Upendra: ಉಪ್ಪಿಯಿಂದ ಅಭಿಮಾನಿಗಳಿಗೆ ಸಿಗುತ್ತಿದೆ ಭರ್ಜರಿ ಬಹುಮಾನ!

ಸೆಪ್ಟೆಂಬರ್ 18ಕ್ಕೆ ರಿಯಲ್ ಸ್ಟಾರ್ ಉಪೇಂದ್ರ ಹುಟ್ಟುಹಬ್ಬ. ಈ ಬಾರಿ ಉಪ್ಪಿ ಬರ್ತಡೇಯನ್ನ ಭರ್ಜರಿಯಾಗಿ ಮಾಡೋದಕ್ಕೆ ಸಿದ್ಧತೆ ನಡೆದಿದೆ. ಆದರೆ ಮೊನ್ನೆ ಮೊನ್ನೆಯಷ್ಟೆ ಸೂಪರ್ ಸ್ಟಾರ್ ಉಪೇಂದ್ರ ಒಂದು ಪೋಸ್ಟ್ ಹಾಕಿದ್ರು. ಈ ಬಾರಿ ನನ್ನ ಹುಟ್ಟುಹಬ್ಬದ ಸೆಲಬ್ರೇಷನ್‌ಗೆ ನೀವೆಲ್ಲಾ ಸೇರಿ ಒಂದ್ ಗಿಫ್ಟ್ ಕೊಡಿ. ಒಂದು ಬಿಳಿ ಹಾಳೆಯಲ್ಲಿ 18 ಪದಗಳನ್ನು ಮೀರದಂತೆ ಏನಾದರೂ ಒಂದು ಉತ್ತಮ ವಿಚಾರವನ್ನು ಬರೆದು ತರುತ್ತೀರ? ಅತ್ಯುತ್ತಮವಾದ 18 ಬರವಣಿಗೆಗಳಿಗೆ ಸೂಕ್ತ ಬಹುಮಾನವಿರುತ್ತದೆ ಅಂತ ಟ್ವಿಟರ್‌ನಲ್ಲಿ ಬರೆದುಕೊಂಡಿದ್ರು. ಇದೀಗ ಉಪ್ಪಿ ಕಡೆಯಿಂದ ಹುಟ್ಟುಹಬ್ಬಕ್ಕೆ ಅಭಿಮಾನಿಗಳಿಗೆ ಭರ್ಜರಿ ಬಹುಮಾನವೇ ರೆಡಿಯಾಗಿದೆ. ಕಬ್ಜ ಸಿನಿಮಾ ಅಂದ್ರೆ ಇಂಡಿಯನ್ ಸಿನಿ ಇಂಡಸ್ಟ್ರಿಯಲ್ಲಿ ಒಂದು ವೈಬ್ರೇಷನ್ ಇದೆ. ಕಬ್ಜದ ಪೋಸ್ಟರ್‌ಗಳೇ ಆ ನಿರೀಕ್ಷೆಯನ್ನ ಹುಟ್ಟುಹಾಕಿವೆ. ಒಂದ್ ಕಡೆ ಉಪ್ಪಿ-ಕಿಚ್ಚ ಕಾಣಿಸುತ್ತಿದ್ರೆ, ಮತ್ತೊಂದ್ ಕಡೆ ಕಬ್ಜದ ವಿಶ್ಯುವಲ್ ಟ್ರೀಟ್ ಬಗ್ಗೆಯೂ ಚರ್ಚೆ ಆಗುತ್ತಿದೆ. ಹೀಗಾಗಿ ಕಬ್ಜ ವಿಶ್ಯುವಲ್ ಟ್ರೀಟ್ ನೋಡಬೇಕು ಅಂತ ಸಿನಿಮಾದ ಟೀಸರ್‌ಗೆ ಭಾರಿ ಬೇಡಿಕೆ ಇತ್ತು. 

