ಹೆಲ್ದೀ ಅಂತ ಇವುಗಳನ್ನು ಅಪ್ಪಿತಪ್ಪಿಯೂ ಹಸಿಯಾಗಿ ತಿನ್ನಬೇಡಿ..!
ಹೆಲ್ದಿ (Healthy)ಯಾಗಿರೋಕೆ ಇತ್ತೀಚಿಗೆ ಹಸಿಯಾಗಿಯೇ ತರಕಾರಿ (Vegetables), ಧಾನ್ಯ (Grains)ಗಳನ್ನು ತಿನ್ನುವುದು ಟ್ರೆಂಡ್ ಆಗಿದೆ. ನೀವೂ ಕೂಡಾ ಹೀಗೆ ತರಕಾರಿಗಳನ್ನು ಹಸಿಯಾಗಿ (Raw) ತಿನ್ತಿದ್ದೀರಾ ? ಹಾಗಿದ್ರೆ ಯಾವೆಲ್ಲಾ ತರಕಾರಿಗಳನ್ನು ಹಸಿಯಾಗಿ ತಿನ್ಬಾರ್ದು ಅನ್ನೋದನ್ನು ಮೊದಲು ತಿಳ್ಕೊಳ್ಳಿ.
 )
Followಹಣ್ಣುಗಳನ್ನು (Fruits) ಸಾಮಾನ್ಯವಾಗಿ ಹಸಿಯಾಗಿ ಮತ್ತು ತರಕಾರಿ (Vegetables), ಧಾನ್ಯಗಳನ್ನು ಬೇಯಿಸಿ ತಿನ್ನುತ್ತಾರೆ. ಆದ್ರೆ ಇತ್ತೀಚಿಗೆ ತೂಕ ಇಳಿಸ್ಕೊಂಡು ಸಣ್ಣಗಾಗ್ಬೇಕು ಅನ್ನೋ ಕ್ರೇಜ್‌ ಹಲವರಲ್ಲಿ ಹೆಚ್ಚುತ್ತಿದೆ. ಹೀಗಾಗಿಯೇ ಹಸಿಯಾಗಿಯೇ (Raw) ತರಕಾರಿ, ಧಾನ್ಯಗಳನ್ನು ತಿನ್ತಾರೆ. ಆದ್ರೆ ಎಲ್ಲವನ್ನೂ ಈ ರೀತಿ ತಿನ್ನೋದು ಒಳ್ಳೆಯದಲ್ಲ. ಕೆಲವು ಆಹಾರ (Food)ಗಳನ್ನು ಕಚ್ಚಾ ತಿನ್ನುವುದು ಜೀರ್ಣಕ್ರಿಯೆ ಮತ್ತು ಒಟ್ಟಾರೆ ಆರೋಗ್ಯ (Health)ದ ಮೇಲೆ ವ್ಯತಿರಿಕ್ತ ದೀರ್ಘಕಾಲೀನ ಪರಿಣಾಮಗಳನ್ನು ಉಂಟುಮಾಡಬಹುದು. ಅಡುಗೆ ಮಾಡದೆ ಎಂದಿಗೂ ತಿನ್ನಬಾರದ ಸಾಮಾನ್ಯ ಆಹಾರಗಳ ಪಟ್ಟಿ ಇಲ್ಲಿದೆ.
ಆಲೂಗಡ್ಡೆ (Potato)
ಆಲೂಗಡ್ಡೆಯನ್ನು ಅಡುಗೆಯಲ್ಲಿ ಹಲವು ರೀತಿಯಲ್ಲಿ ಬಳಸಲಾಗುತ್ತದೆ. ಆಲೂ ಫ್ರೈ, ಸಬ್ಜಿ, ಸಾಗು, ಚಿಪ್ಸ್ ಮಾಡಿ ತಿನ್ನುತ್ತಾರೆ. ಆದರೆ ಆಲೂಗಡ್ಡೆಯನ್ನು ಹಸಿಯಾಗಿ ತಿನ್ನಲೇಬಾರದು. ಕೆಲವರು ಆಲೂಗಡ್ಡೆ ಕತ್ತರಿಸಿ ಹಸಿಯಾಗಿ ಉಪ್ಪು ಖಾರ ಹಾಕಿಕೊಂಡು ಸೇವಿಸುತ್ತಾರೆ. ಆದರೆ ಆಲೂಗಡ್ಡೆ ಹಸಿಯಾಗಿ ಸೇವಿಸುವುದರಿಂದ ಜೀರ್ಣವಾಗುವುದು ಕಷ್ಟ ಮತ್ತು ಗ್ಯಾಸ್ಟಿಕ್ ಸಮಸ್ಯೆ ಬರುವ ಸಾಧ್ಯತೆ ಹೆಚ್ಚು.
