ಹಿಂದೂ-ಮುಸ್ಲಿಂ ಮಗಳಿಗೆ ಕ್ರೈಸ್ತ ಸಂಪ್ರದಾಯದ ಮದುವೆ: ಆಮೀರ್ ಖಾನ್ ಕಣ್ಣೀರಿಂದೇ ಭಾರಿ ಚರ್ಚೆ!
ಆಮೀರ್ ಪುತ್ರಿ ಇರಾ ಖಾನ್ ಅವರ ವಿವಾಹದ ವಿಡಿಯೋ ವೈರಲ್ ಆಗಿದ್ದು, ಇದರಲ್ಲಿ ಆಮೀರ್ ಖಾನ್ ಭಾವುಕರಾಗಿ ಕಣ್ಣೀರು ಹಾಕಿದ್ದಾರೆ. ಟ್ರೋಲಿಗರು ಹೇಳ್ತಿರೋದೇನು?
 )
Followಮುಂಬೈನ ಬಾಂದ್ರಾದ ತಾಜ್ ಲ್ಯಾಂಡ್ಸ್ ಎಂಡ್‌ನಲ್ಲಿ ಆಮೀರ್ ಖಾನ್ ಮತ್ತು ಅವರ ಮೊದಲ ಪತ್ನಿ ರೀನಾ ಅವರ ಪುತ್ರಿ ಇರಾ ಖಾನ್ ಮತ್ತು ಬಹುಕಾಲದ ಗೆಳೆಯ ಫಿಟ್ನೆಸ್ ಫ್ರೀಕ್ ನೂಪುರ್ ಶಿಖರೆ ಅವರನ್ನು ಕಳೆದ 3ರಂದು ಮದುವೆಯಾದರು. 2020ರ ಇದೇ ದಿನದಂದು ಅಂದರೆ ಜನವರಿ 3ರಂದು ಇರಾ ಮತ್ತು ಶಿಖರೆ ಅವರು ಮೊದಲು ಭೇಟಿಯಾಗಿದ್ದು, ಪ್ರೇಮಾಂಕುರವಾದದ್ದು. ಮೂರು ವರ್ಷ ಸುತ್ತಾಟ, ಡೇಟಿಂಗ್ ಮಾಡಿದ ಬಳಿಕ ಮದುವೆಯಾಗಿದೆ ಜೋಡಿ. ಇರಾ ಖಾನ್ ಸ್ಟಾರ್ ಕಿಡ್ ಆಗಿದ್ದರೂ ಬಣ್ಣದ ಲೋಕದಿಂದ ದೂರ ಉಳಿದು ಮಾನಸಿಕ ಆರೋಗ್ಯದ ಬಗ್ಗೆ ಅರಿವು ಮೂಡಿಸುತ್ತಿದ್ದಾರೆ. ಮದುವೆ ಸಂಭ್ರಮ ಮುಗಿದು ವಾರವಾಗಿದ್ದರೂ ಮದುವೆಯ ಒಂದೊಂದೇ ವಿಡಿಯೋಗಳ ವೈರಲ್ ಆಗುತ್ತಿವೆ. ಇದರಲ್ಲಿ ಗಮನ ಸೆಳೆದಿರುವುದು ಇರಾ ಮತ್ತು ಶಿಖರ್ ಅವರ ಕ್ರೈಸ್ತ ಸಂಪ್ರದಾಯದಲ್ಲಿ ಮದುವೆ ಹಾಗೂ ಈ ಸಂದರ್ಭದಲ್ಲಿ ಅಪ್ಪ ಆಮೀರ್ ಖಾನ್ ಕಣ್ಣೀರು ಹಾಕುತ್ತಿರುವುದು!
ಅಷ್ಟಕ್ಕೂ, ಬಹುತೇಕರಿಗೆ ತಿಳಿದಿರುವಂತೆ ಆಮೀರ್ ಖಾನ್ ತಮ್ಮ ಇಬ್ಬರೂ ಪತ್ನಿಯರಿಗೆ ಡಿವೋರ್ಸ್ ಕೊಟ್ಟಿದ್ದಾರೆ. ಈ ಇಬ್ಬರೂ ಪತ್ನಿಯರೂ ಹಿಂದೂಗಳೇ. ಆಮೀರ್ ಖಾನ್ ಅವರ ಮೊದಲ ಪತ್ನಿ ರೀನಾ ದತ್ತಾ. ಇರಾ ಖಾನ್ ಈ ದಂಪತಿ ಪುತ್ರಿ. ದ್ವಿತೀಯ ಪತ್ನಿ ಹೆಸರು ಕಿರಣ್ ರಾವ್. ಇದೀಗ ಆಮೀರ್ ಖಾನ್ ಅವರು ಎರಡನೆಯ ಪತ್ನಿಯೂ ವಿಚ್ಛೇದನ ನೀಡಿದ್ದಾರೆ. ಮೊದಲ ಪತ್ನಿ ರೀನಾ ದತ್ತಾ ಜೊತೆ 1986–2002ರವರೆಗೆ ಸಂಸಾರ ನಡೆಸಿದ್ದ ಆಮೀರ್ 2005ರಲ್ಲಿ ಕಿರಣ್ ರಾವ್ ಅವರನ್ನು ಮದುವೆಯಾಗಿದ್ದು, 2021ರಲ್ಲಿ ಅವರಿಗೂ ಡಿವೋರ್ಸ್ ಕೊಟ್ಟಿದ್ದಾರೆ. ಆದರೆ ಮದುವೆಯಲ್ಲಿ ಎರಡನೆಯ ಪತ್ನಿ ಕಿರಣ್ ಕೂಡ ಹಾಜರಾಗಿ ಗಮನ ಸೆಳೆದಿದ್ದರು.
