ಕುಡಿಯೋಕೆ ಮಾತ್ರವಲ್ಲ ಆರೋಗ್ಯಕರ ಕೂದಲಿಗೂ ಕಾಫಿ ಬಳಸಿ
ಕೂದಲು ಚೆನ್ನಾಗಿ ದಟ್ಟವಾಗಿ ಬೆಳೆಯಬೇಕು, ಸದೃಢವಾಗಿರಬೇಕು ಎನ್ನುವ ಆಸೆ ಯಾರಿಗಿರುವುದಿಲ್ಲ? ಅದಕ್ಕಾಗಿ ಏನೆಲ್ಲ ಪ್ರಯತ್ನಿಸಿದರೂ ಕೆಲವೊಮ್ಮೆ ಸಾಧ್ಯವಾಗುವುದಿಲ್ಲ. ಆದರೆ, ಬೇಸರ ಪಡಬೇಡಿ. ಕುಡಿಯೋಕೆ ಮಾತ್ರವಲ್ಲ, ಕೂದಲಿಗೂ ಕಾಫಿ ಬಳಸಿ. ಸೊಂಪಾದ ಕೂದಲು ನಿಮ್ಮದಾಗುತ್ತೆ
ಕೂದಲಿನ ಆರೈಕೆ ಬಗ್ಗೆ ಎಷ್ಟು ಕೇರ್ ತೆಗೊಂಡ್ರೂ ಕಡಿಮೇನೆ. ಕೂದಲು ಹುಡುಗಿಯರ ಲುಕ್‌ನ ಪ್ರಮುಖ ಆಕರ್ಷಣೆ. ಕೂದಲಿನ ಆರೋಗ್ಯ ಚೆನ್ನಾಗಿರಬೇಕು, ಕೂದಲು ದಟ್ಟವಾಗಿ ಸದೃಢವಾಗಿ ಬೆಳೆಯಬೇಕು ಎಂದು ಏನೆಲ್ಲ ಪ್ರಯತ್ನ ಪಟ್ಟಿದ್ದೀರಾ? ಆದರೂ ಸಾಧ್ಯವಾಗಲಿಲ್ಲವೇ? ಬೇಸರ ಬೇಡ. ಏಕೆಂದರೆ, ನಾವು ಇಲ್ಲಿ ಕೊಡುತ್ತಿರೋ ಟಿಪ್ಸ್ ಅನುಸರಿಸಿದ್ರೆ ನಿಮ್ಮ ಕೂದಲು ಖಂಡಿತವಾಗಿಯೂ ದಟ್ಟವಾಗಿ, ವೇಗವಾಗಿ ಬೆಳೆಯುತ್ತದೆ. ನಿಮಗೆ ತಿಳಿದಿದೆಯೇ? ನಮ್ಮ ಕೂದಲು ವರ್ಷಕ್ಕೆ ಸರಿಸುಮಾರು ಆರು ಇಂಚಿನಷ್ಟು ಉದ್ದ ಬೆಳೆಯಬಲ್ಲದು. ಅಂದರೆ, ತಿಂಗಳಿಗೆ ಅರ್ಧ ಇಂಚಿನಷ್ಟು ಬೆಳೆಯುತ್ತದೆ. ಆದರೆ, ವಯಸ್ಸಾದಂತೆ ಈ ವೇಗ ಕ್ಷೀಣಿಸುತ್ತದೆ. ಹಾಗೆಯೇ, ಕೂದಲು ವೇಗವಾಗಿ ಬೆಳೆಯಲು ಕೆಲವು ಅಂಶಗಳೂ ಕಾರಣವಾಗಿರುತ್ತವೆ. ಅವುಗಳನ್ನು ಪಾಲನೆ ಮಾಡುವುದು ಕೂದಲಿನ ಆರೋಗ್ಯಕ್ಕೂ ಒಳ್ಳೆಯದು.
