ಭೂಮಿಗೆ ಉಸಿರು ತುಂಬಿ ಜೀವ ನೀಡಿದ ಗೌತಮ್: ಸೀರಿಯಲ್ ಜೋಡಿ ಅನ್ನೋದನ್ನೂ ಮರೆತುಬಿಟ್ರಾ ಫ್ಯಾನ್ಸ್?
ಭೂಮಿಕಾಳ ಬಾಯಿಗೆ ಉಸಿರು ತುಂಬಿ ಮರುಜನ್ಮ ನೀಡಿದ ಗೌತಮ್. ಇಬ್ಬರ ನಟನೆ ನೋಡಿ ಕಣ್ಣೀರಾದ ಫ್ಯಾನ್ಸ್. ಇದರ ಪ್ರೊಮೋ ರಿಲೀಸ್ ಮಾಡಿದೆ ವಾಹಿನಿ...
Followಧಾರಾವಾಹಿಗಳು ಎಂದರೆ ಹಾಗೆ ಅಲ್ವಾ? ಅಲ್ಲಿ ಮಾಡುತ್ತಿರುವುದು ಕೇವಲ ನಟನೆ ಮಾತ್ರ, ಅದು ನಿಜವಲ್ಲ ಎಂದು ತಿಳಿದಿದ್ದರೂ ಕೆಲವೊಂದು ಭಾವುಕ ಸನ್ನಿವೇಶ ಬಂದಾಗ ಹಲವರು ಕಣ್ಣೀರಾಗುವುದು ಇದೆ. ನಾಯಕ-ನಾಯಕಿ ಒಂದಾಗಲಿ ಎಂದು ಹಾರೈಸುವವರು ಅದೆಷ್ಟೋ ಮಂದಿ. ಅಲ್ಲಿರುವ ವಿಲನ್ಗಳು ಕೇವಲ ಪಾತ್ರಧಾರಿಗಳು ಎನ್ನುವುದನ್ನೂ ಮರೆತು ಅವರನ್ನು ಶಪಿಸುವುದು ಇದೆ. ಅದು ಎಷ್ಟರಮಟ್ಟಿಗೆ ಎಂದರೆ ವಿಲನ್ ಪಾತ್ರಧಾರಿಗಳು ಹೊರಗಡೆ ಎಲ್ಲಿಯಾದರು ಸಿಕ್ಕರೂ ಅವರನ್ನು ಬೈಯುವುದೂ ಇದೆ. ಅಷ್ಟರಮಟ್ಟಿಗೆ ಸೀರಿಯಲ್ಗಳು ವೀಕ್ಷಕರನ್ನು ಅದರಲ್ಲಿಯೂ ಹೆಚ್ಚಾಗಿ ಮಹಿಳೆಯರನ್ನು ಆವರಿಸಿಕೊಂಡು ಬಿಟ್ಟಿವೆ. ಇದೀಗ ಅಮೃತಧಾರೆ ಸೀರಿಯಲ್ನಲ್ಲಿಯೂ ಅದೇ ರೀತಿ ಆಗಿದ್ದು, ಭೂಮಿಕಾ ಮತ್ತು ಗೌತಮ್ ಪಾತ್ರಧಾರಿಗಳ ನಟನೆಗೆ ವೀಕ್ಷಕರು ಕಣ್ಣೀರು ಹಾಕಿದ್ದು, ಅದನ್ನು ಕಮೆಂಟ್ ಮೂಲಕ ತಿಳಿಸುತ್ತಿದ್ದಾರೆ. ನಿಮ್ಮ ಜೋಡಿ ನೂರುಕಾಲ ಹೀಗೆ ಚೆನ್ನಾಗಿ ಇರಲಿ, ಯಾರ ಕಣ್ಣೂ ಬೀಳದಿರಲಿ. ಹೀಗೆ ಖುಷಿಖುಷಿಯಾಗಿರಿ ಎಂದು ಹಲವರು ಹೇಳುತ್ತಿದ್ದಾರೆ. ಭೂಮಿಕಾ ಮತ್ತು ಗೌತಮ್ ಪಾತ್ರಧಾರಿಗಳು ಇದಾಗಲೇ ವಿವಾಹಿತರಾಗಿದ್ದು, ಈ ಜೋಡಿ ಕೇವಲ ಸೀರಿಯಲ್ ಜೋಡಿ ಎನ್ನುವುದನ್ನೂ ಮರೆತು, ಇಬ್ಬರೂ ಸಂತೋಷದಿಂದ ಇರಿ ಎಂದು ಕೆಲವರು ಹಾರೈಸುತ್ತಿದ್ದಾರೆ!
