Tips and tricks: ತೆಂಗಿನಕಾಯಿಯಲ್ಲಿ ಸಾಕಷ್ಟು ನೀರು ಇದೆಯೇ ಎಂಬುದನ್ನು ಅದರ ಧ್ವನಿ, ತೂಕ ಮತ್ತು ತಾಜಾತನದಿಂದ ಸುಲಭವಾಗಿ ಕಂಡು ಹಿಡಿಯಬಹುದು. ನೀವು ಎಳನೀರನ್ನು 50-100 ಕೊಟ್ಟು ಖರೀದಿಸಿ, ಅದರಲ್ಲಿ ನೀರು ಇಲ್ಲದೇ ಇದ್ದಾಗ ಬೇಜಾರಾಗುವ ಬದಲು ಈ ಟ್ರಿಕ್ಸ್ ಟ್ರೈ ಮಾಡಿ.
ತಾಜಾ ಎಳನೀರು
ಬೇಸಿಗೆಯಲ್ಲಿ ತಂಪಾದ, ತಾಜಾ ಎಳನೀರನ್ನು ಕುಡಿಯೋದು ಆರೋಗ್ಯಕ್ಕೆ ಉತ್ತಮ. ಇದು ನ್ಯಾಚುರಲ್ ಪಾನೀಯ ಆಗಿದ್ದು, ಹಾಗಾಗಿ ಜನ 50.-100 ಕೊಟ್ಟು ಎಳನೀರು ಖರೀದಿಸುವ ಮುನ್ನ ಅದರೊಳಗೆ ನೀರು ಇದೆಯೋ ಇಲ್ಲವೋ ಎನ್ನುವುದರ ಕಡೆಗೆ ಗಮನ ಹರಿಸುತ್ತಾರೆ. ಆದರೆ ಅದನ್ನು ಕೈಗೆತ್ತಿಕೊಂಡ ತಕ್ಷಣ ಹೇಳೋದು ಕಷ್ಟ. ಆದರೆ ನೀವು ಕೆಲವೊಂದು ಸಿಂಪಲ್ ಟ್ರಿಕ್ಸ್ ಮೂಲಕ ನೀರು ಇದೆಯೋ? ಇಲ್ಲವೋ? ಎನ್ನುವುದನ್ನು ಕಂಡು ಹಿಡಿಯಬಹುದು. ಹೇಗೆ ನೋಡೋಣ.
ಎಳನೀರಿನ ಶಬ್ಧದಿಂದ ಗುರುತಿಸಿ
ತೆಂಗಿನಕಾಯಿಯನ್ನು ಖರೀದಿಸುವಾಗ, ಹೆಚ್ಚಿನ ಜನರು ಅದರ ಬಣ್ಣ ಅಥವಾ ಆಕಾರವನ್ನು ಆಧರಿಸಿ ತಮ್ಮ ನಿರ್ಧಾರ ತೆಗೆದುಕೊಳ್ಳುತ್ತಾರೆ, ಆದರೆ ಅನುಭವಿ ಮಾರಾಟಗಾರರು ಹೆಚ್ಚಾಗಿ ಅದರ ಶಬ್ದದಿಂದ ಅದರ ಬಗ್ಗೆ ಹೇಳುತ್ತಾರೆ. ಆದರೆ ಎಳನೀರು ಮೂರು ವಿಭಿನ್ನ ಶಬ್ದಗಳನ್ನು ಮಾಡುತ್ತವೆ, ಇದು ಒಳಗೆ ಇರುವ ನೀರು ಮತ್ತು ಕೆನೆಯ ಮಟ್ಟವನ್ನು ಸೂಚಿಸುತ್ತದೆ.
