ಲಕ್ಷ್ಮೀನಿವಾಸ ಚಿನ್ನುಮರಿ ಉರ್ಫ್ ಚಂದನಾ ಅನಂತಕೃಷ್ಣ ಅವರು ಬಣ್ಣದ ಲೋಕದಲ್ಲಿ ತಮಗಾಗಿರುವ ಕಹಿ ಘಟನೆ, ಕಾಸ್ಟಿಂಗ್ ಕೌಚ್ ಕುರಿತು ಮಾತನಾಡಿದ್ದಾರೆ.
ಲಕ್ಷ್ಮೀ ನಿವಾಸದ ಚಿನ್ನುಮರಿ ಜಾಹ್ನವಿ ಶ್ರೀಲಂಕಾದ ಸಮುದ್ರದಲ್ಲಿ ಬಿದ್ದು, ಚೆನ್ನೈನಲ್ಲಿ ಎದ್ದು ಸದ್ಯ ಸೀರಿಯಲ್ನಲ್ಲಿ ವಿಶ್ವನ ಮನೆ ತಲುಪಿದ್ದಾಳೆ. ವಿಶ್ವನ ಕಾರಿನ ಡಿಕ್ಕಿಯಲ್ಲಿ ಅಡಗಿ ಕುಳಿತಿದ್ದ ಜಾನು, ಅವನಿಗೂ ಅರಿವಿಲ್ಲದೇ ಮನೆಗೆ ಬಂದಿದ್ದಾಳೆ. ಅತ್ತ ತನ್ನ ಪತ್ನಿ ಸತ್ತೇ ಹೋದಳು ಎಂದು ಜಯಂತ್ ಗೋಗರೆಯುತ್ತಿದ್ದಾನೆ. ಇದೀಗ, ವಿಶ್ವನ ಮನೆ ಸೇರಿರೋ ಜಾಹ್ನವಿ ಅಲ್ಲಿಂದಲೂ ಹೊರಗೆ ಹೋಗುವ ಕಾಲ ಬಂದಿದೆ. ಏಕೆಂದರೆ ವಿಶ್ವನಿಗೆ ಜಾಹ್ನವಿ ತನ್ನದೇ ಮನೆಯಲ್ಲಿ ಇದ್ದಾಳೆ ಎನ್ನುವ ಗುಮಾನಿ ಶುರುವಾಗಿದೆ. ಆದ್ದರಿಂದ ಜಾಹ್ನವಿ ಮನೆಯಿಂದ ಹೋಗಲು ನೋಡಿದರೂ ಅದು ಸಾಧ್ಯವಾಗಲಿಲ್ಲ. ಅದೇ ಇನ್ನೊಂದೆಡೆ, ಸೈಕೋ ಜಯಂತ್ಗೆ ತನ್ನ ಪತ್ನಿ ಬದುಕಿದ್ದಾಳೆ ಎಂದೇ ಎನ್ನಿಸುತ್ತಿದೆ. ಆದ್ದರಿಂದ ಅವಳನ್ನು ಹುಡುಕಲು ಡಿಟೆಕ್ಟಿವ್ನ ಇಟ್ಟಿದ್ದಾನೆ. ಈಗ ಜಾಹ್ನವಿ ಬದುಕಿದ್ದಾಳೆ ಎನ್ನುವ ಸುಳಿವು ಅವನಿಗೆ ಸಿಕ್ಕಿದೆ. ಇನ್ನೇನು ಜಾಹ್ನವಿ ಏನಾದ್ರೂ ಅವನ ಕೈಗೆ ಸಿಕ್ಕರೆ ಮುಗೀತು ಕಥೆ. ಒಟ್ಟಿನಲ್ಲಿ ಲಕ್ಷ್ಮೀ ನಿವಾಸ ಸೀರಿಯಲ್ ರೋಚಕ ಹಂತಕ್ಕೆ ಬಂದು ನಿಂತಿದೆ.