ಬೆಂಡೆಕಾಯಿ ನೀರು ಸೇವನೆ diabetic ರೋಗಿಗಳಿಗೆ ರಾಮಬಾಣ
ಏಕೆಂದರೆ ಆಲೂಗಡ್ಡೆ ಪಿಷ್ಟದಲ್ಲಿ ಸಮೃದ್ಧವಾಗಿದೆ, ಇದು ಜೀರ್ಣಿಸಿಕೊಳ್ಳಲು ಕಷ್ಟಕರವಾಗಿದೆ ಮತ್ತು ಆಹಾರದ ಅಣುಗಳ ಒಡೆಯುವಿಕೆಯ ಪ್ರಕ್ರಿಯೆಗೆ ನಿರೋಧಕವಾಗಿದೆ, ಇದು ಉಬ್ಬುವಿಕೆಯನ್ನು ಉಂಟುಮಾಡುತ್ತದೆ. ದೇಹದಲ್ಲಿ ಇನ್ಸುಲಿನ್ ಸಂವೇದನೆಯನ್ನು ಹೆಚ್ಚಿಸುತ್ತದೆ. ಇದಲ್ಲದೆ, ಆಲೂಗಡ್ಡೆಯಲ್ಲಿ ಹಸಿರು ಬಣ್ಣಕ್ಕೆ ತಿರುಗುವ ಸೋಲನೈನ್ ಎಂಬ ವಿಷಕಾರಿ ಅಂಶವಿದೆ, ಇದು ದೇಹಕ್ಕೆ ವಿಷಕಾರಿಯಾಗಿದೆ.
ಮಶ್ರೂಮ್ (Mushroom)
ಮಶ್ರೂಮ್ ಕೂಡಾ ಹಸಿ ತಿನ್ನುವುದು ಒಳ್ಳೆಯದಲ್ಲ. ಇದು ಜೀರ್ಣಕ್ರಿಯೆಗೆ ಅಡ್ಡಿಯಾಗಬಹುದು. ಹಸಿ ಮಶ್ರೂಮ್ ನಲ್ಲಿ ಕೆಲವೊಮ್ಮೆ ವಿಷಕಾರಿ ಅಂಶಗಳಿರುವ ಸಾಧ್ಯತೆಯಿದ್ದು, ಇದು ದೇಹದ ಮೇಲೆ ಪರಿಣಾಮ ಬೀರಬಹುದು.
ರಾಜ್ಮಾ (Rajma)
ಈ ರುಚಿಕರವಾದ ಧಾನ್ಯ ಪ್ರೋಟೀನ್ ಮತ್ತು ಆಂಟಿಆಕ್ಸಿಡೆಂಟ್‌ಗಳಿಂದ ತುಂಬಿರುತ್ತದೆ. ಹೀಗಾಗಿ ಇದನ್ನು ಸಾಂಬಾರು, ಪಲ್ಯ ಮಾಡಲು ಹೆಚ್ಚಿನ ಪ್ರಮಾಣದಲ್ಲಿ ಬಳಸಲಾಗುತ್ತದೆ. ಆದರೆ ಈ ಧಾನ್ಯವನ್ನು ಕಚ್ಚಾ ರೂಪದಲ್ಲಿ ತಿನ್ನುವುದು ವಿಷದ ಉಪಸ್ಥಿತಿಯಿಂದಾಗಿ ಅಸ್ವಸ್ಥತೆಯನ್ನು ಉಂಟು ಮಾಡಬಹುದು. ಹೊಟ್ಟೆ ಉಬ್ಬುವುದು, ಅಸ್ವಸ್ಥತೆಗೆ ಕಾರಣವಾಗಬಹುದು. ಹೀಗಾಗಿ ರಾತ್ರಿಯಿಡೀ ರಾಜ್ಮಾವನ್ನು ಯಾವಾಗಲೂ ರಾತ್ರಿಯಿಡೀ ನೆನೆಸಿ, ತೊಳೆದು ಸರಿಯಾಗಿ ಬೇಯಿಸಿ ತಿನ್ನುವುದು ಉತ್ತಮ.
