Abhishek- Aishwarya ಈ ಜೋಡಿ ಫಸ್ಟ್ ಮೀಟ್‌ ಆಗಿದ್ದು ಹೇಗೆ ಗೊತ್ತಾ?
ಇಂದು ಅಂದರೆ ಏಪ್ರಿಲ್ 20 ರಂದು ಅಭಿಷೇಕ್ ಬಚ್ಚನ್ (Abhishek Bachchan) ಮತ್ತು ಐಶ್ವರ್ಯಾ ರೈ ಬಚ್ಚನ್ (Aishwarya Rai Bachchan) ಅವರ 15 ನೇ ವಿವಾಹ ವಾರ್ಷಿಕೋತ್ಸವ. 2007 ರಲ್ಲಿ ಅಮಿತಾಭ್ ಬಚ್ಚನ್ ಅವರ ಬಂಗಲೆ ಜಲ್ಸಾದಲ್ಲಿ ಈ ಜೋಡಿಯು ವಿವಾಹವಾದರು. ಅವರ ಮದುವೆಯ ಎಲ್ಲಾ ಫೋಟೋಗಳನ್ನು ಇನ್ನೂ ಸಾಮಾಜಿಕ ಮಾಧ್ಯಮದಲ್ಲಿ ನೋಡಬಹುದು. ಮದುವೆಯ ನಂತರ ಇಬ್ಬರ ನಡುವೆ ಉತ್ತಮ ಬಾಂಧವ್ಯ ಹೊಂದಿದ್ದು ಇದುವರೆಗೂ ಇಬ್ಬರ ನಡುವೆ ವೈಮನಸ್ಯ ಕುರಿತು ಯಾವುದೇ ಸುದ್ದಿ ಬಂದಿಲ್ಲ. ಅ ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯಾ ರೈಗೆ ಸಂಬಂಧಿಸಿದ ಇಂಟರೆಸ್ಟಿಂಗ್‌ ವಿಷಯಳು ಇಲ್ಲಿವೆ
ಐಶ್ವರ್ಯಾ ರೈ ಮತ್ತು ಅಭಿಷೇಕ್ ಬಚ್ಚನ್ ಮೊದಲು ಭೇಟಿಯಾದದ್ದು ಸ್ವಿಟ್ಜರ್ಲೆಂಡ್‌ನಲ್ಲಿ. ಇಲ್ಲಿ ಐಶ್ವರ್ಯ ರೈ ಬಾಬಿ ಡಿಯೋಲ್ ಜೊತೆಗಿನ ಓರ್ ಪ್ಯಾರ್ ಹೋ ಗಯಾ ಚಿತ್ರದ ಚಿತ್ರೀಕರಣದಲ್ಲಿದ್ದು, ಅಭಿಷೇಕ್ ಚಿತ್ರವೊಂದರ ಸ್ಥಳವನ್ನು ನೋಡಲು ಬಂದಿದ್ದರು.
ಅಭಿಷೇಕ್ ಆಗ ಪ್ರೊಡಕ್ಷನ್ ಬಾಯ್ ಆಗಿದ್ದರು. ಆದರೆ, ಬಾಬಿ ಅಭಿಷೇಕ್ ಬಾಲ್ಯದಿಂದಲೂ ಸ್ನೇಹಿತರಾಗಿದ್ದರಿಂದ ಈ ಸಮಯದಲ್ಲಿ ಇಬ್ಬರೂ ಭೇಟಿಯಾದರು. ಇಲ್ಲಿಯೇ ಬಾಬಿ ಐಶ್ವರ್ಯಾ ರೈ ಅವರನ್ನು ಅಭಿಷೇಕ್‌ಗೆ ಪರಿಚಯಿಸಿದರು.
ಅಭಿಷೇಕ್ ಬಚ್ಚನ್ 2000 ರಲ್ಲಿ ರೆಫ್ಯೂಜಿ ಚಿತ್ರದ ಮೂಲಕ ಪಾದಾರ್ಪಣೆ ಮಾಡಿದರು. ಮತ್ತು ಅದೇ ವರ್ಷದಲ್ಲಿ ಅವರು ಐಶ್ವರ್ಯಾ ರೈ ಅವರೊಂದಿಗೆ ಧೈ ಅಕ್ಷರ್ ಪ್ರೇಮ್ ಕೆ ಚಿತ್ರದಲ್ಲಿ ಕೆಲಸ ಮಾಡಿದರು. 2006 ಐಶ್ವರ್ಯಾ ರೈ ಮತ್ತು ಅಭಿಷೇಕ್ ಬಚ್ಚನ್ ಅವರಿಗೆ ವಿಶೇಷ ವರ್ಷವಾಗಿತ್ತು.
