Zomatoದಲ್ಲಿ ಹೈದರಾಬಾದ್‌ನ ಫೇಮಸ್‌ ರೆಸ್ಟೋರೆಂಟ್‌ ಬಾವರ್ಚಿಯಿಂದ ಆರ್ಡರ್ ಮಾಡಿದ್ದ ಬಿರಿಯಾನಿಯಲ್ಲಿ ಹಲ್ಲಿ
ವ್ಯಕ್ತಿಯೊಬ್ಬರು ಝೋಮ್ಯಾಟೋ ಮೂಲಕ ಸ್ಥಳೀಯ ರೆಸ್ಟೋರೆಂಟ್‌ವೊಂದರಿಂದ ಅರ್ಡರ್ ಮಾಡಿದ ಚಿಕನ್ ಬಿರಿಯಾನಿಯಲ್ಲಿ ಸತ್ತ ಹಲ್ಲಿ ಪತ್ತೆಯಾಗಿದೆ. ಇದನ್ನು ನೋಡಿ ಅವರ ಕುಟುಂಬದವರು ಶಾಕ್ ಆಗಿದ್ದು, ಟ್ವಿಟ್ಟರ್‌ನಲ್ಲಿ ಈ ಹಲ್ಲಿ ಬಿರಿಯಾನಿಯ ವೀಡಿಯೋ ಹಂಚಿಕೊಂಡು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
 )
Followಹೈದರಾಬಾದ್‌: ವ್ಯಕ್ತಿಯೊಬ್ಬರು ಝೋಮ್ಯಾಟೋ ಮೂಲಕ ಸ್ಥಳೀಯ ರೆಸ್ಟೋರೆಂಟ್‌ವೊಂದರಿಂದ ಅರ್ಡರ್ ಮಾಡಿದ ಚಿಕನ್ ಬಿರಿಯಾನಿಯಲ್ಲಿ ಸತ್ತ ಹಲ್ಲಿ ಪತ್ತೆಯಾಗಿದೆ. ಇದನ್ನು ನೋಡಿ ಅವರ ಕುಟುಂಬದವರು ಶಾಕ್ ಆಗಿದ್ದು, ಟ್ವಿಟ್ಟರ್‌ನಲ್ಲಿ ಈ ಹಲ್ಲಿ ಬಿರಿಯಾನಿಯ ವೀಡಿಯೋ ಹಂಚಿಕೊಂಡು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಹೈದರಾಬಾದ್‌ನಲ್ಲಿ (Hyderabad) ಬಿರಿಯಾನಿಗೆ ಹೆಸರಾದ ಬಾವರ್ಚಿ (Bawarchi chicken Biryani) ರೆಸ್ಟೋರೆಂಟ್‌ನಿಂದ ಆರ್ಡರ್ ಮಾಡಿದ್ದ ಬಿರಿಯಾನಿಯಲ್ಲಿ ಈ ಅವಾಂತರ ಕಾಣಿಸಿಕೊಂಡಿದೆ. ತೆಲುಗು ಸ್ಕ್ರೈಬ್ ಎಂಬ ಟ್ವಿಟ್ಟರ್ ಪೇಜ್ ಫೋಟೋ ವೀಡಿಯೋ ಸಮೇತ ಈ ಪೋಸ್ಟ್ ಮಾಡಿದೆ. ಹೈದರಾಬಾದ್‌ನ ಆರ್‌ಟಿಸಿ ಕ್ರಾಸ್‌ ರಸ್ತೆಯಲ್ಲಿರುವ ಬಾವರ್ಚಿ ಹೊಟೇಲ್ ಈ ಬಿರಿಯಾನಿ ಅರ್ಡರ್ ಮಾಡಲಾಗಿತ್ತು. ಝೋಮ್ಯಾಟೋ ಮೂಲಕ ಅಂಬರ್‌ಪೇಟ್‌ನಲ್ಲಿರುವ ಡಿಡಿ ಕಾಲೋನಿ ನಿವಾಸಿ ವಿಶ್ವ ಆದಿತ್ಯ ಎಂಬುವವರು ಈ ಚಿಕನ್ ಬಿರಿಯಾನಿ ಆರ್ಡರ್ (Chicken Biriyani) ಮಾಡಿದ್ದರು. ಝೋಮ್ಯಾಟೋ ಮೂಲಕ ಆರ್ಡರ್ ಮಾಡಿದ್ದ ಬಿರಿಯಾನಿಯಲ್ಲಿ ಹಲ್ಲಿ ಕಾಣಿಸಿಕೊಂಡಿದೆ. ಆದರೆ ಹೊಟೇಲ್ ಸಿಬ್ಬಂದಿ ಇದಕ್ಕೆ ನಿರ್ಲಕ್ಷ್ಯದ ಉತ್ತರ ನೀಡಿದ್ದಾರೆ ಎಂದು ಕುಟುಂಬದವರು ಆರೋಪಿಸಿದ್ದಾರೆ.
