ಚಳಿಗಾಲದಲ್ಲಿ ಹಿಮಪಾತ ನೋಡಲು ಸೋನಮಾರ್ಗ್-ಗುಲ್ಮಾರ್ಗ್‌ಗಿಂತ ಈ 4 ಸ್ಥಳಗಳೇ ಬೆಸ್ಟ್!
ಭಾರತದಲ್ಲಿ ಚಳಿಗಾಲದಲ್ಲಿ ಉತ್ತರ ಭಾರತದ ಸುಂದರ ಮತ್ತು ಜನಸಂದಣಿಯಿಲ್ಲದ ಹಿಮಪಾತ ತಾಣಗಳನ್ನು ನೋಡುವುದು ಸಂತಸ ನೀಡಲಿದೆ. ಕಾಶ್ಮೀರದಿಂದಾಚೆ ಲಡಾಖ್, ಮುನ್ಸಿಯಾರಿ, ತವಾಂಗ್ ಮತ್ತು ಪಶ್ಚಿಮ ಬಂಗಾಳದ ಲಾವಾದಂತಹ ಸ್ಥಳಗಳಲ್ಲಿ ಅದ್ಭುತ ಹಿಮಪಾತ ನೋಡಿ ಆನಂದಿಸಿ.
 )
Followಉತ್ತರ ಭಾರತದಲ್ಲಿ ಈಗಾಗಲೇ ಚಳಿಗಾಲ ಶುರುವಾಗಿದೆ. ಹಿಮಾಚಲ ಪ್ರದೇಶದಿಂದ ಕಾಶ್ಮೀರದವರೆಗೆ ಈ ಋತುವಿನ ಮೊದಲ ಹಿಮಪಾತ ಕಾಣಿಸಿಕೊಂಡಿದೆ. ಪರ್ವತ-ರಸ್ತೆಗಳು ಹಿಮದಿಂದ ಆವೃತವಾಗಿವೆ. ಕಾಶ್ಮೀರದಲ್ಲಿ ಪ್ರವಾಸಿಗರ ಸಂಖ್ಯೆ ಉತ್ತುಂಗದಲ್ಲಿದೆ. ಚಳಿ ಹೆಚ್ಚಾದಂತೆ ಪ್ರವಾಸಿಗರ ಸಂಖ್ಯೆಯೂ ಹೆಚ್ಚಾಗುತ್ತದೆ. ಜೀವನದಲ್ಲಿ ಒಮ್ಮೆಯಾದರೂ ಹಿಮಪಾತ ನೋಡುವುದು ಎಲ್ಲರ ಕನಸು ಆದರೆ ಜನಸಂದಣಿ ಇರುವ ಸ್ಥಳಗಳು ಈ ಮಜಾವನ್ನು ಹಾಳುಮಾಡುತ್ತವೆ. ಹಾಗಾಗಿ ಈಗ ಚಿಂತೆ ಮಾಡುವ ಬದಲು ನೀವು ಕೆಲವು ತಾಣಗಳಿಗೆ ಭೇಟಿ ನೀಡಬಹುದು, ಅಲ್ಲಿ ಜನಸಂದಣಿ ತುಂಬ ಕಡಿಮೆ ಇರುತ್ತದೆ. ಹಿಮ ನೋಡಲು ಸೋನಮಾರ್ಗ್-ಗುಲ್ಮಾರ್ಗ್ ಬಿಟ್ಟು ಈ ಸ್ಥಳಗಳಿಗೆ ಹೋಗಿ. ಇಲ್ಲಿನ ಪ್ರವಾಸ ನಿಮಗೆ ಸದಾ ನೆನಪಿನಲ್ಲಿ ಉಳಿಯುತ್ತದೆ.
