ಬ್ರೇಕಪ್ ಆದ್ಮೇಲೂ ಈ ರೀತಿ ಸೇಡು ತೀರಿಸಿಕೊಳ್ಳಬಹುದು ಎಂದು ತೋರಿಸಿಕೊಟ್ಟ ಹುಡುಗ ಈಗ ಜೈಲಿಗೆ ಹೋಗಿ ಬಂದಿದ್ದಾನೆ.
ಬ್ರೇಕಪ್ ಆದ್ಮೇಲೆ ಹುಡುಗಿ ಎಣ್ಣೆ ಕುಡಿದೋ ಅಥವಾ ಬಿಕಿನಿ ಬಾಡಿ ಮಾಡಿದ ಉದಾಹರಣೆಯೂ ಇದೆ. ಇನ್ನು ಹುಡುಗರು ದೇವದಾಸ್ ಆದ ಉದಾಹರಣೆಯೂ ಇದೆ. ಇಲ್ಲೋರ್ವ ಹುಡುಗ, ಬ್ರೇಕಪ್ ಆದ ಬೇಸರಕ್ಕೆ ಹುಡುಗಿ ಮನೆಗೆ 300 ಕ್ಯಾಶ್ ಆನ್ ಡೆಲಿವರಿ ಆರ್ಡರ್ ಮಾಡಿದ್ದಾನೆ.
ಯಾಕೆ ದೂರು ಕೊಟ್ಟರು?
ಪಶ್ಚಿಮ ಬಂಗಾಳದ ವ್ಯಕ್ತಿಯೊಬ್ಬ ತನ್ನ ಮಾಜಿ ಗೆಳತಿಯ ಮನೆಗೆ ಸೇಡು ತೀರಿಸಿಕೊಳ್ಳಬೇಕು ಎಂದು ಕ್ಯಾಶ್ ಆನ್ ಡೆಲಿವರಿ ಆರ್ಡರ್ಗಳನ್ನು ಕಳುಹಿಸಿ, ಈ ಮೂಲಕ ಕಿರುಕುಳ ಕೊಟ್ಟಿದ್ದಾನೆ. ಹೀಗಾಗಿ ಈತನನ್ನು ಬಂಧಿಸಲಾಗಿದೆ. ಬ್ಯಾಂಕ್ವೊಂದರಲ್ಲಿ ಈ ಮಹಿಳೆ ಕೆಲಸ ಮಾಡುತ್ತಿದ್ದರು. ಅವರಿಗೆ ನಾಲ್ಕು ತಿಂಗಳಲ್ಲಿ 300 ಆರ್ಡರ್ ಬಂದಿದೆ. ಹೀಗಾಗಿ ಅವರು ಈ ಕಿರುಕುಳ ತಡೆಯಲಾರದೆ ದೂರು ದಾಖಲಿಸಿದ್ದಾರೆ. 24 ವರ್ಷದ ಮಹಿಳೆಗೆ ಈ ರೀತಿ ಸಮಸ್ಯೆ ಎದುರಾಗಿತ್ತು. ಇನ್ನು ಅವರ ಅಮೆಜಾನ್ ಮತ್ತು ಫ್ಲಿಪ್ಕಾರ್ಟ್ ಖಾತೆಯನ್ನು ನಿರ್ಬಂಧಿಸಲಾಗಿದೆ. ಇನ್ನು ಮಾರ್ಚ್ನಲ್ಲಿ ಈ ಕುರಿತು ಎಫ್ಐಆರ್ ದಾಖಲಿಸಲಾಗಿದೆ.
ರಶ್ಮಿಕಾ ಬಾಯ್ಫ್ರೆಂಡ್ ದೇವರಕೊಂಡ ಸಿನಿಮಾಗೆ ರುಕ್ಮಿಣಿ ನೋ ಹೇಳಿದ್ಯಾಕೆ? ಕಾರಣ ರಕ್ಷಿತ್ ಅಲ್ಲ
ಬಾಯ್ಫ್ರೆಂಡ್ ಕೆಲಸ ಇದು!
