ಭಾರತೀಯ ಮಕ್ಕಳು ಆನ್ಲೈನ್ ವಂಚನೆ ಬಲಿಯಾಗುವ ಸಾಧ್ಯತೆ ಹೆಚ್ಚು: McAfee 2022 ವರದಿ
'Life behind the screens of parents, tweens, and teens' ಎಂಬ ಶೀರ್ಷಿಕೆಯ ವರದಿಯು ಹೆಚ್ಚು ದುರ್ಬಲರಾದವರು ಹೇಗೆ ರಕ್ಷಣೆಗೆ ಒಳಗಾಗುವುದಿಲ್ಲ ಎಂಬುದನ್ನು ವಿವರಿಸುತ್ತದೆ
ನವದೆಹಲಿ (ಮೇ 15): ಭಾರತೀಯ ಮಕ್ಕಳು ಅತಿ ಹೆಚ್ಚು ಆನ್ಲೈನ್ ಅಪಾಯದ ಸಾಧ್ಯತೆಯನ್ನು ಹೊಂದಿದ್ದು ಮತ್ತು ಮೊಬೈಲ್ ಬಳಸುವ ಮಕ್ಕಳಿಗೆ ಹೋಲಿಸಿದರೆ ಭಾರತೀಯ ಮಕ್ಕಳು ಅತ್ಯಂತ ಕಿರಿಯವ ವಯಸ್ಸಿನಲ್ಲೇ ಮೊಬೈಲ್ ಬಳಸುತ್ತಿದ್ದಾರೆ ಎಂದು ಆನ್ಲೈನ್ ರಕ್ಷಣೆಯಲ್ಲಿ ಜಾಗತಿಕ ಕಂಪನಿಯಾದ ಮ್ಯಾಕ್‌ಅಫೀ ಕಾರ್ಪ್‌ನ ಹೊಸ ಅಧ್ಯಯನವನ್ನು ಬಹಿರಂಗಪಡಿಸಿದೆ. 'Life behind the screens of parents, tweens, and teens' ಎಂಬ ಶೀರ್ಷಿಕೆಯ ವರದಿಯು ಮಕ್ಕಳು ಸೈಬರ್ ಬುಲ್ಲಿಂಗ ಹೇಗೆ ಒಳಗಾಗುತ್ತಿದ್ದಾರೆ ಎಂದು ತಿಳಿಸಿದೆ.
ಭಾರತದಲ್ಲಿ, 10 ರಿಂದ 14 ವರ್ಷ ವಯಸ್ಸಿನ ಸ್ಮಾರ್ಟ್‌ಫೋನ್ ಬಳಕೆ ಶೇಕಡಾ 83 ರಷ್ಟಿದೆ, ಇದು ಅಂತಾರಾಷ್ಟ್ರೀಯ ಸರಾಸರಿಯಾದ ಶೇಕಡಾ 76 ಕ್ಕಿಂತ ಗಮನಾರ್ಹವಾಗಿ ಶೇಕಡಾ 7 ರಷ್ಟು ಹೆಚ್ಚಿದೆ. ಪೋಷಕರು ಮತ್ತು ಮಕ್ಕಳ ನಡುವೆ ಗಣನೀಯ ಭದ್ರತಾ ಅಂತರವಿರುವುದರಿಂದ ಇದು ಆನ್ಲೈನ್ ಅಪಾಯಗಳಿಗೆ ಹೆಚ್ಚಿನ ಒಡ್ಡುವಿಕೆಗೆ ಕಾರಣವಾಗುತ್ತದೆ. ಹೆಚ್ಚುವರಿಯಾಗಿ, ಪೋಷಕರಲ್ಲಿ ಕಾಳಜಿಯು ತುಲನಾತ್ಮಕವಾಗಿ ಕಡಿಮೆಯಿದ್ದರೂ, 22 ಪ್ರತಿಶತದಷ್ಟು ಭಾರತೀಯ ಮಕ್ಕಳು ಕೆಲವು ಸಮಯದಲ್ಲಿ ಸೈಬರ್‌ಬುಲ್ಲಿಂಗ್ ಅನುಭವಿಸಿದ್ದಾರೆ, ಇದು ಜಾಗತಿಕ ಸರಾಸರಿಯಾದ 17 ಶೇಕಡಾಕ್ಕಿಂತ 5 ಶೇಕಡಾ ಹೆಚ್ಚಾಗಿದೆ.
ಇದನ್ನೂ ಓದಿ: ವೈನ್ ಡೆಲಿವರಿಗೆ 10 ರೂ ನೀಡಲು ಹೇಳಿ ಯುವತಿಯ ಅಕೌಂಟ್‌ನಿಂದ 50 ಸಾವಿರ ಧೋಖಾ!
