ಅಭಿಮಾನಿಗಳಿಗಾಗಿ ಕಾಯ್ತಿದ್ದಾರೆ ಬಿಗ್ಬಾಸ್ ಸ್ಪರ್ಧಿಗಳು! ಮಾತುಕತೆ ಜೊತೆ ಸೆಲ್ಫಿಗೆ ಇಲ್ಲಿದೆ ಸುವರ್ಣಾವಕಾಶ...
ಈ ಎಲ್ಲಾ ಬಿಗ್ಬಾಸ್ ಸ್ಪರ್ಧಿಗಳು ಅಭಿಮಾನಿಗಳ ಜೊತೆ ಮಾತುಕತೆ ನಡೆಸಿ ಸೆಲ್ಫೀ ಕ್ಲಿಕ್ಕಿಸಿಕೊಳ್ಳುವುದಾಗಿ ಹೇಳಿದ್ದಾರೆ. ಹಾಗಿದ್ದರೆ ಎಲ್ಲಿ? ಯಾವಾಗ?
ಬಿಗ್ಬಾಸ್ ಸೀಸನ್ 10 ಮುಗಿದರೂ ಬಿಗ್ಬಾಸ್ ಗುಂಗಿನಿಂದ ಹಲವರು ಇನ್ನೂ ಹೊರಕ್ಕೆ ಬಂದಿಲ್ಲ. ಬಿಗ್ಬಾಸ್ ಸ್ಪರ್ಧಿಗಳನ್ನು ಒಮ್ಮೆಯಾದರೂ ಕಣ್ತುಂಬಿಸಿಕೊಳ್ಳಬೇಕು ಎಂದು ಆಸೆ ಪಡುವವರೇ ಹಲವರು. ತಮ್ಮ ನೆಚ್ಚಿನ ಸ್ಪರ್ಧಿಗೆ ಬಿಗ್ಬಾಸ್ ಪಟ್ಟ ಸಿಕ್ಕಿಲ್ಲವೆಂದು, ಟ್ರೋಫಿ ಸಿಕ್ಕಿಲ್ಲವೆಂದು ನಿರಾಸೆ ಪಟ್ಟುಕೊಂಡವರೇ ಹಲವರು. ಬಿಗ್ಬಾಸ್ ಒಳಗೆ ಸ್ಪರ್ಧಿಗಳು ಟ್ರೋಫಿ ಗಿಟ್ಟಿಸಿಕೊಳ್ಳಲು ಹರಸಾಹಸ ಮಾಡುತ್ತಿದ್ದರೆ, ಬಿಗ್ಬಾಸ್ ಹೊರಕ್ಕೆ ಅವರ ಅಭಿಮಾನಿಗಳು ಅವರ ನೆಚ್ಚಿನ ಸ್ಪರ್ಧಿಯ ಗೆಲುವಿಗಾಗಿ ಹರಸಾಹಸ ಪಡುತ್ತಿದ್ದರು. ಕೊನೆಗೂ ಬಿಗ್ಬಾಸ್ ಕಿರೀಟ ಕಾರ್ತಿಕ್ ಪಾಲಾಗಿದ್ದು, ರನ್ನರ್ಸ್ ಅಪ್ ಆಗಿ ಡ್ರೋನ್ ಪ್ರತಾಪ್ ಮತ್ತು ಸಂಗೀತಾ ಹೊರಹೊಮ್ಮಿದ್ದಾರೆ. ಇದೀಗ ಕೆಲವು ಸ್ಪರ್ಧಿಗಳು ತಮ್ಮ ಅಭಿಮಾನಿಗಳನ್ನು ಭೇಟಿಯಾಗಲು ಅಭಿಮಾನಿಗಳಿಗಾಗಿ ಕಾಯುತ್ತಿದ್ದಾರೆ. ತಮಗೆ ಪ್ರೀತಿ ತೋರಿದ ಫ್ಯಾನ್ಸ್ ತಮ್ಮ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಳ್ಳಲು ಅವಕಾಶವನ್ನು ನೀಡಿದ್ದಾರೆ.
