ಎಲಾನ್ ಮಸ್ಕ್ ತಾಯಿ ಮಾಯೆ ಮಸ್ಕ್ 77ನೇ ಹುಟ್ಟುಹಬ್ಬಕ್ಕೆ ಮುಂಬೈನಲ್ಲಿ ಭಾರೀ ಗಾತ್ರದ ಹೂವಿನ ಬುಟ್ಟಿ ಉಡುಗೊರೆಯಾಗಿ ನೀಡಿದರು. 'ಎ ವುಮನ್ ಮೇಕ್ಸ್ ಎ ಪ್ಲಾನ್' ಪುಸ್ತಕ ಪ್ರಚಾರಾರ್ಥ ಭಾರತಕ್ಕೆ ಬಂದಿರುವ ಮಾಯೆ, ಜಾಕ್ವೆಲಿನ್ ಫರ್ನಾಂಡಿಸ್ ಜೊತೆ ಸಿದ್ಧಿವಿನಾಯಕ ದೇವಸ್ಥಾನಕ್ಕೆ ಭೇಟಿ ನೀಡಿದರು. ಮಾಜಿ ಸೂಪರ್ಮಾಡೆಲ್ ಆಗಿರುವ ಮಾಯೆ, ಐದು ದಶಕಗಳ ಮಾಡೆಲಿಂಗ್ ವೃತ್ತಿ ಹೊಂದಿದ್ದಾರೆ.
ಮುಂಬೈ (ಏ.21): ವಿಶ್ವದ ಶ್ರೀಮಂತ ವ್ಯಕ್ತಿ ಎಲೋನ್ ಮಸ್ಕ್ ಏಪ್ರಿಲ್ 19 ರಂದು ಮುಂಬೈನಲ್ಲಿರುವ ಅವರ ತಾಯಿ ಮಾಯ್ ಮಸ್ಕ್ಗೆ ಜನ್ಮದಿನದ ಉಡುಗೊರೆ ಎನ್ನುವಂತೆ ಲೈಫ್ ಸೈಜ್ ಬಾಕೆಟ್ಅನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಎಲೋನ್ ಮಸ್ಕ್ ಅವರ ತಾಯಿ ಮಾಯ್ ಅವರು ತಮ್ಮ ಹುಟ್ಟುಹಬ್ಬದ ದಿನದಂದು ಮುಂಬೈನಲ್ಲಿದ್ದಾರೆ ಮತ್ತು ವಿಶ್ವದ ಅತ್ಯಂತ ಶ್ರೀಮಂತ ಮತ್ತು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಆಪ್ತ ಮಿತ್ರರಾಗಿರುವ ತಮ್ಮ ಮಗನಿಂದ ಅಚ್ಚರಿಯ ಉಡುಗೊರೆಯನ್ನು ಪಡೆದುಕೊಂಡಿದ್ದಾರೆ.
ಮಂಗಳವಾರ ಮಾಯ್ ಮಸ್ಕ್ ಅವರು ಬಾಲಿವುಡ್ ನಟಿ ಜಾಕ್ವೆಲಿನ್ ಫೆರ್ನಾಂಡೆಜ್ರೊಂದಿಗೆ ಸಿದ್ಧಿವಿನಾಯಕ ದೇವಸ್ಥಾನಕ್ಕೆ ಭೇಟಿ ನೀಡಿರುವ ಫೋಟೋಗಳು ವೈರಲ್ ಆಗಿದೆ. ನಟಿ ಜಾಕ್ವೆಲಿನ್ ಫರ್ನಾಂಡಿಸ್ ಅವರು ಎಲೋನ್ ಮಸ್ಕ್ ಅವರ ತಾಯಿ ಮಾಯೆ ಮಸ್ಕ್ ಅವರೊಂದಿಗೆ ಸಿದ್ಧಿವಿನಾಯಕ ದೇವಸ್ಥಾನಕ್ಕೆ ಭೇಟಿ ನೀಡಿದರು. ತಾಯಿಯ ನಿಧನ ಬಳಿಕ ಮೊದಲ ಬಾರಿಗೆ ಕಾಣಿಸಿಕೊಂಡ ಜಾಕ್ವೆಲಿನ್ ಫೆರ್ನಾಂಡಿಜ್ ಅವರೊಂದಿಗೆ ಎಲೋನ್ ಮಸ್ಕ್ ಅವರ ತಾಯಿ ಇದ್ದಿದ್ದು ಹಲವರಿಗೆ ಅಚ್ಚರಿ ತಂದಿದೆ
