14 ಕೋಟಿ ಮೌಲ್ಯದ ಉಡುಗೊರೆಗಳನ್ನು ಮಾರಾಟ ಮಾಡಿದ ಪಾಕ್ ಮಾಜಿ ಪ್ರಧಾನಿ ಇಮ್ರಾನ್ ಖಾನ್!
ಇಮ್ರಾನ್ ಖಾನ್ ಅವರು ರಾಜ್ಯ ಠೇವಣಿಯಿಂದ 14 ಕೋಟಿ ರೂಪಾಯಿಗಳ ಗಿಫ್ಟ್ ತೆಗೆದುಕೊಂಡು ದುಬೈನಲ್ಲಿ ಮಾರಾಟ ಮಾಡಿದ್ದಾರೆ ಎಂದು ಪಾಕಿಸ್ತಾನದ ಪ್ರಧಾನಿ ಶೆಹಬಾಜ್ ಷರೀಫ್ ಹೇಳಿರುವುದಾಗಿ ಪಾಕಿಸ್ತಾನದ ಸುದ್ದಿವಾಹಿನಿಗಳು ವರದಿ ಮಾಡಿವೆ.
ಇಸ್ಲಾಮಾಬಾದ್ (ಏ.15): ಪ್ರಧಾನಿ ಪಟ್ಟದಿಂದ (Prime Minister) ಇಮ್ರಾನ್ ಖಾನ್ (Imran Khan)ಕೆಳಗಿಳಿದಿದ್ದರೂ, ಅವರ ಸಂಕಷ್ಟಗಳು ಕಡಿಮೆಯಾಗುತ್ತಿಲ್ಲ. ಪಾಕಿಸ್ತಾನದ ನೂತನ ಪ್ರಧಾನಿ ಶಹಬಾಜ್ ಷರೀಫ್ (Pakistan new PM Shahbaz Sharif) ಶುಕ್ರವಾರ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ವಿದೇಶಿ ಪ್ರವಾಸದ ಸಮಯದಲ್ಲಿ ಪಡೆದ ಉಡುಗೊರೆಗಳನ್ನು ಮಾರಾಟ ಮಾಡಿದ್ದಾರೆ ಎಂದು ಆರೋಪಿಸಿದ್ದಾರೆ.
ಇಮ್ರಾನ್ ಖಾನ್ ಅವರು ತೋಷಖಾನಾ (ರಾಜ್ಯ ಠೇವಣಿ) ಯಿಂದ 14 ಕೋಟಿ ರೂಪಾಯಿಗಳನ್ನು ಉಡುಗೊರೆಯಾಗಿ ತೆಗೆದುಕೊಂಡು ದುಬೈನಲ್ಲಿ ಮಾರಾಟ ಮಾಡಿದ್ದಾರೆ ಎಂದು ನಾನು ದೃಢೀಕರಿಸುತ್ತೇನೆ ಎಂದು ಪಾಕಿಸ್ತಾನದ ಸುದ್ದಿವಾಹಿನಿಗಳು ಹೇಳಿದೆ. ತೋಷಖಾನಾದ ವಿವರಗಳನ್ನು ಕೋರಿ ಇಸ್ಲಾಮಾಬಾದ್ ಹೈಕೋರ್ಟ್‌ನಲ್ಲಿ ಸಲ್ಲಿಸಲಾದ ಅರ್ಜಿಯೊಂದಕ್ಕೆ ಸಂಬಂಧಿಸಿದ ಪ್ರಶ್ನೆಗೆ ಉತ್ತರವಾಗಿ ಶೆಹಬಾಜ್ ಷರೀಫ್ ಈ ಹೇಳಿಕೆ ನೀಡಿದ್ದಾರೆ. ಜಿಯೋ ನ್ಯೂಸ್ ವರದಿಯ ಪ್ರಕಾರ, 1923ರ ಅಧಿಕೃತ ರಹಸ್ಯ ಕಾಯಿದೆಯ ನಿಬಂಧನೆಗಳನ್ನು ಉಲ್ಲೇಖಿಸಿ ಅಂದಿನ ಪ್ರಧಾನಿ ಇಮ್ರಾನ್ ಖಾನ್ ರಾಜ್ಯದ ಉಡುಗೊರೆಗಳ ಸಂಗ್ರಹದ ವಿವರಗಳನ್ನು ಬಹಿರಂಗಪಡಿಸಲು ನಿರಾಕರಿಸಿದ್ದರು.
