ಬಾಕ್ಸಾಫೀಸ್‌ನಲ್ಲಿ ಭರ್ತಿ 8000 ಕೋಟಿ ಗಳಿಸಿದ ನಟ; ಶಾರೂಕ್, ಸಲ್ಮಾನ್, ರಜಿನಿ, ಪ್ರಭಾಸ್ ಅಲ್ವೇ ಅಲ್ಲ!
ಭಾರತದ ಅತ್ಯಂತ ಯಶಸ್ವಿ ನಟ ಗಲ್ಲಾಪೆಟ್ಟಿಗೆಯಲ್ಲಿ 8000 ರೂ. ಕೋಟಿ ಗಳಿಸಿದ್ದಾರೆ. ಅದು ಶಾರೂಕ್ ಖಾನ್, ಸಲ್ಮಾನ್, ಅಮೀರ್, ರಜನಿಕಾಂತ್, ಪ್ರಭಾಸ್ ಇವರ್ಯಾರೂ ಅಲ್ಲ. ಮತ್ಯಾರು?
ಭಾರತೀಯ ಚಿತ್ರರಂಗವು ಅಶೋಕ್ ಕುಮಾರ್, ದಿಲೀಪ್ ಕುಮಾರ್ ಅವರ ದಿನಗಳಿಂದ ಆರಂಭಗೊಂಡು ರಜನಿಕಾಂತ್, ಶಾರೂಕ್ ಖಾನ್ ಅವರ ಅಂತಾರಾಷ್ಟ್ರೀಯ ಸ್ಟಾರ್‌ಡಮ್‌ನ ವರೆಗೆ ಹಲವಾರು ಸೂಪರ್‌ಸ್ಟಾರ್‌ಗಳನ್ನು ಕಂಡಿದೆ. ಈ ಎಲ್ಲಾ ಸ್ಟಾರ್‌ಗಳ ದೊಡ್ಡ ಹೆಗ್ಗಳಿಕೆ ಅವರ ಬಾಕ್ಸ್ ಆಫೀಸ್ ಕಲೆಕ್ಷನ್‌ ಆಗಿದೆ. ಆದರೆ ಭಾರತೀಯ ಚಿತ್ರರಂಗದ ಇತಿಹಾಸದಲ್ಲಿ ಅತ್ಯಂತ ಯಶಸ್ವಿ ನಟ, ಬಾಕ್ಸಾಫೀಸ್‌ನಲ್ಲಿ ಅತ್ಯಂತ ಹೆಚ್ಚು ಗಳಿಕೆ ಮಾಡಿದ ನಟ ಇವರ್ಯಾರೂ ಅಲ್ಲ ಅನ್ನೋದು ಅಚ್ಚರಿಯ ಸಂಗತಿ
ಭಾರತದ ಅತ್ಯಂತ ಯಶಸ್ವಿ ನಟ ಗಲ್ಲಾಪೆಟ್ಟಿಗೆಯಲ್ಲಿ 8000 ರೂ. ಕೋಟಿ ಗಳಿಸಿದ್ದಾರೆ. ಅದು ಶಾರೂಕ್ ಖಾನ್, ಸಲ್ಮಾನ್, ಅಮೀರ್, ರಜನಿಕಾಂತ್, ಪ್ರಭಾಸ್ ಇವರ್ಯಾರೂ ಅಲ್ಲ. ಈ ನಟ ಶಾರುಖ್, ಸಲ್ಮಾನ್, ಅಮೀರ್ ಅಥವಾ ರಜನಿಕಾಂತ್ ಅವರ ಚಿತ್ರಗಳಿಗಿಂತ ಸುಮಾರು 8000 ಕೋಟಿ ರೂಪಾಯಿ ಗಳಿಸಿದ ಚಿತ್ರಗಳಲ್ಲಿ ನಟಿಸಿದ್ದಾರೆ.