ದೂರು ದಾಖಲು ಆಗುತ್ತಿದ್ದಂತೆ, ತನಿಖೆ ಆರಂಭ ಆಯ್ತು, ಆಗ ಪೊಲೀಸರು ಆರಂಭದಲ್ಲಿ ಆ ಹುಡುಗಿಯ ಸಹೋದ್ಯೋಗಿಗಳು ಈ ರೀತಿ ಮಾಡಿರಬಹುದು ಎಂದು ಊಹಿಸಿದ್ದರು. ಆಮೇಲೆ ಆ ಹುಡುಗಿಯ ಮಾಜಿ ಪ್ರಿಯತಮ ಈ ರೀತಿ ಮಾಡಿರೋದು ಎಂದು ಬಯಲಾಗಿದೆ. ಎಕ್ಸ್ ಬಾಯ್ಫ್ರೆಂಡ್ ಸುಮನ್ ಸಿಕ್ದರ್ ಅವರೇ ಈ ರೀತಿ ಮಾಡಿರೋದು ಬಯಲಾಗಿದೆ.
ಪೊಲೀಸರು ಹೇಳಿದ್ದೇನು?
ನಾಡಿಯಾ ಮೂಲಕದ ಸಿಕ್ದರ್ ಹಾಗೂ ಆ ಮಹಿಳೆ ಹಲವು ವರ್ಷಗಳಿಂದ ಪರಿಚಿತರು, ಪ್ರೀತಿ ಮಾಡುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಇತ್ತೀಚೆಗೆ ಈ ಜೋಡಿ ಬ್ರೇಕಪ್ ಮಾಡಿಕೊಂಡಿತ್ತು. ಹೀಗಾಗಿ ಆ ಹುಡುಗ ಹುಡುಗಿಗೆ ಕಿರುಕುಳ ನೀಡುತ್ತಿದ್ದನು ಎಂದು ಪೊಲೀಸರು ತಿಳಿಸಿದ್ದಾರೆ.
ಕೀರ್ತಿ ಸುರೇಶ್ಗೆ ಬಾಯ್ಫ್ರೆಂಡ್ ಇದ್ರೂ ಮದುವೆ ಪ್ರಪೋಸಲ್ ಮುಂದಿಟ್ರಾ ನಟ ವಿಶಾಲ್? ಸತ್ಯ ತೆರೆದಿಟ್ಟ ನಿರ್ದೇಶಕ
ತಪ್ಪು ಒಪ್ಪಿಕೊಂಡ ಹುಡುಗ!
"ನಾನು ಪಾರ್ಸೆಲ್ ಬುಕ್ ಮಾಡುತ್ತಿದ್ದೆ, ಅಪರಿಚಿತ ಸಂಖ್ಯೆಗಳಿಂದ ಮೆಸೇಜ್, ಫೋನ್ ಮಾಡ್ತಿದ್ದೆ” ಎಂದು ಆ ಹುಡುಗ ಒಪ್ಪಿಕೊಂಡಿದ್ದಾನೆ. ಆ ಮಹಿಳೆಗೆ ಆನ್ಲೈನ್ ಶಾಪಿಂಗ್ ಅಂದ್ರೆ ತುಂಬ ಇಷ್ಟ ಇತ್ತು, ಪದೇ ಪದೇ ಗಿಫ್ಟ್ ಕೊಡಿಸು ಅಂತ ಬೇಡಿಕೆ ಇಡುತ್ತಿದ್ದಳು, ಅದನ್ನು ಕೊಡಲಾಗುತ್ತಿರಲಿಲ್ಲ ಅಂತ ಈ ಹುಡುಗ ಈ ರೀತಿ ಸೇಡು ತೀರಿಸಿಕೊಂಡಿದ್ದಾನೆ. ನನಗೆ ಅಗತ್ಯವಿರುವ ವಸ್ತುಗಳನ್ನು ಕೊಡಿಸೋಕೆ ಆಗೋದಿಲ್ಲ ಎಂದು ಆ ಮಹಿಳೆ ನನ್ನನ್ನು ಬಿಟ್ಟು ಹೋಗಿದ್ದಾಳೆ ಎಂಬ ಭಾವನೆ ಆ ಹುಡುಗನಿಗೆ ಇತ್ತು. ಹೀಗಾಗಿ ಅವನು ದೊಡ್ಡ ಪ್ರಮಾಣದಲ್ಲಿ ಪಾರ್ಸೆಲ್ ಕಳಿಸಿದ್ದಾನೆ” ಎಂದು ಬಿಧಾನ್ನಗರ ಕಮಿಷನರೇಟ್ ಅಧಿಕಾರಿ ಹೇಳಿದ್ದಾರೆ.
