ಆಗ ಹೇಮಾ ಮಾಲಿನಿ, ಈಗ ರಾಣಿ ಮುಖರ್ಜಿ: ಶಾರುಖ್ ಖಾನ್ ಜಂಟಲ್ಮ್ಯಾನ್ ಅಂದ ಫ್ಯಾನ್ಸ್
ಹಿಂದೆ ಹೇಮಾಮಾಲಿನಿ ಹಾಗೂ ಈಗ ರಾಣಿ ಮುಖರ್ಜಿಯವರು ವೇದಿಕೆಯ ಮೇಲೆ ಎಡವಿ ಬೀಳುವುದರಿಂದ ತಡೆದ ನಟ ಶಾರುಖ್ ಖಾನ್ಗೆ ಶ್ಲಾಘನೆಗಳ ಮಹಾಪೂರ
 )
Follow2015ರ ಸಿನಿಮಾ ಪ್ರಶಸ್ತಿ ಸಮಾರಂಭವದು. 21 ನೇ ಸ್ಕ್ರೀನ್ ಅವಾರ್ಡ್ಸ್ ಸಮಯದಲ್ಲಿ, ಹೇಮಾ ಅವರಿಗೆ ಜೀವಮಾನ ಸಾಧನೆ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಯಿತು. ಗುಲಾಬಿ ಬಣ್ಣದ ಸೀರೆಯಲ್ಲಿ ನಟಿ ಹೇಮಾ ಮಾಲಿನಿ ಕಂಗೊಳಿಸುತ್ತಿದ್ದರು. ಹೈಹೀಲ್ಸ್ ಧರಿಸಿ ವೇದಿಕೆಯ ಮೇಲೆ ಏರುತ್ತಿದ್ದಂತೆಯೇ ಅವರ ಚಪ್ಪಲ್ ಕಳಚಿಬಿತ್ತು. ಅವರು ಎಡವಿದರು. ಇನ್ನೇನು ಬೀಳುತ್ತಿದ್ದರು. ಆಗ ಅವರ ರಕ್ಷಣೆಗೆ ಅವರ ಹಿಂದೆಯೇ ಇದ್ದ ನಟನೊಬ್ಬ ಓಡೋಡಿ ಬಂದರು. ಚಪ್ಪಲಿಯನ್ನು ಎತ್ತಿದರು, ನಟಿ ಎಡವುದನ್ನು ತಪ್ಪಿಸಿದರು. ಚಪ್ಪಲಿ ಎತ್ತಿ ಅವರ ಹತ್ತಿರ ಇಟ್ಟರು... ಈ ನಟ ಬೇರಾಲ್ಲೂ ಅಲ್ಲ, ಬಾಲಿವುಡ್ ಬಾದ್ಶಾಹ್ ಶಾರುಖ್ ಖಾನ್!
ಮೊನ್ನೆ ಇದೇ ರೀತಿಯ ಘಟನೆ ಮತ್ತೆ ಮರುಕಳಿಸಿತು. ‘ಕುಚ್ ಕುಚ್ ಹೋತಾ ಹೈ (Kuch Kuch Hota Hai) ಚಿತ್ರ ಬಿಡುಗಡೆಯಾಗಿ 25 ವರ್ಷಗಳ ಸಂತಸಕ್ಕಾಗಿ ಇದೇ 16ರಂದು ನಡೆದ ಸಮಾರಂಭದಲ್ಲಿಯೂ ಇದೇ ರೀತಿ ಆಯಿತು. ಈ ಚಿತ್ರದಲ್ಲಿ ನಟ ಶಾರುಖ್, ರಾಣಿ ಮುಖರ್ಜಿ ಮತ್ತು ಕಾಜೋಲ್ ನಟಿಸಿದ್ದರು. ಇವರೆಲ್ಲರೂ ಅಂದು ಉಪಸ್ಥಿತರಿದ್ದರು. ರಾಣಿ ಮುಖರ್ಜಿ ಸೀರೆ ಉಟ್ಟಿದ್ದರಾದರೂ ಅವರ ಸೆರಗು ಸಿಕ್ಕಾಪಟ್ಟೆ ಉದ್ದ ಇತ್ತು. ವೇದಿಕೆ ಮೇಲೆ ಹತ್ತುವಾಗ ಅವರು ಎಡವಬಹುದು ಎನ್ನುವ ಕಾರಣಕ್ಕೆ ನಟ ಶಾರುಖ್ ಖಾನ್ ಅವರ ಸೀರೆಯ ಸೆರಗನ್ನು ಹಿಡಿದುಕೊಂಡೇ ನಟಿ ಬೀಳದಂತೆ ಕಾಪಾಡಿದರು. ಆಗ ಮೈಮೇಲೆ ಪರಿವೇ ಇಲ್ಲದ್ದಕ್ಕೆ ನಟಿ ರಾಣಿ ಮುಖರ್ಜಿ ಟ್ರೋಲ್ ಆದರೂ ನಟ ಶಾರುಖ್ ಅವರನ್ನು ಅಭಿಮಾನಿಗಳು ಹಾಡಿ ಕೊಂಡಾಡಿದರು.
