ಜೋಗಿ ಪ್ರೇಮ್ ಸಿನಿಮಾದಲ್ಲಿ ಆರು ಜನ ಸೂಪರ್ ಸ್ಟಾರ್ಸ್ ?
ಏಕ್ ಲವ್ ಯಾ ಸಿನಿಮಾದ ನಂತರ ನಂತರ ಜೋಗಿ ಪ್ರೇಮ್, ಮಾಸ್ ಆ್ಯಕ್ಷನ್ ಸಿನಿಮಾ ಮಾಡಲು ಮುಂದಾಗಿದ್ದಾರೆ. ಧ್ರುವ ಸರ್ಜಾ ನಾಯಕ ನಟರಾಗಿ ನಟಿಸಲಿರುವ ಸಿನಿಮಾಗೆ, ಪರಭಾಷೆಯ ಬಿಗ್ ಸ್ಟಾರ್‌ಗಳನ್ನು ಕರೆತರುವುದಕ್ಕೆ ಪ್ರೇಮ್ ಮುಂದಾಗಿದ್ದಾರೆ. ಚಿತ್ರದಲ್ಲಿ ಆರು ಜನ ಸೂಪರ್ ಸ್ಟಾರ್ಸ್ ನಟಿಸಲಿದ್ದಾರೆ ಎಂದು ಹೇಳಲಾಗ್ತಿದೆ.
Followಈ ಹಿಂದೆ ನಿರ್ದೇಶಕ ಪ್ರೇಮ್ ಹೈ ಬಜೆಟ್ ಸಿನಿಮಾ ಮಾಡುತ್ತೇನೆ ಎಂದು ಹೇಳಿ, ಅದರಲ್ಲಿ ಆರು ಜನ ಹೀರೋಗಳು ಇರ್ತಾರೆ ಎಂದು ತಿಳಿಸಿದ್ದರು. ಆಗ ಅವರನ್ನು ಟ್ರೋಲ್ ಮಾಡಲಾಗಿತ್ತು. ಆದರೆ ಆ ಮಾತನ್ನು ಇದೀಗ ನಿಜ ಮಾಡಲು ಹೊರಟಿದ್ದಾರೆ ಪ್ರೇಮ್. ಧ್ರುವ ಸರ್ಜಾ ಜತೆ ಮಾಡುತ್ತಿರುವ ಪ್ಯಾನ್ ಇಂಡಿಯಾ ಸಿನಿಮಾದಲ್ಲಿ ಆರು ಜನ ಸೂಪರ್ ಸ್ಟಾರ್ಸ್ ಅಭಿನಯ ಮಾಡಲಿದ್ದಾರೆ ಎಂದು ಟಾಕ್ ಶುರುವಾಗಿದೆ. ಈಗಾಗಲೇ ಸಂಜಯ್ ದತ್, ಮೋಹನ್ ಲಾಲ್ ನಟಿಸುವುದು ಪಕ್ಕಾ ಆಗಿದೆ ಎನ್ನಲಾಗಿದೆ. ಇದೀಗ ಧ್ರುವ ಸರ್ಜಾ ಸೇರಿ ಮೂರು ಜನ ಬಿಗ್ ಸ್ಟಾರ್ ಇದ್ದು, ಇನ್ನುಳಿದ ಮೂವರು ಯಾರು ಎಂಬ ಕುತೂಹಲ ಮೂಡಿದೆ.
