ಸೋಮಿ ಅಲಿ ಅಥವಾ ಸಂಗೀತಾ ಬಿಜಲಾನಿ ಅಲ್ಲ ಸಲ್ಮಾನ್ ಖಾನ್ ಫಸ್ಟ್ Girl Friend ಇವರು!
ಬಾಲಿವುಡ್‌ನ ಸೂಪರ್ಸ್ಟಾರ್ ಸಲ್ಮಾನ್ ಖಾನ್ (Salman Khan) ಆಫೇರ್‌ ಮತ್ತು ಗರ್ಲ್‌ಫ್ರೆಂಡ್ಸ್‌ (Girl Friends) ಬಗ್ಗೆ ಎಲ್ಲರಿಗೂ ತಿಳಿದಿದೆ. ಸಂಗೀತಾ ಬಿಜ್ಲಾನಿಯಿಂದ (Sangeeta Bijlani ), ಸೋಮಿ ಅಲಿ (Somy Ali) , ಐಶ್ವರ್ಯಾ ರೈ (Aishwarya Rai), ಕತ್ರಿನಾ ಕೈಫ್ (Katrina Kaif), ಪ್ರಸ್ತುತ ರೊಮೇನಿಯನ್ ಸುಂದರಿ ಲುಲಿಯಾ ವಂತೂರ್ ಹೀಗೆ ಸಲ್ಮಾನ್ ಖಾನ್ ಅವರ ಲವ್‌ ಲೈಫ್‌ ಯಾವಾಗಲೂ ಚರ್ಚೆಯಾಗುತ್ತದೆ. ಆದರೆ ಸೋಮಿ ಅಲಿ ಅಥವಾ ಸಂಗೀತಾ ಬಿಜಲಾನಿ ಸಲ್ಮಾನ್ ಖಾನ್ ಅವರ ಮೊದಲ ಗೆಳತಿ ಅಲ್ಲ. ಹಾಗಾದರೆ ಸಲ್ಮಾನ್ ಅವರ ಫಸ್ಟ್ ಗರ್ಲ್‌ಫ್ರೆಂಡ್‌ ಯಾರು ಗೊತ್ತಾ?
ಸಲ್ಮಾನ್ ಖಾನ್ ಅವರ ಮೊದಲ ಗರ್ಲ್‌ಫ್ರೆಂಡ್‌ ಯಾರು ಗೊತ್ತಾ? ಶಾಹೀನ್ ಜಾಫ್ರಿ (Shaheen Jaffrey) ಮಾಜಿ ಮಾಡೆಲ್ ಮತ್ತು ನಟಿ ಕಿಯಾರಾ ಅಡ್ವಾಣಿ ಅವರ ಚಿಕ್ಕಮ್ಮ. ಶಾಹೀನ್ ಪ್ರಸಿದ್ಧ ಚಲನಚಿತ್ರ ನಟ ಅಶೋಕ್ ಕುಮಾರ್ ಅವರ ಮೊಮ್ಮಗಳು.
Kiara Advani
ದಿನಪತ್ರಿಕೆಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಕಿಯಾರಾ ಅಡ್ವಾಣಿ ಅವರು ತಮ್ಮ ತಾಯಿ ಸಲ್ಮಾನ್ ಖಾನ್ ಅವರಿಗೆ ಪರಿಚಯ ಮತ್ತು ಬಾಂದ್ರಾದಲ್ಲಿ ಒಟ್ಟಿಗೆ ಬೆಳೆದರು. ಅವರು ಬಹಳ ಸಮಯದಿಂದ ಸ್ನೇಹಿತರಾಗಿದ್ದರು ಮತ್ತು ಒಟ್ಟಿಗೆ ಸೈಕ್ಲಿಂಗ್ ಹೋಗುತ್ತಿದ್ದರು ಎಂದಿದ್ದಾರೆ.