1) ಕಾಶ್ಮೀರದ ಬದಲಿ ಲಡಾಖ್‌ಗೆ ಹೋಗಿ: ಕೇಂದ್ರಾಡಳಿತ ಪ್ರದೇಶವಾದ ಲಡಾಖ್ ಎತ್ತರದ ಪ್ರದೇಶದಲ್ಲಿರುವ ಶೀತ ಮರುಭೂಮಿಯಾಗಿದ್ದು, ಇಲ್ಲಿ ಚಳಿಗಾಲದಲ್ಲಿ ಭಾರೀ ಹಿಮಪಾತವಾಗುತ್ತದೆ. ಆದರೆ ಇಲ್ಲಿಗೆ ಬರುವುದು ಎಲ್ಲರಿಗೂ ಸಾಧ್ಯವಿಲ್ಲ. ಎತ್ತರದಲ್ಲಿರುವುದರಿಂದ ಇಲ್ಲಿ ಆಮ್ಲಜನಕದ ಪ್ರಮಾಣ ಕಡಿಮೆ ಇರುತ್ತದೆ ಆದರೆ ಚಳಿಗಾಲದಲ್ಲಿ ಲಡಾಖ್ ಗೆ ಬರುವ ಪ್ರವಾಸಿಗರು ಈ ಸ್ಥಳವನ್ನು ನೋಡಿ ಬೆರಗಾಗುತ್ತಾರೆ. ಹಿಮದಿಂದ ಆವೃತವಾದ ಪರ್ವತಗಳು, ಹೆಪ್ಪುಗಟ್ಟಿದ ಸರೋವರಗಳು ಲಡಾಖ್ ಅನ್ನು ಕನಸಿನಂತೆ ಕಾಣುವಂತೆ ಮಾಡುತ್ತವೆ. ಇಲ್ಲಿ ನೀವು ಲಡಾಖ್ ಸಂಸ್ಕೃತಿ ಮತ್ತು ಸಂಪ್ರದಾಯಗಳನ್ನು ಅನುಭವಿಸಬಹುದು.
- ಲಡಾಖ್ ಗೆ ಭೇಟಿ ನೀಡಲು ಸೂಕ್ತ ಸಮಯ- ಏಪ್ರಿಲ್ ನಿಂದ ಡಿಸೆಂಬರ್
- ಪ್ರಮುಖ ಆಕರ್ಷಣೆಗಳು: ಪ್ಯಾಂಗಾಂಗ್ ಸರೋವರ, ಬೊಂಗ್ ಬೊಂಗ್ ಲಾ ಹಿಮ ಕಣಿವೆ, ಲಡಾಖಿ ಲೋಸಾರ್
- ಚಳಿಗಾಲದ ಚಟುವಟಿಕೆಗಳು: ಚಾದರ್ ಟ್ರೆಕ್, ಲಡಾಖಿ ಉತ್ಸವ
- ಲಡಾಖ್ ತಲುಪುವುದು ಹೇಗೆ? : ವಿಮಾನದ ಮೂಲಕ ಬರುತ್ತಿದ್ದರೆ ಕುಶೋಕ್ ಬಕುಲಾ ರಿಂಪೋಚೆ ವಿಮಾನ ನಿಲ್ದಾಣ ಲಡಾಖ್ ನ ಪ್ರಮುಖ ನಗರದಿಂದ 3.8 ಕಿ.ಮೀ. ದೂರದಲ್ಲಿದೆ. ರೈಲು ನಿಲ್ದಾಣ ಜಮ್ಮು ತವಿ ರೈಲು ನಿಲ್ದಾಣದಿಂದ 16 ಗಂಟೆಗಳ (672.9 ಕಿ.ಮೀ.) ದೂರದಲ್ಲಿದೆ.
ಇದನ್ನೂ ಓದಿ- ಬ್ರಿಟೀಷ್ ಇತಿಹಾಸದಲ್ಲಿ 950 ವರ್ಷದ ಹಿಂದಿನ ಅತಿದೊಡ್ಡ ನಿಧಿ ಪತ್ತೆ!
2) ಮುನ್ಸಿಯಾರಿ ಹಿಮಪಾತ ನೋಡಿ: ಹಿಮ ನೋಡಲು ಜನರು ಔಲಿಗೆ ಹೋಗಲು ಇಷ್ಟಪಡುತ್ತಾರೆ. ಆದರೆ ನೀವು ಉತ್ತರಾಖಂಡದಲ್ಲಿರುವ ಮುನ್ಸಿಯಾರಿಯಲ್ಲಿಯೂ ಹಿಮಪಾತದ ಮಜಾವನ್ನು ಪಡೆಯಬಹುದು. ಇದು ತುಂಬಾ ಸುಂದರವಾದ ಸ್ಥಳ. ನೀವು ಟ್ರೆಕ್ಕಿಂಗ್ ಇಷ್ಟಪಟ್ಟರೆ ಇಲ್ಲಿಗೆ ಬರಬಹುದು. ಈ ಸ್ಥಳದಲ್ಲಿ ಖಲಿಯಾ ಟಾಪ್ ಮತ್ತು ಬೇತುಲಿಧಾರ್ ನಂತಹ ಟ್ರೆಕ್ಕಿಂಗ್ ಮಾರ್ಗಗಳಿವೆ.