ಹೀಗೆ ಸೈಕೋ ಗಂಡನ ಕೈಯಲ್ಲಿ ಸಿಕ್ಕು ಒದ್ದಾಡುತ್ತಿರುವ ಚಿನ್ನುಮರಿ ಜಾಹ್ನವಿಯ ನಿಜವಾದ ಹೆಸರು ಚಂದನಾ ಅನಂತಕೃಷ್ಣ. ರಿಯಲ್ ಲೈಫ್ನಲ್ಲಿ ಈಚೆಗಷ್ಟೇ ಮದುವೆಯಾಗಿರೊ ಚಂದನಾ, ಸದ್ಯ ಮದುವೆ ಲೈಫ್ ಎಂಜಾಯ್ ಮಾಡುತ್ತಿದ್ದಾರೆ. ಆದರೆ ಇದೀಗ ಕಿರುತೆರೆಯಲ್ಲಿ ತಾವು ಅನುಭವಿಸಿದ ಕಾಸ್ಟಿಂಗ್ ಕೌಚ್ ಬಗ್ಗೆ ನಟಿ ಹೇಳಿಕೊಂಡಿದ್ದಾರೆ. ಅಷ್ಟಕ್ಕೂ ಸಿನಿಮಾದಲ್ಲಿ ಇರುವಂತೆ ಕಿರುತೆರೆಯಲ್ಲಿಯೂ ವಿಭಿನ್ನ ರೀತಿಯಲ್ಲಿ ಲೈಂ*ಗಿಕ ಕಿರುಕುಳ ಇರುವ ಬಗ್ಗೆ ಇದಾಗಲೇ ಕೆಲವು ನಟಿಯರು ಮಾತನಾಡಿದ್ದಾರೆ. ಆದರೆ, ನಟಿಯಾಗುವ ಕನಸು ಹೊತ್ತು ಎಲ್ಲೆಲ್ಲೋ ಅಪ್ಲಿಕೇಷನ್ ಹಾಕಿದಾಗ, ಆಗುವ ಅನಾಹುತಗಳ ಬಗ್ಗೆ ಚಂದನಾ ಅವರು ಇಲ್ಲಿ ಮಾತನಾಡಿದ್ದಾರೆ. ಈ ಮೂಲಕ ಯಾವ್ಯಾವುದೋ ಏಜೆನ್ಸಿಗಳಿಗೆ ಹೀಗೆ ಅರ್ಜಿ ಗುಜರಾಯಿಸಿ ಲೈಫ್ ಹಾಳುಮಾಡಿಕೊಳ್ಳುತ್ತಿರುವ ಹೆಣ್ಣುಮಕ್ಕಳಿಗೂ ಪರೋಕ್ಷವಾಗಿ ಪಾಠ ಮಾಡಿದ್ದಾರೆ ನಟಿ.
ಶೂಟಿಂಗ್ನಲ್ಲಿ ಡೈಲಾಗ್ ಹೇಳೋದು ಅಂದ್ರೆ ಸುಮ್ನೆನಾ? ಲಕ್ಷ್ಮೀ ನಿವಾಸ ತಾರೆಯರೆಲ್ಲಾ ಸುಸ್ತೋ ಸುಸ್ತು!
Related Articles
ಅಂದಹಾಗೆ ಅವರು, ವೈ5 ಟಿವಿ ಕನ್ನಡ ಎನ್ನುವ ಯೂಟ್ಯೂಬ್ ಚಾನೆಲ್ಗೆ ಸಂದರ್ಶನ ನೀಡಿದ್ದು, ಅದರಲ್ಲಿ ಈ ವಿಷಯ ತಿಳಿಸಿದ್ದಾರೆ. ನಟಿಯಾಗುವ ಕನಸು ಹೊತ್ತು ಹಲವಾರು ಆಡಿಷನ್ ಕೊಟ್ಟು, ಕೆಲವು ಕಡೆ ಅರ್ಜಿ ಸಲ್ಲಿಸಿದ್ದರಿಂದ ತಮಗಾದ ಕೆಟ್ಟ ಅನುಭವ ಹೇಳಿದ್ದಾರೆ. ತಾವು ಸ್ವಲ್ಪ ದಪ್ಪ ಇದ್ದುದರಿಂದ ಎಲ್ಲಿಯೂ ಸೆಲೆಕ್ಟ್ ಆಗುತ್ತಿರಲಿಲ್ಲ ಎಂದೂ ಹೇಳಿಕೊಂಡಿರುವ ಚಂದನಾ ಅವರು, ಕೊನೆಗೆ ತಮಗಾದ ಕಹಿ ಅನುಭವ ತೆರೆದಿಟ್ಟಿದ್ದಾರೆ. ಅವರ ಮಾತಿನಲ್ಲಿಯೇ ಹೇಳುವುದಾದರೆ, 'ಅದೊಂದು ದಿವಸ ಸಿನಿಮಾವೊಂದರಲ್ಲಿ ಅವಕಾಶ ಇದೆ ಎಂದು ಒಬ್ರು ಫೋನ್ ಮಾಡಿದ್ರು. ಮೊದಲಿಗೆ ಮಾಡರ್ನ್ ಡ್ರೆಸ್ ಹಾಕಿ ಕಳಿಸಿ ಅಂದ್ರು, ಆಮೇಲೆ ವಿತೌಟ್ ಮೇಕಪ್ ಅಂದ್ರು. ಎಲ್ಲಾ ಕಳಿಸಿದೆ. ಆಮೇಲೆ ವಿಡಿಯೋ ಕಾಲ್ ಮಾಡಿ, ನಿಮ್ಮನ್ನ ನೋಡಬೇಕು ಅಂದ್ರು. ಆಗ ನನಗೆ ಡೌಟ್ ಬಂತು. ನನ್ನ ಸ್ನೇಹಿತೆಯರ ಜೊತೆ ಇರುವಾಗ ಕಾಲ್ ಮಾಡಿದೆ. ನನ್ನ ಜೊತೆ ಸುಮಾರ್ ಮಂದಿ ಇದ್ದಾರೆ ಎಂದು ಅವರು ಏನೂ ಹೇಳಿಲ್ಲ. ಆಮೇಲೆ ನಾನು ಅದನ್ನು ಬ್ಲಾಕ್ ಮಾಡಿದೆ.
ಇದಾದ ಬಳಿಕ ಆ ಮೇಲೆ ಯಾವುದೋ ಏಜೆನ್ಸಿಯಿಂದ ಫೋನ್ ಬಂದಿತ್ತು. ಒಂದು ಸಿನಿಮಾ ಇದೆಲ್ಲ ರಿಕ್ವೈರ್ಮೆಂಟ್ಸ್ ಬೇಕು ಎಂದ್ರು. ನೀವು ಓಕೆ ಅಂದ್ರೆ ಇಷ್ಟು ಪೇಮೆಂಟ್ ಕೊಡ್ತೀವಿ, ಮೂರು ತಿಂಗಳು ಶೂಟಿಂಗ್ + ಕಾಂಪ್ರಮೈಸ್ ಎಂದು ಆ ಮೆಸೇಜ್ನಲ್ಲೇ ಕ್ಲಿಯರ್ ಆಗಿ ಬರೆದಿದ್ರು. ನನಗೆ ಶಾಕ್ ಆಯ್ತು. ಕಾಂಪ್ರಮೈಸ್ ಎಂದರೆ ಏನು ಎನ್ನುವುದನ್ನು ಇದಾಗಲೇ ಹಲವಾರು ಮಂದಿ ಹೇಳಿದ್ದಾರೆ. (ನಿರ್ದೇಶಕರು, ನಿರ್ಮಾಪಕರು ಸೇರಿದಂತೆ ಅಲ್ಲಿರುವ ಪುರುಷರ ಆಸೆ ಈಡೇರಿಸಲು ರೆಡಿ ಇರಬೇಕು ಎನ್ನುವುದು ಅದು) ಅದನ್ನ ನೋಡಿ ನಾನು ರಿಪ್ಲೈ ಮಾಡಲಿಲ್ಲ, ನಂಬರ್ ಬ್ಲಾಕ್ ಮಾಡಿದೆ' ಎಂದಿದ್ದಾರೆ ಚಂದನಾ. ಈ ಮೂಲಕ, ಬಣ್ಣದ ಲೋಕದ ಕನಸು ಕಾಣುವವರಿಗೆ ಎಚ್ಚರಿಕೆಯನ್ನೂ ನೀಡಿದ್ದಾರೆ.
ಜಯಂತೂ ಅಲ್ಲ, ವಿಶ್ವನೂ ಅಲ್ಲ... ರುದ್ರನ ಜೊತೆ ಲಕ್ಷ್ಮೀ ನಿವಾಸ ಚಿನ್ನುಮರಿ ರೊಮಾನ್ಸ್!