ಸೈಬರ್ ಬುಲಿಂಗ್ ಅಥವಾ ಸೈಬರ್ ಹ್ಯಾರೆಸ್‌ಮೆಂಟ್ ಎನ್ನುವುದು ಎಲೆಕ್ಟ್ರಾನಿಕ್ ವಿಧಾನಗಳನ್ನು ಬಳಸಿಕೊಂಡು ಬೆದರಿಸುವ ಅಥವಾ ಕಿರುಕುಳ ನೀಡುವ ಒಂದು ರೂಪವಾಗಿದೆ. ಸೈಬರ್ ಬುಲಿಂಗ್ ಅಥವಾ ಸೈಬರ್ ಹ್ಯಾರೆಸ್‌ಮೆಂಟನ್ನು ಆನ್ಲೈನ್ ಬೆದರಿಸುವಿಕೆ ಎಂದೂ ಕರೆಯಲಾಗುತ್ತದೆ. ಡಿಜಿಟಲ್ ಮಾರುಕಟ್ಟೆ ವಿಸ್ತರಿಸಿದಂತೆ ಮತ್ತು ತಂತ್ರಜ್ಞಾನವು ಮುಂದುವರೆದಂತೆ ವಿಶೇಷವಾಗಿ ಹದಿಹರೆಯದವರಲ್ಲಿ ಇದು ಹೆಚ್ಚು ಸಾಮಾನ್ಯವಾಗಿದೆ.
"ಜಾಗತಿಕವಾಗಿ ತೊಂಬತ್ತು ಪ್ರತಿಶತ ಪೋಷಕರು ತಮ್ಮ ಮಕ್ಕಳನ್ನು ಸಾಮಾನ್ಯವಾಇ ರಕ್ಷಿಸಲು ತಮ್ಮ ಜವಾಬ್ದಾರಿ ಹೇಗೆ ಹೊಂದಿದ್ದಾರೋ, ಆನ್‌ಲೈನ್‌ನಲ್ಲಿ ರಕ್ಷಕರಾಗಿ ತಮ್ಮ ಪಾತ್ರವದ ಮಹತ್ವವನ್ನಿ ಅರಿತಿದ್ದಾರೆ. ಆದರೆ ಮೊಬೈಲ್ ಬಳಸುವ ಮಕ್ಕಳಿಗೆ ಹೋಲಿಸಿದರೆ ಭಾರತೀಯ ಮಕ್ಕಳು ಅತ್ಯಂತ ಕಿರಿಯವ ವಯಸ್ಸಿನಲ್ಲೇ ಮೊಬೈಲ್ ಬಳಸುತ್ತಿದ್ದಾರೆ.
"ಈ ಸಂಶೋಧನಾ ಅಧ್ಯಯನದ ಪ್ರಮುಖ ಭಾಗವಾಗಿ, ಅವರ ಸಂಪರ್ಕಿತ ಕುಟುಂಬಗಳಿಗೆ ಪರಿಣಾಮಕಾರಿ ಆನ್ಲೈನ್ ರಕ್ಷಕರಾಗಿ ಯಶಸ್ವಿಯಾಗಲು ಅಗತ್ಯವಾದ ಜ್ಞಾನದೊಂದಿಗೆ ಪೋಷಕರನ್ನು ಸಜ್ಜುಗೊಳಿಸಲು ನಾವು ಬಯಸುತ್ತೇವೆ, ”ಎಂದು ಮ್ಯಾಕ್‌ಅಫೀಯ ಮಾರ್ಕೆಟಿಂಗ್‌ನ ಉಪಾಧ್ಯಕ್ಷ ಸಚಿನ್ ಪುರಿ ಹೇಳಿದ್ದಾರೆ.
"ಈ ಡೇಟಾದೊಂದಿಗೆ, ಸೈಬರ್‌ಬುಲ್ಲಿಂಗ್, ಆನ್ಲೈನ್ ಗುರುತಿನ ಕಳ್ಳತನ ಮತ್ತು ಹಣಕಾಸಿನ ಮಾಹಿತಿಯ ಸೋರಿಕೆಗಳಂತಹ ಆನ್ಲೈನ್ ಅಪಾಯಗಳನ್ನು ಎದುರಿಸಲು ಪೋಷಕರು ತೆಗೆದುಕೊಳ್ಳಬೇಕಾದ ಕ್ರಮಗಳ ಬಗ್ಗೆ ಅರಿವು ಮೂಡಿಸುವ ಗುರಿಯನ್ನು ನಾವು ಹೊಂದಿದ್ದೇವೆ." ಎಂದು ಅವರು ಹೇಳಿದ್ದಾರೆ.
