ಸೋಮವಾರದ ಪರೀಕ್ಷೆ ಪಾಸ್; 'ಭೂಲ್ ಭುಲೈಯಾ 2' ಹಿಂದಿಕ್ಕಿದ ಬಹ್ಮಾಸ್ತ್ರ
ಕಳೆದ ವಾರ ಬಿಡುಗಡೆಯಾದ ರಣಬೀರ್ ಕಪೂರ್ (Ranbir Kapoor) ಮತ್ತು ಆಲಿಯಾ ಭಟ್ (Alia Bhatt) ಆಭಿನಯದ ಆಯನ ಮುಖರ್ಜಿ ಅವರ 'ಬ್ರಹ್ಮಾಸ್ತ್ರ ಭಾಗ ಒಂದು: ಶಿವ' (Brahmastra) ಚಿತ್ರದ ಮೇಲೆ ಎಲ್ಲರ ಕಣ್ಣುಗಳು ನೆಟ್ಟಿದ್ದವು. ಈ ಸಿನಿಮಾ ಸೋಮವಾರದ ಪರೀಕ್ಷೆಯಲ್ಲಿ ಹೇಗೆ ಪ್ರದರ್ಶನ ನೀಡಬಹುದು ಎಂದು ಎಲ್ಲರೂ ಕಾತುರದಿಂದ ಕಾಯುತ್ತಿದ್ದರು. ಈಗ ಫಲಿತಾಂಶಗಳು ಅಂತಿಮವಾಗಿ ಹೊರಬಿದ್ದಿದ್ದು, ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಮುಖ್ಯ ಭೂಮಿಕೆಯಲ್ಲಿರುವ ಚಿತ್ರ ಮೂರು ಚಿತ್ರಗಳಿಗಿಂತ ಹಿಂದುಳಿದಿದೆ ಮತ್ತು 'ಭೂಲ್ ಭುಲೈಯಾ 2' ಅನ್ನು ಹಿಂದಿಕ್ಕಿದೆಎ ಧಂಉ ವರದಿಯಾಗಿದೆ. ಇಲ್ಲಿದೆ ಪೂರ್ತಿ ವಿವರ.
ಸೋಮವಾರದ ಪರೀಕ್ಷೆಯಲ್ಲಿ ಉತ್ತೀರ್ಣರಾದ 2022 ರ ಟಾಪ್ 5 ಚಲನಚಿತ್ರಗಳಲ್ಲಿ ಬಹ್ಮಾಸ್ತ್ರ ಯಶಸ್ವಿಯಾಗಿ ತನ್ನ ಸ್ಥಾನವನ್ನು ಪಡೆದುಕೊಂಡಿದೆ. ಗಲ್ಲಾಪೆಟ್ಟಿಗೆಯಲ್ಲಿ ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಅಭಿನಯದ ಬ್ರಹ್ಮಾಸ್ತ್ರ ಭಾಗ ಒಂದು: ಶಿವ' ಚಿತ್ರಕ್ಕೆ ಯಾವುದೇ ನಿಲುಗಡೆ ಇಲ್ಲ ಎಂದು ತೋರುತ್ತಿದೆ.
ಟಿಕೆಟ್ ವಿಂಡೋದಲ್ಲಿ ಯಶಸ್ವಿ ಮೊದಲ ವಾರಾಂತ್ಯದ ನಂತರ, ಚಿತ್ರವು ತನ್ನ ಭಯಾನಕ 'ಸೋಮವಾರ ಪರೀಕ್ಷೆ'ಯಲ್ಲಿಯೂ ಪಾಸಾದಂತೆ ಕಾಣಿಸುತ್ತಿದೆ. ಸೆಪ್ಟೆಂಬರ್ 9 ರಂದು ಬಿಡುಗಡೆಯಾದ ‘ಬ್ರಹ್ಮಾಸ್ತ್ರ’ ಮೂರು ದಿನಗಳಲ್ಲಿ ವಿಶ್ವದಾದ್ಯಂತ ಬಾಕ್ಸ್ ಆಫೀಸ್ನಲ್ಲಿ 200 ಕೋಟಿ ರೂಪಾಯಿ ವ್ಯವಹಾರ ಮಾಡಿದೆ. ಬಹಿಷ್ಕಾರದ ಕರೆಗಳ ಹೊರತಾಗಿಯೂ, ಚಿತ್ರವು ಉತ್ತಮ ಪ್ರತಿಕ್ರಿಯೆಯನ್ನು ಪಡೆಯುತ್ತಿದೆ
ಅಷ್ಟಕ್ಕೂ ಈ ಮಂಡೆ ಟೆಸ್ಟ್ ಎಂದರೇನು? ಚಿತ್ರಮಂದಿರಗಳಲ್ಲಿ ಸಿನಿಮಾ ಬಿಡುಗಡೆಯಾದಾಗ, ಮೊದಲ ದಿನ ಮತ್ತು ಮೊದಲ ವಾರಾಂತ್ಯದಲ್ಲಿ ಪ್ರದರ್ಶನ ನೀಡುವುದು ಮಾತ್ರವಲ್ಲ, ಮೊದಲ ಸೋಮವಾರವೂ ಸಹ ಮುಖ್ಯವಾಗಿದೆ.