ಸಾಂಪ್ರದಾಯಿಕವಾಗಿ, ಜಾಕ್ವೆಲಿನ್ ತನ್ನ ಕುಟುಂಬದೊಂದಿಗೆ ಚರ್ಚ್ನಲ್ಲಿ ದಿನವನ್ನು ಕಳೆಯುತ್ತಿದ್ದರು, ಆದರೆ ಈ ವರ್ಷ ಈಸ್ಟರ್ ಸ್ವಲ್ಪ ವಿಭಿನ್ನವಾಗಿತ್ತು. ಅವರು ತಮ್ಮ ಸ್ನೇಹಿತೆ, ಪ್ರಸಿದ್ಧ ಸೂಪರ್ ಮಾಡೆಲ್, ಪೌಷ್ಟಿಕತಜ್ಞ ಮತ್ತು ಟೆಕ್ ಉದ್ಯಮಿ ಎಲೋನ್ ಮಸ್ಕ್ ಅವರ ತಾಯಿ ಮಾಯ್ ಮಸ್ಕ್ ಅವರೊಂದಿಗೆ ಸಿದ್ಧಿವಿನಾಯಕ ದೇವಸ್ಥಾನಕ್ಕೆ ಭೇಟಿ ನೀಡಿದರು. ಮಾಯ್ ಪ್ರಸ್ತುತ ತಮ್ಮ 'ಎ ವುಮನ್ ಮೇಕ್ಸ್ ಎ ಪ್ಲಾನ್' ಪುಸ್ತಕದ ಪ್ರಚಾರಕ್ಕಾಗಿ ಭಾರತದಲ್ಲಿದ್ದಾರೆ.
ಎಕ್ಸ್ನಲ್ಲಿ ಮಸ್ಕ್ ಅವರ ಗಿಫ್ಟ್ ಪಡೆದುಕೊಂಡ ಬಳಿಕ ಪೋಸ್ಟ್ ಮಾಡಿದ ಮಾಯ್ ಮಸ್ಕ್, "ಮುಂಬೈನಲ್ಲಿರುವ ನನಗೆ ಈ ಸುಂದರವಾದ ಹುಟ್ಟುಹಬ್ಬದ ಹೂವುಗಳನ್ನು ಕಳುಹಿಸಿದ್ದಕ್ಕಾಗಿ @elonmusk ಗೆ ಧನ್ಯವಾದಗಳು" ಎಂದು ಅವರು ಬರೆದುಕೊಂಡಿದ್ದಾರೆ.
ಮಾಜಿ ಸೂಪರ್ ಮಾಡೆಲ್ ಮತ್ತು ಆಹಾರ ತಜ್ಞೆ ಮಾಯ್ ಮಸ್ಕ್ ಶನಿವಾರ ತಮ್ಮ 77 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡರು ಮತ್ತು ಕಳೆದ ಐದು ವರ್ಷ ಮಕ್ಕಳೊಂದಿಗೆ ತೆಗೆದುಕೊಂಡ ಜನ್ಮದಿನದ ಫೋಟೋಗಳನ್ನು ಹಂಚಿಕೊಂಡರು. ಇದಕ್ಕೆ ಪ್ರತಿಕ್ರಿಯೆಯಾಗಿ, ಎಲೋನ್ ಮಸ್ಕ್ "ಪ್ರೀತಿಯ ಅಮ್ಮ, ಎಲ್ಲದಕ್ಕೂ ಧನ್ಯವಾದಗಳು" ಎಂದು ಬರೆದಿದ್ದಾರೆ.
