ನಟಿ ಸುಧಾರಾಣಿ ಅವರು ಅನಂತ್ ನಾಗ್ ಅವರನ್ನು ಅವರ ಮನೆಯಲ್ಲಿ ಭೇಟಿಯಾದರು. 1981ರಲ್ಲಿ 'ಅನುಪಮಾ' ಚಿತ್ರದಲ್ಲಿ ಒಟ್ಟಿಗೆ ನಟಿಸಿದ ನೆನಪುಗಳನ್ನು ಮೆಲುಕು ಹಾಕಿದರು. ಅನಂತ್ ನಾಗ್ ಅವರೊಂದಿಗಿನ ಒಡನಾಟ, ಕಲಿಕೆ ಹಾಗೂ ಅವರ ಕುಟುಂಬದೊಂದಿಗಿನ ನೆನಪುಗಳನ್ನು ಸುಧಾರಾಣಿ ಹಂಚಿಕೊಂಡರು. ಅನಂತ್ ನಾಗ್ ಜೊತೆ ಹಲವು ಚಿತ್ರಗಳಲ್ಲಿ ನಟಿಸಿದ ಅನುಭವವನ್ನು ಅವರು ಸ್ಮರಿಸಿದರು.
ಕನ್ನಡ ಸಿನಿಮಾದ ಎವರ್ ಗ್ರೀನ್ ನಟಿ ಸುಧಾರಾಣಿಯವರು (Sudharani) ಇತ್ತೀಚೆಗೆ ಕನ್ನಡದ ಮೇರು ನಟ ಹಾಗೂ ಪದ್ಮಭೂಷಣ ಪ್ರಶಸ್ತಿಗೆ ಭಾಜನರಾಗಿರುವ ಅನಂತ್ ನಾಗ್ (Anant Nag) ಅವರನ್ನು, ಅವರ ಮನೆಯಲ್ಲಿಯೇ ಭೇಟಿ ಮಾಡಿದ್ದಾರೆ. ಸುಧಾರಾಣಿ ತಮ್ಮ ಸೋಶಿಯಲ್ ಮೀಡೀಯಾ ಮೂಲಕ, ಆ ಸುಮಧುರ ಗಳಿಗೆಯ ಮಧುರ ನೆನಪುಗಳನ್ನು ಮೆಲುಕು ಹಾಕಿದ್ದಾರೆ.
ಬದುಕು ಬದಲಿಸಿದ ಆ ದಿನದಂದೇ, 40 ವರ್ಷಗಳ ಬಳಿಕ ಹೊಸ ಸಾಹಸಕ್ಕಿಳಿದ ನಟಿ ಸುಧಾರಾಣಿ
ಅನಂತ್ ನಾಗ್ ಅವರನ್ನು ಭೇಟಿ ಮಾಡಿದ ಅನುಭವ ಹೇಗಿತ್ತು ಅನ್ನೋದನ್ನು ನಟಿ ಬರೆದಿದ್ದು, ಅವರು ಏನು ಹೇಳಿದ್ದಾರೆ ಅನ್ನೋದನ್ನು ಅವರ ಮಾತಿನಲ್ಲಿಯೇ ಓದಿ…
1981 ರಲ್ಲಿ, ಅನುಪಮಾ ಸಿನಿಮಾದಲ್ಲಿ ಅನಂತ್ ನಾಗ್ Sir ಜೊತೆ ಬಾಲನಟಿಯಾಗಿ ತೆರೆಹಂಚಿಕೊಂಡಾಗಿನಿಂದ ಇಲ್ಲಿಯವರೆಗೂ ಅವರೊಡನೆ ಒಳ್ಳೇ ಒಡನಾಟ ಇದೆ. ಅವರನ್ನ ಭೇಟಿ ಮಾಡೋಕೆ ಕಾರಣವೇ ಬೇಕಿಲ್ಲ, ಪ್ರತಿ ಸಾರಿ ಭೇಟಿ ಮಾಡಿ ಮಾತನಾಡಿದಾಗ it’ll be a