ಸೋಮವಾರದ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿದ್ದರೆ, ಚಿತ್ರವು ಯಶಸ್ಸಿನ ಹಾದಿಯಲ್ಲಿದೆ ಎಂದು ಅರ್ಥ. ಸೋಮವಾರ ವಾರದ ಮೊದಲ ದಿನವಾಗಿರುವುದರಿಂದ, ಚಿತ್ರವು ತನ್ನ ಮೊದಲ ಭಾನುವಾರದ ಸಂಗ್ರಹಣೆಯಲ್ಲಿ ಕನಿಷ್ಠ 40 ಪ್ರತಿಶತವನ್ನು ಸಂಗ್ರಹಿಸುವುದು ಮುಖ್ಯ. ಆಗ ಮಾತ್ರ ಚಲನಚಿತ್ರವು ಸೋಮವಾರದ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿದೆ ಎಂದು ಪರಿಗಣಿಸಲಾಗುತ್ತದೆ
ಆರಂಭಿಕ ಅಂಕಿಅಂಶಗಳ ಪ್ರಕಾರ, 'ಬ್ರಹ್ಮಾಸ್ತ್ರ ತನ್ನ ಮೊದಲ ಸೋಮವಾರದಂದು ದೇಶೀಯವಾಗಿ ಸುಮಾರು 14 ರಿಂದ 15 ಕೋಟಿ ರೂ ಗಳಿಸಿದೆ. ವಾರದ ಮೊದಲ ದಿನದಂದು ಚಿತ್ರ ತನ್ನ ಭದ್ರಕೋಟೆಯನ್ನು ಉಳಿಸಿಕೊಂಡಿದೆ ಮತ್ತು ಸೋಮವಾರದ ಪರೀಕ್ಷೆಯಲ್ಲಿ ಸಾಕಷ್ಟು ಯಶಸ್ವಿಯಾಗಿದೆ.
ಕಾರ್ತಿಕ್ ಆರ್ಯನ್ ಅಭಿನಯದ ' ಹಿಂದೆ ಉಳಿದಿದೆ: ಈ ವರ್ಷ, ಅನೀಸ್ ಬಾಜ್ಮಿ ಅವರ ನಿರ್ದೇಶನದ ಭೂಲ್ ಭುಲೈಯಾ 2' ಚಿತ್ರರಂಗದಲ್ಲಿ ದೊಡ್ಡ ಓಪನರ್ ಆಗಿದೆ. 'ಬ್ರಹ್ಮಾಸ್ತ್ರ 2022 ರ ಅತಿದೊಡ್ಡ ಓಪನರ್ ಆಗಲು ಸಾಧ್ಯವಾಗದಿದ್ದರೂ, ಇದು ಸೋಮವಾರದ ಪರೀಕ್ಷಾ ಸಂಗ್ರಹದಲ್ಲಿ ಕಾರ್ತಿಕ್ ಆರ್ಯನ್ ಅವರ ಚಲನಚಿತ್ರವನ್ನು ಸೋಲಿಸಿತು.
‘ಭೂಲ್ ಭುಲೈಯಾ 2’ ಮೊದಲ ಸೋಮವಾರದಂದು 10.75 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದರೆ, ‘ಬ್ರಹ್ಮಾಸ್ತ್ರ’ ಸರಿಸುಮಾರು 14 ರಿಂದ 15 ಕೋಟಿ ರೂಪಾಯಿ ಗಳಿಸಿದೆ ಎಂದು ವರದಿಯಾಗಿದೆ.
ಸೋಮವಾರ ಪರೀಕ್ಷೆಯಲ್ಲಿ ಪಾಸ್ ಆದ 2022 ರ ಟಾಪ್ 5 ಚಲನಚಿತ್ರಗಳು:
1. ಕೆಜಿಎಫ್ ಅಧ್ಯಾಯ 2: 50.35 ಕೋಟಿ ರೂ
2. RRR: 75.57 ಕೋಟಿ ರೂ
3. ಕಾಶ್ಮೀರ ಫೈಲ್ಸ್: 15.05 ಕೋಟಿರೂ
4. ಬ್ರಹ್ಮಾಸ್ತ್ರ ಭಾಗ ಒಂದು: ಶಿವ: ರೂ 14 ಕೋಟಿಗಳಿಂದ ರೂ 15 ಕೋಟಿಗಳು
5. ಭೂಲ್ ಭುಲೈಯಾ 2: 10.75 ಕೋಟಿ ರೂ