- Home
- Entertainment
- Cine World
- OTT Movies Release: ಒಟಿಟಿಗೆ ಬಂದ ಬ್ಲಾಕ್ಬಸ್ಟರ್ ಸಿನಿಮಾಗಳು; ಥಿಯೇಟರ್ನಲ್ಲಿ ಮಿಸ್ ಆಗಿದ್ರೆ ಮನೇಲಿ ನೋಡಿ!
OTT Movies Release: ಒಟಿಟಿಗೆ ಬಂದ ಬ್ಲಾಕ್ಬಸ್ಟರ್ ಸಿನಿಮಾಗಳು; ಥಿಯೇಟರ್ನಲ್ಲಿ ಮಿಸ್ ಆಗಿದ್ರೆ ಮನೇಲಿ ನೋಡಿ!
OTT Release This Week 2026: ಜೂನ್ ಎರಡನೇ ವಾರದಲ್ಲಿ ಓಟಿಟಿ ವೇದಿಕೆಗಳಲ್ಲಿ 'ಕರುಪ್ಪು' ಸೇರಿದಂತೆ ಹಲವು ಹೊಸ ಸಿನಿಮಾ ಹಾಗೂ ಸೀರಿಸ್ಗಳು ಬಿಡುಗಡೆಯಾಗುತ್ತಿವೆ. ರೋಚಕ ಥ್ರಿಲ್ಲರ್ಗಳಿಂದ ಹಿಡಿದು ಫ್ಯಾಮಿಲಿ ರಿಯಾಲಿಟಿ ಶೋಗಳವರೆಗೆ ಈ ವಾರ ಏನೆಲ್ಲಾ ರಿಲೀಸ್ ಆಗಲಿದೆ?
ಕರುಪ್ಪು ಸಿನಿಮಾ
ಸೂರ್ಯ ನಟನೆಯ, ಆರ್ಜೆ ಬಾಲಾಜಿ ನಿರ್ದೇಶನದ ಆಕ್ಷನ್ ಸಿನಿಮಾ 'ಕರುಪ್ಪು' ಥಿಯೇಟರ್ಗಳಲ್ಲಿ ಭರ್ಜರಿ ಯಶಸ್ಸು ಕಂಡಿತ್ತು. ಇದೀಗ ಈ ಸಿನಿಮಾ ಓಟಿಟಿಗೆ ಬರಲು ಸಿದ್ಧವಾಗಿದೆ. ಜೂನ್ 12 ರಂದು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಈ ಚಿತ್ರವು ತಮಿಳು, ತೆಲುಗು, ಮಲಯಾಳಂ, ಕನ್ನಡ ಮತ್ತು ಹಿಂದಿ ಭಾಷೆಗಳಲ್ಲಿ ಲಭ್ಯವಾಗಲಿದೆ.
ಮಾ ಹೈ ನಾ (Maa Hai Na) - ಜೀ5 (ZEE5)
ನಟಿ ಶಿಲ್ಪಾ ಶೆಟ್ಟಿ ಕುಂದ್ರಾ ಅವರು ಈ ರಿಯಾಲಿಟಿ ಶೋವನ್ನು ನಿರೂಪಣೆ ಮಾಡುತ್ತಿದ್ದಾರೆ. ಇದು ಜೂನ್ 12 ರಂದು ಜೀ5 (ZEE5) ವೇದಿಕೆಯಲ್ಲಿ ಬಿಡುಗಡೆಯಾಗಲಿದೆ. ಇದರಲ್ಲಿ ಸೆಲೆಬ್ರಿಟಿಗಳು ಮತ್ತು ಅವರ ತಾಯಂದಿರು ಭಾಗವಹಿಸಿ, ಅಡುಗೆ ಸ್ಪರ್ಧೆಗಳು ಹಾಗೂ ಆಸಕ್ತಿದಾಯಕ ಸಂವಾದಗಳಲ್ಲಿ ತೊಡಗಿಕೊಳ್ಳುತ್ತಾರೆ.
