ಇಂದಿನಿಂದ 40 ಕ್ಲೋನ್ ರೈಲು ಸಂಚಾರ ಶುರು!
ಸೋಮವಾರದಿಂದ 40 ಕ್ಲೋನ್ ರೈಲು ಸಂಚಾರ ಶುರು| ಮೂಲ ರೈಲಿಗಿಂತ 3 ತಾಸು ಮೊದಲೇ ಗಮನಕ್ಕೆ
ನವದೆಹಲಿ(ಸೆ.21): ಸೋಮವಾರದಿಂದ 40 ‘ತದ್ರೂಪಿ ರೈಲು’ (ಕ್ಲೋನ್ ಟ್ರೇನ್) ಸಂಚಾರ ಆರಂಭಿಸಲಿವೆ. ವೇಟಿಂಗ್ ಲಿಸ್ಟ್ನಲ್ಲಿರುವ ಪ್ರಯಾಣಿಕರು ಹಾಗೂ ಕೊನೇ ಕ್ಷಣದಲ್ಲಿ ಪ್ರಯಾಣದ ಪ್ಲ್ಯಾನ್ ಮಾಡಿಕೊಳ್ಳುವವರಿಗೆ ಇದರಿಂದ ನೆರವಾಗಲಿದೆ.
ಅಧಿವೇಶನ: ಕಡ್ಡಾಯ ಟೆಸ್ಟ್ನಲ್ಲಿ ಸಚಿವ ಸರೇಶ್ ಅಂಗಡಿಗೆ ಕೊರೋನಾ ದೃಢ
ಮೂಲ ರೈಲಿನ ನಿಗದಿತ ಸಮಯದ ಮುನ್ನ ಹಾಗೂ ಮೂಲ ರೈಲಿನ ಸಂಖ್ಯೆಯಲ್ಲೇ ತದ್ರೂಪಿ ರೈಲು ಸಂಚಾರ ಆರಂಭಿಸುತ್ತದೆ. ಮೂಲ ರೈಲು ತಲುಪುವ ನಿಗದಿತ ಸಮಯದ 2-3 ತಾಸು ಮೊದಲೇ ಇದು ಗಮ್ಯ ಸ್ಥಳ ತಲುಪುತ್ತದೆ. ಮೂಲ ರೈಲಿಗಿಂತ ಕಡಿಮೆ ನಿಲುಗಡೆ ಹಾಗೂ ಹೆಚ್ಚು ವೇಗ ಹೊಂದಿರುತ್ತದೆ. ಇವುಗಳಲ್ಲಿ ಹೆಚ್ಚಿನವು 3 ಟಯರ್ ಎಸಿ ಕೋಚ್ ಹೊಂದಿರುವ ರೈಲುಗಳಾಗಿವೆ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ. ಕ್ಲೋನ್ ರೈಲುಗಳಿಗೆ ರೈಲು ಸಂಚರಿಸುವ 10 ದಿನದ ಮುನ್ನ ಟಿಕೆಟ್ ಬುಕ್ ಮಾಡಲು ಅವಕಾಶವಿದೆ. ಬುಕ್ಕಿಂಗ್ ಸೆ.19ರಿಂದಲೇ ಆರಂಭವಾಗಿದೆ.
ಕರ್ನಾಟಕದ ರೈಲುಗಳು:
ವಾಸ್ಕೋ- ಹಜರತ್ ನಿಜಾಮುದ್ದೀನ್ (ಬೆಳಗಾವಿ ಮೂಲಕ), ಬೆಂಗಳೂರು- ದಾನಾಪುರ, ಯಶವಂತಪುರ- ನಿಜಾಮುದ್ದೀನ್
ಬೆಂಗ್ಳೂರು-ಮೈಸೂರು ಸೇರಿ 80 ವಿಶೇಷ ರೈಲು: ಟಿಕೆಟ್ ಬುಕ್ಕಿಂಗ್ ಇಂದಿನಿಂದ ಆರಂಭ
ಕರ್ನಾಟಕದಲ್ಲಿ ಸಂಚರಿಸುವ 6 ಕ್ಲೋನ್ ರೈಲು
- ವಾಸ್ಕೋ-ಹಜರತ್ ನಿಜಾಮುದ್ದೀನ್ (ದಿಲ್ಲಿ) ಗೋವಾ ಎಕ್ಸ್ಪ್ರೆಸ್ ರೈಲು ಬೆಳಗಾವಿ ಮಾರ್ಗವಾಗಿ ಸಂಚಾರ. ಪ್ರತಿ ಶುಕ್ರವಾರ ಮಧ್ಯಾಹ್ನ 12.30ಕ್ಕೆ ವಾಸ್ಕೋದಿಂದ ಯಾನ. ರೈಲಿನ ಸಂಖ್ಯೆ 07379.
- ಹಜರತ್ ನಿಜಾಮುದ್ದೀನ್-ವಾಸ್ಕೋ ರೈಲು ಪ್ರತಿ ಭಾನುವಾರ ಮಧ್ಯಾಹ್ನ 1ಕ್ಕೆ ನಿಜಾಮುದ್ದೀನ್ನಿಂದ ಸಂಚಾರ. ಬೆಳಗಾವಿ ಮಾರ್ಗವಾಗಿ ಯಾನ. ರೈಲಿನ ಸಂಖ್ಯೆ 07380.
- ಬೆಂಗಳೂರು-ದಾನಾಪುರ (ಪಟನಾ) ರೈಲು ಪ್ರತಿ ಸೋಮವಾರ ಬೆಳಗ್ಗೆ 8ಕ್ಕೆ ಬೆಂಗಳೂರಿನಿಂದ ಸಂಚಾರ. ರೈಲು ಸಂಖ್ಯೆ 06509.
- ದಾನಾಪುರ-ಬೆಂಗಳೂರು ರೈಲು ಪ್ರತಿ ಬುಧವಾರ ದಾನಾಪುರದಿಂದ ಮುಂಜಾನೆ ಸಂಜೆ 6.10ಕ್ಕೆ ಸಂಚಾರ. ರೈಲು ಸಂಖ್ಯೆ 06510.
- ಯಶವಂತಪುರ-ನಿಜಾಮುದ್ದೀನ್ ಎಕ್ಸ್ಪ್ರೆಸ್ ಪ್ರತಿ ಬುಧವಾರ ಹಾಗೂ ಶನಿವಾರ ಯಶವಂತಪುರದಿಂದ ಮಧ್ಯಾಹ್ನ 1.55ಕ್ಕೆ ಸಂಚಾರ. ಹುಬ್ಬಳ್ಳಿ, ಬೆಳಗಾವಿಯಲ್ಲಿ ನಿಲುಗಡೆ. . ರೈಲು ಸಂಖ್ಯೆ 06523
- ನಿಜಾಮುದ್ದೀನ್-ಯಶವಂತಪುರ ರೈಲು ಪ್ರತಿ ಶನಿವಾರ ಹಾಗೂ ಮಂಗಳವಾರ ಬೆಳಗ್ಗೆ 8.45ಕ್ಕೆ ನಿಜಾಮುದ್ದೀನ್ನಿಂದ ಸಂಚಾರ. ಬೆಳಗಾವಿ, ಹುಬ್ಬಳ್ಳಿಯಲ್ಲಿ ನಿಲುಗಡೆ. ರೈಲು ಸಂಖ್ಯೆ 06524.