- ಲಡಾಖ್ ಗೆ ಭೇಟಿ ನೀಡಲು ಸೂಕ್ತ ಸಮಯ- ಅಕ್ಟೋಬರ್ ನಿಂದ ಫೆಬ್ರವರಿ
- ಪ್ರಮುಖ ಆಕರ್ಷಣೆಗಳು: ಬಿರ್ಥಿ ಜಲಪಾತಗಳು, ಪಂಚಚೂಲಿ ಶಿಖರಗಳು
- ಚಳಿಗಾಲದ ಚಟುವಟಿಕೆಗಳು: ಖಲಿಯಾ ಟಾಪ್ ಟ್ರೆಕ್, ಥಮರಿ ಕುಂಡ್
- ಮುನ್ಸಿಯಾರಿ ತಲುಪುವುದು ಹೇಗೆ- ಮುನ್ಸಿಯಾರಿ ತಲುಪಲು ಪಂತ್ ನಗರಕ್ಕೆ ಬರಬೇಕು. ಇಲ್ಲಿ ವಿಮಾನ ನಿಲ್ದಾಣವಿದೆ. ಇಲ್ಲಿಂದ ಏಳು ಗಂಟೆಗಳಲ್ಲಿ ಮುನ್ಸಿಯಾರಿ ತಲುಪಬಹುದು. ರೈಲಿನಲ್ಲಿ ಬರುತ್ತಿದ್ದರೆ ಕಾಠ್ ಗೋದಾಮ್ ರೈಲು ನಿಲ್ದಾಣ 4.5 ಗಂಟೆಗಳ ದೂರದಲ್ಲಿದೆ.
3) ಅರುಣಾಚಲ ಪ್ರದೇಶದ ತವಾಂಗ್ : ಹಿಮ ನೋಡಲು ನೀವು ಹಿಮಾಚಲ, ಉತ್ತರಾಖಂಡ ಅಥವಾ ಕಾಶ್ಮೀರಕ್ಕೆ ಹೋಗದೇ ನೀವು ಅರುಣಾಚಲ ಪ್ರದೇಶದಲ್ಲಿಯೂ ಹಿಮಪಾತದ ಮಜಾವನ್ನು ಪಡೆಯಬಹುದು. ಚಳಿಗಾಲದಲ್ಲಿ ಈ ಸ್ಥಳ ಕಾಶ್ಮೀರಕ್ಕಿಂತಲೂ ಸುಂದರವಾಗಿರುತ್ತದೆ. ಇಲ್ಲಿ ಜನಸಂದಣಿ ಇತರ ಸ್ಥಳಗಳಿಗಿಂತ ತುಂಬಾ ಕಡಿಮೆ. ತವಾಂಗ್ ನಲ್ಲಿರುವ ಮಠ ಮತ್ತು ಹಿಮದಿಂದ ಆವೃತವಾದ ಕಣಿವೆಗಳು ಪ್ರವಾಸಿಗರ ಮನಸ್ಸನ್ನು ಗೆಲ್ಲುತ್ತವೆ.
