ಮದ್ವೆಗೆ ಜಿಮ್ ಡ್ರೆಸ್, ಪಾರ್ಟಿಗೆ ನೈಟ್ ಡ್ರೆಸ್- ಇನ್ನು ಇವ್ರ ಡ್ಯಾನ್ಸ್ ಅಂತೂ ನೋಡೋಕಾಗ್ತಿಲ್ಲ ಅಂತಿದ್ದಾರೆ ನೆಟ್ಟಿಗರು!
ಆಮೀರ್ ಖಾನ್ ಪುತ್ರಿ ಇರಾ ಖಾನ್ ಹಾಗೂ ಅಳಿಯ ನೂಪುರ್ ವಿಚಿತ್ರವಾಗಿ ಡ್ಯಾನ್ಸ್ ಮಾಡಿರುವ ವಿಡಿಯೋ ವೈರಲ್ ಆಗಿದ್ದು, ನೆಟ್ಟಿಗರು ಟ್ರೋಲ್ ಮಾಡುತ್ತಿದ್ದಾರೆ.
ಮುಂಬೈನ ಬಾಂದ್ರಾದ ತಾಜ್ ಲ್ಯಾಂಡ್ಸ್ ಎಂಡ್‌ನಲ್ಲಿ ಆಮೀರ್ ಖಾನ್ ಮತ್ತು ಅವರ ಮೊದಲ ಪತ್ನಿ ರೀನಾ ಅವರ ಪುತ್ರಿ ಇರಾ ಖಾನ್ ಮತ್ತು ಬಹುಕಾಲದ ಗೆಳೆಯ ಫಿಟ್ನೆಸ್ ಫ್ರೀಕ್ ನೂಪುರ್ ಶಿಖರೆ ಅವರನ್ನು ಕಳೆದ 3ರಂದು ಮದುವೆಯಾದರು. 2020ರ ಇದೇ ದಿನದಂದು ಅಂದರೆ ಜನವರಿ 3ರಂದು ಇರಾ ಮತ್ತು ಶಿಖರೆ ಅವರು ಮೊದಲದು ಭೇಟಿಯಾಗಿದ್ದು, ಪ್ರೇಮಾಂಕುರವಾದದ್ದು. ಮೂರು ವರ್ಷ ಸುತ್ತಾಟ, ಡೇಟಿಂಗ್ ಮಾಡಿದ ಬಳಿಕ ಮದುವೆಯಾಗಿದೆ ಜೋಡಿ. ವಿವಾಹಕ್ಕೆ ಇರಾ ಲೆಹೆಂಗಾ ಹಾಕಿ ಅದ್ದೂರಿಯಾಗಿ ಸಜ್ಜಾಗಿದ್ದರು. ಆಮೀರ್, ಆತನ ಪತ್ನಿಯರು ಎಲ್ಲರೂ ಮಿರಿಮಿರಿ ಮಿಂಚುತ್ತಿದ್ದರು. ಆದರೆ, ಮದುವೆ ವರ ಮಾತ್ರ ಕಪ್ಪು ಬನಿಯನ್, ಬಿಳಿ ಚಡ್ಡಿ ಧರಿಸಿದ್ದಿದು ಬಹಳ ವಿಚಿತ್ರವಾಗಿತ್ತು. ಈ ಸಂಬಂಧ ವಿಡಿಯೋ ವೈರಲ್ ಆದ ಕೂಡಲೇ ನೆಟಿಜನ್‌ಗಳು ಥಹರೇವಾರಿ ಕಮೆಂಟ್ ಮಾಡಿದ್ದರು.
