ಪಾಸ್ಪೋರ್ಟ್ ಹೊಂದಿರುವ ಪ್ರತಿಯೊಬ್ಬರೂ ಅದ್ರ ನಿಯಮ ತಿಳಿದಿರಬೇಕು. ಇಂಜಿನಿಯರ್ ವ್ಯಕ್ತಿಯೊಬ್ಬನಿಗೆ ಅದ್ರ ಬಗ್ಗೆ ಸರಿಯಾಗಿ ತಿಳಿದಿರಲಿಲ್ಲ. ಲವ್ವರ್ ಜೊತೆ ಹೋದ ಪ್ರವಾಸ ಮುಚ್ಚಿಡಲು ಪಾಸ್ಪೋರ್ಟ್ ಪೇಜ್ ಹರಿದು ಈಗ ಪೇಚಿಗೆ ಸಿಲುಕಿದ್ದಾನೆ. 

ಮದುವೆ (Marriage) ಯಾದ್ಮೇಲೆ ಪ್ರೇಮಿ ಜೊತೆ ಸುತ್ತಾಡೋಕೆ ಹೋದ್ರೆ ಸಂಕಷ್ಟ ತಪ್ಪಿದ್ದಲ್ಲ. ಮಾಲ್ಡೀವ್ಸ್ (Maldives ) ಪ್ರೇಮಿಗಳಿಗೆ ಹೇಳಿ ಮಾಡಿಸಿದ ಜಾಗ. ಅಲ್ಲಿನ ಸುಂದರ ಸಮುದ್ರ (sea) ಎಲ್ಲರನ್ನೂ ಸೆಳೆಯುತ್ತದೆ. ಪ್ರೇಮಿ (lover) ಜೊತೆ ಭಾರತ (India) ದಲ್ಲಿ ಸುತ್ತಾಡಿದ್ರೆ ಪತ್ನಿ (Wife) ಗೆ ಗೊತ್ತಾಗುತ್ತೆ ಅಂತಾ ವ್ಯಕ್ತಿ ಮಾಲ್ಡೀವ್ಸ್ ಆಯ್ಕೆ ಮಾಡಿಕೊಂಡಿದ್ದಾನೆ. ಅಲ್ಲಿ ಸುತ್ತಾಡಿ, ಗರ್ಲ್ ಫ್ರೆಂಡ್ ಜೊತೆ ಎಂಜಾಯ್ ಮಾಡಿ ವಾಪಸ್ ಬರುವಾಗ ವ್ಯಕ್ತಿ ಮಾಡಿದ ತಪ್ಪಿಗೆ ಈಗ ಶಿಕ್ಷೆ (punishment) ಅನುಭವಿಸುವಂತಾಗಿದೆ. ಅಷ್ಟಕ್ಕೂ ಆತ ಮಾಡಿದ್ದೇನು ಗೊತ್ತಾ? ವಿವಾಹೇತರ ಸಂಬಂಧಕ್ಕೆ ಯಾವುದೇ ಭದ್ರತೆ (Security)ಯಿಲ್ಲ. ಒಂದಾಲ್ಲ ಒಂದು ಸಮಯದಲ್ಲಿ ಅದು ಬಹಿರಂಗವಾಗ್ಲೇಬೇಕು. ಪತ್ನಿ ಕಣ್ಣು ಕಟ್ಟಿ ಏನೇ ಆಟ ಆಡ್ತೇನೆ ಅಂದ್ರೂ ಸತ್ಯ (truth) ಹೇಗಾದ್ರೂ ಪತ್ನಿಗೆ ತಿಳಿಯುತ್ತೆ ಅನ್ನೋದಕ್ಕೆ ಈತನೇ ಸಾಕ್ಷಿ. 