ಕೂದಲು (Hair) ವೇಗವಾಗಿ ಚೆನ್ನಾಗಿ ಬೆಳೆಯುವಲ್ಲಿ ಹಲವು ಅಡೆತಡೆಗಳಿರಬಹುದು. ಆನುವಂಶಿಕ, ಹಾರ್ಮೋನ್ ಏರಿಳಿತ, ಸೂಕ್ತ ಪೌಷ್ಟಿಕತೆಯ ಕೊರತೆಗಳು ಕಾರಣವಾಗಿರಬಹುದು. ಅವುಗಳನ್ನು ಅರಿತು ಸರಿಪಡಿಸಿಕೊಳ್ಳಬೇಕು. ಕೂದಲಿನ ಆರೋಗ್ಯಕ್ಕೆ (Health) ವಿಟಮಿನ್ ಸಿ, ಪ್ರೊಟೀನ್, ವಿಟಮಿನ್ ಬಿ, ಫ್ಯಾಟಿ ಆಸಿಡ್ ಮತ್ತು ಆಂಟಿ ಆಕ್ಸಿಡಂಟ್ ಗಳು ಅಗತ್ಯವಾಗಿರುತ್ತವೆ. ಇವು ಲಭ್ಯವಾಗದೆ ಹೋದರೂ ಕೂದಲು ವೇಗವಾಗಿ ಬೆಳೆಯುವುದಿಲ್ಲ. ಕೆಲವು ಔಷಧಿಗಳು ಕೂದಲ ಬೆಳವಣಿಗೆಗೆ ಅಡ್ಡಿ ತರುತ್ತವೆ. ಇನ್ನು, ಖಿನ್ನತೆ, ಆತಂಕ (Anxiety), ಏಕಾಏಕಿ ತೂಕ ಇಳಿಕೆ, ರೋಗ ಇನ್ನಿತರ ಕಾರಣಗಳೂ ಇರಬಹುದು. ಹೀಗಾಗಿ, ಕಾರಣಗಳನ್ನು ಗುರುತಿಸಿಕೊಂಡು ಚಿಕಿತ್ಸೆ ಪಡೆಯಬೇಕು. ಜತೆಗೆ, ಕೂದಲು ವೇಗವಾಗಿ ಬೆಳೆಯುವಂತೆ ಮಾಡಲು ಹೀಗ್ಮಾಡಿ.
ಕೂದಲು ಉದುರೋ ಸಮಸ್ಯೆನಾ ? ಅಕ್ಕಿ ನೆನೆಸಿದ ನೀರು ಬಳಸಿ ನೋಡಿ
ಆರೋಗ್ಯಕರ ಕೂದಲಿಗಾಗಿ ಕಾಫಿ ಬಳಸಿ
ಆರೋಗ್ಯಕರ ಕೂದಲಿಗೆ ನೀವು ಬಳಸಬಹುದಾದಂತಹ ಒಂದು ಪದಾರ್ಥವೆಂದರೆ ಕಾಫಿ. ಈ ಪದಾರ್ಥವು ಕೂದಲಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ ಮತ್ತು ನೆತ್ತಿಯನ್ನು ಸ್ವಚ್ಛವಾಗಿ ಮತ್ತು ಆರೋಗ್ಯಕರವಾಗಿಡಲು ಸಹಾಯ ಮಾಡುತ್ತದೆ. ನೆತ್ತಿಯು ಆರೋಗ್ಯಕರವಾಗಿದ್ದಾಗ, ಇದು ಹೊಳಪುಳ್ಳ ಕೂದಲಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಕೂದಲಿಗೆ ಕಾಫಿಯನ್ನು ಬಳಸಲು, ಸ್ಪೆಷಲ್ ಹೇರ್ ಮಾಸ್ಕ್ ತಯಾರಿಸಹುದು. ಕಾಫಿ ಬಳಸಿ ನೀವು ಮಾಡಬಹುದಾದ ವಿವಿಧ ರೀತಿಯ ಹೇರ್ ಮಾಸ್ಕ್‌ಗಳನ್ನು ನೋಡೋಣ.
ಕಾಫಿ, ಜೇನು ಮತ್ತು ಆಲಿವ್ ಎಣ್ಣೆ: ಆಲಿವ್ ಎಣ್ಣೆ ಮತ್ತು ಜೇನುತುಪ್ಪವು ನೆತ್ತಿಗೆ ತೇವಾಂಶ ಮತ್ತು ಜಲಸಂಚಯನವನ್ನು ಸೇರಿಸುತ್ತದೆ. ನೆತ್ತಿಯ ಮೇಲೆ ಬೆಳೆಯುವ ಯಾವುದೇ ರೀತಿಯ ಬ್ಯಾಕ್ಟೀರಿಯಾ ಮತ್ತು ಶಿಲೀಂಧ್ರವನ್ನು ತೆಗೆದುಹಾಕಲು ಜೇನುತುಪ್ಪ ಸಹಾಯ ಮಾಡುತ್ತದೆ. ಈ ಪದಾರ್ಥಗಳೊಂದಿಗೆ ಕಾಫಿಯನ್ನು ಬೆರೆಸಿದಾಗ ನಿಮ್ಮ ನೆತ್ತಿ ಮತ್ತು ಕೂದಲು ಆರೋಗ್ಯಕರವಾಗಿರುತ್ತದೆ.
