Katrina-Vicky Wedding: ಇವರೇಕೆ ರಿಜಿಸ್ಟರ್ ಮದುವೆಯಾಗುತ್ತಿದ್ದಾರೆ?
ಕತ್ರಿನಾ ಕೈಫ್ (Katrina Kaif) ಮತ್ತು ವಿಕ್ಕಿ ಕೌಶಲ್ ( Vicky Kaushal) ಅವರ ಮದುವೆಯ ವಿಷಯ ಇತ್ತೀಚಿನ ದಿನಗಳಲ್ಲಿ ಹೆಚ್ಚು ಚರ್ಚೆಯಾಗಿದೆ. ಮುಂದಿನ ತಿಂಗಳು ಡಿಸೆಂಬರ್ 7 ರಿಂದ 9 ರವರೆಗೆ ಈ ಜೋಡಿ ಮದುವೆಯಾಗಲಿದ್ದಾರೆ ಎಂದು ವರದಿಯಾಗಿದೆ. ಏತನ್ಮಧ್ಯೆ, ಈಗ ಹೊಸ ಸುದ್ದಿಯೊಂದು ಬರುತ್ತಿದೆ, ಅದರ ಪ್ರಕಾರ ಕತ್ರಿನಾ ಮತ್ತು ವಿಕ್ಕಿ ಕೌಶಲ್ ರಾಜಸ್ಥಾನದಲ್ಲಿ ರಾಯಲ್ ವೆಡ್ಡಿಂಗ್ಗೆ ಮೊದಲು ಮುಂಬೈನಲ್ಲಿ ಕೋರ್ಟ್ ಮ್ಯಾರೇಜ್ ಮಾಡಲಿದ್ದಾರಂತೆ. ಇಲ್ಲಿದೆ ಮಾಹಿತಿ.
ಹೊಸ ಸುದ್ದಿಯೊಂದು ಬರುತ್ತಿದ್ದು, ರಾಜಸ್ಥಾನದಲ್ಲಿ ನಡೆಯುವ ರಾಯಲ್ ವೆಡ್ಡಿಂಗ್ಗೂ ಮುನ್ನ ಕತ್ರಿನಾ ಮತ್ತು ವಿಕ್ಕಿ ಕೌಶಲ್ ಮುಂಬೈನಲ್ಲಿ ಕೋರ್ಟ್ ಮ್ಯಾರೇಜ್ ಮಾಡಲಿದ್ದಾರೆ. ಮುಂದಿನವಾರ ಇಬ್ಬರೂ ಕೋರ್ಟ್ ಮ್ಯಾರೇಜ್ ಮಾಡಿಕೊಳ್ಳಬಹುದು ಎಂದು ಹೇಳಲಾಗುತ್ತಿದೆ.
ರಾಜಸ್ಥಾನದಲ್ಲಿ ರಾಯಲ್ ಆಗಿ ಸಪ್ತಪದಿ ತುಳಿಯುವ ಈ ಜೋಡಿ, ಮದುವಗೆ ಬರುವವರಿಗೆ ಮೊಬೈಲ್ ಬಳಸುವುದನ್ನು ನಿಷೇಧಿಸಿದೆ. ಹಿಂದೂ ಹಾಗೂ ಮುಸ್ಲಿಂ ಎರಡೂ ಸಂಪ್ರದಾಯದಂತೆಯೂ ಹಸೆಮಣೆ ಏರುತ್ತಂತೆ ಈ ಜೋಡಿ.
ವಿಕ್ಕಿ ಕೌಶಲ್ ಮತ್ತು ಕತ್ರಿನಾ ತಮ್ಮ ಮದುವೆಯನ್ನು ಬಹಳ ರಹಸ್ಯವಾಗಿಡಲು ಬಯಸಿದ್ದಾರೆ. ಹಾಗಾಗಿಯೇ ಅವರು ಇನ್ನೂ ಮದುವೆಯ ದಿನಾಂಕವನ್ನು ಪ್ರಕಟಿಸಿಲ್ಲ. ಮದುವೆಗೆ ಸಾಕಷ್ಟು ಸಮಯವನ್ನು ಹೊಂದಲು ಕತ್ರಿನಾ ಕೈಫ್ ತನ್ನ ಮುಂಬರುವ ಪ್ರಾಜೆಕ್ಟ್ಗಳು ಮತ್ತು ಕೆಲವು ಜಾಹೀರಾತುಗಳ ಚಿತ್ರೀಕರಣವನ್ನು ಪೂರ್ಣಗೊಳಿಸಲಿದ್ದಾರೆ.