ಈ ವರ್ಷ ಇಬ್ಬರಿಗೂ ಒಟ್ಟಿಗೆ ಸಾಕಷ್ಟು ಸಮಯ ಕಳೆಯುವ ಅವಕಾಶ ಸಿಕ್ಕಿತ್ತು. ಇಬ್ಬರೂ ಗುರು, ಉಮ್ರಾವ್ ಜಾನ್ ಮತ್ತು ಧೂಮ್ 2 ನಲ್ಲಿ ಒಟ್ಟಿಗೆ ಕೆಲಸ ಮಾಡಿದರು. ಧೂಮ್ 2 ಚಿತ್ರೀಕರಣದ ಸಮಯದಲ್ಲಿ, ಇಬ್ಬರು ಹತ್ತಿರವಾದರು ಮತ್ತು ಇಬ್ಬರೂ ಪರಸ್ಪರ ಭಾವನೆಗಳನ್ನು ಹೊಂದಿದ್ದರು.
ಇದಾದ ನಂತರ, ನ್ಯೂಯಾರ್ಕ್‌ನಲ್ಲಿ ಗುರು ಚಿತ್ರದ ಪ್ರಥಮ ಪ್ರದರ್ಶನದ ವೇಳೆ, ಅಭಿಷೇಕ್ ಬಚ್ಚನ್ ಹೋಟೆಲ್‌ನ ಬಾಲ್ಕನಿಯಲ್ಲಿ ಐಶ್ವರ್ಯಾ ರೈ ಅವರಿಗೆ ಪ್ರಪೋಸ್ ಮಾಡಿದರು. ಗುರು ಚಿತ್ರದ ಶೂಟಿಂಗ್ ವೇಳೆಯಲ್ಲಿ ನಾವಿಬ್ಬರು ಒಂದೇ ಹೋಟೆಲ್‌ನಲ್ಲಿ ತಂಗಿದ್ದೆವು. ಆಗಾಗ ಬಾಲ್ಕನಿಯಲ್ಲಿ ನಿಂತು ನನ್ನ ಜೀವನದಲ್ಲಿ ಐಶ್ವರ್ಯ ಬಂದರೆ ಎಂದುಕೊಳ್ಳುತ್ತಿದ್ದೆ ಎಂದು ಸಂದರ್ಶನವೊಂದರಲ್ಲಿ ಹೇಳಿದ್ದರು. ಅಭಿಷೇಕ್ ಪ್ರಪೋಸ್ ಮಾಡಿದಾಗ ಆಶ್ ತಕ್ಷಣವೇ ಎಸ್‌ ಎಂದರು.
ಪ್ರಪೋಸ್ ಮಾಡುವಾಗ ಅಭಿಷೇಕ್ ಐಶ್ವರ್ಯಾ ರೈಗೆ ತೊಡಿಸಿದ ಉಂಗುರ ವಜ್ರದಾಗಿರದೆ ನಕಲಿಯಾಗಿತ್ತು. ಅವರು ತಮ್ಮ ಗುರು ಚಿತ್ರದ ಸೆಟ್‌ನಿಂದ ಈ ಉಂಗುರವನ್ನು ತೆಗೆದುಕೊಂಡರು. ಇದರ ನಂತರ, ಜನವರಿ 2007 ರಲ್ಲಿ, ಇಬ್ಬರೂ ಬಚ್ಚನ್ ಬಂಗಲೆ ಜಲ್ಸಾದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡರು.
ಅದೇ ವರ್ಷದ ಏಪ್ರಿಲ್‌ನಲ್ಲಿ ಇಬ್ಬರೂ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಮದುವೆಯಲ್ಲಿ ಐಶ್ವರ್ಯಾ ರೈ ಚಿನ್ನದ ಬಣ್ಣದ ಕಂಜೀವರಂ ಸೀರೆಯನ್ನು ಧರಿಸಿದ್ದರು. ಸುದ್ದಿ ಪ್ರಕಾರ ಈ ಸೀರೆಯ ಬೆಲೆ ಆಗ 75 ಲಕ್ಷ ರೂಪಾಯಿ. ಮದುವೆಯ ನಂತರ ದಂಪತಿಗಳು ಒಂದು ತಿಂಗಳ ಹನಿಮೂನ್‌ಗಾಗಿ ಯುರೋಪ್‌ಗೆ ತೆರಳಿದರು.
2016 ರಲ್ಲಿ, ಐಶ್ವರ್ಯಾ ರೈ ಮಗಳು ಆರಾಧ್ಯಗೆ ಜನ್ಮ ನೀಡಿದರು, ಆಕೆಗೆ ಈಗ 9 ವರ್ಷ. ಮಗಳು ಹುಟ್ಟಿದ ನಂತರ ಐಶ್ವರ್ಯಾ ರೈ ಸಿನಿಮಾದಿಂದ ದೂರವಾದರು. ನಂತರ ಅವರು ಜಜ್ಬಾ ಚಿತ್ರದ ಮೂಲಕ ಪುನರಾಗಮನ ಮಾಡಿದರು. ಅಭಿಷೇಕ್ ತಮ್ಮ ಸಂದರ್ಶನಗಳಲ್ಲಿ ತಮ್ಮ ಹೆಂಡತಿಯನ್ನು ಯಾವಾಗಲೂ ಹೊಗಳುತ್ತಾರೆ.