ಕಾಫಿ ಮತ್ತು ಮೊಟ್ಟೆಯ ಹಳದಿ ಲೋಳೆ: ಮೊಟ್ಟೆಗಳು (Egg) ಪ್ರೋಟೀನ್‌ಗಳ ಉತ್ತಮ ಮೂಲವಾಗಿದೆ. ಹೀಗಾಗಿ ಅದನ್ನು ನಿಮ್ಮ ಹೇರ್ ಮಾಸ್ಕ್‌ಗಳಲ್ಲಿ ಬಳಸುವುದರಿಂದ ನಿಮ್ಮ ಹಾನಿಗೊಳಗಾದ ಮತ್ತು ಮಂದವಾದ ಕೂದಲಿಗೆ ಸಹಾಯ ಮಾಡುತ್ತದೆ. ಇದರಲ್ಲಿರುವ ವಿಟಮಿನ್, ಕಬ್ಬಿಣ, ಸೋಡಿಯಂ ಮತ್ತು ಲೆಕ್ಟಿನ್ ನಿಮ್ಮ ಕೂದಲನ್ನು ಸರಿಪಡಿಸಲು ಸಹಾಯ ಮಾಡುತ್ತದೆ.
ನೆಲ್ಲಿಯಲ್ಲಿದೆ ಆರೋಗ್ಯ ಕೂದಲಿನ ಗುಟ್ಟು! ಹೀಗೆ ಮಾಡಿ ನೋಡಿ!
ಕಾಫಿ ಮತ್ತು ಮೊಸರು: ಈ ಎರಡು ಪದಾರ್ಥಗಳನ್ನು ಬಳಸಿಕೊಂಡು ಹೇರ್ ಮಾಸ್ಕ್ ಸಿದ್ಧಪಡಿಸಿ ಕೂದಲಿಗೆ ಬಳಸಿದರೆ ಇದು ಅದ್ಭುತಗಳನ್ನು ಮಾಡುತ್ತದೆ. ಮೊಸರು (Curd) ನಿಮ್ಮ ಕೂದಲನ್ನು ಮೃದುಗೊಳಿಸಲು ಸಹಾಯ ಮಾಡುತ್ತದೆ ಮತ್ತು ಕಾಫಿ ನಿಮ್ಮ ಕೂದಲನ್ನು ಬಲವಾಗಿ ಮತ್ತು ಆರೋಗ್ಯಕರವಾಗಿಸಲು ಕೆಲಸ ಮಾಡುತ್ತದೆ.
ಕಾಫಿ ಮತ್ತು ತೆಂಗಿನ ಎಣ್ಣೆ: ಈ ಮಾಸ್ಕ್ ನಿಮ್ಮ ಚರ್ಮಕ್ಕೆ (Skin) ಮಾತ್ರವಲ್ಲದೆ ನಿಮ್ಮ ಕೂದಲಿಗೆ ಸಹ ಪ್ರಯೋಜನಕಾರಿಯಾಗಿದೆ. ತೆಂಗಿನ ಎಣ್ಣೆಯು ನಿಮ್ಮ ಕೂದಲನ್ನು ತೇವಗೊಳಿಸಲು ಸಹಾಯ ಮಾಡುತ್ತದೆ, ಆದರೆ ಕಾಫಿಯು ನಿಮ್ಮ ನೆತ್ತಿಯನ್ನು ಆರೋಗ್ಯಕರವಾಗಿ ಇರಿಸಿಕೊಳ್ಳಲು ಸಹಾಯ ಮಾಡುತ್ತದೆ. ಇನ್ಯಾಕೆ ತಡ, ಇನ್ಮುಂದೆ ಕಾಫಿ ಕುಡಿಯೋದು ಮಾತ್ರವಲ್ಲ ತಲೆಗೂ ಕಾಫಿ ಹೇರ್ ಮಾಸ್ಕ್ ಹಾಕ್ಕೊಳ್ಳಿ.
