Twinkle Khanna: ಹೊಟ್ಟೆಯೊಳಗೆ ಫುಲ್ ಗ್ಯಾಸ್ ಇದ್ದಾಗ್ಲೇ ಶಾರುಖ್ ಎತ್ತಿಕೊಂಡು ಬಿಟ್ರಪ್ಪೋ...
ಸದ್ಯ ಚಿತ್ರರಂಗದಿಂದ ದೂರವಿರುವ ನಟಿ ಟ್ವಿಂಕಲ್ ಖನ್ನಾ 1999ರಲ್ಲಿ ಬಾದ್ಶಾಹ್ ಚಿತ್ರೀಕರಣದ ಹಾಸ್ಯದ ಘಟನೆಯನ್ನು ಮೆಲುಕು ಹಾಕಿದ್ದಾರೆ. ಅವರು ಹೇಳಿದ್ದೇನು?
ಬಾಲಿವುಡ್‌ನ ಹೊರತಾಗಿ, ಸಾಮಾಜಿಕ ಜಾಲತಾಣಗಳಲ್ಲಿ ತುಂಬಾ ಸಕ್ರಿಯವಾಗಿರುವ ನಟಿಯೆಂದರೆ ಟ್ವಿಂಕಲ್ ಖನ್ನಾ. ದಿವಂಗತ ನಟ ರಾಜೇಶ್ ಖನ್ನಾ ಮತ್ತು ನಟಿ ಡಿಂಪಲ್ ಕಪಾಡಿಯಾ ಅವರ ಪುತ್ರಿ ಟ್ವಿಂಕಲ್ ಖನ್ನಾ (Twinkle Khanna) ಅವರ ಸ್ಟಾರ್‌ಡಮ್ ಇಂದಿಗೂ ಗೋಚರಿಸುತ್ತದೆ. ನಟಿ ಅಕ್ಷಯ್ ಕುಮಾರ್ ಅವರನ್ನು ಮದುವೆಯಾದ ನಂತರ ಚಿತ್ರರಂಗದಿಂದ ದೂರವಿದ್ದರೂ ಸಹ, ಅವರು ಈಗ ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿದ್ದಾರೆ. ಟ್ವಿಂಕಲ್ ಖನ್ನಾ 1990 ಮತ್ತು 2000 ವರ್ಷಗಳಲ್ಲಿ ತುಂಬಾ ಇಷ್ಟಪಟ್ಟಿದ್ದರು. ಅವರು ಕೆಲವೇ ಚಿತ್ರಗಳನ್ನು ಮಾಡಿರಬಹುದು. ಆದರೆ ಅವರು ಬಹು ದೊಡ್ಡ ಫ್ಯಾನ್ಸ್ ಹೊಂದಿದ್ದಾರೆ. 1999 ರ ಚಲನಚಿತ್ರ 'ಬಾದ್ಶಾ' ಅವರ ಚಿತ್ರಗಳಲ್ಲಿ ಒಂದಾಗಿತ್ತು, ಇದರಲ್ಲಿ ಅವರು ಶಾರುಖ್ ಖಾನ್ ಅವರೊಂದಿಗೆ ನಾಯಕಿಯಾಗಿ ನಟಿಸಿದ್ದರು. ಚಿತ್ರವು ದೊಡ್ಡ ಹಿಟ್ ಆಗಿತ್ತು, ವಿಶೇಷವಾಗಿ ಚಿತ್ರದ ಹಾಡುಗಳು ಇಂದಿಗೂ ಜನಮಾನಸದಲ್ಲಿ ನೆಲೆಸಿದೆ.
