ಪಾಕ್ ಆರ್ಥಿಕ ದುಸ್ಥಿತಿಯಿಂದಾಗಿ ಯೋಧರಿಗೆ ಆಹಾರ ಒದಗಿಸಲೂ ಹಣದ ಕೊರತೆ ಎದುರಾಗಿದೆ. ಎರಡು ಹೊತ್ತಿನ ಊಟ ನೀಡಲು ಸಾಧ್ಯವಾಗುತ್ತಿಲ್ಲ ಎಂದು ವರದಿಗಳು ಹೇಳುತ್ತಿವೆ. ಹೆಚ್ಚಿನ ಅನುದಾನ ಕೋರಿ ಸೇನಾ ಕಮಾಂಡ್ಗಳು ಪತ್ರ ಬರೆದಿವೆ.
ಇಸ್ಲಾಮಾಬಾದ್ (ಫೆಬ್ರವರಿ 23, 2023): ಪಾಕಿಸ್ತಾನದಲ್ಲಿ ಉಂಟಾಗಿರುವ ಆರ್ಥಿಕ ದುಸ್ಥಿತಿ ಇದೀಗ ಪಾಕಿಸ್ತಾನದ ಸೇನೆಯನ್ನು ಬಾಧಿಸಲು ಆರಂಭಿಸಿದೆ. ಸೇನಾ ಕಮಾಂಡ್ಗಳಲ್ಲಿ ಆಹಾರದ ಕೊರತೆ ಉಂಟಾಗಿದ್ದು, ಹೆಚ್ಚಿನ ಅನುದಾನ ಒದಗಿಸುವಂತೆ ಹಲವು ಕಮಾಂಡ್ಗಳು ಸೇನಾ ಮುಖ್ಯಸ್ಥರಿಗೆ ಪತ್ರ ಬರೆದಿವೆ ಎಂದು ಮೂಲಗಳು ತಿಳಿಸಿವೆ. ಕೆಲವು ಫೀಲ್ಡ್ ಕಮಾಂಡರ್ಗಳು ರಾವಲ್ಪಿಂಡಿಯಲ್ಲಿರುವ ಕ್ವಾರ್ಟರ್ ಮಾಸ್ಟರ್ ಜನರಲ್ ಅವರಿಗೆ ಈ ಸಮಸ್ಯೆಯ ಕುರಿತಾಗಿ ಪತ್ರಗಳನ್ನು ಬರೆದಿದ್ದಾರೆ. ಈ ವಿಷಯವನ್ನು ಈಗಾಗಲೇ ಮುಖ್ಯ ಲಾಜಿಸ್ಟಿಕ್ ಸ್ಟಾಫ್ ಮತ್ತು ಸೇನಾ ಕಾರ್ಯಾಚರಣೆಗಳ ಮುಖ್ಯಸ್ಥರ ಗಮನಕ್ಕೆ ತರಲಾಗಿದೆ ಎಂದು ಸೇನಾಧಿಕಾರಿಗಳು ತಿಳಿಸಿದ್ದಾರೆ. ಪ್ರಸ್ತುತ ಹೆಚ್ಚಾಗುತ್ತಿರುವ ಹಣದುಬ್ಬರ ಹಾಗೂ ವಿಶೇಷ ಅನುದಾನಗಳನ್ನು ಕಡಿತಗೊಳಿಸಿರುವುದರಿಂದ ಪಾಕಿಸ್ತಾನದಲ್ಲಿ ಸೈನಿಕರಿಗೆ 2 ಹೊತ್ತು ಸರಿಯಾಗಿ ಊಟ ನೀಡಲು ಸಹ ಸಾಧ್ಯವಾಗುತ್ತಿಲ್ಲ ಎಂದು ಕೆಲವು ಮಾಧ್ಯಮಗಳು ವರದಿ ಮಾಡಿವೆ.
