ಕಾಲಿವುಡ್ ನಲ್ಲಿ ಕೆಜಿಎಫ್ ಕಥೆ ಹೇಳಲು ಹೊರಟ ಕಬಾಲಿ ಡೈರೆಕ್ಟರ್..!

ಕೆಜಿಎಫ್ (KGF 2) ಸಿನಿಮಾ ಥಿಯೇಟರ್ ನಲ್ಲಿ ರಿಲೀಸ್ ಆಗಿ, ಓಟಿಟಿಯಲ್ಲಿ ಬಂದು, ಈಗ ಟಿವಿಲಿ ಬರೋದಕ್ಕೆ ಸಿದ್ದವಾದ್ರು ಕೂಡ ಅದ್ರ ಹವಾ ಮಾತ್ರ ಕಮ್ಮಿ ಆಗಿಲ್ಲ. ಆದ್ರೆ ಕಾಲಿವುಡ್ ಅಂಗಳದಲ್ಲಿ ಮತ್ತೊಂದು ಕೆಜಿಎಫ್ ಸದ್ದು ಮಾಡ್ತಿದೆ.

ಪ ರಂಜಿತ್, ಚಿಯಾನ್ ವಿಕ್ರಮ್ ಅವ್ರಿಗೆ ಸಿನಿಮಾ ನಿರ್ದೇಶನ ಮಾಡ್ತಿದ್ದಾರೆ. ಈಗಾಗಲೇ ಚಿತ್ರದ ಮಹೂರ್ತ ಮುಗಿಸಿರೋ ತಂಡ ಕೆಜಿಎಫ್ ಕಥೆಯನ್ನ ಹೇಳಲು ಹೊರಟಿದ್ದಾರೆ. ಅರೆ ಈಗಾಗಲೇ ಕೆಜಿಎಫ್ ರಿಲೀಸ್ ಆಗಿದೆ ಇದ್ಯಾವ ಕೆಜಿಎಫ್ ಅಂತ ಕನ್ಫ್ಯೂಸ್ ಆಗಬೇಡಿ. ಇದು ಕೆಜಿಎಫ್ ನ ರಿಯಲ್ ಸ್ಟೋರಿ. ಕೆಜಿಎಫ್ ನೆಲದ ಓರಿಜಿನಲ್ ಸ್ಟೋರಿಯನ್ನ ತೆರೆ ಮೇಲೆ ತರ್ತಿದ್ದಾರೆ ಪ ರಂಜಿತ್. ಯಶ್ ಅವ್ರ ಕೆಜಿಎಫ್ ನೋಡಿದ ನಂತ್ರ ರಂಜಿತ್ ಕೆಜಿಎಫ್ ಅಸಲಿ ಕಥೆ ಹೇಳಬೇಕು ಅಂತ ಡಿಸೈಡ್ ಮಾಡಿದ್ದಾರೆ.

ಬೆಂಗಳೂರಿನಲ್ಲಿ ಇರ್ಬೇಡ ಅಂತ ಅಪ್ಪ ಓಡ್ಸಿದ್ರು ಆಗ ದೆಹಲಿಗೆ ಹೋಗಿದ್ದೆ: ಸುದೀಪ್

ಕಾಲಿವುಡ್ ನಲ್ಲಿ ಸೆಟ್ಟೇರಿರೋ ಕೆಜಿಎಫ್ ಚಿತ್ರದಲ್ಲಿ ಕೆಜಿಎಫ್ ನ ಅಸಲಿ ಕಥೆ ಹೇಳಲಿದ್ದಾರೆ..19ನೇ ಶತಮಾನದಲ್ಲಿ ಕೆಜಿಎಫ್ ಹೇಗಿತ್ತು?  ಚಿನ್ನ ಹೇಗೆ ತೆಗೆಯಲಾಗುತ್ತಿತ್ತು..ಬ್ರಿಟಿಷರ ಆಳ್ವಿಕೆಯಲ್ಲಿದ್ದ ಜನರ ಜೀವನವನ್ನು ಹಸಿಹಸಿಯಾಗಿ ತೆರೆ ಮೇಲೆ ತರ್ತಾರಂತೆ...ಕೆಜಿಎಫ್ ನಲ್ಲಿಯೇ ಸಿನಿಮಾವನ್ನ ಚಿತ್ರೀಕರಣ ಮಾಡುತ್ತಂತೆ ತಂಡ.

ಸದ್ಯ ಸೆಟ್ಟೇರಿರೋ ಕೆಜಿಎಫ್ ಚಿತ್ರ ತಮಿಳಿನಲ್ಲಿ ಮಾತ್ರ ಸಿದ್ದವಾಗಲಿದೆ. ವಿಶೇಷ ಅಂದ್ರೆ ಸಿನಿಮಾ ತ್ರಿಡಿಯಲ್ಲಿ ತೆರೆಗೆ ಬರಲಿದೆ. ಚಿತ್ರದಲ್ಲಿ ಚಿಯಾನ್ ವಿಕ್ರಮ್ ನಾಯಕನಾಗಿ ಆಕ್ಟ್ ಮಾಡಲಿದ್ದು ಜಿವಿ ಪ್ರಕಾಶ್ ಕುಮಾರ್ ಸಂಗೀತ ನಿರ್ದೇಶಿಸಲಿದ್ದಾರೆ. ಮೈಧಾನಂ ಅಂತ ಚಿತ್ರಕ್ಕೆ ಹೆಸರಿಡಲು ಸಿದ್ದವಾಗಿದ್ದು ಘೋಷಣೆಯಷ್ಟೇ ಬಾಕಿ ಇದೆ.