ಟ್ವಿಂಕಲ್ ಖನ್ನಾ ತಮ್ಮ 'ಟ್ವೀಕ್ ಇಂಡಿಯಾ' ಶೋನಲ್ಲಿ ಈ ಚಿತ್ರಕ್ಕೆ ಸಂಬಂಧಿಸಿದ ಹಲವು ಕುತೂಹಲಕರ ಮಾಹಿತಿಯನ್ನು ಬಹಿರಂಗಪಡಿಸಿದ್ದಾರೆ. ಫ್ಯಾಷನ್ ಡಿಸೈನರ್ ಮನೀಶ್ ಮಲ್ಹೋತ್ರಾ ಅವರ ಕಾರ್ಯಕ್ರಮಕ್ಕೆ ಅತಿಥಿಯಾಗಿ ಭಾಗವಹಿಸಿದಾಗ ಈ ಬಗ್ಗೆ ಅವರು ವಿವರಣೆ ನೀಡಿದ್ದಾರೆ. ಬಾದ್ಶಾ (Baadshah) ಚಿತ್ರದಲ್ಲಿ ಟ್ವಿಂಕಲ್ ಖನ್ನಾ ಅವರು ಆ ದಿನಗಳಲ್ಲಿ ಬಹಳ ಪ್ರಸಿದ್ಧರಾದ ಮನೀಶ್ ಮಲ್ಹೋತ್ರಾ ವಿನ್ಯಾಸಗೊಳಿಸಿದ ಅನೇಕ ಬಟ್ಟೆಗಳನ್ನು ಧರಿಸಿದ್ದರು. ಆದರೆ ಆ ಬಟ್ಟೆಗೆ ಹೊಂದಿಕೊಳ್ಳಲು ತಾವು ಹೇಗೆ ಕಷ್ಟಪಡಬೇಕಾಯಿತು ಎಂಬ ಸ್ವಾರಸ್ಯವನ್ನು ಹಂಚಿಕೊಂಡಿದ್ದಾರೆ.
Shobana: ಮಳೆ ಸೀನ್ ಮಾಡುವಾಗ ಒಳಗೆ ಬಟ್ಟೆ ಇರಲಿಲ್ಲ... ರಜನೀ ಸರ್ ಎತ್ತಿಕೊಂಡೇ ಬಿಟ್ರು...
ಈ ಸಂಭಾಷಣೆಯಲ್ಲಿ, ಟ್ವಿಂಕಲ್ ಬಾದ್ಶಾ ಚಿತ್ರದ ಅತ್ಯಂತ ಜನಪ್ರಿಯ 'ಮೊಹಬ್ಬತ್ ಹೋ ಗಯಿ ಹೈ' ಬಗ್ಗೆ ಆಸಕ್ತಿದಾಯಕ ಕಥೆಯನ್ನು ಹಂಚಿಕೊಂಡಿದ್ದಾರೆ. ಈ ಸುಂದರವಾದ ಹಾಡನ್ನು ಬೆಟ್ಟಗಳು ಮತ್ತು ನದಿಯ ದಡದಲ್ಲಿ ಚಿತ್ರೀಕರಿಸಲಾಗಿತ್ತು. ಹಾಡಿನಲ್ಲಿ, ಟ್ವಿಂಕಲ್ ವಿಭಿನ್ನ ಕ್ಯಾಟ್‌ಸೂಟ್ -ಟೈ ಬಟ್ಟೆಗಳನ್ನು ಧರಿಸಿದ್ದರು, ಅದು ಸಂಪೂರ್ಣವಾಗಿ ಅವರ ದೇಹಕ್ಕೆ ಅಂಟಿಕೊಂಡಿತ್ತು. ಚಿತ್ರದ ಹಾಡಿನಲ್ಲಿ ಶಾರುಖ್ (Shah Rukh Khan) ಟ್ವಿಂಕಲ್ ಅವರನ್ನು ಮಡಿಲಿನಲ್ಲಿ ಎತ್ತಿಕೊಳ್ಳುವ ಎರಡು ದೃಶ್ಯಗಳಿದ್ದವು. ಈ ದೃಶ್ಯಕ್ಕಾಗಿ ಟ್ವಿಂಕಲ್ ತುಂಬಾ ಹೆದರಿದ್ದರಂತೆ, ಏಕೆಂದರೆ ಒಂದು ವಾರದವರೆಗೆ ಬರೀ ಕಡಲೆಯನ್ನು ತಿನ್ನುತ್ತಿದ್ದರಂತೆ. ಹೊಟ್ಟೆಯಲ್ಲಿ ಗ್ಯಾಸ್ ಆಗಿತ್ತು. ನಾಯಕ ಎತ್ತಿದಾಗ ಏನಾದರೂ ಆಗಿಬಿಟ್ಟರೆ ಎನ್ನುವ ಭಯವಿತ್ತು ಎಂದು ತಮಾಷೆ ಮಾಡಿದ್ದಾರೆ.
