ನೆಟ್ಟಿಗ್ಗರ ಮನಗೆದ್ದ ಮಲೈಕಾ ಅರೋರಾ - ಮಗ ಅರ್ಹಾನ್ ಖಾನ್ ನಡುವಿನ ಬಾಂಡಿಂಗ್!
ಬಾಲಿವುಡ್ನ ಹಾಟ್ ದಿವಾ ಮಲೈಕಾ ಆರೋರಾ (Malaika Arora) ಮತ್ತು ಅವರ ಮಗ ಅರ್ಹಾನ್ ಖಾನ್ (Arhaan Khan) ಕ್ಯೂಟ್ ವಿಡಿಯೋವೊಂದು ಸಖತ್ ವೈರಲ್ ಆಗಿದೆ. ಮಲೈಕಾ ಅವರು ತಮ್ಮ ಮಗ ಅರ್ಹಾನ್ ಅವರಿಗೆ ಏರ್ಪೋರ್ಟ್ನಲ್ಲಿ ವಿದಾಯ ಹೇಳುತ್ತಿರುವ ಸಮಯದ ವಿಡಿಯೋ ಎಲ್ಲರ ಮನ ಸೆಳೆದಿದೆ.
ಮಲೈಕಾ ಅರೋರಾ ಅವರು ತಮ್ಮ ಮಗ ಅರ್ಹಾನ್ ಖಾನ್ ಅವರನ್ನು ವಿಮಾನ ನಿಲ್ದಾಣದಲ್ಲಿ ಡ್ರಾಪ್ ಮಾಡುವಾಗ ಕಾಣಿಸಿಕೊಂಡರು. ವಿದಾಯ ಹೇಳುವ ಮೊದಲು ಅವರು ಮಗನೊಂದಿಗೆ ಬೆಚ್ಚಗಿನ ಅಪ್ಪುಗೆಯನ್ನು ಹಂಚಿಕೊಂಡರು.
ಇವರಿಬ್ಬರ ಫೋಟೋಗಳು ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆದಿದ್ದು, ಅಭಿಮಾನಿಗಳು ಅಮ್ಮ ಮಗನ ಬಾಂಡಿಗ್ ಅನ್ನು ಶ್ಲಾಘಿಸಿದ್ದಾರೆ.
ಗುರುವಾರ ತುಂಬಾ ಬ್ಯುಸಿಯಾಗಿದ್ದ ಮಲೈಕಾ ಅರೋರಾ ಮುಂಬೈ ವಿಮಾನ ನಿಲ್ದಾಣದಲ್ಲಿ ತನ್ನ ಮಗನನ್ನು ಡ್ರಾಪ್ ಮಾಡಲು ಸ್ವಲ್ಪ ಸಮಯ ತೆಗೆದುಕೊಂಡರು. ಹಿಂದಿನ ದಿನದಲ್ಲಿ, ಅವರು ತನ್ನ ಯೋಗ ಸ್ಟುಡಿಯೋದ ಬಳಿ ಕಾಣಿಸಿಕೊಂಡಿದ್ದರು . ಸಂಜೆ, ಅವರು ರೆಡ್ ಕಾರ್ಪೆಟ್ ಸಮಾರಂಭದಲ್ಲಿ ಭಾಗವಹಿಸಿದ್ದರು.
ಇದೆಲ್ಲದರ ನಡುವೆ ಅವರು ವಿದೇಶಿದಲ್ಲಿ ಓದುತ್ತಿರುವ ತಮ್ಮ ಮಗ ಅರ್ಹಾನ್ನನ್ನು ಕಳುಹಿಸಲು ಮುಂಬೈ ವಿಮಾನ ನಿಲ್ದಾಣಕ್ಕೆ ಬಂದರು. ಈ ಸಮಯದಲ್ಲಿ ಅಮ್ಮ ಮಗ ಇಬ್ಬರೂ ಕಪ್ಪು ಔಟ್ಫಿಟ್ನಲ್ಲಿ ಕಾಣಿಸಿಕೊಂಡರು.
