- Home
- Business
- ಇನ್ಮುಂದೆ ಇಷ್ಟು ಕ್ಯಾಶ್ ಮುಟ್ಟಿದ್ರೆ ಡೇಂಜರ್: ಬೀಳತ್ತೆ 100% ದಂಡ! ಏನಿದು ಹೊಸ ರೂಲ್ಸ್, ಡಿಟೇಲ್ಸ್ ಇಲ್ಲಿದೆ
ಇನ್ಮುಂದೆ ಇಷ್ಟು ಕ್ಯಾಶ್ ಮುಟ್ಟಿದ್ರೆ ಡೇಂಜರ್: ಬೀಳತ್ತೆ 100% ದಂಡ! ಏನಿದು ಹೊಸ ರೂಲ್ಸ್, ಡಿಟೇಲ್ಸ್ ಇಲ್ಲಿದೆ
ಏಪ್ರಿಲ್ 1 ರಿಂದ ಜಾರಿಗೆ ಬಂದಿರುವ ಹೊಸ ಆದಾಯ ತೆರಿಗೆ ನಿಯಮಗಳು ನಗದು ವ್ಯವಹಾರಗಳ ಮೇಲೆ ಕಠಿಣ ನಿರ್ಬಂಧಗಳನ್ನು ಹೇರಿವೆ. ಕಪ್ಪು ಹಣ ತಡೆಯುವ ಉದ್ದೇಶದಿಂದ, 2 ಲಕ್ಷ ರೂ.ಗಿಂತ ಹೆಚ್ಚಿನ ನಗದು ಸ್ವೀಕಾರ ಮತ್ತು 20 ಸಾವಿರ ರೂ. ಮೀರಿದ ವ್ಯವಹಾರಕ್ಕೆ ಶೇ.100ರಷ್ಟು ದಂಡ ವಿಧಿಸಲಾಗುತ್ತದೆ.
ಹಳೆ ಆದಾಯ ತೆರಿಗೆ ಕಾನೂನಿಗೆ ಬ್ರೇಕ್
ಭಾರತದಲ್ಲಿ ಸದ್ಯ ಇರುವುದು 64 ವರ್ಷಗಳ ಹಳೆಯ ಆದಾಯ ತೆರಿಗೆ ಕಾನೂನು. ಅದಕ್ಕೀಗ ಮೇಜರ್ ಸರ್ಜರಿ ಹಾಕಲಾಗಿದೆ. ಇನ್ಮುಂದೆ ಅರ್ಥಾತ್ ನಿನ್ನೆ ಏಪ್ರಿಲ್ 1ರಿಂದಲೇ ಜಾರಿಯಾಗುವಂತೆ ಹೊಸ ನಿಯಮ ಘೋಷಣೆ ಮಾಡಲಾಗಿದೆ. ಇನ್ಮುಂದೆ ನಗದು ವ್ಯವಹಾರ ಮಾಡುವವರು, ಮನೆಯಲ್ಲಿ ಅಗತ್ಯಕ್ಕಿಂತ ಹೆಚ್ಚಿನ ಪ್ರಮಾಣದಲ್ಲಿ ಕ್ಯಾಶ್ ಇಟ್ಟುಕೊಳ್ಳುವವರು, ಎಟಿಎಂನಿಂದ ಇಂತಿಷ್ಟ ನಗದು ಡ್ರಾ ಮಾಡಿಕೊಳ್ಳುವವರು ಎಲ್ಲರಿಗೂ ಈ ನಿಯಮ ಅನ್ವಯ ಆಗಲಿದೆ.
ಮನೆ, ಬಾಡಿಗೆ, ಓನರ್ ಎಲ್ಲರೂ ಗಮನಿಸಿ...