ಅಂದಹಾಗೆ, ರಕ್ಷಕ್ ಬುಲೆಟ್, ನಮ್ರತಾ ಗೌಡ, ವಿನಯ್ ಗೌಡ ಮತ್ತು ಮೈಕಲ್ ಅಜಯ್ ಅವರನ್ನು ಮೀಟ್ ಮಾಡುವ ಅವಕಾಶ ಅಭಿಮಾನಿಗಳಿಗೆ ನೀಡಲಾಗಿದೆ. ಇನ್ನು ಕೆಲವೇ ಕ್ಷಣಗಳಲ್ಲಿ ಅಂದರೆ ಫೆ. 6ರ ಮಧ್ಯಾಹ್ನ 12 ಗಂಟೆಯಿಂದ ಈ ನಾಲ್ವರು ಬಿಗ್ಬಾಸ್ ಸ್ಪರ್ಧಿಗಳು ಅಭಿಮಾನಿಗಳನ್ನು ಮೀಟ್ ಮಾಡಿ ಮಾತನಾಡಲಿದ್ದಾರೆ, ಸೆಲ್ಫಿ ಕ್ಲಿಕ್ಕಿಸಿಕೊಳ್ಳಲಿದ್ದಾರೆ. ಅಂದಹಾಗೆ ಹಾಗೆ ರಕ್ಷಕ್ ಬುಲೆಟ್, ನಮ್ರತಾ ಗೌಡ, ವಿನಯ್ ಗೌಡ ಮತ್ತು ಮೈಕಲ್ ಅಜಯ್ ಇದೀಗ ಅಭಿಮಾನಿಗಳ ಭೇಟಿಗೆ ಕಾಯುತ್ತಿದ್ದಾರೆ. ಈ ಎಲ್ಲ ಸ್ಪರ್ಧಿಗಳು ಬಿಗ್ಬಾಸ್ನಲ್ಲಿ ಟಫ್ ಕಾಂಪಿಟೀಷನ್ ನೀಡಿದವರು. ಆದರೆ ಕೆಲವೇ ವಾರಗಳಲ್ಲಿ ಹೊರಕ್ಕೆ ಬಂದಿದ್ದಾರೆ. ಮೈಕಲ್ ಅವರು ಅಚ್ಚ ಕನ್ನಡ ಮಾತನಾಡುವ ಮೂಲಕ ಎಲ್ಲರನ್ನೂ ಬೆರಗುಗೊಳಿಸಿದವರು. ನಮ್ರತಾ ಗೌಡ, ವಿನಯ್ ಅವರು ಕೂಡ ಸಕತ್ ಹೆಸರು ಮಾಡಿದವರು. ಅದೇ ರೀತಿ ರಕ್ಷಕ್ ಬುಲೆಟ್ ಅವರು ಬಿಗ್ಬಾಸ್ ಮನೆಗಿಂತಲೂ ಹೆಚ್ಚಾಗಿ ಹೊರಕ್ಕೆ ಬಂದ ಮೇಲೆ ಸದ್ದು ಮಾಡಿದವರು. ಇವರೆಲ್ಲರನ್ನೂ ಭೇಟಿಯಾಗಿ, ಇಷ್ಟದ ಪ್ರಶ್ನೆ ಕೇಳುವ ಅವಕಾಶ ಇದೀಗ ಅಭಿಮಾನಿಗಳಿಗೆ ಸಿಕ್ಕಿದೆ. ಯಾವುದೇ ಪ್ರಶ್ನೆ ಕೇಳಬಹುದು, ಜೊತೆಗೆ ತಮ್ಮ ನೆಚ್ಚಿನ ಬಿಗ್ಬಾಸ್ ಸ್ಪರ್ಧಿಗಳ ಜೊತೆ ಫೋಟೋ ಕ್ಲಿಕ್ಕಿಸಿಕೊಂಡು ಅದರ ಸ್ಮರಣೆಯನ್ನು ಮಾಡುತ್ತಿರಬಹುದು.
ಮೈಸೂರಿನ ಚಾಮುಂಡಿಬೆಟ್ಟದಲ್ಲಿ ಇರುತ್ತೇವೆ. ಪ್ರೀತಿ ಹಂಚಿಕೊಳ್ಳೋಣ. ಎಲ್ಲರ ಜೊತೆ ಮಾತನಾಡುತ್ತೇವೆ, ಪ್ರೀತಿ ಹಂಚಿಕೊಳ್ಳುತ್ತೇವೆ. ಎಲ್ಲರನ್ನೂ ಮೀಟ್ ಮಾಡುತ್ತೇವೆ. ಟೈಂ ರಿಸ್ಟ್ರಿಕ್ಷನ್ ಎಲ್ಲಾ ಇಲ್ಲ. ಎಲ್ಲರಿಗೂ ಟೈಂ ಕೊಡುತ್ತೇವೆ. ಮೊದಲು ಪೂಜೆ ಸಲ್ಲಿಸಿ ಆಮೇಲೆ ಬಂದು ನಮ್ಮನ್ನು ಭೇಟಿಯಾಗಿ ಎಂದು ಈ ಸ್ಪರ್ಧಿಗಳು ಹೇಳಿದ್ದಾರೆ. ಹಾಗಿದ್ದರೆ ಇನ್ನು ಕೆಲವೇ ನಿಮಿಷಗಳು ಬಾಕಿ ಇದ್ದು, ಸ್ಥಳೀಯರು ಆದಷ್ಟು ಬೇಗ ಚಾಮುಂಡೇಶ್ವರಿ ಬೆಟ್ಟಕ್ಕೆ ಹೋದರೆ ಅಲ್ಲಿ ನಿಮ್ಮ ನೆಚ್ಚಿನ ಸ್ಪರ್ಧಿಗಳನ್ನು ನೋಡಿ, ಫೋಟೋ ಕ್ಲಿಕ್ಕಿಸಿಕೊಳ್ಳುವ ಅವಕಾಶ ಸಿಗಲಿದೆ.
ಲೈವ್ನಲ್ಲಿ ನಮ್ರತಾ ಸೌಂದರ್ಯ ಹೊಗಳಿದ ಕಾರ್ತಿಕ್: ಸ್ನೇಹಿತ್ನ ಕಾಲು ಹೀಗೆ ಎಳೆಯೋದಾ ಫ್ಯಾನ್ಸ್?