ಭಾರವಾದ, ತುಂಬಿರುವ ಶಬ್ಧ
Related Articles
ಎಳನೀರನ್ನು ಲಘುವಾಗಿ ತಟ್ಟಿದಾಗ ಶಬ್ದವು ಭಾರವಾಗಿ, ಮುಚ್ಚಿದಂತೆ ಶಬ್ಧ ಬಂದರೆ, ಅದನ್ನು ಒಳ್ಳೆಯ ಎಳನೀರು ಎಂದು ಪರಿಗಣಿಸಲಾಗುತ್ತದೆ. ಇದು ಹೆಚ್ಚಿನ ನೀರಿನ ಅಂಶವನ್ನು ಸೂಚಿಸುತ್ತದೆ. ನೀರು ಹೆಚ್ಚಿದ್ದರೆ ಒಳಗೆ ಖಾಲಿಜಾಗಗಳನ್ನು ತಡೆಯುತ್ತದೆ, ಶಬ್ದ ಪ್ರತಿಧ್ವನಿಸುವುದಿಲ್ಲ. ಅಂತಹ ತೆಂಗಿನಕಾಯಿಗಳು ಸಾಮಾನ್ಯವಾಗಿ ಸ್ವೀಟ್ ಆಗಿರುತ್ತದೆ.
ಟೊಳ್ಳಾದ ಶಬ್ದವು ಹೆಚ್ಚು ಕೆನೆಯನ್ನು ಸೂಚಿಸುತ್ತದೆ
ಕೆಲವರು ತೆಂಗಿನ ನೀರಿನಿಗಿಂತ ಕೆನೆಯನ್ನು ಇಷ್ಟಪಡುತ್ತಾರೆ. ಅಂತಹ ಸಂದರ್ಭಗಳಲ್ಲಿ, ಟೊಳ್ಳಾದ ಅಥವಾ ಪ್ರತಿಧ್ವನಿಸುವ ಶಬ್ದವನ್ನು ಹೊಂದಿರುವ ತೆಂಗಿನಕಾಯಿ ಉತ್ತಮ ಆಯ್ಕೆ. ತೆಂಗಿನಕಾಯಿಯಲ್ಲಿ ನೀರಿನ ಅಂಶ ಕಡಿಮೆಯಾಗಿ ಕೆನೆ ಪದರವು ದಪ್ಪವಾದಾಗ, ಅದರೊಳಗೆ ಒಂದು ಸಣ್ಣ ಶೂನ್ಯವು ರೂಪುಗೊಳ್ಳುತ್ತದೆ. ಅದಕ್ಕಾಗಿಯೇ ಟ್ಯಾಪ್ ಮಾಡಿದಾಗ ಪ್ರತಿಧ್ವನಿಸುವ ಶಬ್ದ ಕೇಳಿಸುತ್ತದೆ.
ಮಧ್ಯದ ಶಬ್ದವು ಏನನ್ನು ಸೂಚಿಸುತ್ತದೆ?
ಕೆಲವೊಮ್ಮೆ, ತೆಂಗಿನಕಾಯಿಯ ಶಬ್ದವು ಸಂಪೂರ್ಣವಾಗಿ ಭಾರವಾಗಿರುವುದಿಲ್ಲ ಅಥವಾ ಅತಿಯಾಗಿ ಟೊಳ್ಳಾಗಿರುವುದಿಲ್ಲ. ಈ ಸ್ಥಿತಿಯನ್ನು ಮಧ್ಯಮ ವರ್ಗವೆಂದು ಪರಿಗಣಿಸಲಾಗುತ್ತದೆ. ಇದರರ್ಥ ತೆಂಗಿನಕಾಯಿಯಲ್ಲಿ ನೀರು ಇರುತ್ತದೆ, ಆದರೆ ಕೆನೆ ಕೂಡ ಇದೆ. ಎರಡೂ ಕೂಡ ಸಮ ಪ್ರಮಾಣದಲ್ಲಿರುತ್ತದೆ. ಎರಡೂ ಬೇಕು ಎಂದಾದರೆ ಇದು ಬೆಸ್ಟ್ ಆಯ್ಕೆ.