ಹೇಮಾಮಾಲಿನಿ @75: ಶಾರುಖ್ ಖಾನ್ರನ್ನು ರಿಜೆಕ್ಟ್ ಮಾಡಿದ್ದ ಕನಸಿನ ಕನ್ಯೆಯ ಇಂಟರೆಸ್ಟಿಂಗ್ ವಿಷ್ಯ ರಿವೀಲ್!
ಇದು ಶಾರುಖ್ ಖಾನ್ ಅವರ ಔದಾರ್ಯವನ್ನು ತೋರಿಸುತ್ತದೆ ಎಂದೇ ಹೇಳಲಾಗುತ್ತಿದೆ. ಸನ್ನಿವೇಶ ಯಾವುದೇ ಇರಲಿ, ಅದು ಶೂಟಿಂಗ್ ಸ್ಪಾಟೇ ಆಗಿರಲಿ ಅಥವಾ ಹೊರಗಡೆಯ ಯಾವುದೇ ಕಾರ್ಯಕ್ರಮವಾಗಿರಲಿ... ನಟ ಶಾರುಖ್ ಖಾನ್ ತಮ್ಮ ಸುತ್ತಲೂ ಇರುವ ಮಹಿಳೆಯರ ಮೇಲೆ ಅಪಾರ ಕಾಳಜಿ ತೋರುತ್ತಾರೆ, ಅವರಿಗೆ ಯಾವುದೇ ರೀತಿಯ ತೊಂದರೆ ಆಗದಂತೆ ನೋಡಿಕೊಳ್ಳುತ್ತಾರೆ ಎನ್ನುವ ಮಾತು ಸಿನಿ ಜಗತ್ತಿನಲ್ಲಿ ಸದಾ ಕೇಳಿಬರುತ್ತದೆ. ಈ ಎರಡು ಉದಾಹರಣೆಗಳನ್ನು ಇಟ್ಟುಕೊಂಡು ನಟನ ಫ್ಯಾನ್ಸ್ ಅವರನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಡಿ ಹೊಗಳುತ್ತಿದ್ದಾರೆ. ಕಿಂಗ್ ಖಾನ್ ಎಂದು ಕರೆಯುವುದು ಸುಮ್ಮನೇ ಅಲ್ಲ, ಅವರು ನಿಜವಾದ ಹೀರೋ ಎಂದು ಹೇಳುತ್ತಿದ್ದಾರೆ.
ಹೇಮಾಮಾಲಿನಿಯವರ ವಿಷಯದಲ್ಲಿ ಅಂದು ಅವರಿಗೆ ಜೀವಮಾನದ ಸಾಧನೆಯ ಪ್ರಶಸ್ತಿಯನ್ನು ಶಾರುಖ್ ಖಾನ್ ಅವರೇ ಪ್ರದಾನ ಮಾಡಿದ್ದರು. ಅವರಿಂದ ಪ್ರಶಸ್ತಿ ಸ್ವೀಕರಿಸುವುದು ಮಾತ್ರವಲ್ಲದೇ ಎಡವಿದ್ದರಿಂದ ಬಚಾವ್ ಮಾಡಿದ್ದಕ್ಕೆ ಶ್ಲಾಘನೆ ಹಾಗೂ ಧನ್ಯವಾದ ಸಲ್ಲಿಸಿದ್ದ ನಟಿ, ನೀನು ಇಷ್ಟು ದೊಡ್ಡ ರೀತಿಯಲ್ಲಿ, ದೊಡ್ಡ ರೀತಿಯಲ್ಲಿ ಬೆಳೆದಿದ್ದೀರಿ ಎಂದು ನನಗೆ ತುಂಬಾ ಹೆಮ್ಮೆ ಮತ್ತು ಸಂತೋಷವಾಗಿದೆ. ನಿನಗೆ ನನ್ನ ಆಶೀರ್ವಾದ ಎಂದು ಹೇಮಾ ಮಾಲಿನಿ ಹೇಳಿದ್ದರು. ಅಷ್ಟಕ್ಕೂ ಬಾಲಿವುಡ್ಗೆ ಎಂಟ್ರಿ ಕೊಡುವ ಪೂರ್ವದಲ್ಲಿ ಶಾರುಖ್ ಅವರು ಆಡಿಷನ್ನಲ್ಲಿ ಹೆದರಿದ್ದರಿಂದ ಅವರ ಆಡಿಷನ್ ಪಡೆಯುತ್ತಿದ್ದ ನಟಿ ಹೇಮಾ ಮಾಲಿನಿ ಅವರನ್ನು ರಿಜೆಕ್ಟ್ ಮಾಡಿದ್ದರು! ಇದನ್ನು ಖುದ್ದು ನಟಿಯೇ ತಮ್ಮ ಆತ್ಮಚರಿತ್ರೆಯಲ್ಲಿ ಬರೆದುಕೊಂಡಿದ್ದಾರೆ.
ರಾಣಿ ಮುಖರ್ಜಿಯ ಸೆರಗು ಹಿಡಿದ ಶಾರುಖ್: ದೇಹ ಪ್ರದರ್ಶನದಿಂದ ಬಚಾವ್ ಮಾಡಿದ್ರಿ ಎಂದ ಫ್ಯಾನ್ಸ್!
