Chow Chow Bath Review ಸಿಹಿ, ಖಾರ ಬೆರೆತಿರುವ ಸುಂದರ ಪ್ರೇಮ ಕಥನ
ಅರುಣಾ ಬಾಲರಾಜ್, ಸುಶ್ಮಿತಾ ಭಟ್‌, ಸಾಗರ್‌ ಗೌಡ, ಧನುಷ್‌ ಎಸ್‌ ಬೈಕಂಪಾಡಿ, ಸಂಕಲ್ಪ ಶರ್ಮಾ, ಗೀತಾ ಬಂಗೇರ ನಟನೆಯ ಚೌ ಚೌ ಬಾತ್ ಸಿನಿಮಾ ರಿಲೀಸ್ ಆಗಿದೆ.
 )
Followಪ್ರೇಮ ಕತೆಯಲ್ಲಿರುವ ಮಾಧುರ್ಯ, ತಾರುಣ್ಯದ ಸೌಂದರ್ಯ, ಪ್ರೀತಿಯ ಆಹ್ಲಾದ, ಬದುಕಿನ ತಮಾಷೆ ಎಲ್ಲವೂ ಸೇರಿಕೊಂಡಿರುವ ಸರಳ ಸಂಕೀರ್ಣ, ಸುಂದರ ಕಥನ.
ಇಲ್ಲಿ ಮೂರು ಪ್ರೇಮ ಕತೆಗಳನ್ನು ಹೇಳುತ್ತಾರೆ ನಿರ್ದೇಶಕರು. ಆ ಮೂರು ಕತೆಗಳೂ ಒಂದಕ್ಕೊಂದು ಹೆಣೆದುಕೊಂಡಿವೆ. ಆ ಹೆಣಿಗೆಯೇ ಈ ಕತೆಯನ್ನು ಮತ್ತಷ್ಟು ಕುತೂಹಲಕರವನ್ನಾಗಿ ಮಾಡಿದೆ. ಹರೆಯದ ಪ್ರೇಮ ಮತ್ತು ಜೀವನದ ನಿಗೂಢತೆಯನ್ನು ಹದವಾಗಿ ಬೆರೆಸಿ ಒಂದು ಸೊಗಸಾದ ಚಿತ್ರಕತೆಯನ್ನು ರಚಿಸಲಾಗಿದೆ. ಆ ಮಟ್ಟಿಗೆ ಈ ಸಿನಿಮಾ ಲೈವ್ಲಿಯಾಗಿ ಸಾಗುತ್ತದೆ ಮತ್ತು ಸುಂದರವಾಗಿ ಕಾಣುತ್ತದೆ.
MEHABOOB REVIEW ಪ್ರೀತಿಯ ಹಿಂದೆ ಸಾವುಂಟು!
ನಿರ್ದೇಶನ: ಕೇಂಜ ಚೇತನ್‌ಕುಮಾರ್‌
ತಾರಾಗಣ: ಅರುಣಾ ಬಾಲರಾಜ್, ಸುಶ್ಮಿತಾ ಭಟ್‌, ಸಾಗರ್‌ ಗೌಡ, ಧನುಷ್‌ ಎಸ್‌ ಬೈಕಂಪಾಡಿ, ಸಂಕಲ್ಪ ಶರ್ಮಾ, ಗೀತಾ ಬಂಗೇರ
ರೇಟಿಂಗ್: 3
ಜೊತೆಗೆ ಇಲ್ಲಿ ಪ್ರೇಮ ಭಾವದ ಸಂಕೀರ್ಣತೆಯನ್ನೂ ತಣ್ಣಗೆ ದಾಟಿಸಲಾಗಿದೆ.ನಿರ್ದೇಶಕರು ಶ್ರದ್ಧೆಯಿಂದ ಕತೆ, ಚಿತ್ರಕತೆ ರಚಿಸಿ ಅದಕ್ಕೆ ಹೊಸ ಕಾಲದ ತರುಣ, ತರುಣಿಯರನ್ನು ಪಾತ್ರಗಳನ್ನಾಗಿಸಿದ್ದಾರೆ. ಆ ಎಲ್ಲಾ ಕಲಾವಿದರೂ ಇಲ್ಲಿನ ಪಾತ್ರಗಳಿಗೆ ಜೀವ ತುಂಬಿ ಕಥೆಗೊಂದು ಆಹ್ಲಾದತೆ ತಂದಿದ್ದಾರೆ. ಜೊತೆಗೆ ತಾಯಿ ಪಾತ್ರದಲ್ಲಿ ನಟಿಸಿರುವ ಅರುಣಾ ಬಾಲರಾಜ್ ಈ ಚಿತ್ರಕ್ಕೆ ಮತ್ತು ಕತೆಗೆ ಘನತೆ ತಂದಿದ್ದಾರೆ.
Somu Sound Engineer Review ತೀವ್ರ ಗಾಢ ಭಾವಗಳ ಆರ್ದ್ರ ಕಥನ
ಈ ಚಿತ್ರದ ಹೆಸರಲ್ಲೇ ಖಾರ ಮತ್ತು ಸಿಹಿ ಇರುವಂತೆ ಈ ಚಿತ್ರದಲ್ಲೂ ಸಿಹಿಯೂ ಖಾರವೂ ಬೆರೆತುಕೊಂಡಿದೆ. ಸಿಹಿಯಾದ ಭಾವಗಳೂ, ಖಾರ ಕಟು ವಾಸ್ತವವೂ ಸೇರಿಕೊಂಡು ಇದಕ್ಕೊಂದು ವಿಶಿಷ್ಟ ಫ್ಲೇವರ್ ಪ್ರಾಪ್ತವಾಗಿದೆ. ಈ ನಿಟ್ಟಿನಲ್ಲಿ ಪ್ರತಿಯೊಬ್ಬ ಕಲಾವಿದರು, ಸಂಗೀತ ನಿರ್ದೇಶಕ ಹೇಮಂತ್ ಜೋಯಿಸ್, ಛಾಯಾಗ್ರಾಹಕ ರುದ್ರಮುನಿ ಬೆಳಗೆರೆ, ನಿರ್ದೇಶಕರು ಸೇರಿದ ಈ ತಂಡದ ಪ್ರಯತ್ನ ಶ್ಲಾಘನೀಯ.