ಮದ್ವೆಗೆ ಜಿಮ್ ಡ್ರೆಸ್, ಪಾರ್ಟಿಗೆ ನೈಟ್ ಡ್ರೆಸ್- ಇನ್ನು ಇವ್ರ ಡ್ಯಾನ್ಸ್ ಅಂತೂ ನೋಡೋಕಾಗ್ತಿಲ್ಲ ಅಂತಿದ್ದಾರೆ ನೆಟ್ಟಿಗರು!
ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ, ಇರಾ ಮತ್ತು ನೂಪುರ್ ಕ್ರೈಸ್ತ ಮಾದರಿಯಲ್ಲಿ ಮದುವೆಯಾಗುತ್ತಿರುವುದನ್ನು ನೋಡಬಹುದು. ಇದಾಗಲೇ ವಿವಾಹದ ಸಂದರ್ಭದಲ್ಲಿ ಇರಾ ಲೆಹೆಂಗಾ ಹಾಕಿ ಅದ್ದೂರಿಯಾಗಿ ಸಜ್ಜಾಗಿದ್ದರೆ, ವರ ಶಿಖರ್ ಮಾತ್ರ ಕಪ್ಪು ಬನಿಯನ್, ಬಿಳಿ ಚಡ್ಡಿ ಧರಿಸಿ ಸಕತ್ ಟ್ರೋಲ್ಗೆ ಒಳಗಾಗಿದ್ದರು. ಮಾತ್ರವಲ್ಲದೇ ಮದುವೆಗೆ ಕುದುರೆ ಮೇಲೆ ಬರದೇ ಜಾಗಿಂಗ್ ಮಾಡಿಕೊಂಡು ಬಂದಿದ್ದರು. ಆದರೆ ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ ಕ್ರೈಸ್ತ ಸಂಪ್ರದಾಯದಂತೆ ಜೋಡಿ ಉಂಗುರ ಬದಲಿಸಿಕೊಳ್ಳುವುದನ್ನು ನೋಡಬಹುದು. ಈ ಸಂದರ್ಭದಲ್ಲಿ ಆಮೀರ್ ಖಾನ್, ಪುತ್ರಿಯ ಮದುವೆ ನೋಡಿ ಭಾವುಕರಾಗಿ ಕಣ್ಣೀರು ಒರೆಸಿಕೊಂಡಿದ್ದಾರೆ.
ಈ ಇಡೀ ವಿಡಿಯೋದಲ್ಲಿನ ದೃಶ್ಯ ನೋಡಿ ನೆಟ್ಟಿಗರು ಕಾಲೆಳೆಯುತ್ತಿದ್ದಾರೆ. ಹಿಂದೂ-ಮುಸ್ಲಿಂ ದಂಪತಿಯ ಮಗಳಾಗಿರುವ ಇರಾ ಕ್ರೈಸ್ತ ಧರ್ಮದಂತೆ ಮದ್ವೆಯಾಗುತ್ತಿದ್ದಾರೆ. ಆಮೀರ್ ಖಾನ್ ಎಷ್ಟು ಜಾತ್ಯತೀತರು ಎಂದು ತಿಳಿಯುತ್ತದೆ ನೋಡಿ ಎಂದು ಹೇಳುತ್ತಿದ್ದಾರೆ. ಇನ್ನು ಕೆಲವರು ಮೂರ್ನಾಲ್ಕು ವರ್ಷ ಇರಾ ಮತ್ತು ಶಿಖರ್ ಸಂಬಂಧದಲ್ಲಿದ್ದರು, ಇದೀಗ ಮದ್ವೆ ನೋಡುತ್ತಿದ್ದಂತೆಯೇ ಆಮೀರ್ ಖಾನ್ ಅತ್ತದ್ದು ಯಾಕೆ ಎಂದೇ ತಿಳಿಯುತ್ತಿಲ್ಲ ಎನ್ನುತ್ತಿದ್ದರೆ, ಆ ವಿಡಿಯೋ, ಈ ವಿಡಿಯೋ ಜೊತೆ ಸೇರಿಸಲಾಗಿದೆ. ಎರಡೂ ಸೆಪೆರೇಟ್ ವಿಡಿಯೋಗಳು ಎಂದು ಮತ್ತೊಂದಿಷ್ಟು ಮಂದಿ ತಮ್ಮದೇ ಆದ ರೀತಿಯಲ್ಲಿ ವಿಶ್ಲೇಷಣೆ ನೀಡುತ್ತಿದ್ದಾರೆ. ಮಗಳನ್ನು ಅಮ್ಮನ ಮನೆಯಿಂದ ಕಳಿಸುವಾಗ ಅಪ್ಪ ಭಾವುಕರಾಗುವುದು ಸಹಜ. ಇದಕ್ಕೂ ಟೀಕೆ ಮಾಡುವುದು ಸರಿಯಲ್ಲ ಎಂದು ಇನ್ನು ಕೆಲವರು ಆಮೀರ್ ಪರ ವಕಾಲತ್ತು ವಹಿಸುತ್ತಿದ್ದಾರೆ.
ಸೂಟ್-ಬೂಟ್ ಬದ್ಲು ಚೆಡ್ಡಿ-ಬನಿಯನ್‌ನಲ್ಲಿ ಮದ್ವೆಯಾದ ಗಂಡನ ಬಗ್ಗೆ ಆಮೀರ್ ಪುತ್ರಿ ಇರಾ ಹೇಳಿದ್ದೇನು?