ಇದೀಗ ಇರಾ ಖಾನ್, ನೈಟ್ ಡ್ರೆಸ್ನಲ್ಲಿ ಪಾರ್ಟಿಯೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ. ಪತಿ-ಪತ್ನಿ ಡ್ಯಾನ್ಸ್ ಮಾಡಿರುವ ವಿಡಿಯೋ ವೈರಲ್ ಆಗಿದೆ. ಪತಿ-ಪತ್ನಿ ಇಬ್ಬರೂ ಹುಚ್ಚರಂತೆ ಡ್ಯಾನ್ಸ್ ಮಾಡಿದ್ದು, ಇದರಿಂದ ಸಕತ್ ಟ್ರೋಲ್ಗೆ ಒಳಗಾಗುತ್ತಿದ್ದಾರೆ. ಇಬ್ಬರೂ ಫುಲ್ ಟೈಟ್ ಆದ ಹಾಗಿದೆ ಎಂದೆಲ್ಲಾ ಫ್ಯಾನ್ಸ್ ಕಮೆಂಟ್ ಮಾಡುತ್ತಿದ್ದಾರೆ. ಮಾಡೋದೆಲ್ಲಾ ಮದ್ವೆಗೂ ಮುನ್ನವೇ ಮಾಡಿ ಆಗಿದ್ದು, ಇನ್ನೇನು ಬಾಕಿ ಇಲ್ಲ ಎಂದು ಇಬ್ಬರೂ ಹುಚ್ಚರಂತೆ ಕುಣಿಯುತ್ತಿದ್ದಾರೆ ಎಂದು ಕೂಡ ಕೆಟ್ಟದಾಗಿಯೂ ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ. ಶಿಖರ್ಗೆ ಅಂತೂ ಡ್ಯಾನ್ಸ್ ಮಾಡಲು ಬರುವುದೇ ಇಲ್ಲ, ಆತ ಕೂಡ ಹೆಂಡತಿ ಜೊತೆ ಸೇರಿ ಹುಚ್ಚನಂತೆ ವರ್ತಿಸುತ್ತಿದ್ದಾನೆ ಎನ್ನುತ್ತಿದ್ದಾರೆ ಇನ್ನು ಕೆಲವರು.
ಸೂಟ್-ಬೂಟ್ ಬದ್ಲು ಚೆಡ್ಡಿ-ಬನಿಯನ್‌ನಲ್ಲಿ ಮದ್ವೆಯಾದ ಗಂಡನ ಬಗ್ಗೆ ಆಮೀರ್ ಪುತ್ರಿ ಇರಾ ಹೇಳಿದ್ದೇನು?
ಅಷ್ಟಕ್ಕೂ ನೂಪುರ್ ಮದುವೆಯ ದಿನ ಅಂಗಿ-ಚೆಡ್ಡಿಯಲ್ಲಿ ಬಂದ ಟ್ರೋಲ್ಗೆ ಉತ್ತರಿಸಿದ್ದ ಇರಾ ಖಾನ್, ನೂಪುರ್ ಕುದುರೆ ಹತ್ತಿ ದಿಬ್ಬಣದಲ್ಲಿ ಬರಲಿಲ್ಲ. ಮದುವೆ ಸ್ಥಳಕ್ಕೆ ಅವರು ಜಾಗಿಂಗ್ ಮಾಡಿಕೊಂಡು ಬಂದಿದ್ದ. ಇದೇ ಕಾರಣಕ್ಕೆ ಬನಿಯನ್-ಚೆಡ್ಡಿ ಧರಿಸಿದ್ದ ಎಂದಿದ್ದರು. ನೂಪುರ್ ಇರಾಳನ್ನು ಪ್ರಪೋಸ್ ಮಾಡುವಾಗಲೂ ಇದೇ ರೀತಿ ಕಾಣಿಸಿಕೊಂಡಿದ್ದರಿಂದ ಮದುವೆಯ ದಿನವೂ ಹೀಗೆಯೇ ಕಾಣಿಸಿಕೊಳ್ಳಬೇಕು ಎಂದು ಈ ರೀತಿಯ ಡ್ರೆಸ್ ಹಾಕಿಕೊಂಡು ಬಂದಿದ್ದರು ಎಂದೂ ಹೇಳಲಾಗುತ್ತಿದೆ. ಅದೇ ವೇಳೆ ಮದುವೆಯ ದಿನವೇ ಅತ್ಯಂತ ಚಿಕ್ಕ ಡ್ರೆಸ್ನಲ್ಲಿ ಇರಾ ಕೂಡ ಕಾಣಿಸಿಕೊಂಡಿದ್ದರು. ಮದುಮಗಳ ವರ್ತಿಸೋ ರೀತಿನಾ ಇದು ಎಂದು ಹಲವರು ಆಕೆಯನ್ನು ತರಾಟೆಗೆ ತೆಗೆದುಕೊಂಡಿದ್ದರು. ಒಟ್ಟಿನಲ್ಲಿ ಸದ್ಯ ಇವರಿಬ್ಬರ ಹೊಸ ವಿಡಿಯೋ ವೈರಲ್ ಆಗುತ್ತಿದೆ.