1948ರಲ್ಲಿ ಕೆನಡಾದ ಸಾಸ್ಕಾಚೆವಾನ್ನ ರೆಜಿನಾದಲ್ಲಿ ಜನಿಸಿದ್ದ ಮಾಯ್ ಮಸ್ಕ್, ಐದು ದಶಕಗಳ ಕಾಲ ಮಾಡೆಲಿಂಗ್ ವೃತ್ತಿಜೀವನವನ್ನು ಹೊಂದಿದ್ದರು. ವೋಗ್, ಸ್ಪೋರ್ಟ್ಸ್ ಇಲ್ಲಸ್ಟ್ರೇಟೆಡ್, WWD, ಮತ್ತು ಹಾರ್ಪರ್ಸ್ ಬಜಾರ್ನಂತಹ ಪ್ರಮುಖ ನಿಯತಕಾಲಿಕೆಗಳ ಮುಖಪುಟಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರು ಆಹಾರ ಪದ್ಧತಿ ಮತ್ತು ಪೌಷ್ಟಿಕ ವಿಜ್ಞಾನದಲ್ಲಿ ಎರಡು ಸ್ನಾತಕೋತ್ತರ ಪದವಿಗಳನ್ನು ಹೊಂದಿದ್ದಾರೆ ಮತ್ತು ಟೊರೊಂಟೊ ವಿಶ್ವವಿದ್ಯಾಲಯದಿಂದ ಆಹಾರ ಪದ್ಧತಿಯಲ್ಲಿ ಡಾಕ್ಟರೇಟ್ ಪದವಿಯನ್ನು ಪಡೆದುಕೊಂಡಿದ್ದಾರೆ.
ಮಕ್ಕಳ ಸೈನ್ಯ ಸೃಷ್ಟಿಸುವುದೇ ಪ್ಲಾನ್, ಜಪಾನ್ ಮಹಿಳೆಗೆ ವೀರ್ಯ ಕಳುಹಿಸಿದ ಎಲಾನ್ ಮಸ್ಕ್
ಈ ವರ್ಷದ ಫೆಬ್ರವರಿಯಲ್ಲಿ ಅಮೆರಿಕಕ್ಕೆ ಅಧಿಕೃತ ಭೇಟಿ ನೀಡಿದ್ದಾಗ ಪ್ರಧಾನಿ ಮೋದಿ ಕೊನೆಯ ಬಾರಿಗೆ ಟೆಸ್ಲಾ ಸಿಇಒ ಎಲೋನ್ ಮಸ್ಕ್ ಅವರನ್ನು ಭೇಟಿಯಾಗಿದ್ದರು. ಆ ಸಮಯದಲ್ಲಿ ಮಸ್ಕ್ ಅವರ ಮೂವರು ಮಕ್ಕಳೊಂದಿಗೆ ಇದ್ದರು. ಗಮನಾರ್ಹವಾಗಿ, ಟೆಸ್ಲಾ ಭಾರತೀಯ ಮಾರುಕಟ್ಟೆಯನ್ನು ಪ್ರವೇಶಿಸುವ ಅಂಚಿನಲ್ಲಿದೆ, ಆದರೆ ಎಲೋನ್ ಮಸ್ಕ್ ಅವರ ಸ್ಟಾರ್ಲಿಂಕ್ ಕೂಡ ದೇಶದಲ್ಲಿ ತನ್ನ ಹೆಜ್ಜೆಗುರುತನ್ನು ವಿಸ್ತರಿಸಲು ನೋಡುತ್ತಿದೆ.
'Best Homecoming Ever' ಸುನೀತಾ ವಿಲಿಯಮ್ಸ್ಗೆ ಪ್ರೀತಿಯ ಸ್ವಾಗತ ನೀಡಿದ ಮುದ್ದಿನ ನಾಯಿಗಳು!
ಜಿಯೋ ಮತ್ತು ಏರ್ಟೆಲ್ ಸ್ಟಾರ್ಲಿಂಕ್ ಸೇವೆಗಳಿಗಾಗಿ ಸ್ಪೇಸ್ಎಕ್ಸ್ ಜೊತೆ ಒಪ್ಪಂದಗಳಿಗೆ ಸಹಿ ಹಾಕಿದ್ದರೂ, ಭದ್ರತೆ ಮತ್ತು ಸ್ಪೆಕ್ಟ್ರಮ್ಗೆ ಸಂಬಂಧಿಸಿದ ಸರ್ಕಾರಿ ಅನುಮೋದನೆಗಳು ಬಾಕಿ ಇರುವುದರಿಂದ ಕಾರ್ಯಾಚರಣೆಗಳು ಪ್ರಸ್ತುತ ಸ್ಥಗಿತಗೊಂಡಿವೆ.