ರಾಖ್ (Raakh) - ಅಮೆಜಾನ್ ಪ್ರೈಮ್ ವಿಡಿಯೋ
1970ರ ದಶಕದ ಹಿನ್ನೆಲೆಯಲ್ಲಿ ಸಿದ್ಧವಾಗಿರುವ ಕ್ರೈಂ ಥ್ರಿಲ್ಲರ್ ಸರಣಿ 'ರಾಖ್'. ಕಣ್ಮರೆಯಾದವರ ತನಿಖೆಯಿಂದ ಆರಂಭವಾಗುವ ಕಥೆ, ಒಂದು ದೊಡ್ಡ ಅಪರಾಧದ ಸಂಚಿನತ್ತ ಸಾಗುತ್ತದೆ. ಸೋನಾಲಿ ಬಿಂದ್ರೆ ಮತ್ತು ಅಲಿ ಫಜಲ್ ನಟಿಸಿರುವ ಈ ಸರಣಿ ಜೂನ್ 12 ರಂದು ಅಮೆಜಾನ್ ಪ್ರೈಮ್ನಲ್ಲಿ ಬಿಡುಗಡೆಯಾಗಲಿದೆ.
ಭೂತ್ ಬಂಗ್ಲಾ (Bhooth Bangla) - ನೆಟ್ಫ್ಲಿಕ್ಸ್
ಅಕ್ಷಯ್ ಕುಮಾರ್, ನಿರ್ದೇಶಕ ಪ್ರಿಯದರ್ಶನ್ ಕಾಂಬಿನೇಷನ್ನಲ್ಲಿ ಮೂಡಿಬಂದಿರುವ ಹಾರರ್-ಕಾಮಿಡಿ ಸಿನಿಮಾ 'ಭೂತ್ ಬಂಗ್ಲಾ'. ತಬು, ವಾಮಿಕಾ ಗಬ್ಬಿ ಮತ್ತು ಪರೇಶ್ ರಾವಲ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರವು ಜೂನ್ 12 ರಂದು ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆಯಾಗಲಿದೆ ಎಂದು ವರದಿಗಳು ತಿಳಿಸಿವೆ.
ಇನ್ನುಳಿದ ಸಿನಿಮಾಗಳು
ಎವ್ರಿ ಇಯರ್ ಆಫ್ಟರ್ (Every Year After): ಪ್ರೀತಿ ಮತ್ತು ಸ್ನೇಹವನ್ನು ಸಾರುವ ಈ ಸರಣಿ ಜೂನ್ 10 ರಂದು ಅಮೆಜಾನ್ ಪ್ರೈಮ್ನಲ್ಲಿ ಬಿಡುಗಡೆಯಾಗಲಿದೆ.
ದೃಢಂ (Dridam): ಜೀತು ಜೋಸೆಫ್ ನಿರ್ಮಾಣದ ಮಲಯಾಳಂ ಥ್ರಿಲ್ಲರ್ ಚಿತ್ರ. ಇದು ಜೂನ್ 12 ರಂದು ಜಿಯೋ ಹಾಟ್ಸ್ಟಾರ್ನಲ್ಲಿ (Jio Hotstar) ಬಿಡುಗಡೆಯಾಗಲಿದೆ.
ತಾರ್ಕಟಾ (Taarkata): ಸೇಡು ಮತ್ತು ಥ್ರಿಲ್ಲರ್ ಅಂಶಗಳನ್ನು ಹೊಂದಿರುವ ಬಂಗಾಳಿ ಸರಣಿ. ಇದು ಜೂನ್ 12 ರಂದು ಜೀ5 (ZEE5) ವೇದಿಕೆಯಲ್ಲಿ ಪ್ರಸಾರವಾಗಲಿದೆ.
ಶೆಲ್ಟರ್ (Shelter): ಜೇಸನ್ ಸ್ಟ್ಯಾಥಮ್ ನಟನೆಯ ಸರ್ವೈವಲ್ ಥ್ರಿಲ್ಲರ್ ಚಿತ್ರ. ಇದು ಜೂನ್ 12 ರಂದು ಓಟಿಟಿಯಲ್ಲಿ ಬರಲಿದೆ.
ಸ್ವೀಟ್ ಮ್ಯಾಗ್ನೋಲಿಯಾಸ್ ಸೀಸನ್ 5 (Sweet Magnolias Season 5): ಅಭಿಮಾನಿಗಳು ಬಹುನಿರೀಕ್ಷೆಯಿಂದ ಕಾಯುತ್ತಿರುವ ಈ ಸರಣಿಯ ಹೊಸ ಸೀಸನ್ ಈ ವಾರ ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆಯಾಗಲಿದೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.