'ಪ್ರತಿ ಬಾರಿ ನಾನು ಮನೀಶ್ ಮಲ್ಹೋತ್ರಾ ಅವರ ಬಟ್ಟೆಗಳನ್ನು ಧರಿಸಬೇಕಾಗಿತ್ತು. ಅದು ಟೈಟ್ ಇರುತ್ತಿದ್ದ ಕಾರಣ, ನಾನು ಆಹಾರವನ್ನು ಕಡಿಮೆ ಸೇವಿಸಬೇಕಿತ್ತು ಇಲ್ಲವೇ ನನ್ನ ಹೊಟ್ಟೆಯನ್ನು ಒಳಮುಖವಾಗಿ ಚಪ್ಪಟೆಗೊಳಿಸಬೇಕಾಗಿತ್ತು. ಚಿತ್ರದಲ್ಲಿ ಒಂದು ಹಾಡು ಇತ್ತು, ಅದಕ್ಕಾಗಿ ಬರೀ ಕಡಲೆಕಾಯಿ ತಿಂದು ಬದುಕಿದ್ದೆ ಎಂದು ನಕ್ಕಿದ್ದಾರೆ ಟ್ವಿಂಕಲ್. ಹೀಗಿರುವಾಗ ಹೀರೋ ನನ್ನನ್ನು ಎತ್ತಿಕೊಂಡು ಹೋದರೆ ಗ್ಯಾಸಿನ ಚೆಂಡಾಗಿಬಿಡುತ್ತೇನೋ (Gas Ball) ಎಂದು ತುಂಬಾ ಭಯವಾಗಿತ್ತು ಎಂದಿದ್ದಾರೆ.
Sherlyn Chopra: ಎದೆ ಮುಟ್ಟಿದ, ಕಂಟ್ರೋಲ್ ಆಗ್ತಿಲ್ಲ ಎಂದ... ಉದ್ಯಮಿ ವಿರುದ್ಧ ನಟಿ ದೂರು
ಇಂಥದ್ದೇ ಒಂದು ಫಜೀತಿಯ ಅನುಭವವನ್ನು ಈಚೆಗೆ ಬಹುಭಾಷಾ ನಟಿ ಶೋಭನಾ ಅವರು ಇದೀಗ ಬಹಿರಂಗಗೊಳಿಸಿದ್ದರು. ತಮಗೆ ಗೊತ್ತಿಲ್ಲದೇ ಮಳೆ ಸೀನ್ ಮಾಡುವ ಪ್ರಮೇಯ ಬಂದಾಗ ಪಟ್ಟ ಫಜೀತಿಯನ್ನು ಅವರು ಹೇಳಿದ್ದರು. ಅಸಲಿಗೆ ಮಳೆಯಲ್ಲಿ ನೆನೆಯುವಾಗ ಸೀರೆಯ ಒಳಗೆ ಧರಿಸಲು ಸರಿಯಾದ ಬಟ್ಟೆ ಹಾಕಿಕೊಳ್ಳಬೇಕಿತ್ತು. ಆದರೆ ಅದು ಅವರ ಬಳಿ ಇರಲಿಲ್ಲ, ಸೀರೆ ಒಳಗೆ ಉಡುಪು ಕೂಡ ಧರಿಸಿರಲಿಲ್ಲ, ಆದರೆ ಬಟ್ಟೆ ಬದಲಾಯಿಸಲೂ ಅವಕಾಶ ಕೊಡದೇ ಹೇಗೆ ಆ ಸೀನ್ ಮಾಡಲಾಗಿತ್ತು ಎಂಬುದನ್ನುನೆನಪಿಸಿಕೊಂಡಿದ್ದರು.