ಪಾಲಕರ ಪಾತ್ರವೇನು?: ಜಾಗತಿಕವಾಗಿ, 73 ಪ್ರತಿಶತ ಮಕ್ಕಳು ಆನ್ಲೈನ್ ಸುರಕ್ಷತೆಯ ಸಹಾಯಕ್ಕಾಗಿ ಯಾವುದೇ ಇತರ ಸಂಪನ್ಮೂಲಗಳಿಗಿಂತ ಹೆಚ್ಚಾಗಿ ಪೋಷಕರನ್ನು ಅವಲಂಬಿಸುತ್ತಾರೆ. ಆದರೆ ಪೋಷಕರು ಮಕ್ಕಳಿಗೆ ಸಹಾಯ ಮಾಡುವಲ್ಲಿ ವಿಫಲರಾಗುತ್ತಾರೆ. ಇದು ಭದ್ರತಾ ವೈಫಲ್ಯಕ್ಕೆ ಕಾರಣವಾಗುತ್ತದೆ.
ಜಾಗತಿಕವಾಗಿ 56 ಪ್ರತಿಶತ ಪೋಷಕರು ತಮ್ಮ ಸ್ಮಾರ್ಟ್‌ಫೋನನ್ನು ಪಾಸ್‌ವರ್ಡ್ ಅಥವಾ ಪಾಸ್‌ಕೋಡ್‌ನಿಂದ ರಕ್ಷಿಸುತ್ತಾರೆ, ಆದರೆರ ಕೇವಲ 42 ಪ್ರತಿಶತದಷ್ಟು ಜನರು ತಮ್ಮ ಮಗುವಿನ ಸ್ಮಾರ್ಟ್‌ಫೋನ್‌ಗೆ ಅದೇ ರೀತಿ ಪಾಸ್‌ವರ್ಡ್ ಪ್ರೊಟೆಕ್‌ಟೆಡ್ ಮಾಡುತ್ತಾರೆ ಎಂದು ವರದಿ ಹೇಳಿದೆ.
ಇದನ್ನೂ ಓದಿ: ನಿಮ್ಮ ಮಕ್ಕಳು ಆನ್ಲೈನ್ ಗೇಮಿಂಗ್ ದಾಸರಾ? ಹಾಗಾದ್ರೆ ಈ ಸ್ಟೋರಿ ನೋಡಿ..!
ಭಾರತೀಯ ಪೋಷಕರಲ್ಲಿ ಸಾಮಾಜಿಕ ಮಾಧ್ಯಮದಲ್ಲಿ ಸೈಬರ್‌ಬುಲ್ಲಿಂಗ್ ಮತ್ತು ನಿಂದನೆಯ ಬಗ್ಗೆ ಕಾಳಜಿಯ ಮಟ್ಟವು 47 ಪ್ರತಿಶತದಷ್ಟಿದೆ, ಇದು ಜಾಗತಿಕ ಸರಾಸರಿಯಾದ 57 ಪ್ರತಿಶತಕ್ಕಿಂತ 10 ಶೇಕಡಾ ಕಡಿಮೆಯಾಗಿದೆ.
ಭಾರತೀಯ ಕುಟುಂಬಗಳು ಇತರ ಆನ್ಲೈನ್ ಬೆದರಿಕೆಗಳೊಂದಿಗೆ ತಮ್ಮ ಅನುಭವಗಳನ್ನು ವರದಿ ಮಾಡಿದ್ದು, ಆನ್ಲೈನ್ ಗೌಪ್ಯತೆ ಮತ್ತು ಸುರಕ್ಷತೆಯೊಂದಿಗಿನ ಸಮಸ್ಯೆಗಳ ಬಗ್ಗೆ ಹೇಳಿದ್ದಾರೆ. ಇದು ಪ್ರಪಂಚದಾದ್ಯಂತದ ಇತರ ಕುಟುಂಬಗಳಿಗಿಂತ ಹೋಲಿಸಿದೆರೆ ಹೆಚ್ಚಿನ ಸಮಸ್ಯೆಗಳು ವರದಿಯಾಗಿವೆ.