ಚಿತ್ರರಂಗದ ತಜ್ಞರ ಪ್ರಕಾರ ಅಕ್ಷಯ್ ಕುಮಾರ್ ಅವರ ಚಲನಚಿತ್ರಗಳು ಗಲ್ಲಾಪೆಟ್ಟಿಗೆಯಲ್ಲಿ ಯಾವುದೇ ಭಾರತೀಯ ನಟರಿಗಿಂತ ಹೆಚ್ಚು ಗಳಿಸಿವೆ. ಕಳೆದ 15 ವರ್ಷಗಳಿಂದ ಹಲವು ಸೂಪರ್ ಹಿಟ್ ಸಿನಿಮಾದಲ್ಲಿ ನಟಿಸಿರುವ ಅಕ್ಷಯ್ ಕುಮಾರ್ ಕಲೆಕ್ಷನ್‌ನಲ್ಲಿ, ಶಾರೂಕ್, ಸಲ್ಮಾನ್, ಅಮೀರ್ ಖಾನ್ ಮತ್ತು ದಕ್ಷಿಣದ ಸೂಪರ್‌ಸ್ಟಾರ್‌ಗಳಾದ ರಜನಿಕಾಂತ್, ಪ್ರಭಾಸ್ ಮತ್ತು ಕಮಲ್ ಹಾಸನ್ ಅವರನ್ನು ಹಿಮ್ಮೆಟ್ಟಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಬೊಲ್ಲಿ ಮೂವೀ ರಿವ್ಯೂಸ್ ಪ್ರಕಾರ, ಅಕ್ಷಯ್ ಅವರ ಚಿತ್ರಗಳು 2023ರ ವೇಳೆಗೆ ಭಾರತದಲ್ಲಿ 4834 ಕೋಟಿ ರೂಪಾಯಿಗಳನ್ನು ಗಳಿಸಿವೆ. ಇದು ಅವರ ಚಿತ್ರಗಳಿಗೆ ಸುಮಾರು 6000 ಕೋಟಿ ರೂಪಾಯಿಗಳ ದೇಶೀಯ ಆದಾಯವನ್ನು ನೀಡುತ್ತದೆ. ಪ್ರಪಂಚದಾದ್ಯಂತ ಅವರ 126 ಚಲನಚಿತ್ರಗಳು 250 ಮಿಲಿಯನ್ ಗಳಿಕೆಯನ್ನು ನಿರ್ವಹಿಸಿವೆ. ಅಂದರೆ ಪ್ರಪಂಚದಾದ್ಯಂತ ಸುಮಾರು 8000 ಕೋಟಿ ರೂ. ಗಳಿಕೆಯಾಗಿದೆ.
ಶಾರುಖ್ ಖಾನ್, ಸಲ್ಮಾನ್ ಖಾನ್, ಅಮೀರ್ ಖಾನ್, ರಜನಿಕಾಂತ್ ಮತ್ತು ಪ್ರಭಾಸ್‌ನಂಥಾ ನಟರು ಇರುವಾಗ ಅಕ್ಷಯ್ ಕುಮಾರ್ ಪಟ್ಟಿಯಲ್ಲಿ ಹೇಗೆ ಅಗ್ರಸ್ಥಾನದಲ್ಲಿದ್ದಾರೆ ಎಂದು ಆಶ್ಚರ್ಯವಾಗಬಹುದು. ಅದಕ್ಕೆ ಪ್ರಮುಖ ಅಂಶವೆಂದರೆ ವರ್ಷಕ್ಕೆ ಹಲವಾರು ಚಿತ್ರಗಳನ್ನು ಮಾಡುವ ಅಕ್ಷಯ್ ಒಲವು. ಸುಮಾರು 15 ವರ್ಷಗಳ ಹಿಂದೆ 100 ಕೋಟಿ ಕ್ಲಬ್ ಸ್ಥಾಪನೆಯಾದಾಗ ಭಾರತೀಯ ಚಲನಚಿತ್ರಗಳ ಬಾಕ್ಸ್ ಆಫೀಸ್ ಸಂಖ್ಯೆಗಳು ಹೆಚ್ಚಾಗಲು ಪ್ರಾರಂಭಿಸಿದವು. ಅಂದಿನಿಂದ, ಅಕ್ಷಯ್ ಅವರು 52 ಚಿತ್ರಗಳನ್ನು ಮಾಡಿದ್ದಾರೆ.
ಇದೇ ಅವಧಿಯಲ್ಲಿ ಶಾರುಖ್ 15 ಚಿತ್ರಗಳು, ಸಲ್ಮಾನ್ 25 ಚಿತ್ರಗಳು, ಅಮೀರ್ ಕೇವಲ ಒಂಬತ್ತು ಚಿತ್ರಗಳನ್ನು ಮಾಡಿದ್ದಾರೆ. 80 ಮತ್ತು 90ರ ದಶಕದಲ್ಲಿ ಹೆಚ್ಚು ಸಿನಿಮಾಗಳಲ್ಲಿ ನಟಿಸುತ್ತಿದ್ದ ರಜನಿಕಾಂತ್ 2008ರಿಂದ, ಕೇವಲ 10 ಚಿತ್ರಗಳಲ್ಲಿ ನಾಯಕರಾಗಿ ನಟಿಸಿದ್ದಾರೆ. ಹಾಗಾಗಿ, ಇತರ ಸ್ಟಾರ್‌ಗಳಿಗಿಂತ 3-5 ಪಟ್ಟು ಹೆಚ್ಚು ಚಿತ್ರಗಳನ್ನು ಮಾಡುವ ಮೂಲಕ, ಅಕ್ಷಯ್ ಗಲ್ಲಾಪೆಟ್ಟಿಗೆಯಲ್ಲಿ ಹಣವನ್ನು ಗಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಈ ಅವಧಿಯಲ್ಲಿ, ಅವರು 2.0, ಸೂರ್ಯವಂಶಿ, ಮಿಷನ್ ಮಂಗಲ್, ಏರ್‌ಲಿಫ್ಟ್ ಮತ್ತು ಇನ್ನೂ ಅನೇಕ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಶಾರೂಕ್ ಖಾನ್ ಸಹ ರೇಸ್‌ನಲ್ಲಿದ್ದಾರೆ. ಸದ್ಯದಲ್ಲೇ ಕಿಂಗ್‌ಖಾನ್‌ 'ಜವಾನ್; ಸಿನಿಮಾ ಬಿಡುಗಡೆಯಾಗುವ ಕಾರಣ ಅವ್ರು ಅಕ್ಷಯ್ ಅವರನ್ನು ಹಿಂದಿಕ್ಕುವ ಅವಕಾಶವಿದೆ. ಸಲ್ಮಾನ್ ಖಾನ್ ಕೇವಲ 7000 ಕೋಟಿ ರೂ.ಗಿಂತ ಕಡಿಮೆಯಿರುವ ಚಿತ್ರಗಳೊಂದಿಗೆ ಮೂರನೇ ಸ್ಥಾನದಲ್ಲಿದ್ದಾರೆ, ನಂತರದ ಸ್ಥಾನದಲ್ಲಿ ದಂಗಲ್, ಪಿಕೆಯಂಥಾ ಹಿಟ್ ಸಿನಿಮಾಗಳನ್ನು ನೀಡಿದ ಅಮೀರ್ ಖಾನ್ ಇದ್ದಾರೆ.
ಅಮಿತಾಭ್ ಬಚ್ಚನ್, ಅಜಯ್ ದೇವಗನ್, ರಜನಿಕಾಂತ್ ಮತ್ತು ಕಮಲ್ ಹಾಸನ್ ಅವರ ಚಲನಚಿತ್ರಗಳು ರೂ 5000 ಕೋಟಿಗಿಂತ ಹೆಚ್ಚು ಗಳಿಸಿವೆ. ಪ್ರಭಾಸ್, ಹೃತಿಕ್ ರೋಷನ್ ಮತ್ತು ದಳಪತಿ ವಿಜಯ್ ಅವರು ತಲಾ 4000 ಕೋಟಿ ರೂ. ಬಾಕ್ಸ್ ಆಫೀಸ್ ಗಳಿಕೆಯೊಂದಿಗೆ ನಂತರದ ಸ್ಥಾನದಲ್ಲಿದ್ದಾರೆ.