ಬೇಸಿಗೆಯಲ್ಲಿ ಸಿಕ್ಕಾಪಟ್ಟೆ ಬಾಯಾರಿಕೆಯಾಗೋ ಸಮಸ್ಯೆಗೆ ಸಬ್ಜಾ ಬೀಜ ಮದ್ದು
ಕಹಿ ಬಾದಾಮಿ (Almond)
ಕಹಿ ಬಾದಾಮಿಯನ್ನು ತಿನ್ನುವುದು ಆರೋಗ್ಯಕ್ಕೆ ಅಪಾಯಕಾರಿ ರಾಸಾಯನಿಕಗಳ ಮಿಶ್ರಣವನ್ನು ಹೊಂದಿರುತ್ತದೆ. ಎರಡು ರಾಸಾಯನಿಕಗಳಾದ ಹೈಡ್ರೋಜನ್ ಸೈನೈಡ್ ಮತ್ತು ಹೈಡ್ರೋಸಯಾನಿಕ್ ಆಮ್ಲ ಎಂದು ಕರೆಯಲ್ಪಡುವ ನೀರು ಒಟ್ಟಿಗೆ ಸೇರುವುದರಿಂದ ದೇಹಕ್ಕೆ ಮಾರಕವಾಗಬಹುದು. ಒಂದು ಹಿಡಿ ಕಹಿ ಬಾದಾಮಿ ಕೂಡ ಆರೋಗ್ಯಕ್ಕೆ ಭಯಾನಕವಾಗಿದೆ.
ಬದನೆ (Brinjal)
ಬದನೆ ಕಾಯಿಗಳಲ್ಲೂ ಆಲೂಗಡ್ಡೆಯಲ್ಲಿರುವಂತಹ ಅಂಶಗಳಿರುತ್ತವೆ. ಹೀಗಾಗಿ ಇದನ್ನು ಹಸಿಯಾಗಿ ತಿನ್ನುವುದರಿಂದ ಗ್ಯಾಸ್ಟಿಕ್ ನಂತಹ ಸಮಸ್ಯೆ ಬರಬಹುದು. ಇದಲ್ಲದೆ ಬದನೆ ನಂಜಿನ ಅಂಶಗಳನ್ನು ಅಧಿಕವಾಗಿ ಹೊಂದಿರುವ ಕಾರಣ ಇದು ಆರೋಗ್ಯಕ್ಕೆ ಒಳ್ಳೆಯದಲ್ಲ.
ಸೇಬಿನ ಬೀಜಗಳು (Apple Seeds)
ಸೇಬು ಅತ್ಯಂತ ರುಚಿಕರವಾದ ಹಣ್ಣು. ದಿನಕ್ಕೊಂದು ಸೇಬನ್ನು ತಿಂದರೆ ಆರೋಗ್ಯ ಸಮಸ್ಯೆಯಿರುವುದಿಲ್ಲ ಎಂದು ವೈದ್ಯರೇ ಹೇಳುತ್ತಾರೆ. ವಾಸ್ತವವಾಗಿ, ಇದನ್ನು ಹೆಚ್ಚಾಗಿ ಕಚ್ಚಾ ತಿನ್ನಲಾಗುತ್ತದೆ ಆದರೆ ನೀವು ಎಂದಾದರೂ ತಪ್ಪಾಗಿ ಸೇಬಿನ ಬೀಜಗಳನ್ನು ಸೇವಿಸಿದ್ದೀರಾ. ತಪ್ಪಿಯೂ ಆ ರೀತಿ ಮಾಡಬೇಡಿ. ಸೇಬಿನ ಬೀಜಗಳು ರಾಸಾಯನಿಕಗಳನ್ನು ಹೊಂದಿರುತ್ತವೆ, ಅದು ಸಾಮಾನ್ಯವಾಗಿ ಸೈನೈಡ್ ಆಗಿ ಬದಲಾಗುತ್ತದೆ, ಇದು ಜೀರ್ಣಕ್ರಿಯೆಯ ಪ್ರಕ್ರಿಯೆಯಲ್ಲಿ ಹಾನಿಕಾರಕ ರಾಸಾಯನಿಕವಾಗಿದೆ. ಆದ್ದರಿಂದ, ತಿನ್ನುವ ಮೊದಲು ಬೀಜಗಳನ್ನು ತೆಗೆದುಹಾಕುವುದನ್ನು ಖಚಿತಪಡಿಸಿಕೊಳ್ಳಿ.