ಮದುವೆ ಮನೆಯಲ್ಲಿ ಮದುಮಗನ ಡ್ರೆಸ್ ಗಮನ ಸೆಳೆದಂತೆ, ಮತ್ತೊಂದು ಗಮನ ಸೆಳೆದದ್ದು ಆಮೀರ್ ಖಾನ್ ಅವರ ಇಬ್ಬರು ಮಾಜಿ ಪತ್ನಿಯರು. ಮುಂಬೈನ ಬಾಂದ್ರಾದ ತಾಜ್ ಲ್ಯಾಂಡ್ಸ್ ಎಂಡ್‌ನಲ್ಲಿ ಆಮೀರ್ ಖಾನ್ ಮತ್ತು ಅವರ ಮೊದಲ ಪತ್ನಿ ರೀನಾ ಅವರ ಪುತ್ರಿ ಇರಾ ಖಾನ್ ಮದ್ವೆಯಾಗಿದ್ದರೆ, ದ್ವಿತೀಯ ಪತ್ನಿ ಕಿರಣ್ ರಾವ್ ಕೂಡ ಗಮನ ಸೆಳೆದರು. ಇರಾ ಖಾನ್ ನಟ ಆಮೀರ್ ಖಾನ್ ಮತ್ತು ಅವರ ಮೊದಲ ಪತ್ನಿ ರೀನಾ ದತ್ತಾ ಅವರ ಪುತ್ರಿ. ಅಂದಹಾಗೆ ಆಮೀರ್ ಖಾನ್ ಅವರು ಎರಡನೆಯ ಪತ್ನಿಯೂ ವಿಚ್ಛೇದನ ನೀಡಿದ್ದಾರೆ. ಮೊದಲ ಪತ್ನಿ ರೀನಾ ದತ್ತಾ ಜೊತೆ 1986–2002ರವರೆಗೆ ಸಂಸಾರ ನಡೆಸಿದ್ದ ಆಮೀರ್ 2005ರಲ್ಲಿ ಕಿರಣ್ ರಾವ್ ಅವರನ್ನು ಮದುವೆಯಾಗಿದ್ದು, 2021ರಲ್ಲಿ ಅವರಿಗೂ ಡಿವೋರ್ಸ್ ಕೊಟ್ಟಿದ್ದಾರೆ. ಇದೀಗ ಮಗಳ ಮದುವೆಗೆ ಮೊದಲ ಪತ್ನಿ ಕಿರಣ್ ಕೂಡ ಹಾಜರಾಗಿದ್ದಾರೆ. ಇರಾ ಖಾನ್ ಸ್ಟಾರ್ ಕಿಡ್ ಆಗಿದ್ದರೂ ಬಣ್ಣದ ಲೋಕದಿಂದ ದೂರ ಉಳಿದು ಮಾನಸಿಕ ಆರೋಗ್ಯದ ಬಗ್ಗೆ ಅರಿವು ಮೂಡಿಸುತ್ತಿದ್ದಾರೆ.
ಮದ್ವೆ ಎಂಟ್ರಿ ಅಂದ್ರೆ ಇದಪ್ಪಾ...! ಮದುಮಕ್ಕಳನ್ನು ಬಿಟ್ಟು ಅಂಬಾನಿ ದಂಪತಿಯನ್ನೇ ನೋಡಿದ ಅತಿಥಿಗಳು!