Different Experience. ಕಲಿಯೋದು ಬಹಳ ಇರತ್ತೆ, ಸದಾ ನೆನಪಲ್ಲಿ ಉಳಿಯುವಂಥ ಕ್ಷಣಗಳಾಗಿರತ್ತೆ. ಇತ್ತೀಚೆಗೆ ಅನಂತ್ ನಾಗ್ Sir ಅವರಿಗೆ ಪದ್ಮಭೂಷಣ ಪ್ರಶಸ್ತಿ ಬಂದಿರೋ ವಿಚಾರ ಕೇಳಿ ತುಂಬಾ ಖುಷಿಯಾಯ್ತು. ಅವರು ಪ್ರಶಸ್ತಿ ಸ್ವೀಕರಿಸೋದನ್ನ ಪ್ರತ್ಯಕ್ಷವಾಗಿ ನೋಡೋಕಾಗಲ್ಲ, ಆದರೆ ಅಂಥ ಮೇರು ವ್ಯಕ್ತಿತ್ವ ಹೊಂದಿರುವ ವ್ಯಕ್ತಿಯ ಜೊತೆ ಸಮಯ ಕಳೆಯೋ ಅವಕಾಶ ಅವರ ಸ್ವಗೃಹದಲ್ಲೇ ಸಿಗತ್ತೆ ಅಂದ್ರೆ ಬಿಡೋಕಾಗತ್ತಾ? ನಾನು ಮತ್ತು ಮಾಳವಿಕಾ ಅವಿನಾಶ್ ಇಬ್ಬರೂ ಅನಂತ್ ನಾಗ್ Sir ಅವರನ್ನ ಭೇಟಿ ಮಾಡಿ 2 ಗಂಟೆಗಳ ಕಾಲ ಅವರ ಜೊತೆ ಸಮಯ ಕಳೆದ್ವಿ..
ಬೆಂಗಳೂರಿಗೆ ಮರಳಿದ ಶಿವಣ್ಣ.... ಆನಂದ್ ಸಿನಿಮಾ ಹಾಡಿಗೆ ಪುತ್ರಿ ಜೊತೆ ಭರ್ಜರಿ ಹೆಜ್ಜೆ ಹಾಕಿ ಸಂಭ್ರಮಿಸಿದ ಸುಧಾರಾಣಿ
ಯಾವಾಗಲೂ ಮಾತಾಡೋ ಹಾಗೆ ಹಲವಾರು ವಿಷಯಗಳ ಬಗ್ಗೆ ಮಾತಾಡಿದ್ರು, ತಿಳ್ಕೊಳ್ಳೋ ವಿಚಾರಗಳು ಬೇಕಾದಷ್ಟಿತ್ತು. ಅವರ ಜೊತೆ ಕೂತು ಅವರ ಮಾತುಗಳನ್ನ ಕೇಳ್ತಿದ್ರೆ ಅವರ Energy ನೋಡಿ ನಮಗೆ Energy ಮತ್ತು Positivity ಬರತ್ತೆ. ಜೊತೆಗೆ ಅವರ ಸುಂದರವಾದ ಕುಟುಂಬ, ಗಾಯತ್ರಿ ಅವರು ಹಾಗೂ ಅವರ ಮಗಳು ಅದಿತಿ. ನನ್ನ ಮಗಳು ನಿಧಿಗೆ, ಅದಿತಿ Role Model ಆಗಿರಬೇಕು ಅಂತ ನಾನು ಯಾವಾಗಲೂ ಹೇಳ್ತಾ ಇದ್ದೆ. ಅದಿತಿ ಮದುವೆಗೆ ಹೋಗಿದ್ದ ನೆನಪುಗಳಿರಬಹುದು ಅಥವಾ ಅವರ ಮನೆಗೆ ಗಣಪತಿ ಹಬ್ಬಕ್ಕೆ ಹೋಗಿದ್ದ ನೆನಪುಗಳು ಇದೆಲ್ಲವನ್ನು ಅವರ ಕುಟುಂಬದ ಜೊತೆ ಕೂತು ಮೆಲುಕು ಹಾಕೋ ಅವಕಾಶ ಸಿಕ್ತು. ಅನಂತ್ ನಾಗ್ Sir ಜೊತೆ ಏಳೆಂಟು ಸಿನಿಮಾಗಳಲ್ಲಿ ನಟಿಸಿ, ಅವರೊಡನೆ ಸಮಯ ಕಳೆದಂಥ ಅನುಭವ, ಅವರಿಂದ ಕಲಿತದ್ದು ಸಾಕಷ್ಟಿದೆ... ಅದೆಲ್ಲವನ್ನ ಮುಂದೆ ನನ್ನ YouTube Channel ನಲ್ಲಿ ಹಂಚಿಕೊಳ್ತೀನಿ. ಮತ್ತೊಮ್ಮೆ ಅಭಿನಂದನೆಗಳು ಅನಂತ್ ನಾಗ್ Sir. ಇನ್ನಷ್ಟು ಉನ್ನತ ಪ್ರಶಸ್ತಿ, ಪುರಸ್ಕಾರ ಮತ್ತು ಗೌರವ ನಿಮ್ಮನ್ನು ಅರಸಿ ಬರಲಿ. ಕನ್ನಡ ಚಿತ್ರರಂಗಕ್ಕೆ ನೀವು ಸಲ್ಲಿಸಿರುವ ಸೇವೆ ಭಾರತಾದ್ಯಂತ ಪಸರಿಸಲಿ ಎಂದು ಹಾರೈಸಿದ್ದಾರೆ ನಟಿ ಸುಧಾರಾಣಿ.
ಅಮ್ಮ-ಮಗಳ ವಿಡಿಯೋ ವೈರಲ್, ಸುಧಾರಾಣಿ 'ಜಿಂಗಿ ಚಕ್ಕ' ಕಂಡು ಕರ್ನಾಟಕವೇ ಶಾಕ್!
ಸುಧಾರಾಣಿ ಬಾಲನಟಿಯಾಗಿ ಕನ್ನಡ ಸಿನಿಮಾಗಳಲ್ಲಿ ಅಭಿನಯಿಸುತ್ತಿದ್ದ ಸಮಯದಲ್ಲೇ ಅನಂತ್ ನಾಗ್ ಅವರು ನಾಯಕನಾಗಿ ಸದ್ದು ಮಾಡುತ್ತಿದ್ದರು. 1981 ರಲ್ಲಿ ಬಿಡುಗಡೆಯಾದ ಅನಂತ್ ನಾಗ್ ಹಾಗೂ ಮಾಧವಿ ಅಭಿನಯದ ಅನುಪಮಾ ಸಿನಿಮಾದಲ್ಲಿ ಸುಧಾರಾಣಿ ಬಾಲನಟಿಯಾಗಿ ಅಭಿನಯಿಸಿದ್ದರು. ಇದಲ್ಲದೇ ಅನಂತ್ ನಾಗ್ ಅವರಿಗೆ ಸುಧಾರಾಣಿಯವರು ಸೊಸೆಯಾಗಿ, ನಾಯಕಿಯಾಗಿ ಸಹ ನಟಿಸಿದ್ದರು. ಈ ಜೋಡಿ ಜೊತೆಯಾಗಿ ನಟಿಸಿದ ಸಿನಿಮಾಗಳು ಅಂದ್ರೆ, ಅನುಮಪ, ಭ್ರಮರ, ನಾನೇನು ಮಾಡ್ಲಿಲ್ಲ, ಅಭಿಮನ್ಯು, ಪ್ರಾರ್ಥನೆ, ಪ್ಲಸ್, ಹುಚ್ಚಿ, ಮಿಸ್ಟರ್ ಗರಗಸ, ಗೌತಮ್, ಬಾಡದ ಹೂವು, ಪ್ರೀತಿ ಪ್ರೇಮ ಪ್ರಣಯ, ವಾಸ್ತು ಪ್ರಕಾರ ಸಿನಿಮಾಗಳಲ್ಲಿ ಜೊತೆಯಾಗಿ ನಟಿಸಿದ್ದರು.