ಏಕೆಂದರೆ ಪ್ರತಿಯೊಬ್ಬ ನಾಗರಿಕನ ಕಣ್ಣು ಇನ್ಕಮ್ ಟ್ಯಾಕ್ಸ್ ಮೇಲೆ ಇದೆ. ನಾನೇನು ಸಾಮಾನ್ಯ ಮನುಷ್ಯ ಬಿಡು ಎನ್ನೋ ಹಾಗೆಯೇ ಇಲ್ಲ. ಕ್ಯಾಶ್ ಡ್ರಾ ಮಾಡುವ, ಮನೆಯಲ್ಲಿ ನಗದು ಇಟ್ಟುಕೊಳ್ಳುವ ಪ್ರತಿಯೊಬ್ಬರ ಕಣ್ಣು ಕೂಡ ಆದಾಯ ತೆರಿಗೆ ಇಲಾಖೆ ಮೇಲೆ ನೆಟ್ಟಿದೆ ಎನ್ನೋದನ್ನು ಮರೆಯಬೇಡಿ. ಕಪ್ಪು ಹಣವನ್ನು ತಡೆಯುವುದಕ್ಕಾಗಿ ಈ ಹೊಸ ರೂಲ್ಸ್ ಮಾಡಲಾಗಿದೆ. ಆದ್ದರಿಂದ ಮದುವೆ, ಮುಂಜಿ, ಇನ್ನೇನೋ ಕಾರ್ಯ, ಮನೆ ನಿರ್ಮಾಣ, ಮನೆ ಮಾಲೀಕರಿಗೆ ಹಣ ನೀಡುವುದು... ಹೀಗೆ ಯಾವ್ಯಾವುದೋ ಕಾರಣಕ್ಕೆ ಇಲ್ಲಿ ಹೇಳಿದಷ್ಟು ಕ್ಯಾಶ್ ತೆಗೆದರೆ, ಕೊಟ್ಟರೆ, ಇಸ್ಕೊಂಡ್ರೆ ಎಲ್ಲದಕ್ಕೂ ಭಾರಿ ದಂಡ ಬೀಳುತ್ತೆ ಹುಷಾರ್.
ಎರಡು ಲಕ್ಷ ಕ್ಯಾಶ್ ಇಟ್ಕೊಂಡ್ರೆ
ನೀವು ಎರಡು ಲಕ್ಷ ರೂಪಾಯಿ ಕ್ಯಾಶ್ ಇಟ್ಟುಕೊಂಡಿದ್ದೇ ಆದರೆ, ಅಷ್ಟೂ ಹಣವನ್ನು ದಂಡ ಕಟ್ಟಬೇಕಾಗಿ ಬರಬಹುದು. ಇದರ ಅರ್ಥ, ಒಂದು ದಿನದಲ್ಲಿ, ನೀವು ಯಾವುದೇ ವ್ಯಕ್ತಿಯಿಂದ ಎರಡು ಲಕ್ಷ ರೂಪಾಯಿ ಕ್ಯಾಷ್ ಪಡೆದುಕೊಂಡದ್ದೇ ಆಗಿದ್ದರೆ, ನಿಮ್ಮ ಮೇಲೆ 100 ಪರ್ಸೆಂಟ್ ದಂಡ ಬೀಳುತ್ತದೆ. ಒಂದು ವೇಳೆ ಮದುವೆಗೋ, ಮನೆ ಮಾಲೀಕರಿಗೂ ಅಥವಾ ಇನ್ನಾವುದೇ ಕಾರಣಕ್ಕೆ ನೀವು ಎರಡು ಲಕ್ಷಕ್ಕಿಂತ ಹೆಚ್ಚಿನ ನಗದು ವ್ಯವಹಾರವನ್ನು ಒಂದೇ ದಿನ ಮಾಡಿದರೆ, ಅಷ್ಟೂ ಮೊತ್ತವನ್ನು ದಂಡದ ರೂಪದಲ್ಲಿ ಕೊಡಬೇಕಾಗುತ್ತದೆ. ಆದ್ದರಿಂದ ಏನೇ ಇದ್ದರೂ ಆನ್ಲೈನ್ ಟ್ರಾನ್ಸ್ಯಾಕ್ಷನ್ ಮಾಡಿ.