ಅನ್‌ಲೈನ್‌ ವಂಚನೆ ವರದಿ: ಪಾಲಕರು ಆನ್ಲೈನ್ ಖಾತೆಗಳ ಕಳ್ಳತನದ ಪ್ರಯತ್ನವನ್ನು ಶೇಕಡಾ 33 ರಷ್ಟು ವರದಿ ಮಾಡಿದ್ದಾರೆ, ಇದು ಜಾಗತಿಕ ಸರಾಸರಿ ಶೇಕಡಾ 28ರಿಂದ 5 ರಷ್ಟು ಹೆಚ್ಚಾಗಿದೆ. ಜಾಗತಿಕ ಸರಾಸರಿ 15 ಪ್ರತಿಶತಕ್ಕೆ ಹೋಲಿಸಿದರೆ ಭಾರತದಲ್ಲಿ 26 ಪ್ರತಿಶತದಷ್ಟು ಕಳ್ಳತನವನ್ನು ಮಕ್ಕಳು ವರದಿ ಮಾಡಿದ್ದಾರೆ. ಇದು ಜಾಗತಿಕ ಮಟ್ಟಕ್ಕಿಂತ 11 ಶೇಕಡಾ ಹೆಚ್ಚಿದೆ
ಇನ್ನು ಭಾರತೀಯ ಪೋಷಕರು ಮತ್ತು ಮಕ್ಕಳು ವಿಶ್ವಾದ್ಯಂತ ಕುಟುಂಬಗಳಿಗಿಂತ ಹೆಚ್ಚಿನ ಪ್ರಮಾಣದಲ್ಲಿ ಹಣಕಾಸಿನ ಮಾಹಿತಿಯ ಸೋರಿಕೆಯನ್ನು ವರದಿ ಮಾಡಿದ್ದಾರೆ, ಪೋಷಕರು 21 ಶೇಕಡಾ ಸರಾಸರಿಗಿಂತ 9 ಶೇಕಡಾ ಮತ್ತು ಮಕ್ಕಳು 10 ಶೇಕಡಾ ಸರಾಸರಿಗಿಂತ 13 ಶೇಕಡಾ ಹೆಚ್ಚು ವರದಿ ಮಾಡಿದ್ದಾರೆ.
ಆನ್ಲೈನ್ ರಹಸ್ಯ ಜೀವನ: ಮಕ್ಕಳು ಮತ್ತು ಹದಿಹರೆಯದವರು ತಮ್ಮ ಸಂಪರ್ಕಿತ ಜೀವನವನ್ನು ನಿರ್ಮಿಸುವಾಗ ಗೌಪ್ಯತೆ ಮತ್ತು ರಕ್ಷಣೆಯನ್ನು ಬಯಸುತ್ತಾರೆ. ಭಾರತದಲ್ಲಿ, ಮಕ್ಕಳು ಮತ್ತು ಹದಿಹರೆಯದವರು ತಮ್ಮ ಸ್ಮಾರ್ಟ್‌ಫೋನ್‌ಗಳು ಮತ್ತು ಗೇಮಿಂಗ್ ಕನ್ಸೋಲ್‌ಗಳನ್ನು ತಮ್ಮ ಪಟ್ಟಿಯ ಮೇಲ್ಭಾಗದಲ್ಲಿ ಆದ್ಯತೆಯ ಸಾಧನಗಳಾಗಿ ಇರಿಸುತ್ತಾರೆ. ಬ್ರೌಸರ್ ಇತಿಹಾಸವನ್ನು ತೆರವುಗೊಳಿಸುವುದರಿಂದ ಹಿಡಿದು ಅವರು ಆನ್‌ಲೈನ್‌ನಲ್ಲಿ ಏನು ಮಾಡುತ್ತಿದ್ದಾರೆ ಎಂಬುದರ ಕುರಿತು ವಿವರಗಳನ್ನು ಮರೆಮಾಡುವವರೆಗೆ, ಅರ್ಧಕ್ಕಿಂತ ಹೆಚ್ಚು ಮಕ್ಕಳು (59 ಪ್ರತಿಶತ) ಪ್ರಪಂಚದಾದ್ಯಂತ ತಮ್ಮ ಆನ್ಲೈನ್ ಚಟುವಟಿಕೆಯನ್ನು ಮರೆಮಾಡುತ್ತಾರೆ.
ಭಾರತದಲ್ಲಿ, ವ್ಯಕ್ತಿಯ ನೈಜ ಗುರುತನ್ನು ತಿಳಿಯದೆ ಖಾಸಗಿ ಸಂಭಾಷಣೆಗಳನ್ನು ವರದಿ ಮಾಡುವ ಮಕ್ಕಳ ಸಂಖ್ಯೆಯು ಪ್ರಪಂಚದಾದ್ಯಂತದ ಇತರ ಮಕ್ಕಳಿಗಿಂತ ಗಮನಾರ್ಹವಾದ 11 ಪ್ರತಿಶತದಷ್ಟು ಹೆಚ್ಚಾಗಿದೆ. ಭಾರತದಲ್ಲಿ ಶೇಕಡಾ 22 ರಷ್ಟು ಮಕ್ಕಳು ಸೈಬರ್ ಬುಲ್ಲಿಂಗ್ ಕೆಲವು ಸಮಯದಲ್ಲಿ ಅನುಭವಿಸಿದ್ದಾರೆ, ಇದು ಜಾಗತಿಕ ಸರಾಸರಿ 17 ಶೇಕಡಾಕ್ಕಿಂತ 5 ಶೇಕಡಾ ಹೆಚ್ಚಾಗಿದೆ.