ಇಂಜಿನಿಯರ್ (Engineer) ಬಾಳಲ್ಲಿ ಆಗಿದ್ದೇನು?: ಬಹುರಾಷ್ಟ್ರೀಯ ಕಂಪನಿ (Company) ಯೊಂದರಲ್ಲಿ ಕೆಲಸ ಮಾಡ್ತಿರುವ ಇಂಜಿನಿಯರ್, ವಿವಾಹಿತ 32 ವರ್ಷದ ವ್ಯಕ್ತಿ ಪತ್ನಿಗೆ ಸುಳ್ಳು ಹೇಳಿ ಮಾಲ್ಡೀವ್ಸ್ ಗೆ ಹೋಗಿದ್ದಾನೆ. ಕೆಲಸ (work) ದ ಮೇಲೆ ವಿದೇಶ (Abroad)ಕ್ಕೆ ಹೋಗ್ತೇನೆ ಎಂದಿದ್ದವನು ಮಾಲ್ಡೀವ್ಸ್ ಗೆ ಪ್ರಯಾಣ ಬೆಳೆಸಿದ್ದಾನೆ. ಅಲ್ಲಿ ಗರ್ಲ್ ಫ್ರೆಂಡ್ ಜೊತೆ ಸುಂದರ ಕ್ಷಣಗಳನ್ನು ಕಳೆದಿದ್ದಾನೆ. ತನ್ನ ಹೆಂಡತಿಗೆ ಗೊತ್ತಾಗಬಾರದು ಎಂಬ ಕಾರಣಕ್ಕೆ ಪಾಸ್‌ಪೋರ್ಟ್‌ (Passport) ನ ಕೆಲ ಪೇಜ್ ಹರಿದಿದ್ದಾನೆ. ಆದರೆ ಇದು ಅಪರಾಧ ಅನ್ನೋದು ಆತನಿಗೆ ತಿಳಿದಿರಲಿಲ್ಲ. ಮಾಲ್ಡೀವ್ಸ್ ನಿಂದ ಹಿಂದಿರುಗಿದ ತಕ್ಷಣ ಮುಂಬೈ ವಿಮಾನ ನಿಲ್ದಾಣ (Airport) ದಲ್ಲಿ ಈತನನ್ನು ಬಂಧಿಸಲಾಗಿದೆ. 

ಇದನ್ನೂ ಓದಿ: REAL STORY : ನಿಶ್ಚಿತಾರ್ಥದ ನಂತರ `ನೀ ದಪ್ಪಗಿದ್ದೀಯಾ’ ಎನ್ನುತ್ತಿದ್ದಾನೆ ಭಾವಿ ಪತಿ

ಪ್ಲಾನ್ ಬದಲಿಸಿದ್ದ ವ್ಯಕ್ತಿ: ಗರ್ಲ್ ಫ್ರೆಂಡ್ ಜೊತೆ ಮಾಲ್ಡೀವ್ಸ್ ಗೆ ಹೋದ ವ್ಯಕ್ತಿ ಪತ್ನಿಯ ಕಾಟಕ್ಕೆ ಬೇಸತ್ತಿದ್ದಾನೆ. ಪತಿಯ ಮೇಲೆ ಅನುಮಾನಗೊಂಡ ಪತ್ನಿ ವಾಟ್ಸ್ ಅಪ್ ಕಾಲ್ ಮಾಡಿದ್ದಾಳೆ. ಆಕೆ ನಿರಂತರವಾಗಿ ಮಾಡ್ತಿದ್ದ ವಾಟ್ಸ್ ಅಪ್ ಕಾಲ್ ನಿಂದ ಕಂಗೆಟ್ಟ ಪತಿ ಮೊದಲೇ ಮುಂಬೈಗೆ ಬರುವ ನಿರ್ಧಾರ ತೆಗೆದುಕೊಂಡಿದ್ದಾನೆ.

ಪಾಸ್ ಪೋರ್ಟ್ ಪೇಜ್ ಹರಿದು ಯಡವಟ್ಟು: ಪತ್ನಿಗೆ ಮಾಲ್ಡೀವ್ಸ್ ಸತ್ಯ ಗೊತ್ತಾಗಬಾರದು ಎಂಬ ಕಾರಣಕ್ಕೆ ವಿಮಾನ ಏರಿದ ನಂತ್ರ ಪಾಸ್ ಪೋರ್ಟ್ ಪೇಜ್ ಹರಿದಿದ್ದಾನೆ. ಮಾಲ್ಡೀವ್ಸ್ ನಿಂದ ಹಿಂದಿರುಗಿದ ನಂತರ ಅವನ ಪಾಸ್‌ಪೋರ್ಟ್‌ನ ಕೆಲವು ಪುಟಗಳು ನಾಪತ್ತೆಯಾಗಿರುವುದನ್ನು ವಿಮಾನ ನಿಲ್ದಾಣ ಅಧಿಕಾರಿಗಳು ಪತ್ತೆ ಹಚ್ಚಿದ್ದಾರೆ. ನಂತರ ಆತನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ. ಇಂಜಿನಿಯರ್ ಅಧಿಕಾರಿಗಳಿಗೆ ತೃಪ್ತಿದಾಯಕ ಉತ್ತರಗಳನ್ನು ನೀಡಲು ಸಾಧ್ಯವಾಗ್ಲಿಲ್ಲವಂತೆ. ಹಾಗಾಗಿ ಆತನನ್ನು ವಿಮಾನ ನಿಲ್ದಾಣದ ಅಧಿಕಾರಿಗಳು ಪೊಲೀಸ್ ವಶಕ್ಕೆ ನೀಡಿದ್ದಾರೆ. ವ್ಯಕ್ತಿ ಉದ್ದೇಶಪೂರ್ವಕವಾಗಿ ತನ್ನ ಪಾಸ್‌ಪೋರ್ಟ್‌ನ ಪುಟಗಳನ್ನು ಹರಿದು ಮಾಲ್ಡೀವ್ಸ್ ನಿಂದ ಭಾರತಕ್ಕೆ ಪ್ರಯಾಣಿಸಿದ್ದಾನೆ. ಈ ಮೂಲಕ ಪಾಸ್‌ಪೋರ್ಟ್ ಪ್ರಾಧಿಕಾರ ಮತ್ತು ಇಮಿಗ್ರೇಷನ್ ಇಲಾಖೆಗೆ ವಂಚಿಸಿದ್ದಾನೆಂದು ಅಧಿಕಾರಿಯೊಬ್ಬರು ದೂರಿನಲ್ಲಿ ಹೇಳಿದ್ದಾರೆ.

ಇದನ್ನೂ ಓದಿ: ಅಪ್ಪ, ಬೇರೊಬ್ಬ ಮಹಿಳೆಗೆ ಕಳುಹಿಸಿದ Incriminating Email ನೋಡಿ ಶಾಕ್ ಆದ ಮಹಿಳೆ!

ಪಾಸ್ ಪೋರ್ಟ್ ಪೇಜ್ ಹರಿಯುವುದು ಕ್ರಿಮಿನಲ್: ಪಾಸ್ ಪೋರ್ಟ್ ಪೇಜ್ ಹರಿಯುವುದು ಕ್ರಿಮಿನಲ್ ಅಪರಾಧ. ಪೊಲೀಸರು ಆತನ ವಿರುದ್ಧ ಭಾರತೀಯ ದಂಡ ಸಂಹಿತೆಯಡಿ ವಂಚನೆ ಮತ್ತು ಫೋರ್ಜರಿ ಪ್ರಕರಣ ದಾಖಲಿಸಿಕೊಂಡು ವಿಚಾರಣೆ ನಡೆಸಿದ್ದಾರೆ. ಪತ್ನಿಯ ಕೋಪದಿಂದ ತಪ್ಪಿಸಿಕೊಳ್ಳಲು ವೀಸಾ ಸ್ಟಾಂಪ್ ಪೇಜ್ ಹರಿದು ಹಾಕಿದ್ದಾಗಿ ಎಂಜಿನಿಯರ್ ಪೊಲೀಸರಿಗೆ ತಿಳಿಸಿದ್ದಾನೆ. ಪಾಸ್‌ಪೋರ್ಟ್‌ನ 3-6 ಮತ್ತು 31-34 ಪುಟಗಳು ಆತ ಕತ್ತರಿಸಿದ್ದಾನೆ. ಇದು ಕ್ರಿಮಿನಲ್ ಎಂಬುದು ನನಗೆ ತಿಳಿದಿರಲಿಲ್ಲ. ಪತ್ನಿಯಿಂದ ತಪ್ಪಿಸಿಕೊಳ್ಳುವುದು ಮಾತ್ರ ನನ್ನ ಉದ್ದೇಶವಾಗಿತ್ತು ಎಂದು ಆತ ಹೇಳಿದ್ದಾನೆ.