ದಾಲ್ ಸರೋವರದ ಬಳಿಕ ನವ್ರೆ ಆಚರಿಸಿದ ಕಾಶ್ಮೀರಿ ಪಂಡಿತರುಮಾತಾ ಶಾರಿಕಾ ದೇವಿ ದೇವಸ್ಥಾನದಲ್ಲಿ ಕಾಶ್ಮೀರಿ ಪಂಡಿತರ ವಿಶೇಷ ಪ್ರಾರ್ಥನೆಸರ್ಕಾರ ಹಾಗೂ ಜಮ್ಮುಕಾಶ್ಮೀರದ ಆಡಳಿತದ ಧನಾತ್ಮಕ ಕಾರ್ಯಗಳಿಗೆ ಮೆಚ್ಚುಗೆ 

ಶ್ರೀನಗರ (ಏ. 2): 1990ರಲ್ಲಿ ನಡೆದ ಹತ್ಯಾಕಾಂಡದ ಬಳಿಕ ಕಾಶ್ಮೀರ ಕಣಿವೆಯನ್ನು (Kashmir Valley) ತೊರೆದಿದ್ದ ಪಂಡಿತ ವರ್ಗ (Kashmiri Pandits ), ಅಂದಾಜು 32 ವರ್ಷಗಳ ಬಳಿಕ ಕಾಶ್ಮೀರದಲ್ಲಿ ಹಬ್ಬವನ್ನು ಆಚರಿಸಿದ್ದಾರೆ. ಶ್ರೀನಗರ (Sri Nagar) ನಗರದ ದಾಲ್ ಸರೋವರದ (Dal Lake) ದಡದಲ್ಲಿ ಹೊಸ ವರ್ಷದ 'ನವ್ರೆ' (Navreh ) ಹಬ್ಬವನ್ನು ಆಚರಿಸಿದರು. ಕಾಶ್ಮೀರಿ ಪಂಡಿತರ ಕ್ಯಾಲೆಂಡರ್ ಪ್ರಕಾರ, ನವರೇಹ್ ಅಥವಾ ನವ್ರೆ ಹೊಸ ವರ್ಷದ ಮೊದಲ ದಿನವಾಗಿದೆ.

ಅದಾದ ಬಳಿಕ ಮಾತಾ ಶಾರಿಕಾ ದೇವಿ (Mata Sharika Devi temple) ದೇವಸ್ಥಾನದಲ್ಲಿ ಕಾಶ್ಮೀರಿ ಪಂಡಿತರು ವಿಶೇಷ ಪ್ರಾರ್ಥನೆ (special prayers) ಸಲ್ಲಿಸಿದರು. ಈ ದೇವಾಲಯವು ಹಳೆಯ ಶ್ರೀನಗರದ ಮಧ್ಯದಲ್ಲಿರುವ 'ಹರಿ ಪರ್ಬತ್' (Hari Parbat)ಎಂಬ ಬೆಟ್ಟದ ಮೇಲೆ ನೆಲೆಗೊಂಡಿದೆ. ಪಂಡಿತರು ಕಾಶ್ಮೀರವನ್ನು ತೊರೆಯುವ ಮುನ್ನ ಸ್ಥಳೀಯ ಪಂಡಿತರು ಈ ದೇವಾಲಯದಲ್ಲಿ ಹೊಸ ವರ್ಷದ ಆರಂಭವನ್ನು ಆಚರಿಸುತ್ತಿದ್ದರು.