ರಿಯಲ್ ಸ್ಟಾರ್ ಉಪೇಂದ್ರ ಹುಟ್ಟುಹಬ್ಬದಲ್ಲಿ ಭಾಗಿಯಾಗಿ ಬಂಪರ್ ಬಹುಮಾನ ಗೆಲ್ಲಿ

ಇದೀಗ ಉಪೇಂದ್ರ ಹುಟ್ಟುಹಬ್ಬಕ್ಕೆ ಕಬ್ಜ ಟೀಸರ್ ಹೊರ ಬರುತ್ತಿದೆ. ಕಬ್ಜ ಸಿನಿಮಾದ ಕನ್ನಡದಿಂದ ಬರುತ್ತಿರೋ ಮತ್ತೊಂದು ಪ್ಯಾನ್ ಇಂಡಿಯಾ ಮೂವಿ. ಮೂರು ವರ್ಷದಿಂದ ಒಂದೇ ಒಂದು ಗ್ಲಿಂಪ್ಸ್‌ ತೋರಿಸದೇ ಗೌಪ್ಯತೆ ಕಾಪಾಡಿದ್ದ ನಿರ್ದೇಶಕ ಆರ್ ಚಂದ್ರು ಈಗ ಕಬ್ಜ ಟೀಸರ್‌ನ್ನ ಉಪೇಂದ್ರ ಬರ್ತಡೇ ಉಡುಗೊರೆಯಾಗಿ ಕೊಡುತ್ತಿದ್ದಾರೆ. 2 ನಿಮಿಷದ ಟೀಸರ್‌ನಲ್ಲಿ ಉಪ್ಪಿಯ ದರ್ಬಾರ್ ಹೇಗಿರುತ್ತೆ ಅಂತ ತೋರಿಸಲಾಗುತ್ತೆ. ಕನ್ನಡದ ಸೂಪರ್ ಸ್ಟಾರ್ ಒಬ್ಬ್ರು ಕಬ್ಜ ಯೂನಿವರ್ಸೆಲ್ ಟೀಸರ್‌ನ್ನ ಬಿಡುಗಡೆ ಮಾಡುತ್ತಿದ್ದಾರೆ. ಕಬ್ಜ ವಿಶ್ಯುವಲ್ ಟ್ರೀಟ್ ಮೇಲೆ ದೊಡ್ಡ ಎಕ್ಸ್ಪಟೇಷನ್ ಇದೆ. ಕೆಜಿಎಫ್, ವಿಕ್ರಾಂತ್ ರೋಣ ಸಿನಿಮಾಗಳ ಆರ್ಟ್ ವರ್ಕ್ ಮಾಡಿದ್ದ ಶಿವಕುಮಾರ್ ಕಬ್ಜಗೂ ಆರ್ಟ್ ಕೆಲಸ ಮಾಡಿದ್ದಾರೆ. ಅರ್ಜುನ್ ಶೆಟ್ಟಿ ಕ್ಯಾಮೆರಾ ವರ್ಕ್, ರವಿ ಬಸ್ರೂರು ಮ್ಯೂಸಿಕ್ ಸಿನಿಮಾದಲ್ಲಿದ್ದು, ಶ್ರೇಯಾ ಶರಣ್ ನಾಯಕಿಯಾಗಿ ನಟಿಸಿದ್ದಾರೆ. ನಿರ್ದೇಶಕ ಆರ್ ಚಂದ್ರು ಸಿನಿಮಾ ನಿರ್ಮಾಣದ ಹೊಣೆ ಹೊತ್ತಿದ್ದು, ಉಪೇಂದ್ರ ಕಿಚ್ಚ ಸುದೀಪ್ರ ಕಬ್ಜಗಾಗಿ ಎಂಟೇರ್ ಇಂಡಿಯಾ ಕಾಯುತ್ತಿದೆ. 

ಹೆಚ್ಚಿನ ಸಿನಿಮಾ ವಿಡಿಯೋ ನೋಡಲು ಕ್ಲಿಕಿಸಿ: Asianet Suvarna Entertainment