ಅಕ್ಷಯ್ ಕುಮಾರ್ ಹೀಗಾ...ಹಸ್ತಮೈಥುನ ಸೀನ್ ಬಗ್ಗೆ OMG 2 ನಿರ್ದೇಶಕ ಹೇಳಿದ್ದೇನು?
ಅಕ್ಷಯ್‌ಕುಮಾರ್‌ ಅವರ OMG 2 ಚಿತ್ರ ಇತ್ತೀಚೆಗೆ ಬಿಡುಗಡೆಯಾಗಿದ್ದು, ಸಾಕಷ್ಟು ವಿವಾದವನ್ನು ಹುಟ್ಟು ಹಾಕ್ತಿದೆ. ಚಿತ್ರದಲ್ಲಿ ಶಿವನ ಪಾತ್ರ ಮಾಡಿರುವ ಅಕ್ಷಯ್ ಸಾಕಷ್ಟು ಟೀಕೆಗೆ ಗುರಿಯಾಗಿದ್ದರು. ಹೀಗಿರುವಾಗ ಚಿತ್ರದ ಹಸ್ತಮೈಥುನದ ದೃಶ್ಯದ ಬಗ್ಗೆ ಇಂಟ್ರೆಸ್ಟಿಂಗ್ ವಿಚಾರವೊಂದು ಹೊರಬಿದ್ದಿದೆ.
ಅಕ್ಷಯ್ ಕುಮಾರ್ ಅವರು OMG 2 ಚಿತ್ರದಲ್ಲಿ ಶಿವನ ಪಾತ್ರ ಮಾಡಿದ್ದಾರೆ. ಅಲ್ಲದೆ, ಶಾಲೆಗಳಲ್ಲಿ ಲೈಂಗಿಕ ಶಿಕ್ಷಣದ ಕುರಿತ ಅಂಶ ಚಿತ್ರದಲ್ಲಿದೆ. ಈ ಮೂಲಕ ಧಾರ್ಮಿಕ ಭಾವನೆಗಳನ್ನು ಘಾಸಿಗೊಳಿಸಿದ್ದಕ್ಕಾಗಿ ಹಿಂದೂ ಮುಖಂಡರು ನಟನ ವಿರುದ್ಧ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಡ್ರೆಡ್‌ಲಾಕ್‌ ಮತ್ತು ಬೂಟುಗಳೊಂದಿಗೆ ಅಕ್ಷಯ್ ಕುಮಾರ್ ಅವರ ಲುಕ್‌, ಕಚೋರಿಗಳನ್ನು ಖರೀದಿಸುವುದು ಮತ್ತು ಕೊಳಕು ಕೊಳದಲ್ಲಿ ಸ್ನಾನ ಮಾಡುವ ಬಗ್ಗೆ ರಾಷ್ಟ್ರೀಯ ಹಿಂದೂ ಪರಿಷತ್ ಅಸಮಾಧಾನಗೊಂಡಿದೆ ಎಂದು ಹೇಳಲಾಗ್ತಿದೆ.
ರಾಷ್ಟ್ರೀಯ ಹಿಂದೂ ಪರಿಷತ್ ಭಾರತ್ ಅಧ್ಯಕ್ಷ ಗೋವಿಂದ್ ಪರಾಶರ್ ಮಾಧ್ಯಮವೊಂದಕ್ಕೆ ತಿಳಿಸಿದ್ದಾರೆ. ಇದು ಶಿವನ ಪ್ರತಿಷ್ಠೆಗೆ ಧಕ್ಕೆ ತರುತ್ತಿದೆ ಎಂದೂ ಅವರು ಹೇಳಿದ್ದಾರೆ. ಹಾಗೂ, ಸೆನ್ಸಾರ್ ಮಂಡಳಿ ಮತ್ತು ಕೇಂದ್ರ ಸರ್ಕಾರದಿಂದ (Central government) ಚಿತ್ರವನ್ನು ನಿಷೇಧಿಸುವಂತೆ ಸಂಘಟನೆಯು ಒತ್ತಾಯಿಸಿತ್ತು. ಇದೆಲ್ಲದರ ಮಧ್ಯೆ ಚಿತ್ರದ ಹಸ್ತಮೈಥುನದ (Masturbation) ದೃಶ್ಯದ ಬಗ್ಗೆ ಇಂಟ್ರೆಸ್ಟಿಂಗ್ ವಿಚಾರವೊಂದು ಹೊರಬಿದ್ದಿದೆ. ನಿರ್ದೇಶಕ ಅಮಿತ್ ರೈ ಈ ಕುರಿತಾದ ಮಾಹಿತಿಯನ್ನು ಬಹಿರಂಗಪಡಿಸಿದ್ದಾರೆ.