ಕಳೆದೆರಡು ವರ್ಷಗಳಲ್ಲಿ ಕಣಿವೆಯಲ್ಲಿ ಪರಿಸ್ಥಿತಿ ಸುಧಾರಿಸಿದೆ ಎಂದು ಸಂಭ್ರಮಾಚರಣೆಗೆ ನೆರೆದಿದ್ದವರು ಹೇಳಿದರು. ಭಯೋತ್ಪಾದನೆ ಘಟನೆಗಳ ಸಂಖ್ಯೆಯೂ ಕಡಿಮೆಯಾಗಿದೆ. ಜನರು ಆಡಳಿತ ಮತ್ತು ಸರ್ಕಾರ ಕೈಗೊಂಡ ಸಕಾರಾತ್ಮಕ ಕ್ರಮಗಳ ಬಗ್ಗೆ ವಿಶ್ವಾಸ ವ್ಯಕ್ತಪಡಿಸಿದ್ದಲ್ಲದೆ, ಭವಿಷ್ಯದ ದಿನಗಳಲ್ಲಿ ತಾಯ್ನಾಡಿಗೆ ಮರಳುವ ಬಗ್ಗೆಯೂ ಯೋಚನೆಯಲ್ಲಿರುವುದಾಗಿ ಹೇಳಿದ್ದಾರೆ.

Scroll to load tweet…


ಓಲ್ಡ್ ಶ್ರೀನಗರದ ಹಬ್ಬಾ ಕಡಲ್ ಪ್ರದೇಶದ ಸ್ಥಳೀಯ ಕಾಶ್ಮೀರಿ ಪಂಡಿತರೊಬ್ಬರು ಈ ಸಂದರ್ಭದಲ್ಲಿ ಮಾತನಾಡಿದ್ದು,"ನನ್ನ ಆತ್ಮವು ಕಣಿವೆಯಲ್ಲಿ ವಾಸಿಸುತ್ತಿದೆ, ಇದು ನನ್ನ ರಾಷ್ಟ್ರ ಮತ್ತು 1990 ರಲ್ಲಿ ಈ ಪ್ರದೇಶವನ್ನು ತೊರೆಯುವ ಸಮಯದಲ್ಲಿ ನನ್ನ ಹೆತ್ತವರು ಕೊಲ್ಲಲ್ಪಟ್ಟರೂ ನಾನು ಕಾಶ್ಮೀರವನ್ನು ಬಿಟ್ಟು ಹೋಗಲಿಲ್ಲ" ಎಂದು ಹೇಳಿದ್ದಾರೆ. "ನಾನು ಕಳೆದ 32 ವರ್ಷಗಳಿಂದ ಈ ದೇವಾಲಯದಲ್ಲಿ ಪ್ರಾರ್ಥನೆ ಮಾಡುತ್ತಿದ್ದೇನೆ ಆದರೆ ಇಂದು ಕಾಶ್ಮೀರ ಬದಲಾಗುತ್ತಿದೆ ಎಂದು ನಾನು ಭಾವಿಸುತ್ತೇನೆ. ಅನೇಕ ಜನರು ಇಂದು ದೇವಾಲಯದಲ್ಲಿ ಜಮಾಯಿಸಿದ್ದಾರೆ" ಎಂದು ಅವರು ಹೇಳಿದರು.

31 ವರ್ಷಗಳ ನಂತರ ಕೋರ್ಟ್‌ ಕಟಕಟೆಗೆ ಕಾಶ್ಮೀರದ ನರರಾಕ್ಷಸ!