ಬೇಕರಿಯಿಂದ ತಂದ ಸಮೋಸಾದಲ್ಲಿತ್ತು ಸತ್ತ ಹಲ್ಲಿ, ಅಸ್ವಸ್ಥಗೊಂಡ ಬಾಲಕಿ ಆಸ್ಪತ್ರೆಗೆ ದಾಖಲು
ಈ ವಿಚಾರ ಸಾಮಾಜಿಕ ಜಾಲತಾಣದಲ್ಲಿ (Social Media) ವೈರಲ್ ಆಗುತ್ತಿದ್ದಂತೆ ಝೊಮ್ಯಾಟೋ ಪ್ರತಿಕ್ರಿಯಿಸಿದ್ದು, ನಾವು ಈ ವಿಚಾರದ ಬಗ್ಗೆ ಗಮನಹರಿಸಿದ್ದು, ಗ್ರಾಹಕರ ಜೊತೆ ಮಾತನಾಡಿದ್ದೇವೆ. ನಾವು ಈ ವಿಚಾರವನ್ನು ಗಂಭೀರವಾಗಿ ಪರಿಗಣಿಸಿದ್ದೇವೆ. ಈ ಬಗ್ಗೆ ಮುಂದಿನ ಕ್ರಮದ ಬಗ್ಗೆ ಕೆಲಸ ಮಾಡುತ್ತಿದ್ದೇವೆ ಎಂದು ಹೇಳಿಕೊಂಡಿದೆ.
ಮಲಗಿದ್ದ ಮಗುವಿನ ಬಾಯಿಯೊಳಗೆ ಬಿದ್ದ ಹಲ್ಲಿ, ಕಂದಮ್ಮ ಸಾವು
ಆದರೆ ಬಾವರ್ಚಿ(Bawarchi Biriyani) ಹೈದರಾಬಾದ್‌ನ ನಗರದ ಜೀವನಾಡಿಯಾಗಿದ್ದು, ಬಹುತೇಕ ಹೈದರಾಬಾದಿಗರು ಹಾಗೂ ದೂರದಿಂದ ಮುತ್ತಿನನಗರಿಯ ಸೌಂದರ್ಯ ಸವಿಯಲು ಬರುವ ಪ್ರವಾಸಿಗರು ಈ ಬಿರಿಯಾನಿಯ ರುಚಿ ನೋಡದೇ ಹೋಗುವುದು ತೀರಾ ವಿರಳ, ಹೀಗಿರುವಾಗ ಇಂತಹ ರೆಸ್ಟೋರೆಂಟ್‌ನಿಂದ ಆರ್ಡರ್ ಮಾಡಿದ್ದ ಬಿರಿಯಾನಿಯಲ್ಲಿ ಹಲ್ಲಿ ಕಾಣಿಸಿಕೊಂಡಿದ್ದು, ಇದು ಬಾವರ್ಚಿ ಬಿರಿಯಾನಿ ಪ್ರಿಯರನ್ನು ಆತಂಕಕ್ಕೆ ಇಡುಮಾಡಿದೆ. ಕೆಲವರು ಸಾಮಾಜಿಕ ಜಾಲತಾಣದಲ್ಲಿ ಬಾವಾರ್ಚಿಯನ್ನು ಇನ್ನು ಮುಚ್ಚಿಲ್ವಾ ಇಲ್ಲಿ ಎಷ್ಟು ಸರಿ ಈ ರೀತಿ ಆಗುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಮತ್ತೆ ಕೆಲವರು ಅಯ್ಯೋ ದೇವರೆ ಈಗಷ್ಟೇ ಬಾವರ್ಚಿ ಬಿರಿಯಾನಿ ತಿಂದೆ ಎಂದು ಆತಂಕ ವ್ಯಕ್ತಪಡಿಸಿದ್ದಾರೆ.
హైదరాబాద్ ఆర్టీసీ క్రాస్ రోడ్ లోనీ బావర్చి హోటల్లో చికెన్ బిర్యానిలో ప్రత్యక్షమైన బల్లి
— Telugu Scribe (@TeluguScribe) December 2, 2023
అంబర్పేట డిడి కాలనీ కి చెందిన విశ్వ ఆదిత్య ఆన్లైన్లో జొమాటోలో చికెన్ బిర్యానికి ఆర్డర్
జొమోటో బాయ్ తీసుకువచ్చిన చికెన్ బిర్యానిలో బల్లి వచ్చిందని కుటుంబ సభ్యుల ఆరోపణ
బావర్చి యాజమాన్యం… pic.twitter.com/5h0x1fltiQ