ಜಮೀನೊಂದರ ವಿವಾದಕ್ಕೆ ಸಂಬಂಧಿಸಿದಂತೆ ಕೆಲವರು ಮನೆಗೆ ಬಂದು ಧಮ್ಕಿ ಹಾಕಿ ಹೋಗಿದ್ದರು. ಆ ಜಮೀನು ಇರುವುದು ಚಿಕ್ಕಮಗಳೂರಿನಲ್ಲಿ. ಆ ಜಮೀನಿನ ವಿವಾದದ ಬಗ್ಗೆ ಗೌತಮ್ಗೆ ಯಾವುದೇ ಮಾಹಿತಿ ಇಲ್ಲ. ಇದನ್ನೇ ದಾಳವಾಗಿಸಿಕೊಂಡ ಶಕುಂತಲಾ ಇಬ್ಬರನ್ನೂ ಹನಿಮೂನ್ ನೆಪದಲ್ಲಿ ಚಿಕ್ಕಮಗಳೂರಿಗೆ ಕಳಿಸುವ ಪ್ಲ್ಯಾನ್ ಮಾಡಿದ್ದಳು. ಅಲ್ಲಿ ಹೋದರೆ ಇಬ್ಬರ ಸಾವು ಖಂಡಿತ ಎನ್ನುವುದು ಆಕೆಯ ಪ್ಲ್ಯಾನ್. ಇದೇ ಕಾರಣಕ್ಕೆ ಇದೀಗ ಸಂಚು ರೂಪಿಸಿದ್ದಳು. ಅದೇ ರೀತಿ ಹನಿಮೂನ್ ಮಾಡುತ್ತಿದ್ದ ದಂಪತಿಗೆ ಬರಸಿಡಿಲು ಬಡಿದಿತ್ತು. ಭೂಮಿಕಾ ಅಪಹರಣ ಆಗಿದ್ದಳು.
ಕಾಂತಾರ ಚಿತ್ರದ ಬಳಿಕ ಸಪ್ತಮಿ ಗೌಡ ಸಂಭಾವನೆ ಎಷ್ಟು ಪಟ್ಟು ಹೆಚ್ಚಾಯ್ತು? ನಟಿಯಿಂದಲೇ ಗುಟ್ಟು ರಟ್ಟು
ಅದೇ ವೇಳೆ ಹಣಕ್ಕಾಗಿ ಗೌತಮ್ಗೆ ರೌಡಿಗಳ ಕರೆ ಬರುತ್ತದೆ. ಭೂಮಿಕಾಳ ಕಥೆ ಮುಗಿಸಿದರೆ ದುಡ್ಡು ನೀಡುವುದಾಗಿ ಜೈದೇವ್ ಹೇಳಿರುತ್ತಾನೆ. ಅವನ ಬಳಿ ಹಣ ಪಡೆಯುವ ಬದಲು ನೇರವಾಗಿ ಗೌತಮ್ಗೆ ಬ್ಲ್ಯಾಕ್ಮೇಲ್ ಮಾಡಿದ್ರೆ ಹೆಚ್ಚು ಹಣ ಸಿಗುತ್ತದೆ ಎಂದು ರೌಡಿ ಕೆಂಚ ಕರೆ ಮಾಡುತ್ತಾನೆ. ಆ ಸಮಯದಲ್ಲಿ ದೇವಸ್ಥಾನದ ಗಂಟೆ ಕೇಳಿಸುತ್ತದೆ. ಜೊತೆಗೆ ಭೂಮಿಕಾ ತನ್ನ ಕಿವಿಯೋಲೆ ಮತ್ತು ಬಳೆಗಳನ್ನು ಎಸೆದು ತನ್ನನ್ನು ಈ ಜಾಗದಿಂದ ಕರೆದುಕೊಂಡು