ಆಹಾರ ಪೂರೈಕೆ ಮತ್ತು ಲಾಜಿಸ್ಟಿಕ್ಸ್ ಸಮಸ್ಯೆಗಳನ್ನು ಲಾಜಿಸ್ಟಿಕ್ ಸ್ಟಾಫ್ ಮುಖ್ಯಸ್ಥ (CLS) ಮತ್ತು ಮಿಲಿಟರಿ ಕಾರ್ಯಾಚರಣೆಗಳ ಡೈರೆಕ್ಟರ್ ಜನರಲ್ (DG MO) ನೊಂದಿಗೆ ಚರ್ಚಿಸಿದೆ. ಇನ್ನು, ಕ್ವಾರ್ಟರ್ ಮಾಸ್ಟರ್ ಜನರಲ್, ಲಾಜಿಸ್ಟಿಕ್ ಸ್ಟಾಫ್ ಮುಖ್ಯಸ್ಥ ಹಾಗೂ ಮಿಲಿಟರಿ ಕಾರ್ಯಾಚರಣೆಗಳ ಡೈರೆಕ್ಟರ್ ಜನರಲ್ ಆಹಾರ ಪೂರೈಕೆ ಸಮಸ್ಯೆಗಳ ಬಗ್ಗೆ ಆರ್ಮಿ ಚೀಫ್ ಜನರಲ್ ಅಸಿಮ್ ಮುನೀರ್ ಅವರೊಂದಿಗೆ ಆತಂಕ ವ್ಯಕ್ತಪಡಿಸಿದರು ಮತ್ತು ದೇಶದಲ್ಲಿ ಭದ್ರತಾ ಪರಿಸ್ಥಿತಿ ಹಾಗೂ ನಡೆಯುತ್ತಿರುವ ಮಿಲಿಟರಿ ಕಾರ್ಯಾಚರಣೆಗಳ ಬಗ್ಗೆ ಅವರಿಗೆ ವಿವರಿಸಿದರು.
ಇದನ್ನು ಓದಿ: ಪಾಕ್ಗೆ 18 ಸಾವಿರ ಕೋಟಿ ಸಾಲ ನೀಡಿ ದಿವಾಳಿ ಆಗದಂತೆ ಬಚಾವ್ ಮಾಡಿದ ಚೀನಾ: ಹಣ ಉಳಿಸಲು ವೆಚ್ಚ ಕಡಿತ ಮಾಡಿದ ಪಾಕ್ ಪ್ರಧಾನಿ
ಹಣದುಬ್ಬರ ಮತ್ತು ವಿಶೇಷ ನಿಧಿಯಲ್ಲಿ ಕಡಿತದ ನಡುವೆ ಸೇನೆಯು ಸೈನಿಕರಿಗೆ "ಎರಡು ಬಾರಿ ಸರಿಯಾಗಿ" ಆಹಾರವನ್ನು ನೀಡಲು ಸಾಧ್ಯವಾಗುತ್ತಿಲ್ಲ ಎಂದು ಮೂಲಗಳು ತಿಳಿಸಿವೆ. ನಾವು ಈಗಾಗಲೇ ಸೈನಿಕರ ಆಹಾರ ನಿಧಿಯನ್ನು ಕಡಿತಗೊಳಿಸಿದ್ದೇವೆ. 2014 ರಲ್ಲಿ ಆಪರೇಷನ್ ಜರ್ಬ್ ಇ-ಅಜ್ಬ್ ಸಮಯದಲ್ಲಿ ಜನರಲ್ ರಹೀಲ್ ಷರೀಫ್ ಇದನ್ನು ದ್ವಿಗುಣಗೊಳಿಸಿ ಮತ್ತು ಅನುಮೋದಿಸಿದ್ದರು ಎಂದು ಮೂಲಗಳು ತಿಳಿಸಿವೆ.
ಅಫ್ಘಾನಿಸ್ತಾನದ ಗಡಿಯಲ್ಲಿ ತೆಹ್ರೀಕ್-ಎ-ತಾಲಿಬಾನ್ ಪಾಕಿಸ್ತಾನ (ಟಿಟಿಪಿ) ಹೆಚ್ಚುತ್ತಿರುವ ದಾಳಿಯ ಮಧ್ಯೆ ಪಾಕಿಸ್ತಾನಿ ಸೇನೆ ಮತ್ತು ಅದರ ಅರೆಸೇನಾ ಪಡೆಗಳು ದೇಶಾದ್ಯಂತ ವಿವಿಧ ಕಾರ್ಯಾಚರಣೆಗಳಲ್ಲಿ ಗಡಿಗಳಲ್ಲಿ ತೊಡಗಿವೆ. ಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸಬಹುದಾದ ಲಾಜಿಸ್ಟಿಕ್ಸ್ ಮತ್ತು ಸರಬರಾಜುಗಳಲ್ಲಿ ಹೆಚ್ಚಿನ ಕಡಿತ ಪಡೆಯುವ ಸ್ಥಿತಿಯಲ್ಲಿ ಸೇನೆ ಇಲ್ಲ. ಸೈನಿಕರಿಗೆ ಹೆಚ್ಚಿನ ಆಹಾರ ಮತ್ತು ವಿಶೇಷ ನಿಧಿಯ ಅಗತ್ಯವಿದೆ ಎಂದು ಡಿಜಿ ಮಿಲಿಟರಿ ಕಾರ್ಯಾಚರಣೆ ಹೇಳಿದರು.
