ಸಾವು ಬದುಕಿನ ನಡುವೆ ರಾಮ್: ಸೀತಾಳಿಗೆ ತಪ್ಪಿನ ಅರಿವಾಗೋ ಹೊತ್ತಲ್ಲೇ ಹಳೆಯ ಲವರ್ ಎಂಟ್ರಿ! ಏನಿದು ಟ್ವಿಸ್ಟ್?
ಅಪಘಾತದಲ್ಲಿ ರಾಮ್ ಸಾವು ಬದುಕಿನ ನಡುವೆ ಹೋರಾಡುತ್ತಿರುವ ಸಂದರ್ಭದಲ್ಲಿಯೇ ಅವನ ಮಾಜಿ ಪ್ರೇಯಸಿಯ ಎಂಟ್ರಿ ಆಗಿದೆ. ಮುಂದೇನು?
Followಪ್ರೀತಿಯನ್ನು ಹೇಳಿಕೊಂಡು ಬಂದ ರಾಮ್ನನ್ನು ಬೈದು ಸೀತಾ ಮನೆಯಿಂದ ಹೊರಕ್ಕೆ ಕಳಿಸಿದ್ದಾಳೆ. ಇದೇ ಅವಮಾನದಲ್ಲಿ ರಾಮ್ ಏನು ಮಾಡಬೇಕು ಎಂದು ತಿಳಿಯುವಷ್ಟರಲ್ಲಿಯೇ ಭಯಾನಕ ಅಪಘಾತ ಸಂಭವಿಸಿದೆ. ಅಷ್ಟಕ್ಕೂ ಈ ಆ್ಯಕ್ಸಿಡೆಂಟ್ ಮಾಡಿಸಿದ್ದು, ಖುದ್ದು ಆತನ ಚಿಕ್ಕಮ್ಮ. ಸೀತಾಳಿಗೆ ಮೋಸ ಮಾಡುವ ಉದ್ದೇಶದಿಂದ ಮದುವೆಯಾಗಲು ಹೊರಟಿದ್ದ ರುದ್ರಪ್ರತಾಪ್ನ ಕೈಜೋಡಿಸಿ ಚಿಕ್ಕಮ್ಮ ಅಪಘಾತ ಮಾಡಿಸಿದ್ದಾಳೆ. ಜೈಲು ಸೇರಿದ್ದ ರುದ್ರಪ್ರತಾಪ್ನಿಗೆ ಜಾಮೀನು ಕೊಡಿಸಿ ಹೊರಕ್ಕೆ ಕರೆದುಕೊಂಡು ಬಂದಿರುವ ಚಿಕ್ಕಮ್ಮ, ರುದ್ರಪ್ರತಾಪ್ ಕೈಯಲ್ಲಿ ಅಪಘಾತ ಮಾಡಿಸಿದ್ದಾಳೆ. ಭೀಕರ ಅಪಘಾತದಲ್ಲಿ ರಾಮ್ ಆಸ್ಪತ್ರೆಗೆ ಸೇರಿದ್ದಾನೆ. ಆದರೆ ಆತ ಉಳಿಯುವುದು ಕಷ್ಟ ಎಂದಿದ್ದಾರೆ ವೈದ್ಯರು. ತುರ್ತಾಗಿ ಓ ಪಾಸಿಟಿವ್ ರಕ್ತ ಬೇಕು ಎಂದಿದ್ದಾರೆ.
ಅದೇ ಇನ್ನೊಂದೆಡೆ ಸೀತಾಳಿಗೆ ಅಪಘಾತದ ವಿಷಯ ತಿಳಿದು ಗಾಬರಿಯಾಗಿದ್ದಾಳೆ. ಜೋರಾಗಿ ಅಳುತ್ತಾ ಆಸ್ಪತ್ರೆಗೆ ಧಾವಿಸಿದ್ದಾಳೆ. ತನ್ನಿಂದ ತಪ್ಪಾಯ್ತು ಎಂದು ಗೋಳೋ ಎಂದಿದ್ದಾಳೆ. ಆಸ್ಪತ್ರೆಗೆ ಧಾವಿಸುತ್ತಿರುವ ಹೊತ್ತಿನಲ್ಲಿಯೇ ಸೀರಿಯಲ್ಗೆ ಭಾರಿ ಟ್ವಿಸ್ಟ್ ಬಂದಿದೆ. ರಾಮ್ನ ಮಾಜಿ ಪ್ರೇಯಸಿಯ ಎಂಟ್ರಿ ಆಗಿದೆ. ಹೂಗುಚ್ಛ ಹಿಡಿದುಕೊಂಡು ಬಂದಿದ್ದಾಳೆ. ಇದು ಕೂಡ ಚಿಕ್ಕಮ್ಮನ ತಂತ್ರವೇ ಎನ್ನುವುದರಲ್ಲಿ ಸಂದೇಹವಿಲ್ಲ. ಅಷ್ಟಕ್ಕೂ ಇದು ಸೀರಿಯಲ್ ಆಗಿರುವ ಕಾರಣ, ರಾಮ್ ಅಂತೂ ಸಾಯಲ್ಲ ಎನ್ನುವುದು ದಿಟ. ಆದರೆ ಮುಂದೇನಾಗುತ್ತದೆ ಎನ್ನುವ ಕುತೂಹಲ ಈಗ.