1989-1990ರಲ್ಲಿ ಕಣಿವೆಯಲ್ಲಿ ನಡೆದ ಕಾಶ್ಮೀರಿ ಪಂಡಿತರ ಸಾಮೂಹಿಕ ಹತ್ಯೆಯ ಕುರಿತು ತನಿಖೆ ನಡೆಸುವಂತೆ ಕೋರಿ ಸಲ್ಲಿಸಿದ್ದ ಮನವಿಯನ್ನು ಸುಪ್ರೀಂ ಕೋರ್ಟ್ 2017ರಲ್ಲಿ ವಜಾಗೊಳಿಸಿತ್ತು. ನಂತರ, ಈ ವಿಷಯದಲ್ಲಿ ಸಲ್ಲಿಸಿದ್ದ ಮರುಪರಿಶೀಲನಾ ಅರ್ಜಿಯನ್ನೂ ಅದು ವಜಾಗೊಳಿಸಿತ್ತು. ಈ ವಿಷಯದ ಮೇಲೆ ಇತ್ತೀಚೆಗೆ 'ದಿ ಕಾಶ್ಮೀರ್ ಫೈಲ್ಸ್' ಎಂಬ ಚಲನಚಿತ್ರವನ್ನು ನಿರ್ಮಿಸಲಾಗಿದೆ. ವಿವೇಕ್ ಅಗ್ನಿಹೋತ್ರಿ ಬರೆದು ನಿರ್ದೇಶಿಸಿದ ಮತ್ತು ಜೀ ಸ್ಟುಡಿಯೋಸ್ ನಿರ್ಮಿಸಿದ ಈ ಚಲನಚಿತ್ರವು 1990 ರ ದಶಕದಲ್ಲಿ ಕಣಿವೆಯಿಂದ ಕಾಶ್ಮೀರಿ ಪಂಡಿತರ ಹತ್ಯೆಗಳು ಮತ್ತು ನಿರ್ಗಮನವನ್ನು ಚಿತ್ರಿಸುತ್ತದೆ.

The Kashmir Files: ಬಾಕ್ಸಾಫೀಸ್‌ನಲ್ಲಿ ಕಾಶ್ಮೀರ್ ಫೈಲ್ ಅನಿರೀಕ್ಷಿತ ದಾಖಲೆ!

ಹೆಚ್ಚಿನ ಸಂಖ್ಯೆಯ ಜನರು ಆಚರಣೆಯಲ್ಲಿ ಪಾಲ್ಗೊಂಡರು ಮತ್ತು ಒಟ್ಟಾರೆಯಾಗಿ ಇಡೀ ಮಾನವಕುಲದ ಶಾಂತಿ ಮತ್ತು ಸಮೃದ್ಧಿಗಾಗಿ ಪ್ರಾರ್ಥನೆಗಳನ್ನು ನಡೆಸಲಾಯಿತು. ಅದರಲ್ಲೂ ವಿಶೇಷವಾಗಿ ಕಾಶ್ಮೀರಕ್ಕಾಗಿ ಪ್ರಾರ್ಥನೆ ನಡೆಸಲಾಯಿತು. ದೇವಸ್ಥಾನದ ಕಾರ್ಯನಿರ್ವಹಣೆಯ ಟ್ರಸ್ಟ್‌ನ ಟ್ರಸ್ಟಿ ಮುರಾರ್ಜಿ ಕೌಲ್ ಮಾತನಾಡಿ, ಕಣಿವೆಯ ವಿವಿಧ ಸಮುದಾಯಗಳ ನಡುವಿನ ಸಾಂಪ್ರದಾಯಿಕ ಸಹೋದರತ್ವ ಬಾಂಧವ್ಯವನ್ನು ಬಲಪಡಿಸಲು ವಿಶೇಷ ಪ್ರಾರ್ಥನೆಗಳು ನಡೆದವು ಎಂದು ಹೇಳಿದರು. "ವಿವಿಧ ಛಾಯೆಗಳ ರಾಜಕೀಯ ಶಕ್ತಿಗಳಿಂದ ಈ ಸಹೋದರತ್ವಕ್ಕೆ ಅಪಾರ ಹಾನಿ ಉಂಟಾದರೂ, ಬಹುಸಂಖ್ಯಾತ ಸಮುದಾಯ ಮತ್ತು ಪಂಡಿತ ಸಮುದಾಯದ ನಡುವಿನ ಬಾಂಧವ್ಯಗಳು ಎಂದಿನಂತೆ ಗಟ್ಟಿಯಾಗಿ ಉಳಿದಿವೆ ಮತ್ತು ತಡವಾಗಿ ಅವುಗಳನ್ನು ಇನ್ನಷ್ಟು ಬಲಪಡಿಸುವ ಹೊಸ ಪ್ರಯತ್ನಗಳಾಗಿವೆ" ಎಂದು ಅವರು ಹೇಳಿದರು.