ಆದಾಗ್ಯೂ, ಮಾಜಿ ಫೆಡರಲ್ ಸಚಿವ ಮತ್ತು ಪಾಕಿಸ್ತಾನ್ ತೆಹ್ರೀಕ್-ಇ-ಇನ್ಸಾಫ್ (ಪಿಟಿಐ) ನಾಯಕ ಫವಾದ್ ಚೌಧರಿ (Fawad Chaudhry ) ಅವರು "ಇಮ್ರಾನ್ ಖಾನ್ ಮೇಲೆ ಕೆಸರು ಎರಚುತ್ತಿದ್ದಾರೆ' ಎಂದು ಹೇಳುವ ಮೂಲಕ ಈ ಹೇಳಿಕೆಗಳನ್ನು ನಿರಾಕರಿಸಿದರು. ಫವಾದ್ ಚೌಧರಿ ಅವರು ಪಾಕಿಸ್ತಾನದ ಪ್ರಧಾನಿ ಇಂಥ ಗಾಸಿಪ್‌ಗಳನ್ನು ತಪ್ಪಿಸಲು ಪ್ರಯತ್ನಿಸಬೇಕು ಎಂದು ಒತ್ತಾಯಿಸಿದರು. ಇಂಥ ವಿಚಾರಗಳ ಬಗ್ಗೆ ಮಾತನಾಡುವ ಬದಲು ರಾಷ್ಟ್ರೀಯ ಸಮಸ್ಯೆಗಳತ್ತ ಗಮನ ಹರಿಸುವಂತೆ ಸಲಹೆ ನೀಡಿದರು. ನಿರ್ದಿಷ್ಟವಾಗಿ ಹೇಳುವುದಾದರೆ, ಪಾಕಿಸ್ತಾನದ ಕಾನೂನಿನ ಪ್ರಕಾರ, ರಾಷ್ಟ್ರದ ಮುಖ್ಯಸ್ಥರು ಮತ್ತೊಂದು ರಾಜ್ಯ ಅಥವಾ ದೇಶದಿಂದ ಪಡೆದ ಉಡುಗೊರೆಗಳನ್ನು ತೋಶಖಾನಾದಲ್ಲಿ ಠೇವಣಿ ಮಾಡಬೇಕು ಎಂದು ಹೇಳಲಾಗಿದೆ.
ಪರಿಣಾಮ ಎದುರಿಸುತ್ತೀರಿ: ನ್ಯಾಟೋಗೆ ರಷ್ಯಾ ಗಂಭೀರ ಎಚ್ಚರಿಕೆ
ರಾಜ್ಯದ ಮುಖ್ಯಸ್ಥರು ಉಡುಗೊರೆಯನ್ನು ಇರಿಸಿಕೊಳ್ಳಲು ಬಯಸಿದರೆ, ಅದರ ಮೌಲ್ಯಕ್ಕೆ ಸಮಾನವಾದ ಪಾವತಿಯನ್ನು ಹರಾಜಿನ ಮೂಲಕ ನಿರ್ಧರಿಸಲಾಗುತ್ತದೆ. ಅದನ್ನು ರಾಜ್ಯದ ಖಜಾನೆಗೆ ಜಮಾ ಮಾಡಬೇಕು. ಇದರ ನಡುವೆ ಶೆಹಬಾಜ್ ಷರೀಫ್ ನೇತೃತ್ವದ "ವಿದೇಶಿ ಬೆಂಬಲಿತ" ಸರ್ಕಾರವನ್ನು ಉರುಳಿಸಲು ಪಿಟಿಐಗೆ ಹಣವನ್ನು ದೇಣಿಗೆ ನೀಡುವಂತೆ ಇಮ್ರಾನ್ ಖಾನ್ ಶುಕ್ರವಾರ ವಿದೇಶಿ ಪಾಕಿಸ್ತಾನಿಗಳಿಗೆ ಮನವಿ ಮಾಡಿದ್ದಾರೆ. ಅಮೆರಿಕದ ನೆರವಿನೊಂದಿಗೆ ಭ್ರಷ್ಟ ಸರ್ಕಾರವು ಪಾಕಿಸ್ತಾನವನ್ನು ಉರುಳಿಸಿದೆ ಮತ್ತು ಆದ್ದರಿಂದ ಪಾಕಿಸ್ತಾನಿ ನಾಗರಿಕರು ತಮ್ಮ ಭವಿಷ್ಯವನ್ನು ನಿರ್ಧರಿಸುವ ದೇಶದಲ್ಲಿ ಹೊಸ ಚುನಾವಣೆಗಳನ್ನು ನಡೆಸಬೇಕೆಂದು ಇಮ್ರಾನ್ ಖಾನ್ ಬಯಸುತ್ತಾರೆ ಎಂದು ಆರೋಪಿಸಿದರು.
ಈಜಿಪ್ಟ್ ಗೆ ಭಾರತದ ಗುಣಮಟ್ಟದ ಗೋಧಿ.. ಆಹಾರ ಭದ್ರತೆಯಲ್ಲಿ ದಿಟ್ಟ ಹೆಜ್ಜೆ
ಆರೋಪಗಳಿಗೆ ಉತ್ತರಿಸಿದ ಮಾಜಿ ಮಾಹಿತಿ ಸಚಿವ ಫವಾದ್ ಚೌಧರಿ, ಇಮ್ರಾನ್ ಖಾನ್ ಅವರು ವಿದೇಶದಿಂದ ಉಡುಗೊರೆಯಾಗಿ ಪಡೆದ ವಾಚ್ ಅನ್ನು ಸರ್ಕಾರದಿಂದ ಖರೀದಿಸಿದ್ದಾರೆ ಎಂದು ಹೇಳಿದರು. "ಶಹಬಾಜ್‌ನ ನಿಜವಾದ ಸಮಸ್ಯೆ ಏನು ಎಂದು ನನಗೆ ಅರ್ಥವಾಗುತ್ತಿಲ್ಲ," ಅವರು ಇಮ್ರಾನ್ ಖಾನ್ ವಿರುದ್ಧ ಆರೋಪಗಳನ್ನು ಹೇಗೆ ಮಾಡಬೇಕೆಂದು ಅರ್ಥಮಾಡಿಕೊಳ್ಳಲು ಸಾಧ್ಯವಾಗದೆ ಅವರು ಗೊಂದಲಕ್ಕೊಳಗಾಗಿದ್ದಾರೆ ಎಂದು ಅವರು ಪ್ರಶ್ನಿಸಿದ್ದಾರೆ.