ಮಲೈಕಾ ಅರೋರಾ ಮತ್ತು ಮಾಜಿ ಪತಿ ಅರ್ಬಾಜ್ ಖಾನ್ ಸಹ-ಪೋಷಕರಾಗಿ ಮಗ ಅರ್ಹಾನ್ ಅವರನ್ನು ನೋಡಿಕೊಳ್ಳುತ್ತಿದ್ದಾರೆ ಮತ್ತು ಅರ್ಹಾನ್ ವಿದೇಶದಲ್ಲಿ ಉನ್ನತ ಶಿಕ್ಷಣವನ್ನು ಮುಂದುವರಿಸುತ್ತಿದ್ದಾರೆ. ರಜೆಯ ನಿಮಿತ್ತ ಮುಂಬೈನಲ್ಲಿದ್ದರು.
ಸಂದರ್ಶನವೊಂದರಲ್ಲಿ, ಅರ್ಬಾಜ್ ಖಾನ್ ಮಲೈಕಾ ಕಟ್ಟುನಿಟ್ಟಾದ ಆದರೆ ಸ್ನೇಹಪರ ಮತ್ತು ದೃಢವಾದ ತಾಯಿ ಎಂದು ಉಲ್ಲೇಖಿಸಿದ್ದಾರೆ ಆದರೆ ಅವರು ತಂದೆಯಾಗಿ ಹೆಚ್ಚು ಮೃದು ದೋರಣೆಯನ್ನು ಹೊಂದಿದ್ದಾರೆ ಎಂದು ಹೇಳಿಕೊಂಡಿದ್ದಾರೆ.
ಮಲೈಕಾ ಅರೋರಾ ಅವರು ಜನಪ್ರಿಯ ಹಾಡುಗಳಾದ ಚೈಯಾ ಚೈಯಾ, ಮುನ್ನಿ ಬದ್ನಾಮ್ ಹುಯಿ, ಅನಾರ್ಕಲಿ ಡಿಸ್ಕೋ ಚಾಲಿ ಮತ್ತು ಹಲೋ ಹಲೋ ಇತರ ಅನೇಕ ಹಾಡುಗಳಿಗೆ ನೃತ್ಯ ಪ್ರದರ್ಶನಗಳಿಗೆ ಹೆಸರುವಾಸಿಯಾಗಿದ್ದಾರೆ.
ಅವರು ರಿಯಾಲಿಟಿ ಟಿವಿ ಸರಣಿಯ ಮೂವಿಂಗ್ ಇನ್ ವಿತ್ ಮಲೈಕಾದಲ್ಲಿ ಕಾಣಿಸಿಕೊಂಡರು. ಮಾಜಿ ಮಾಡೆಲ್ ಮಲೈಕಾ ಕೂಡ ವಿಜೆ ಆಗಿದ್ದರು.
ಅವರು ಭಾರತದ ಅತ್ಯುತ್ತಮ ನರ್ತಕಿ, ನಾಚ್ ಬಲಿಯೆ, ಝಲಕ್ ದಿಖ್ಲಾ ಜಾ ಮತ್ತು ಜರಾ ನಚ್ಕೆ ದಿಖಾ ಸೇರಿದಂತೆ ವರ್ಷಗಳಲ್ಲಿ ಒಂದೆರಡು ನೃತ್ಯ ಕಾರ್ಯಕ್ರಮಗಳ ಜಡ್ಜ್ ಆಗಿದ್ದಾರೆ.
ಇಂಡಿಯಾಸ್ ಗಾಟ್ ಟ್ಯಾಲೆಂಟ್ ಮತ್ತು ಸೂಪರ್ ಮಾಡೆಲ್ ಆಫ್ ದಿ ಇಯರ್ ನಂತಹ ಕಾರ್ಯಕ್ರಮಗಳಿಗೂ ಮಲೈಕಾ ಅವರು ತೀರ್ಪುಗಾರರಾಗಿದ್ದರು.
ಇದಲ್ಲದೆ, ಮಲೈಕಾ ಅರೋರಾ ಯೋಗ ಸ್ಟುಡಿಯೋ, ಉಡುಪು ಬ್ರ್ಯಾಂಡ್ ಮತ್ತು ಆಹಾರ-ವಿತರಣಾ ವೇದಿಕೆಯನ್ನು ಸಹ ನಡೆಸುತ್ತಿದ್ದಾರೆ.