ಯಾವಾಗ ಪಾರ್ಸಲ್ ಬಂತು?
ಕಳೆದ ತಿಂಗಳು ಲೇಕ್ ಟೌನ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. 2024 ನವೆಂಬರ್ನಿಂದ ಪಾರ್ಸೆಲ್ಗಳು ಬರಲು ಶುರುವಾಯ್ತು. ಬ್ರೇಕಪ್ ಆದಬಳಿಕ ಒಂದಾದ ಮೇಲೆ ಒಂದರಂತೆ ಪಾರ್ಸೆಲ್ ಬರಲು ಶುರುವಾಯ್ತು. ಮನೆಗೆ ತಂದ ನೂರಾರು ಪಾರ್ಸೆಲ್ಗಳನ್ನು ನಾನು ಹಿಂತಿರುಗಿಸಿದೆ” ಎಂದು ಮಹಿಳೆ ಹೇಳಿದ್ದಾರೆ.
ಬಾಯ್ಫ್ರೆಂಡ್ ಕ್ರೂರವಾಗಿ ಥಳಿಸಿದ ಆ ನಟಿಯ ನೆರವಿಗೆ ನಿಂತವಳು ಐಶ್ವರ್ಯ ರೈ ಮಾತ್ರ!
ಆ ಮಹಿಳೆ ಹೇಳಿದ್ದೇನು?
"ಆ ಪಾರ್ಸೆಲ್ಗಳಲ್ಲಿ ಎಲ್ಲವೂ ಕ್ಯಾಶ್ ಆನ್ ಡೆಲಿವರಿ ಆಗಿದ್ದವು. ಟ್ಯಾಬ್ಲೆಟ್ಗಳು, ಮೊಬೈಲ್ ಫೋನ್, ಉಡುಪುಗಳು, ಸಣ್ಣ ಉಡುಗೊರೆ ವಸ್ತುಗಳು ಕೂಡ ಅಲ್ಲಿತ್ತು. ಫೆಬ್ರವರಿ ಪೂರ್ತಿ, ಪ್ರತಿದಿನ ಪ್ರೇಮಿಗಳ ದಿನದ ಉಡುಗೊರೆ ಇತ್ತು. ನನಗೆ ನೆಗೆಟಿವ್ ರೇಟಿಂಗ್ ನೀಡಿದ ವಿತರಣಾ ಏಜೆಂಟ್ಗಳ ಜೊತೆಯಲ್ಲಿ ನನಗೆ ಆಗಾಗ್ ಜಗಳವಾಗುತ್ತಿತ್ತು. ನಾನು ಇ-ಕಾಮರ್ಸ್ ವೇದಿಕೆಯಲ್ಲಿ ಈ ವಿಷಯವನ್ನು ಕೈಗೆತ್ತಿಕೊಂಡಾಗ, ಅವರು ನನ್ನ ಖಾತೆಯನ್ನು ನಿರ್ಬಂಧಿಸಿದರು" ಎಂದು ರಾಷ್ಟ್ರೀಕೃತ ಬ್ಯಾಂಕಿನ ಲೇಕ್ ಟೌನ್ ಶಾಖೆಯಲ್ಲಿ ದೂರು ದಾಖಲಿಸಿದ್ದಾರೆ. ಸಿಕ್ದರ್ ಅವರನ್ನು ಸಾಲ್ಟ್ ಲೇಕ್ ನ್ಯಾಯಾಲಯದ ಮುಂದೆ ಹಾಜರುಪಡಿಸಿದ್ದು, ಆ ಬಳಿಕ ಜಾಮೀನು ನೀಡಲಾಗಿದೆ.