ಹೋಗಿರುವ ಬಗ್ಗೆ ಕುರುಹು ಬಿಟ್ಟಿರುತ್ತಾಳೆ. ಈ ಕುರುಹು ಮತ್ತು ಗಂಟೆಯ ನಾದ ಇವುಗಳ ಬೆನ್ನತ್ತಿ ಗೌತಮ್ ಮತ್ತು ಆನಂದ್ ಅದೇ ದಾರಿಯಲ್ಲಿ ಸಾಗುತ್ತಾರೆ. ಕೊನೆಗೂ ಅಪಕರಣಕಾರ ಕೆಂಚ ಸಿಗುತ್ತಾನೆ. ಬಂದೂಕಿನಿಂದ ಕೆಂಚನನ್ನು ಗೌತಮ್ ಹೆದರಿಸಿದಾಗ ಭೂಮಿಕಾಳನ್ನು ಹೂತು ಹಾಕಿದ ಜಾಗ ತೋರಿಸುತ್ತಾನೆ.
ಗಾಬರಿಗೊಂಡ ಗೌತಮ್ ಮತ್ತು ಆನಂದ್ ನೆಲದ ಒಳಗಿನ ಡ್ರಮ್ನಿಂದ ಭೂಮಿಕಾಳನ್ನು ಹೊರಕ್ಕೆ ತೆಗೆಯುತ್ತಾರೆ. ಭೂಮಿಕಾ ಎಚ್ಚರ ತಪ್ಪಿದ್ದಾಳೆ. ನಂತರ ಭೂಮಿಕಾಳ ಬಾಯಿಗೆ ತನ್ನ ಬಾಯಿಯಿಂದ ಉಸಿರು ನೀಡುವ ಮೂಲಕ ಗೌತಮ್ ಆಕೆಗೆ ಎಚ್ಚರ ತರಿಸುತ್ತಾನೆ. ಭೂಮಿಕಾಳನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗುತ್ತದೆ. ಅಲ್ಲಿ ಅವಳಿಗೆ ಎಚ್ಚರ ಆಗುತ್ತಿದ್ದಂತೆಯೇ ಗೌತಮ್ಗೆ ಥ್ಯಾಂಕ್ಸ್ ಹೇಳುತ್ತಾಳೆ. ನೀವು ನನಗೆ ಮರುಜನ್ಮ ನೀಡಿರುವುದಾಗಿ ಹೇಳುತ್ತಾನೆ. ಭೂಮಿಕಾ ಎಚ್ಚರ ಆಗಿದ್ದನ್ನು ನೋಡಿ ಗೌತಮ್ಗೆ ಜೀವವೇ ಬಂದಂತಾಗುತ್ತದೆ. ನಾನಿರುವವರೆಗೂ ನಿಮಗೆ ಏನೂ ಆಗುವುದಿಲ್ಲ ಎನ್ನುತ್ತಾನೆ. ಈ ಭಾವುಕ ಕ್ಷಣಗಳ ಪ್ರೊಮೋ ನೋಡಿ ನೆಟ್ಟಿಗರು ಕಣ್ಣೀರಾಗಿದ್ದಾರೆ.
ಭಾಗ್ಯಳಿಂದ ಮಾಲಿಷ್ ಮಾಡಿಕೊಳ್ತಿರೋ ತಾಂಡವ್ ಫುಲ್ ಖುಷ್! ಒಂದಾಗಿ ಬಿಟ್ರಾ ಗಂಡ-ಹೆಂಡ್ತಿ?