ವಿಕ್ಕಿ ಕೌಶಲ್ ಕೂಡ ತಮ್ಮ ಕೆಲಸದ ಕಮಿಟ್ಮೆಂಟ್ಗಳನ್ನು ಪೂರೈಸುವಲ್ಲಿ ನಿರತರಾಗಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ ಅವರ ಸಹೋದರ ಸನ್ನಿ ಕೌಶಲ್ ಮತ್ತು ಅವರ ತಾಯಿ ನಟನ ಮದುವೆಯ ತಯಾರಿಯಲ್ಲಿ ಬ್ಯುಸಿಯಾಗಿದ್ದಾರೆ.
ಕತ್ರಿನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ಅವರ ಮದುವೆಯ ಬಗ್ಗೆ ವಿಭಿನ್ನ ವರದಿಗಳು ಹೊರಬರುತ್ತಿವೆ. ಸಲ್ಮಾನ್ ಖಾನ್ ಅವರ ಮುಂಬರುವ ಚಿತ್ರ 'ಟೈಗರ್ 3' ನಲ್ಲಿ ಕತ್ರಿನಾ ಕೈಫ್ ಕೂಡ ಹೆಸರನ್ನು ಬದಲಾಯಿಸಲಿದ್ದಾರೆ ಎಂದು ವರದಿಯೊಂದು ಹೇಳಿದೆ. ಕತ್ರಿನಾ ನಿಜವಾಗಿಯೂ ಹೀಗೆ ಮಾಡಿದರೆ, ಅವರ ಚಿತ್ರದ ಪೋಸ್ಟರ್ ಮತ್ತು ಟೀಸರ್ನಲ್ಲಿ ಅವರ ಹೆಸರು ಕತ್ರಿನಾ ಕೈಫ್ ಕೌಶಲ್ ಎಂದು ಇರುತ್ತದೆ.
ರಾಜಸ್ಥಾನದ ರಣಥಂಬೋರ್ ರಾಷ್ಟ್ರೀಯ ಉದ್ಯಾನವನದ ಬಳಿಯ ಹೋಟೆಲ್ ಸಿಕ್ಸ್ ಸೆನ್ಸ್ ಬರ್ವಾರಾ ಫೋರ್ಟ್ನಲ್ಲಿ ಈ ಕಪಲ್ ವಿವಾಹವಾಗಲಿದ್ದಾರೆ. ಸದ್ಯ ಇವರಿಬ್ಬರ ಮದುವೆ ತಯಾರಿ ಶುರುವಾಗಿದೆ.
ಮದುವೆಗೆ ಬರುವ ವಿಶೇಷ ಅತಿಥಿಗಳಿಗಾಗಿ ಈಗಾಗಲೇ 5 ಸ್ಟಾರ್ ತಾಜ್ ಮತ್ತು ಒಬೆರಾಯ್ ಹೋಟೆಲ್ಗಳ ಬುಕ್ಕಿಂಗ್ ಮಾಡಲಾಗಿದೆ. ಇದರಲ್ಲಿ ಸುಮಾರು 125 ವಿಐಪಿ ಅತಿಥಿಗಳು ತಂಗಲಿದ್ದಾರೆ. ಅಷ್ಟೇ ಅಲ್ಲ ಮದುವೆಗೆ ಬರುವ ಅತಿಥಿಗಳಿಗೆ ವಿಶೇಷ ರಾಜಸ್ಥಾನಿ ಖಾದ್ಯಗಳನ್ನು ನೀಡಲಾಗುವುದು.