OMG 2: ಅಕ್ಷಯ್ ಕುಮಾರ್‌ಗೆ ಕಪಾಳಮೋಕ್ಷ ಮಾಡಿ 10 ಲಕ್ಷ ರೂ. ಬಹುಮಾನ ಗೆಲ್ಲಿ: ಹಿಂದೂ ಸಂಘಟನೆ ಘೋಷಣೆ
ಅಮಿತ್ ರೈ ನಿರ್ದೇಶನದ 'OMG 2' ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ಸಖತ್ ಸದ್ದು ಮಾಡ್ತಿದೆ. ಅಕ್ಷಯ್ ಕುಮಾರ್, ಪಂಕಜ್ ತ್ರಿಪಾಠಿ ಮತ್ತು ಯಾಮಿ ಗೌತಮ್ ನಟಿಸಿರುವ ಈ ಚಿತ್ರವು ಮಧ್ಯಮ ವರ್ಗದ ತಂದೆಯ ಸುತ್ತ ಸುತ್ತುತ್ತದೆ. ಬಹಳ ಸೂಕ್ಷ್ಮ ಮತ್ತು ನಿರ್ಣಾಯಕ ವಿಷಯದ ಬಗ್ಗೆ ಜಾಗೃತಿ ಮೂಡಿಸುತ್ತದೆ. ಲೈಂಗಿಕ ಶಿಕ್ಷಣದ ಪ್ರಾಮುಖ್ಯತೆಯನ್ನು ಎತ್ತಿ ತೋರಿಸುತ್ತದೆ. ಆದರೂ ಚಿತ್ರವನ್ನು ಬಿಡುಗಡೆ ಮಾಡುವಾಗ ತಯಾರಕರು ಹಲವಾರು ಹಿನ್ನಡೆಗಳನ್ನು ಎದುರಿಸಿದರು, ನಂತರ ಕೆಲವು ಮಾರ್ಪಾಡುಗಳ ನಂತರ ಸೆನ್ಸಾರ್ ಮಂಡಳಿಯಿಂದ 'ಎ' ಪ್ರಮಾಣಪತ್ರವನ್ನು ನೀಡಲಾಯಿತು.
ಹಸ್ತಮೈಥುನದ ದೃಶ್ಯ ಸರಿಯಾಗಿ ಚಿತ್ರೀಕರಿಸಲು ಸೂಚಿಸಿದ ಅಕ್ಷಯ್ ಕುಮಾರ್
ಎಎನ್‌ಐಗೆ ನೀಡಿದ ಸಂದರ್ಶನದಲ್ಲಿ, ಅಕ್ಷಯ್ ಚಿತ್ರದ ತಯಾರಿಕೆಯಲ್ಲಿ ಹೇಗೆ ಆಳವಾಗಿ ತೊಡಗಿಸಿಕೊಂಡಿದ್ದರು ಮತ್ತು ಅವರ ಸಲಹೆಯು ಕೆಲವು ದೃಶ್ಯಗಳಲ್ಲಿ ಟೀಕೆಗಳನ್ನು ತಪ್ಪಿಸಲು ಹೇಗೆ ಸಹಾಯ ಮಾಡಿತು ಎಂಬುದರ ಕುರಿತು ಅಮಿತ್ ರೈ ತಿಳಿಸಿದರು. 'ಅಕ್ಷಯ್ ಕುಮಾರ್ ನಟರಿಗಿಂತ ಹೆಚ್ಚಾಗಿ ಕ್ರಿಯೇಟಿವ್ ಪ್ರೊಡ್ಯೂಸರ್‌ನಂತೆ ಕೆಲಸ ಮಾಡಿದರು. ಟೀಕೆಗಳನ್ನು ತಪ್ಪಿಸಲು ಕೆಲವು ದೃಶ್ಯಗಳನ್ನು ಹೇಗೆ ತಿರುಚಬಹುದು ಎಂಬುದರ ಕುರಿತು ಸಲಹೆಗಳನ್ನು