- ತವಾಂಗ್ ಗೆ ಭೇಟಿ ನೀಡಲು ಸೂಕ್ತ ಸಮಯ: ಮಾರ್ಚ್ ನಿಂದ ಡಿಸೆಂಬರ್
- ಪ್ರಮುಖ ಆಕರ್ಷಣೆಗಳು: ತವಾಂಗ್ ಮಠ, ನೂರಾನಂಗ್ ಜಲಪಾತ
- ಚಳಿಗಾಲದ ಚಟುವಟಿಕೆಗಳು: ಮಾಧುರಿ ಸರೋವರಕ್ಕೆ ಭೇಟಿ, ಸೇಲಾ ಪಾಸ್ ಟ್ರೆಕ್
- ತವಾಂಗ್ ತಲುಪುವುದು ಹೇಗೆ- ತವಾಂಗ್ ಗೆ ವಿಮಾನದಲ್ಲಿ ಹೋದರೆ ಒಳ್ಳೆಯದು. ನೀವು ಆಕಾಶದಿಂದ ಹಿಮಾಲಯದ ಶಿಖರಗಳನ್ನು ನೋಡಬಹುದು. ಇಲ್ಲಿಂದ ಲೋನಿಬರಿ ವಿಮಾನ ನಿಲ್ದಾಣ 6 ಗಂಟೆಗಳ ದೂರದಲ್ಲಿದೆ. ತೇಜ್ಪುರ್ ರೈಲು ನಿಲ್ದಾಣ 9 ಗಂಟೆಗಳ ದೂರದಲ್ಲಿದೆ.
ಇದನ್ನೂ ಓದಿ- ಕತ್ತೆ ಹಾಲು 1 ಲೀಟರ್‌ಗೆ 5000 ರೂ; ಇಷ್ಟೊಂದು ದುಬಾರಿ ಯಾಕೆ? ಏನು ಉಪಯೋಗ?
4) ಪಶ್ಚಿಮ ಬಂಗಾಳದ ಲಾವಾ: ಹಿಮಪಾತ, ಅದೂ ಪಶ್ಚಿಮ ಬಂಗಾಳದಲ್ಲಿ. ಕೇಳಲು ಸ್ವಲ್ಪ ವಿಚಿತ್ರವೆನಿಸಿದರೂ ಸತ್ಯ. ವಾಸ್ತವವಾಗಿ, ನಾವು ಮಾತನಾಡುತ್ತಿರುವ ಸ್ಥಳ ಡಾರ್ಜಿಲಿಂಗ್ ನಲ್ಲಿದೆ. ಅಲ್ಲಿ ಹಿಮಪಾತವಾಗುತ್ತದೆ. ನೀವು ದೇವದಾರು ಮರಗಳು ಮತ್ತು ಹಿಮದ ಶಿಖರಗಳನ್ನು ಒಟ್ಟಿಗೆ ನೋಡಲು ಬಯಸಿದರೆ ಇಲ್ಲಿಗೆ ಬರಬಹುದು.
- ಲಾವಾ ಗೆ ಭೇಟಿ ನೀಡಲು ಸೂಕ್ತ ಸಮಯ: ಅಕ್ಟೋಬರ್ ನಿಂದ ಫೆಬ್ರವರಿ
- ಪ್ರಮುಖ ಆಕರ್ಷಣೆಗಳು: ನಿಯೋರಾ ಕಣಿವೆ ರಾಷ್ಟ್ರೀಯ ಉದ್ಯಾನವನ, ಲಾವಾ ವೀಕ್ಷಣಾ ಸ್ಥಳ
- ಚಳಿಗಾಲದ ಚಟುವಟಿಕೆಗಳು: ರಾಚೆಲಾ ಪಾಸ್ ಟ್ರೆಕ್, ಪರ್ವತ ಬೈಸಿಕಲ್ ಸವಾರಿ
- ಲಾವಾ ತಲುಪುವುದು ಹೇಗೆ- ಲಾವಾಕ್ಕೆ ಬರಲು ಬಾಗ್ಡೋಗ್ರಾಕ್ಕೆ ವಿಮಾನದಲ್ಲಿ ಬರಬೇಕು. ಇಲ್ಲಿಂದ ಲಾವಾ ಸುಮಾರು ಮೂರು ಗಂಟೆಗಳ ದೂರದಲ್ಲಿದೆ. ರೈಲಿನಲ್ಲಿ ಬರುತ್ತಿದ್ದರೆ ಸಿಲಿಗುರಿ ಮತ್ತು ನ್ಯೂ ಜಲ್ಪೈಗುರಿ ಹತ್ತಿರದ ರೈಲು ನಿಲ್ದಾಣಗಳಾಗಿವೆ, ಇವು ಲಾವಾದಿಂದ ಸುಮಾರು 2 ಗಂಟೆ 45 ನಿಮಿಷಗಳ ದೂರದಲ್ಲಿವೆ.
