ಯಾವಾಗ ಅನೌನ್ಸ್ ಆಗುತ್ತೆ ಕೆಜಿಎಫ್ ಸ್ಟಾರ್ ಯಶ್ ನೆಕ್ಟ್ಸ್ ಪ್ರಾಜೆಕ್ಟ್.?

ಬಣ್ಣದ ಬದುಕಿನಲ್ಲಿ ಯಶಸ್ಸಿನ ಉತ್ತುಂಗದಲ್ಲಿರುವ ರಾಕಿಭಾಯ್ ಯಶ್ ಮುಂದಿನ ನಡೆ ಬಗ್ಗೆ ಎಲ್ಲರಿಗೂ ಕುತೂಹಲ ಇದೆ. ಯಶಸ್ಸು ಅಷ್ಟು ಸುಲಭಕ್ಕೆ ಸಿಗೋಲ್ಲಾ ಅಂತ ತಿಳಿದಿರೋ ರಾಕಿ ತಮ್ಮ 19ನೇ ಸಿನಿಮಾ ಅನೌನ್ಸ್ಗೆ ಒಳ್ಳೆಯ ಮಹೂರ್ತ ನೋಡುತ್ತಿದ್ದಾರೆ. ಯಶ್ 19ನೇ ಸಿನಿಮಾವನ್ನ ನಿರ್ದೇಶಕ ನರ್ಥನ್ ಜೊತೆ ಮಾಡೋದು 100ಕ್ಕೆ 90ರಷ್ಟು ನಿಜ ಆಗಿದೆ. ಆದ್ರೆ ಈಗ ಯಶ್ 19ನೇ ಸಿನಿಮಾ ಟೈಟಲ್ ಟ್ರೆಂಡ್ ಸೋಷಿಯಲ್ ಮೀಡಿಯಾದಲ್ಲಿ ಭರ್ಜರಿಯಾಗಿ ನಡೆಯುತ್ತಿದೆ. ಕೆಜಿಎಫ್-2 ಬಂದಿದ್ದು, ಗೆದ್ದಿದ್ದು, ಆ ಗೆಲುವುಗೆ ಸೆಲೆಬ್ರೇಷನ್ ಮಾಡಿದ್ದು ಎಲ್ಲವೂ ಹಳೆಯದಾಯ್ತು. ಈಗ ನಿಮ್ ಹೀರೋ ಮುಂದೇನ್ ಮಾಡ್ತಾನೆ ಅನ್ನೋ ಮಾತು ಜೋರಾಗಿದೆ. ಇದನ್ನ ಇಷ್ಟು ದಿನ ಕೇಳಿಸಿಕೊಂಡು ಸುಮ್ಮನಿದ್ದ ಫ್ಯಾನ್ಸ್ ತಾಳ್ಮೆ ಕಟ್ಟೆ ಒಡೆದಿದೆ. ಹೀಗಾಗಿ ಯಶ್ ಅಭಿಮಾನಿಗಳು ತಾವೇ ಸಿನಿಮಾ ಪೋಸ್ಟರ್ ಮತ್ತು ಟೈಟಲ್ ಲಾಂಚ್ ಬಗ್ಗೆ ಪೋಸ್ಟ್‌ಗಳನ್ನ ಹಾಕುತ್ತಿದ್ದಾರೆ. ರಾಕಿಂಗ್ ಸ್ಟಾರ್ ಯಶ್ ಆಟ್ 19 ಅನ್ನೋ ಪೋಸ್ಟರ್ ಎಲ್ಲ ಕಡೆ ಹರಿದಾಡ್ತಿದೆ. ಹೀಗಾಗಿ ಅರ್ಜೆಂಟ್ ಆಗಿ ಯಶ್ ಹೊಸ ಸಿನಿಮಾ ಅನೌನ್ಸ್ ಮಾಡಬೇಕಿದೆ. ಅದಕ್ಕಾಗಿ ಸೆಪ್ಟೆಂಬರ್ ವರೆಗೂ ಕಾಯಬೇಕು ಅನ್ನೋ ಮಾತು ರಾಕಿ ಬಳಗದಿಂದ ಬಂದಿದೆ.