ರ‍್ಯಾಪರ್‌ಗಳಿಗೆ ಆದಾಯ ಬರುವುದೇ ಹಾಡಿನ ಖ್ಯಾತಿ ಮೂಲಕ. ಸೋಷಿಯಲ್ ಮೀಡಿಯಾದಲ್ಲಿ ಹಾಡು ಹಿಟ್ ಆದಷ್ಟು ಬೊಕ್ಕಸವೂ ತುಂಬುತ್ತದೆ. ತನ್ನ ಲೇಟೆಸ್ಟ್ ಹಾಡು ಹಿಟ್ ಆಗುವುದಕ್ಕೆ ಈ ರ‍್ಯಾಪರ್ ಮಾಡಿದ್ದೇನು ನೋಡಿ..!

ಬಾಲಿವುಡ್‌ ಫೇಮ್ಸ್ ರ‍್ಯಾಪರ್ ಬಾದ್ ಶಾ ಎಲ್ಲರಿಗೂ ಗೊತ್ತು. ಹಿಟ್‌ ಸಾಂಗ್‌ಗಳ ಮೂಲಕ ಯುವಜನರ ನೆಚ್ಚಿನ ರ‍್ಯಾಪರ್ ಆಗಿರುವ ಬಾದ್‌ಶಾ ಅವರನ್ನು ಸದ್ಯ ಪೊಲೀಸ್‌ ವಿಚಾರಣೆ ನಡೆಸುತ್ತಿದ್ದಾರೆ.

ಬಾಲಿವುಡ್ ನಟ ಸಂಜಯ್ ದತ್ ಆರೋಗ್ಯದಲ್ಲಿ ಏರುಪೇರು; ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ!

ಬಾದ್‌ ಶಾ ಲೇಟೆಸ್ಟ್ ಸಾಂಗ್ ಯೇ ಲಡ್‌ಕೀ ಪಾಗಲ್ ಹೇ ಭಾರೀ ಸದ್ದು ಮಾಡಿದ ಆಲ್ಬಂ. ಈ ಹಾಡಿಗೆ ವಲ್ರ್ಡ್‌ ರೆಕಾರ್ಡ್‌ ಸಿಗಬೇಕೆಂದು ಬಾದ್‌ ಶಾ ಮಾಡಿದ ಎಡವಟ್ಟಿನಿಂದ ಇದೀಗ ಪಶ್ಚಾತಪಿಸುವಂತಾಗಿದೆ.

ಮುಂಬೈ ಕ್ರೈಂ ಬ್ರಾಂಚ್ ಈ ಸಂಬಂಧ ತನಿಖೆ ನಡೆಸುತ್ತಿದ್ದು, ಮೂರನೇ ದಿನ ಫೇಮಸ್‌ ರ‍್ಯಾಪರ್‌ನ್ನು ವಿಚಾರಣೆ ನಡೆಸುತ್ತಿದ್ದಾರೆ. ನಕಲಿ ಖಾತೆ, ನಕಲಿ ವ್ಯೂಸ್, ನಕಲಿ ಲೈಕ್‌ಗಳನ್ನು ಪಡೆದಿರುವ ಬಾದ್‌ಶಾನನ್ನು ಶನಿವಾರವೂ ಪೊಲೀಸರು ವಿಚಾರಣೆ ನಡೆಸಿದ್ದಾರೆ.

ಜಾಕ್ವೆಲಿನ್‌ ಫರ್ನಾಂಡೀಸ್‌ಗೆ 44 ಮಿಲಿಯನ್ ಫಾಲೋವರ್ಸ್: ಹೀಗೂ ನೋಡೋಕೆ ಏನಿದೆ ಜಾಕಿ ಎಕೌಂಟ್‌ನಲ್ಲಿ..?

7.2 ಕೋಟಿ ವ್ಯೂಗಳನ್ನು 72 ಲಕ್ಷ ವೆಚ್ಚದಲ್ಲಿ ಖರೀದಿಸುವುದಾಗಿ ಬಾದ್‌ ಶಾ ವಿಚಾರಣೆ ಸಂದರ್ಭ ತಿಳಿಸಿದ್ದಾರೆ ಎಂದು ಪೊಲೀಸರು ಹೇಳಿದ್ದಾರೆ. ಪಾಗಲ್ ಹೇ ಹಾಡನ್ನು ಹಿಟ್ ಮಾಡುವುದಕ್ಕಾಗಿ ಈ ರೀತಿ ಮಾಡಿರುವುದಾಗಿ ತಿಳಿಸಿದ್ದಾರೆ.

ಕಳೆದ ವರ್ಷ ರಿಲೀಸ್ ಆದ ಈ ಹಾಡು ರಿಲೀಸ್ ಆದ 24 ಗಂಟೆಯಲ್ಲಿ ಯೂಟ್ಯೂಬ್‌ನಲ್ಲಿ 75 ಮಿಲಿಯನ್ ವ್ಯೂಸ್ ಪಡೆದಿತ್ತು ಎಂದು ಬಾದ್‌ ಶಾ ಹೇಳಿದ್ದರು. ಇದು ಸುಳ್ಳು ಎಂದು ಯೂಟ್ಯೂಬ್ ಹಾಗೂ ಗೂಗಲ್ ಒಡೆತನದ ಆಲ್ಫಬೆಟ್ ತಿಳಿಸಿದೆ.

ಆರಾಧ್ಯ ಕಾಪಿ ಮಾಡಿದ್ಲು ಅಮ್ಮನ ಪೋಸ್, ಅಭಿಷೇಕ್ ಬಚ್ಚನ್ ಫುಲ್ ಖುಷ್

ಇದೀಗ ಕ್ರೈಂ ಬ್ರಾಂಚ್‌ ಅಧಿಕಾರಿಗಳು ಬಾದ್‌ ಶಾ ವಿಚಾರಣೆಗೆ 250ಕ್ಕೂ ಹೆಚ್ಚು ಪ್ರಶ್ನೆಯ ಲಿಸ್ಟ್ ತಯಾರಿಸಿದ್ದು, ಬಾದ್ ಶಾ ನಿಜವಾದ ಹೆಸರು ಆದಿತ್ಯ ಸಿಂಗ್. ಕಂಪನಿಗೆ 18 ಶೇ. ಸೇವಾ ತೆರಿಗೆ ಸೇರಿಸಿ 72 ಲಕ್ಷ ಪಾವತಿಸಿರುವುದಾಗಿ ಬಾದ್‌ ಶಾ ಒಪ್ಪಿಕೊಂಡಿದ್ದಾರೆ.