ಅಲುಗಾಡಿಸುವ ಮೂಲಕವೂ ಪರಿಶೀಲಿಸಿ
ಎಳನೀರನ್ನು ನಿಮ್ಮ ಕಿವಿಯ ಹತ್ತಿರ ತಂದು ನಿಧಾನವಾಗಿ ಅಲ್ಲಾಡಿಸಿ. ಬಹಳಷ್ಟು ನೀರಿನೊಂದಿಗೆ ಎಳನೀರು ಬಹಳ ಕಡಿಮೆ ಚಲನೆಯನ್ನು ಹೊಂದಿದ್ದರೆ, ಅದು ಪೂರ್ತಿಯಾಗಿ ನೀರಿನಿಂದ ತುಂಬಿದೆ ಎಂದು ಅರ್ಥ ಮಾಡ್ಕೊಳಿ. ಕಡಿಮೆ ನೀರು ಮತ್ತು ಹೆಚ್ಚು ಸ್ಥಳವಿರುವ ಎಳನೀರುಗಳಲ್ಲಿ, ನೀರು ವೇಗವಾಗಿ ಚಲಿಸುವ ಶಬ್ದವು ಸ್ಪಷ್ಟವಾಗಿ ಕೇಳಬಹುದು.
ತೂಕ, ಗಾತ್ರ, ಬಣ್ಣದಿಂದಲೂ ಕಂಡು ಹಿಡಿಯಬಹುದು
- ಶಬ್ಧದ ಜೊತೆಗೆ, ತೂಕಕ್ಕೂ ಗಮನ ಕೊಡಿ. ಒಂದೇ ಗಾತ್ರದ ಎರಡು ಎಳನೀರಲ್ಲಿ ಭಾರವಾಗಿರುವ ಎಳನೀರಿನಲ್ಲಿ ಹೆಚ್ಚು ನೀರು ಇರುವ ಸಾಧ್ಯತೆಯಿದೆ. ಹಗುರವಾದ ಎಳನೀರಿನಲ್ಲಿ ಸಾಮಾನ್ಯವಾಗಿ ಕಡಿಮೆ ನೀರು ಅಥವಾ ಹೆಚ್ಚು ಕೆನೆ ಇರಬಹುದು.
- ಮಧ್ಯಮ ಗಾತ್ರದ ಮತ್ತು ದುಂಡಗಿನ ಎಳನೀರು ಉತ್ತಮ. ಅವುಗಳ ನೀರಿನ ಅಂಶವು ಬ್ಯಾಲೆನ್ಸ್ ಆಗಿ ಮತ್ತು ಸ್ಥಿರವಾಗಿರುತ್ತದೆ. ತುಂಬಾ ಚಿಕ್ಕದಾದ ಅಥವಾ ತುಂಬಾ ದೊಡ್ಡದಾದ ಎಳನೀರು ಯಾವಾಗಲೂ ಉತ್ತಮ ಫಲಿತಾಂಶಗಳನ್ನು ನೀಡದಿರಬಹುದು.
- ತಾಜಾ ಎಳನೀರು ತಿಳಿ ಹಸಿರು ಬಣ್ಣದಲ್ಲಿ ಕಾಣುತ್ತದೆ; ಅದರಲ್ಲಿ ಹಲವು ಕಂದು ಕಲೆಗಳಿದ್ದರೆ, ಅದು ಹಳೆಯದಾಗಿರಬಹುದು. ಅಲ್ಲದೆ, ಮೇಲ್ಭಾಗದಲ್ಲಿರುವ ಕಾಂಡವನ್ನು ಪರಿಶೀಲಿಸಿ. ಈ ಭಾಗವು ತಾಜಾ, ದೃಢವಾಗಿದ್ದರೆ ಮತ್ತು ಒಣಗಿಲ್ಲದಿದ್ದರೆ, ಎಳನೀರನ್ನು ಫ್ರೆಶ್ ಎಂದು ಪರಿಗಣಿಸಲಾಗುತ್ತದೆ. ಅಂತಹ ಎಳನೀರಿನಿಂದ ಬರುವ ನೀರು ಸಹ ಉತ್ತಮ ರುಚಿ ಹೊಂದಿರುತ್ತದೆ.