ಆಕೆಯ ತಾಯಿ ನಂತರ ಸಲ್ಮಾನ್ ಖಾನ್‌ಗೆ ನನ್ನ ಚಿಕ್ಕಮ್ಮ ಶಾಹೀನ್ ಅನ್ನು ಪರಿಚಯಿಸಿದರು. ನಂತರ ಅವರಿಬ್ಬರೂ (ಸಲ್ಮಾನ್ ಮತ್ತು ಶಾಹೀನ್) ಪರಸ್ಪರ ಡೇಟಿಂಗ್ ಮಾಡಲು ಪ್ರಾರಂಭಿಸಿದರು. 'ಇದು ಬಹುಶಃ ಅವರ ಮೊದಲ ಸಂಬಂಧವಾಗಿರಬಹುದು,' ಎಂದು ಕಿಯಾರಾ ಹೇಳಿದ್ದರು.
ನಂತರ, ಜಾಸಿಮ್ ಖಾನ್ ಬರೆದ ಸಲ್ಮಾನ್ ಅವರ ಜೀವನಚರಿತ್ರೆ 'ಬೀಯಿಂಗ್ ಸಲ್ಮಾನ್' ನಲ್ಲಿ, ಸೂಪರ್ಸ್ಟಾರ್ ಅವರ ಪ್ರೇಮಕಥೆಯನ್ನು ಉಲ್ಲೇಖಿಸಲಾಗಿದೆ. ಅವರು 19 ವರ್ಷ ವಯಸ್ಸಿನವರಾಗಿದ್ದಾಗ, ಕೆಂಪು ಸ್ಪೋರ್ಟ್ಸ್ ಕಾರನ್ನು ಓಡಿಸುತ್ತಿದ್ದರು ಮತ್ತು ಶಾಹೀನ್ ಓದುತ್ತಿದ್ದ ಸೇಂಟ್ ಕ್ಸೇವಿಯರ್ಸ್ ಗೇಟ್‌ನಲ್ಲಿ ಆಗಾಗ್ಗೆ ಕಾಣಿಸಿಕೊಳ್ಳುತ್ತಿದ್ದರಂತೆ.
ಆದರೆ, ಅವರ ಪ್ರೇಮಕಥೆಯು ಸ್ವಲ್ಪ ದಿನಗಳಲ್ಲಿಯೇ ಕೊನೆಗೊಂಡಿದೆ. ಸಲ್ಮಾನ್ ಸಂಗೀತಾ ಬಿಜಲಾನಿಯೊಂದಿಗೆ ಡೇಟಿಂಗ್ ಮಾಡಲು ಪ್ರಾರಂಭಿಸಿದರು. ಸಲ್ಮಾನ್‌ನಿಂದ ಬೇರ್ಪಟ್ಟ ನಂತರ, ಶಾಹೀನ್ ಅಂತಾರಾಷ್ಟ್ರೀಯ ವಿಮಾನಯಾನ ಸಂಸ್ಥೆಯಲ್ಲಿ ಕೆಲಸ ಶುರುವಾಡಿದರು. ಜೀವನದಲ್ಲಿ ಮೂವ್‌ ಆನ್‌ ಆದರು.
ಸಂಗೀತಾಳನ್ನು ಸಲ್ಮಾನ್ ಮದುವೆಯಾಗಲು ಬಯಸಿದ್ದರು. ಮದುವೆಯ ದಿನಾಂಕವೂ ಡಿಸೈಡ್‌ ಆಗಿತ್ತು, ಆದರೆ ಅದು ನೆಡೆಯಲಿಲ್ಲ ಎಂದು ಹಳೆಯ ಸಂದರ್ಶನವೊಂದರಲ್ಲಿ, ಸಲ್ಮಾನ್ ತಮ್ಮ ಮತ್ತು ಸಂಗೀತಾ ಅವರ ಸಂಬಂಧದ ಬಗ್ಗೆ ಮಾತನಾಡುತ್ತಾ ಬಹಿರಂಗ ಪಡಿಸಿದ್ದರು. ಮತ್ತೊಬ್ಬ ಮಹಿಳೆಯೊಂದಿಗೆ ಸಲ್ಮಾನ್ ಅವರನ್ನು ರೆಡ್‌ಹ್ಯಾಂಡ್ ಆಗಿ ಹಿಡಿದಿದ್ದಕ್ಕಾಗಿ ಸಂಗೀತಾ ಮದುವೆಯನ್ನು ರದ್ದುಗೊಳಿಸಿದ್ದರು ಎಂದು ವರದಿಯಾಗಿದೆ.