ನೀಡಿದರು. ಉದಾಹರಣೆಗೆ, ಹಸ್ತಮೈಥುನದ ದೃಶ್ಯದಲ್ಲಿ, ಅದನ್ನು ಸರಿಯಾಗಿ ಚಿತ್ರೀಕರಿಸಲು ಅವರು ನನ್ನನ್ನು ಕೇಳಿದರು. ಮತ್ತು ನಾವು ಅದರ ಬಗ್ಗೆ ನಂತರ ನೋಡೋಣ' ಎಂದು ಹೇಳಿದರು. ನನ್ನ ಕಥೆಗಳನ್ನು ನಾನು ಹೇಗೆ ಹೇಳಲು ಬಯಸುತ್ತೇನೆ ಎಂಬುದರ ಬಗ್ಗೆ ನಾನು ತುಂಬಾ ಮುಕ್ತವಾಗಿದ್ದೇನೆ' ಎಂದು ಅಮಿತ್ ನೆನಪಿಸಿಕೊಂಡರು.
OMG 2: 25 ಕಡೆ ಕತ್ತರಿ ಹಾಕಿಸ್ಕೊಂಡು ಬಿಡುಗಡೆಯಾದ ಸಲಿಂಗಕಾಮದ ಚಿತ್ರಕ್ಕೆ ಫ್ಯಾನ್ಸ್ ಹೇಳಿದ್ದೇನು?
ಇನ್ನು, 'ಸೆನ್ಸಾರ್ ನಿಯಮಗಳ ಪ್ರಕಾರ ಪೋಕ್ಸೋ ಕಾಯ್ದೆಯಡಿ 18 ವರ್ಷದೊಳಗಿನ ಮಗುವನ್ನು ತೋರಿಸುವಂತಿಲ್ಲ. ಚಿತ್ರ ಸೆನ್ಸಾರ್ ಮಂಡಳಿಯಿಂದ ಪಾಸಾದಾಗ 'ಸರ್ ನಾನು ನಿಮಗೆ ಹೇಳುತ್ತಿದ್ದೆ ಆದರೆ ನೀವು ಒತ್ತಾಯಿಸಿದ್ದನ್ನು ನೆನಪಿಸಿದರು. ಅದನ್ನು ಆ ರೀತಿಯಲ್ಲಿ ಚಿತ್ರೀಕರಿಸಿ. ನೀವು ಈಗ ಅದನ್ನು ಬದಲಾಯಿಸಲು ಬಯಸಿದರೆ, ನೀವು ಅದನ್ನು ರೀಶೂಟ್ ಮಾಡಬೇಕಾಗಿಲ್ಲ, ನಿಮಗೆ ಸಮಯವಿಲ್ಲ. ಅವರು 300 ಕ್ಕೂ ಹೆಚ್ಚು ಚಲನಚಿತ್ರಗಳ ಅನುಭವವನ್ನು ಹೊಂದಿದ್ದಾರೆ ಮತ್ತು ನಾನು ಅವರ ಅನುಭವದಿಂದ ಕಲಿಯುತ್ತಿದ್ದೇನೆ' ಎಂದು ಅಮಿತ್ ರೈ ಹೇಳಿದರು.
ತಮ್ಮ ಚಿತ್ರ ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿದೆ. ಬಾಕ್ಸ್‌ಆಫೀಸ್‌ನ ಸಂಗ್ರಹವು ನೀವು ಉತ್ತಮ ಚಲನಚಿತ್ರಗಳನ್ನು ಮಾಡಿದರೆ, ಪ್ರೇಕ್ಷಕರು ಯಾವಾಗಲೂ ನಿಮ್ಮ ಜೊತೆಗಿರುತ್ತಾರೆ ಎಂಬುದಕ್ಕೆ ಸಾಕ್ಷಿಯಾಗಿದೆ ಎಂದು ಅಮಿತ್ ರೈ ತಿಳಿಸಿದರು.