ಇದನ್ನೂ ಓದಿ: ಟರ್ಕಿಗೆ ನೆರವು ನೀಡಿದ ವ್ಯಕ್ತಿಗೆ ಪಾಕ್ ಪ್ರಧಾನಿ ಮೆಚ್ಚುಗೆ; ಪಾಕ್ಗೇಕೆ ಸಹಾಯ ಮಾಡಿಲ್ಲ ಎಂದು ನೆಟ್ಟಿಗರ ವ್ಯಂಗ್ಯ
ಅಲ್ಲದೆ ಸೇನಾ ಮುಖ್ಯಸ್ಥ ಮುನೀರ್ ಅವರು ಕ್ವಾರ್ಟರ್ ಮಾಸ್ಟರ್ ಜನರಲ್, ಲಾಜಿಸ್ಟಿಕ್ ಸ್ಟಾಫ್ ಮುಖ್ಯಸ್ಥ ಹಾಗೂ ಮಿಲಿಟರಿ ಕಾರ್ಯಾಚರಣೆಗಳ ಡೈರೆಕ್ಟರ್ ಜನರಲ್ಗೆ ಆಹಾರ ಸರಬರಾಜು ಮತ್ತು ಸೇನೆಗೆ ತುರ್ತು ಆಧಾರದ ಮೇಲೆ ರಕ್ಷಣಾ ಸಚಿವಾಲಯದ ನಿಧಿಗಳು ಸೇರಿದಂತೆ ಎಲ್ಲಾ ಬೇಡಿಕೆಗಳನ್ನು ಈಡೇರಿಸುವಂತೆ ಸೂಚಿಸಿದ್ದಾರೆ. ಪಾಕಿಸ್ತಾನ ಬಜೆಟ್ 2022-23 ರ ಪ್ರಕಾರ, ರಕ್ಷಣಾ ವೆಚ್ಚಕ್ಕಾಗಿ 1.52 ಟ್ರಿಲಿಯನ್ ರೂ. (ಸುಮಾರು $7.5 ಶತಕೋಟಿ) ಮೀಸಲಿಡಲಾಗಿದೆ. ಇದು ಒಟ್ಟು ಪ್ರಸ್ತುತ ವೆಚ್ಚದ 17.5% ವರೆಗೆ ಆಗುತ್ತದೆ ಮತ್ತು ಇದು ಕಳೆದ ಆರ್ಥಿಕ ವರ್ಷಕ್ಕಿಂತ 11.16% ಹೆಚ್ಚಾಗಿದೆ.
ಅಷ್ಘಾನಿಸ್ತಾನ ಗಡಿಯಲ್ಲಿ ತೆಹ್ರಿಕ್ ಇ ತಾಲಿಬಾನ್ ಪಾಕಿಸ್ತಾನದ ಉಗ್ರರು ದಾಳಿ ನಡೆಸುತ್ತಿರುವ ಹಿನ್ನೆಲೆಯಲ್ಲಿ ಪಾಕಿಸ್ತಾನ ಸೇನೆ ಈ ಪ್ರದೇಶದಲ್ಲಿ ಕಾರ್ಯಾಚರಣೆಯಲ್ಲಿ ತೊಡಗಿದೆ. ಅಲ್ಲದೇ ಗಡಿ ಪ್ರದೇಶಗಳಲ್ಲಿ ಹಲವು ಕಾರ್ಯಾಚರಣೆಗಳಲ್ಲಿ ಸೇನೆ ತೊಡಗಿರುವ ಸಮಯದಲ್ಲೇ ಆಹಾರದ ಕೊರತೆ ಎದುರಾಗಿರುವುದು ಭಾರಿ ಸಂಕಷ್ಟ ತಂದೊಡ್ಡಿದೆ. ಪ್ರಸ್ತುತ ಬಜೆಟ್ನಲ್ಲಿ ಭದ್ರತೆಗಾಗಿ 1.53 ಟ್ರಿಲಿಯನ್ ಡಾಲರ್ ವೆಚ್ಚ ಮಾಡಲಾಗಿದೆ. ಹಾಗೆ, ಪಾಕಿಸ್ತಾನ ಪ್ರತಿ ವರ್ಷ ಓರ್ವ ಸೈನಿಕನ ಮೇಲೆ 13,400 ಡಾಲರ್ ಖರ್ಚು ಮಾಡುತ್ತಿದೆ.
ಹದಗೆಟ್ಟಿರುವ ಪಾಕಿಸ್ತಾನದ ಆರ್ಥಿಕತೆ..! ಮುಳುಗುತ್ತಿರುವ ದೇಶವನ್ನು ರಕ್ಷಿಸಬೇಕಾ ಭಾರತ..?