ಮದ್ವೆಯಾಗ್ತೇನಂತ ಪ್ರತಾಪ್ ಬಳಿ ಹೊಸಪೇಟೆ ಯುವತಿಯರು! ನಾಚಿ ನೀರಾದ ಡ್ರೋನ್ ಮಾಡಿದ್ದೇನು ನೋಡಿ...
ಒಂದೆಡೆ ಸೀತಾಳಿಗೆ ಪ್ರೀತಿ ತಿಳಿಯುವ ಹೊತ್ತು, ಇನ್ನೊಂದೆಡೆ ಮಾಜಿ ಪ್ರೇಯಸಿಯ ಎಂಟ್ರಿ. ಇದೀಗ ರಾಮ್ಗೆ ಏನಾಗುತ್ತದೆ? ಓ ಪಾಸಿಟಿವ್ ರಕ್ತ ಸೀತಾ ಕೊಡುತ್ತಾಳೋ ಇಲ್ಲವೇ ಮಾಜಿ ಪ್ರೇಯಸಿನಾ? ರಾಮ್ಗೆ ಒಂದೆಡೆ ಈಗ ತಾನೇ ಲವ್ ಶುರುವಾಗಿರುವ ಸೀತಾ, ಇನ್ನೊಂದೆಡೆ ಮಾಜಿ ಪ್ರೇಯಸಿ. ಇಷ್ಟು ವರ್ಷಗಳ ಕಾಲ ಮಾಜಿ ಪ್ರೇಯಸಿಯ ನೆನಪಿನಲ್ಲಿಯೇ ಇದ್ದ ರಾಮ್ ಈಗ ತಾನೇ ಆಕೆಯ ನೆನಪಿನಿಂದ ಹೊರ ಬರಲು ಶುರು ಮಾಡಿದ್ದಾನೆ. ಮುಂದೆ ಎಂದಿಗೂ ಪ್ರೀತಿ, ಮದುವೆಯ ಜಂಜಾಟದಲ್ಲಿ ಬೀಳುವುದಿಲ್ಲ ಎಂದುಕೊಂಡಿದ್ದ ಆತ ಈಗ ಸೀತಾಳ ಪ್ರೀತಿಯಲ್ಲಿ ಬಿದ್ದಿದ್ದಾನೆ.
ಈಗ ಮಾಜಿ ಪ್ರೇಯಸಿಯ ಎಂಟ್ರಿ ಆಗಿರೋ ಹೊತ್ತಿನಲ್ಲಿ ಮುಂದೇನಾಗುತ್ತದೆ? ಕುತೂಹಲದ ಕ್ಷಣದಲ್ಲಿ ಸೀತಾರಾಮ ಸೀರಿಯಲ್ ತಲುಪಿದೆ. ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗ್ತಿರೋ ಈ ಸೀರಿಯಲ್ನ ಪ್ರೊಮೋ ಬಿಡುಗಡೆಯಾಗಿದೆ. ಎಲ್ಲರೂ ರಾಮ್ ಇರುವುದೇ ಸೀತೆಗಾಗಿ. ನೀನು ಸೀತಾಳನ್ನೇ ಮದುವೆಯಾಗು ಎಂದು ರಾಮ್ಗೆ ಸಲಹೆ ಕೊಡುತ್ತಿದ್ದಾರೆ. ಮಾಜಿ ಪ್ರೇಯಸಿ ಕುತಂತ್ರ ಬುದ್ಧಿಯಿಂದ ಬಂದಿದ್ದಾಳೆ. ಅವಳ ಮಾತನ್ನು ಕೇಳಬೇಡ ಎಂದೂ ಹೇಳುತ್ತಿದ್ದಾರೆ. ಹಾಗಿದ್ದರೆ ಮುಂದೇನಾಗುತ್ತದೆ?
ದಾದಾಸಾಹೇಬ್ ಫಾಲ್ಕೆ ಚಲನಚಿತ್ರೋತ್ಸವ ಪ್ರಶಸ್ತಿ ಪ್ರಕಟ; ಅತ್ಯುತ್ತಮ ನಟ, ನಟಿ, ವಿಲನ್ ಯಾರು?
