ದತ್, ಪ್ರಿಯಾ ದತ್ ಮತ್ತು ನಮ್ರತಾ ದತ್ ಎಂಬ ಮೂವರು ಮಕ್ಕಳಿದ್ದಾರೆ. ನರ್ಗೀಸ್ ಸಂಜಯ್ ದತ್ ಅವರನ್ನು ತುಂಬಾ ಪ್ರೀತಿಸುತ್ತಿದ್ದರು. ಸಂಜಯ್ ಕೂಡ ತನ್ನ ತಾಯಿಯ ಮೇಲೆ ತನ್ನ ಪ್ರಾಣವನ್ನು ಬೀಡುತ್ತಿದ್ದರು. ಆದರೆ ತಾಯಿ ಮಗನ ಜೊತೆ ಹೆಚ್ಚು ಕಾಲ ಇರಲು ಸಾಧ್ಯವಾಗಲಿಲ್ಲ. ಕ್ಯಾನ್ಸರ್ ನರ್ಗಿಸ್ ದತ್ ಅವರ ಜೀವನವನ್ನು ಕಿತ್ತುಕೊಂಡಿತು.