ಎಷ್ಟಕ್ಕೆ ಅವಕಾಶ?
ಯಾರಿಗಾದರೂ ನೀವು ಕ್ಯಾಶ್ ಕೊಡುವುದೇ ಆಗಿದ್ದಲ್ಲಿ, ಕೇವಲ 20 ಸಾವಿರ ರೂಪಾಯಿವರೆಗೆ ಮಾತ್ರ ಅವಕಾಶ. ಒಂದು ವೇಳೆ ನೀವು ಈ ಮೊತ್ತಕ್ಕಿಂತ ಹೆಚ್ಚು ಹಣ ಡ್ರಾ ಮಾಡಿ, ಕ್ಯಾಶ್ ರೂಪದಲ್ಲಿ ಕೊಟ್ಟರೆ ಅಥವಾ ಪಡೆದುಕೊಂಡರೆ 100% ದಂಡ ಬೀಳುತ್ತೆ.
ಆದಾಯ ತೆರಿಗೆ ಪಾವತಿ ಮಾಡ್ತಿಲ್ವಾ?
ನೀವೇನಾದರೂ ಆದಾಯ ತೆರಿಗೆ ಪಾವತಿ ಮಾಡದೇ ಇರುವವರಾಗಿದ್ದರೆ (Income Tax Return) ನಿಮ್ಮ ಒಂದು ವರ್ಷದ ಕ್ಯಾಶ್ ವಿತ್ಡ್ರಾ ಲಿಮಿಟ್ 20 ಲಕ್ಷ ಮಾತ್ರ. ಒಂದು ವೇಳೆ ಇದಕ್ಕಿಂತ ಹೆಚ್ಚು ಡ್ರಾ ಆದಲ್ಲಿ, ಆ ಮೊತ್ತದ ಮೇಲೆ ಶೇಕಡಾ ಎರಡರಷ್ಟು ಟಿಡಿಎಸ್ ಕಟ್ ಆಗುತ್ತೆ. ಆದರೆ ನೀವು ಆನ್ಲೈನ್, ಕ್ರೆಡಿಟ್, ಡೆಬಿಟ್ ಕಾರ್ಡ್ ಮೂಲಕ ಎಷ್ಟು ಬೇಕಾದ್ರೂ ವ್ಯವಹಾರ ಮಾಡಿಕೊಳ್ಳಬಹುದು. ಇದು ಕೇವಲ ಕ್ಯಾಶ್ಗೆ ಮಾತ್ರ ಸಂಬಂಧ ಪಟ್ಟಿದ್ದು.
ಯುಪಿಐ ಬಳಸಿ ಕ್ಯಾಶ್ ತೆಗಿಯೋದು
ಸದ್ಯ ನೀವು ಎಟಿಎಂ ಕಾರ್ಡ್ ಇಲ್ಲದಿದ್ದರೂ ಯುಪಿಐ ಬಳಸಿ ಕ್ಯಾಶ್ ತೆಗೆಯೋ ಆಪ್ಷನ್ ಇದೆಯಲ್ವಾ, ಅದಕ್ಕೂ ಈಗ ರೂಲ್ಸ್ ಮಾಡಲಾಗಿದೆ. ಇನ್ನು ಮುಂದೆ ತಿಂಗಳಿಗೆ ಕೇವಲ ಐದು ಬಾರಿ ಮಾತ್ರ ಉಚಿತ ಲಿಮಿಟ್ ಇರುತ್ತೆ. ಒಂದು ವೇಳೆ ಐದು ಬಾರಿ ದಾಟಿದ ಮೇಲೆ ನೀವು ಯುಪಿಐ ಮೂಲಕ ಎಟಿಎಂ ನಿಂದ ದುಡ್ಡು ತೆಗೆದರೆ ಪ್ರತಿ ಟ್ರಾನ್ಸಾಕ್ಷನ್ ಗೆ 23 ರೂಪಾಯಿ ದಂಡ ಹಾಕಲಾಗುತ್ತೆ.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.
